青悅 (Closed)

無色無味要求加茶 水吧同事將冰倒左佢 仲好多晦氣說話 唔知道有冇人在這里飲過佢哋的凍檸茶 請大家分享下呢間本身係我好鐘意的餐廳 經過今次的經歷我諗我以後都唔會再幫襯 真的令人好失望

今日黎到青衣城見呢間越南野 就諗都唔諗想試 因為本人都幾鐘意食越南野但係企左係門口一陣又無人招呼 入面同事企埋一齊吹水定唔知真係好忙 望到我企係度但都係無人理我 咁好啦 咁多位 咪自己行入去坐囉 坐左一陣見到無人俾餐牌我 咁唯有舉手叫 點知一位四眼鬍鬚男服務員走埋黎串我 話我係自己行入黎無餐牌係正常 因為呢度係門口等帶位其實都幾好笑 頭先我企門口果陣係無人理 ⋯依家同我講呢啲😏態度真係好差叫左個濕炒豬頸肉河炒因為太多選擇想試吓d平時少食既野試下 等左大概20分鐘先有食物 點知碟野出到黎 肉又少河粉又少⋯份量真係似足兒童餐 同左位女服務員講 佢只係講左句 份量係正常(無語) 咁好啦 最多中一次伏以後唔再去囉 叫埋單 原來又規定要行出去埋單但又要收加一服務費既？ 行到去埋單果時睇到眼都突埋果碗野入面咁多屍體既?仲要放係d餐具旁邊⋯真心好嘔突 好唔衛生 真心唔推介呢間野⋯態度差 食物份量又少 仲要衛生都咁差

Intro: 青衣城呢幾年多左餐廳，喺一期二樓（近海旁）有一間主打越式嘅料理，平日午市嘅價錢會平少少，大約80蚊埋單，須加一，而配指定熱飲例如熱蜂蜜檸檬；___________________🍽 鳳梨豬肉炒飯💰 69（須加一，配指定熱飲） ⭐️8/10✍🏻 豬肉嘅份量唔多，但配料有鳳梨粒、腰果、肉鬆、蛋、粟米等等；✍🏻 炒飯炒得偏濕左少少，但個人覺得呢個濕度好夾配料，比乾炒會更好；✍🏻 鳳梨粒又香又甜，令呢款炒飯嘅味道配搭更好；🍽 越式海鮮炒金邊粉💰 69（須加一，配指定熱飲）⭐️7.5/10✍🏻 呢款炒金邊粉唔係茄汁咁炒，算係比較原味，口感似更幼嘅河炒河；✍🏻 海鮮配搭單一，真係偏少，有時會食到蛋碎同帶子粒，但帶子粒真係好細粒，但絕對唔少食到雪味；✍🏻 金邊粉嘅油膩度低，炒得唔會痴埋一舊，算係有穫氣。🍽 越式濕炒豬頸肉河💰 69（須加一，配指定熱飲） ⭐️6/10✍🏻 呢款河粉都比正常嘅河粉幼少，比金邊粉粗少少；✍🏻 但濕炒就令到河粉無乜味，平平無奇；✍🏻 豬頸肉有六塊，唔算好厚，唔夾濕炒河，好似無埋一齊炒嘅感覺。___________________🏠 青悅Lime Garden📍 青

食晚餐洛左單半個鐘，隔離坐低洛單好快有，問一問話幫我追一追😒先俾單我，原來漏單。野食還可以，冇特別，嘢食偏偏甜，炭燒豬扒以前食過幾好食依家差咗，撈檬汁都偏甜。

去完迪士尼又來到要找吃的時間，這次去了青衣城。青悅 是一間提供越式及泰式河粉及飯麵類為主的餐廳。星期六下午3點多也有下午茶套餐喔，而且不用等位。餐廳以湖水綠色作為主色調，座位都幾舒服。🍜火車頭湯河粉 湯底不會太濃或者太淡，有生牛肉、牛腩、牛柏葉等。喜歡吃牛的話可選這個吧。🍜海鮮喇沙味道偏甜，喜歡椰味較重的喇沙﹐有點微辣就更惹味。不過海鮮料不算很多，這有點美中不足呢。下午茶套餐有包飲品，但如果飲泰式奶茶之類就要加錢。

