Little Break Coffee & Kitchen (Closed)

☕️ 食物：👍🏻👍🏻👍🏻 /5  💰CP值：👍🏻👍🏻 /5 🤵🏻 服務：👍🏻👍🏻/5 🛋 環境：👍🏻👍🏻👍🏻 /5平時星期六同日，Little Break Coffee & Kitchen 都會排長龍，好多人等，見今日少人啲，所以就試下呢間餐廳啦～Malina Clam Pot因為同朋友食左D野，所以兩個人Share呢個煲，份量就岩岩好，我地擇左墨西哥辣味蕃茄汁拼蒜蓉法包，D蜆肉味道幾新鮮，湯底配埋個法包都惹味 ～

平日下午入去 諗住食個下午茶得2-3枱 一入去 店員已講 只有90分鐘用餐無問題 我地3個人 叫左2個食物 2杯野飲諗住輕吃 其中1位食野 2位飲野叫完餐 店員冇講其他野跟住上餐 差不多食完時店員突然再講：我地最低消費每人一杯野飲點解唔係落完單既時候講？ 係我地幾乎要食完 走陣先講難道叫野食不是消費嗎？好 唔緊要 再叫一杯消費左$240 跟住 店員再講 未滿$300唔可以簽卡很多不便 所以唔好意思啦 下次唔會再幫襯食物很普通 咖啡亦無特別勸大家要去既 記得人頭叫野飲因為叫食野係唔計消費的🤗

係OpenRice 搵到呢間野，睇相以為好chill, 原來只係個室外睇落好靚，室內裝修好普通，而且好迫。同平時啲樓上Cafe，佢好少少🤏環境第一差；第二食物差，嗌左和牛漢堡，點知個漢堡扒好多筋，又唔juicy 無乜肉味，食到我想嘔，吞唔到落肚、真係太多筋。第三差，就係價錢方面，頭先個咁差嘅和牛漢堡HKD$178,加埋一就成兩舊水，食落差shakeshack 九條街。佢如果賣60蚊，我無野講，佢只值60蚊，賣200 就係太over.以為漢堡跟薯條，點知原來係跟薯仔，薯條另加錢。beans 都好過佢。唔會再來。

記得星期五中午時間. 可能係Happy Friday餐廳都有8-9成既入座率.下着雨進入餐廳 店員有禮貌咁問有無訂位 然後著我和友人寫紙仔 便安排入座.餐廳裝潢都算簡單暖和. 氣氛唔錯 可能鄰近Office , 都好多上班族係到食Lunch我就點左款軟殼蟹龍蝦汁意大利飯$168如果lunch time 黎講 個人就覺得偏貴左小小😂 首先就黎左餐湯 同埋麵包做前菜大約等左15分鐘就上埋主菜 好熱辣辣 同埋食得出有龍蝦汁 唔錯😛 同埋最重要就係 軟殼蟹係即炸個隻 好熱 好脆👍🏻之後仲貪得意點左杯 熱既黑芝麻竹炭latte ! 咁杯野飲就唔算話味道好特出 不過不失 . 但佢既拉花 我就覺得好靚. 如果係想拎黎打卡都唔錯既😹

第一次用外賣平台頂Little break coffee. 叫咗個鵝肝蘚菌意大利飯，飯同鵝肝味道都算ok，但成盒野非常細盒同好多油，幾啖就食完。應該不會有下次

係d2附近是但搵左間就入去食竹炭包暖暖地，好軟熟，好味三文魚pizza個醬汁好好味，令人好開胃。餅底係薄身同脆口既，加埋火箭菜成個配搭都唔錯炸薯條其中一個醬係冬蔭公味，出乎意料地夾，唔錯不過以上咁多再加一杯凍檸茶，每人都要$170左右，性價比低