呢間舖頭喺青衣城都屹立咗好多年啊，每次食晏嘅時候呢都好多人，我食咗幾年，發現佢都保持到水準嘅！所以就要推薦下啦！我都係鍾意食個法式牛柳粒配紅飯，特別鍾意依個蕃茄汁，因為做得好好食！如果牛肉份量多啲就好啦🤣🤣🤣我個同事叫咗炭燒豬頸肉同埋香茅豬扒嘅雙拼飯。炭燒豬頸肉呢好多炭香味，香茅豬扒呢就有陣清香味。仲點咗個飛天通菜，一樣係炒得夠晒鑊氣！I have been in this mall for a long time, this restaurant is one of my recommendations 👍

假日到大澳半日游💦，之後經東涌到了青衣食晚飯😌，選擇了泰國菜🇹🇭和越南菜🇻🇳都有的青悅Lime Garden蛋包海鮮金邊粉&馬拉盞炒翡翠苗🔺金邊粉好好味😋但所謂海鮮只有兩隻蝦和三隻帶子🤣火車頭河粉🔺味道正常😅

突然想感受泰國風味😋每一樣都好味🤤每次去完迪士尼，就算幾攰都好都要食飯🤭1️⃣炭燒香草豬頸肉冇燒到乾柴，好味～2️⃣大頭蝦冬蔭功湯蝦頭有蝦膏，所以個湯鮮味十足3️⃣泰式魷魚粒炸蝦餅必點🌟有魷魚粒增加口感4️⃣牛油果芒果軟殼蟹米紙卷有水果解油膩都唔錯5️⃣金不換香辣牛肉炒河正常發揮6️⃣馬拉盞炒翡翠苗好惹味，好味

入黎之前都有望下啲食評，最後都決定試下！！可能系下午茶時間，里面吾多客，枱凳都幾整齊，之後就被安排去到梳化位，不過美中不足就系梳化啲皮爆曬，睇上去吾系咁好，不過好在，我坐既位置冇呢個情況，同埋服務員態度都幾好，誠懇且專業，未見到其他食評上出現既野。講到食物，呢間記然系越式野食，一定要試下越式檬粉，跟住我叫左個"越式海南雞絲扎肉湯河",因為餐牌上邊冇寫可以轉檬粉，之後我問左一下服務員，之後佢話有，實在太好啦，希望餐牌可以清晰d,最後就配多杯凍檸檬茶。等左大概10分鐘左右，粉+茶都齊上，仲要配多一支佢地自家制魚露(勸大家食得下酸先好叫)，魚露加左湯粉上邊，湯既味湯岩岩好，特別加埋魚露，好開胃，特別依家呢個天氣，岩岩好，湯粉餸和配菜都足料既，可以一試，最後杯凍檸檬茶，不過不失啦，同出邊茶記差吾多。好彩今次就冇伏到，體驗都吾錯既，並冇其他評論講到咁誇張，今次埋單就差吾多60蚊，可能我冇點其他野食，下次再黎試下其他吧！！以上系今次個人體驗既觀點！！

一直都知道青衣是個美食荒漠，所以每次嚟青衣城食嘢都只係為咗隨便食啲嘢食完就算，大概是冇期望就冇失望，所以覺得依間越南野味道都正常，不過服務的確失佳法式牛柳粒炒紅飯 $62 推薦指數🗯️：🌟🌟🌟一上枱我都呆左，啲飯多到夠兩個人分享，唔係我講笑，個磚飯壓實晒，絕對有兩碗嘅份量，一個人食根本食唔晒，不過牛柳粒的份量就沒有這麼多，所以食到一半的時候已經冇晒牛柳粒，同埋醬汁味道偏濃，但本身炒飯已經用咗蕃茄醬去炒，味道不太配酸辣鳳瓜 跟餐價$20 推薦指數🗯️：🌟🌟🌟因為突然間好想食酸辣鳳瓜 ，就跟餐叫了一份，味道偏酸，冇咩辣味，而且看似很多，但實則上鳳爪得幾舊，其他全部都係蘿蔔絲同扎肉火車頭湯河 $64 推薦指數🗯️：🌟🌟整碗粉除咗河粉和牛丸比較好吃，其他真係好一般，生牛肉食落一啲都唔嫩好老，而且他們的牛筋竟然係粉紅色🫢問過職員職員話係正常，但係真心第一次見有粉紅色的牛筋，最後職員都話有機會係貨源問題先咁粉，換咗一碗生牛肉河俾我哋⋯⋯咁一開始就話係貨源問題唔係好啲咩？😮‍💨仲要話係正常泰式奶茶 + 龍眼水味道正常，而且泰式奶茶真係用泰式那種花奶，依一點幾值得稱讚以上均是我個人觀感，每個人嘅口味各有不同