荔枝角地標D2Place行完街就去左呢間💛餐廳🍴空間唔算大,咁啱可以坐卡位都尚算舒服,友人為我慶生自備生日插牌 ,店員都好好,秘密進行,只要叫甜品佢就幫你準備好埋!______________________________🎂ʍɨֆֆ ʟɨօռռ🦁評分：8/10🥬羽衣甘藍沙律配雞胸肉雞胸肉煮得唔錯,仲嫩滑加埋黑椒幾好味,羽衣甘藍下面仲有藜麥,超高營養又健康！🍝大蝦比目魚天使麵比目魚煎得好香,大蝦淡淡肉配埋炒香左嘅天使麵,海鮮味入哂個麵到,不過稍為油膩左少少🎂朱古力心太軟配香草雪糕可惜嘅地方係心太軟用杯載,無得睇到流心嘅效果,味道中規中矩,有濃濃朱古力味🍵綠茶鮮奶咖啡拉花一百分,飛天嘅小馬真係令我好驚喜,學過拉花嘅我都唔知呢個圖案要練幾耐先拉到,賞心悅目,大大提升左杯咖啡嘅好味程度💛大推！雖然當日係想試焙茶咖啡可惜一早賣哂回頭率：80% 🌱味道賣相唔錯,又係良心小店,性價比一般

☕️ 食物：👍🏻👍🏻👍🏻👍🏻 /5💰 CP值：👍🏻👍🏻👍🏻 /5🤵🏻 服務：👍🏻👍🏻👍🏻👍🏻 /5🛋 環境：👍🏻👍🏻👍🏻👍🏻 /5「Let’s Take A Little Break」☺️ 這間屬於首批進駐荔枝角區的有型西餐廳，是我再三光顧的餐廳之一 😋 除了地理位置方便之外，最重要的當然是食物質素有保證喇！午餐、晚餐我也曾嚐過，午餐有沙律、麵包、湯、主菜及飲品，相當豐富，而晚市當然是a-la-carte單點，兩者水準同樣高質，值得推介 👍🏻💋 午市套餐 (沙律、麵包、湯、飲品)沙律菜新鮮 🥗 小麵包鬆軟又熱烘烘 🥖 湯味道濃郁、材料又特別(圖中是紫薯湯) 🍵 飲品選擇亦多，最愛點熱荔枝伯爵茶，茶裡有原粒荔枝乾可同吃，味道一流💋 脆炸德國鹹豬手($168)鹹豬手外皮炸得香脆而不韌，肉部份仍然嫩滑，味道恰到好處，是我最常點的主菜 😘💋 燒烤加拿大豬鞍扒 ($158)厚切豬鞍扒有口感之餘亦不失軟腍和肉味，聰明地用上醋汁來中和豬的油膩感，好好吃 😋💋 香煎脆皮新西蘭盲曹魚 ($158)魚皮煎得香脆，魚肉不會過實，與七彩繽紛、沾了魚油香和檸檬忌廉汁的蔬菜同吃，高質蛋白質之選 👍🏻

今日同朋友食生日飯結果係受氣多過似食飯首先到嘅時候，問侍應可唔可以幫手雪個蛋糕，第一句竟然係：唔喎我想問我地俾得切餅費就預咗有得雪，你而家咩態度？然後上菜嘅時候，我地成枱都嘢食，正常嘅侍應都會幫手郁下啲碟等我地放得落，但佢係幫都唔幫手，淨係望住我地郁到切蛋糕，生日牌又唔攞出嚟，餐具都唔俾，要我地問先有。仲要問完之後佢係淨係俾一把刀同碟，係冇叉嘅，咁我又想問點食？咁樣就收150蚊切餅費仲要加一？想問過唔過分啲？咁樣真係好趕客

上次係度食左個煙三文魚碎蛋牛油果三文治($89)。煙三文魚係切碎晒撈埋喺嗰啲碎蛋同埋牛油果入面，我覺得比起成塊煙三文魚咁樣食味道更平均。三文治嘅包係麥包，甜甜地，齋食包都覺得好好食，真係食完一排都仲係回味無窮好想再食！另外嘢飲就叫咗rose latte。講真呢個拉花真係我食咁多間Cafe最靚嘅，加上擺咗少少碎花喺面，賣相真係一流！飲落味道亦非常好飲。環境方面我就覺得無Cafe嗰種寧靜，有少少似餐廳，但係都係舒服嘅。