幾年前來過食，印象中青咖喱荔枝豬頸肉煲好味～ 今次剛好路經再試，個青咖喱keep到水準，辣辣地好惹味，再叫咗個蒜蓉包配汁，可惜蒜蓉包完全唔熱又唔算脆。另外，個蒸粉包都好出色，內有肉碎仲加了黑椒，少少辣，感覺好特別，唔會好濟。雞肉喇沙麵就一般，不是特別推介。但服務態度真係不敢恭維，坐低好耐都沒有送上一杯水，連隔離枱的客人也忍不住講「水都無杯」；然後有侍應見到我舉手示意點餐，我地四目相對，佢都無動於衷，扮睇唔到。服務質素與餐廳價格定位完全不符。P.s. 食咗一半先記得影相，蒸粉包有四件

我很失望地發現，這家餐廳的服務生態度非常差，缺乏禮貌和熱情。- 客人在這家餐廳很難獲得良好的服務體驗，因為服務生的態度很不好。- 雖然這家餐廳的食物質量不錯，但是他們的服務生卻缺乏對客人的關注和關心，這讓整個用餐體驗大打折扣。- 我不得不說，這家餐廳的服務生態度真的很差，他們的冷淡和不耐煩讓客人感到很不受歡迎。

下午茶原來冇得外賣，店外餐牌冇寫俾錢時先講用午餐價錢打折，貴過下午茶叫我可堂食，冇禮貌、可做可唔做嘅態度到入去攞外賣時，成個area冇客，已經見到個樓面包緊我個餐，都仲要俾人叫返出去門口等，前後只相差幾秒一男一女後生樓面冇服務態度可言，不知所謂返嚟打開個餐賣相仲差過自己喺屋企整公仔面嘅垃圾

前幾日去呢間餐廳同屋企人食嘢，去到門口見到未有人叫入去坐就諗住等下，等咗15分鐘仲未見到有人招呼但明明入面冇咩客，D侍應同個女經理就企係入面唔理我哋。咁算啦我哋就自己入去坐，坐低之後又冇餐牌，咁我哋咪問個女經理攞餐牌，之後我哋照叫野食，我哋叫咗個豬排撈檬同生牛河，個牛河都叫正常，個豬排就粉粉地色好似未熟，於是我就同個女經理講啦，點知佢望完兩眼就話D豬排係咁架啦，完全冇諗住幫我換過份。我哋嬲到走人冇食……我諗體驗完今次嘅服務之後 應該唔會再幫襯呢間野

兩日前我同同事去呢間餐廳食飯 嗰陣係lunch時間好多人排隊，於是我哋就禁飛等安排，點知企係reception 嗰女侍應？定唔知經理係唔跟Number安排人入去，見到有位就隨便帶人入，我見到有啲似過我來嘅人都入咗去，於是我就同嗰個女經理定唔知經理講 佢先俾我哋入我哋驚咁多人就嗱嗱聲嗌嘢食 等咗五個字先有嘢食到，我都明lunch hour咁忙一定要等所以都冇所謂，但係我哋食咗半個鐘左右，D侍應就不停行黎想收野，我哋話未食完先至冇收走，冇幾耐我見到個女經理？走黎收咗隔離枱D野食，個枱嘅客人呆咗，我都呆咗。畀錢我同個女經理講可以試下唔洗咁急收人D野食，但佢並沒有俾反應。希望可以改善一下服務態度。