2021年6月19日 晴今日同男朋友去d2 睇戲，睇戲之前想食個lunch 就係附近搵左間餐廳。一點半到等左唔夠十分鐘就有位入了。餐廳空間唔大， 冷氣唔太夠，未至於熱（但男朋友好熱）但有d 焗，室外有兩張枱，但2人枱好細，一人一碟野食都冇位放了。叫左兩個lunch set 加一個小食，餐湯+$15，set 包左野飲，但凍飲+$6，特色飲品都要再加錢。餐湯係蘑菇湯，好濃ge 蘑菇味，唔太咸，味道適中，不過個包就普通，冇特別。黑松露美國帶子蟹肉扁面 $158，個汁都幾香，帶子唔算細，都有4粒，唔錯香煎脆皮紐西蘭三文魚配龍蝦忌廉汁 $158，個皮煎到好脆，但件三文魚有d 腥...同個皮及汁有d 過咸，食到後尾好咸。炸薯條配黑松露沙律醬 +$20，熱辣辣炸得幾脆，好大條，但食完有d full， 太飽了Mocha +$6? ， 好靚ge 拉花，不過不失，朱古力味唔濃。紫薯鮮奶 +$6?，淺紫色好靚，唔會好甜，但又未到好香，正正常常la。整睇黎講我覺得環境太迫，價錢唔算好抵，可以更好。

Had an after-work catch up with two good old friends. We had three courses and added the dinner set option. The tomato vegetables soup tasted sweet with light texture. I like that they put a lot of vegetables in it, including tomatoes, cabbages and potatoes. We had the prawn, scallop and orange pizza. This pizza was wonderfully presented and tasted fabulously good. I especially like the wasabi salad dressing they beautifully drizzled all over the pizza. In addition to the oranges, there were als

/🍕大蝦帶子甜柑千島汁薄餅（$188）Pizza外型非常吸引 配料豐富 估唔到加埋甜柑都咁夾 如果係層餅底會比較好 薄底略嫌有點硬.🥫蜆煲 （$208）可自選熱鍋底（墨西哥辣味蕃茄汁🌶/香濃芝士汁🫕/白酒牛油🧈）及配料（香烤蒜蓉法包🥖/炸薯條🥔/意大利麵🍝）蜆煲一上枱好大驚喜 啲煲大大隻好飽滿 份量好足 雖然揀左辣味蕃茄汁但係一啲都唔辣 放埋啲意粉落去煮 好入味啊！.🧀芝士焗水牛丹麥豬串骨（$178）豬串骨有5條 肉質軟淋 做到拉芝效果 番薯條非常香甜🍠 但份量就比較少.🥗煙三文魚糖心蛋凱撒沙律（$118）好豐富既沙律 煙三文魚新鮮 唔會覺得腥 糖心蛋生熟程度岩岩好.🧅洋蔥圈（$68）入口香脆香甜 正常發揮.🍟炸薯條（$68）配黑松露沙律醬及泰式辣醬呢到用既係粗薯條 薯仔味都幾出 份量足夠 加埋黑松露醬 絕配！.🥛紫薯鮮奶（$48）紫薯含量過少 好似淨係飲緊牛奶 如果多返啲紫薯 相信味道會出啲.🍰玄米茶蛋糕（$58）蛋糕軟綿綿 加埋奶蓋同cream一齊食 好夾推介👍🏻.◽️整體而言 食物質素不錯 餐廳環境及食物都適合打卡 但價錢方面有點貴.Little Break Coffee & Ki

好耐之前book marked呢間但一直未有機會去今日終於有得試了約左朋友黎呢邊lunch,原來呢到lunch可以預約我地企係到等左半個鐘。。。環境都舒服,係有d 迫little迫點左lunch set黑松露帶子蟹肉意粉意粉軟硬度適中,有彈性味道適宜,帶子鮮嫩算得上係水準之作紅莓汁伴豬鞍唔會太硬,但呢知價錢可以轉其他豬肉會更有彈性,中間有d過熟個汁 係酸酸甜甜,但個人覺得濃dd會好食d似係溝稀左的黑醋伴碟好食隨餐會有湯同沙律包就外脆內軟跟餐加$6就有latte我試左焙茶latte,花拉得有水準飲到底都keep到個形係焙茶味唔算好濃有d期待過高

放工黎到呢度食下午茶鬆一鬆～ 呢間餐廳位於D2 place 地下、地點都幾方便，環境都坐得幾闊落、亦可以經openrice訂座，方便唔使等位～ 平日6點前有下午茶餐選擇，可以當作輕盈嘅晚餐☺️💃🏻 鐵板三文魚橘子pancake熱辣辣、估唔到甜嘅橙同咸嘅三文魚配pancake食又幾夾～ 🥞🍊🐟黑芝麻竹炭latte黑色造型好岩打卡、飲落唔太甜、黑芝麻味好香濃～ 輕輕鬆鬆break完、充足電，又要應付黎緊整個星期嘅工作喇～🤡🦾🦾