Little Break Coffee & Kitchen (Closed)

同朋友想搵間小店支持下，誤打誤撞去左呢間，估唔到有巴斯克芝士蛋糕食！😍-1️⃣「日本鹿兒島焙茶巴斯克焦香芝士蛋糕🤎($68)」-睇落同普通巴斯克蛋糕唔同，佢有層果膠係面🍊，亦冇想象中咁「燶」，今次唔可以叫佢「燒燶蛋糕」tim😂，食落焙茶味唔係超超超濃但都頗出，幾香芝士味🧀，不過再滑身d同再大件d就好啦🤫~This Kagoshima basque burnt baked Hojicha cheesecake ($68) doesn’t have a blackened burnt top this time. The cream cheese taste goes well with the hojicaha flavour, but it is not very smooth.

行完D2市集落地下食個tea, 嗌左珍珠帶子冬陰公汁扁麵。黎到幾驚喜，好香冬陰公味，扁麵吸左醬汁，都幾入味，少少辣，食得好開胃。珍珠帶子分量都算多，加埋啲雜菌一齊炒，幾夾幾出色！tea set黎講依碟分量都唔算少，夠食飽飽👍🏻餐飲就嗌左野莓茶，甜甜酸酸，中和番冬陰公汁既辣味。

慶祝朋友生日飯，呢個位置都好方便好近地鐵出口晚市時間唔太多人- Clam pot (8.5/10)我地揀左芝士味配薯條個芝士味好香好味，好濃，好襯個峴- 冬陰功蝦扁意粉(9/10)食過好多間嘅意粉，好多意粉都唔入味但呢間冬陰功咁樣整嘅意粉真係好出，唔辣，好惹味，好特別，值得叫！不過個蝦就一般般- Parma ham 羽衣甘藍野菌pizza (8/10)佢個份量都大啊我哋三個女仔食，每人兩件都好滿足㗎～味道都可以，係沙律醋味佢哋有寫字服務好好呀但想食既甜品都無😭- 柚子雪芳蛋糕（7/10）味道一般，較fresh~

星期六下午同友人係D2 Place 行到攰攰地 見到呢間cafe 裝修都唔錯就入去坐下我哋入去果時～5:15 職員都有同我哋講因為要準備晚市～6:15 要交枱 我哋都ok我哋都係想係坐一坐 休息下就叫左：1. 短笛咖啡都幾香 唔錯 拉花好靚2. 鮮薑伯爵奶茶飲落有啲薑渣 不過冇咩薑味 可能怕大眾接受唔到3. 雜莓pancake熱熱地 都唔錯 不過唔算好特別食物整體都ok 不過佢哋的待客之道就...去到～5:45 餐廳都仲有幾枱客的時候佢就關左啲大燈然後set 到啲 deco 燈仔係咁閃 感覺想迫人走我都知佢要準備下場 不過佢明明話可以坐到6:15 仲有半小時 做埋晒啲咁的小動作 令人有啲煩躁...

荔枝角D2 Place一帶都開咗唔少餐廳，呢日就嚟到呢cafe嘆個下午茶，呢度除咗咖啡甜品之外，仲有唔少西餐同fusion菜，連疑似冬蔭功都有😂，無論三五知己定一家大細行完街都可以嚟食。梳乎厘芝士蛋糕唔知大家仲記唔記得伊藤家既日式芝士蛋糕🤣🤣？呢個無論外形定口感都好相似，不過就再實啲，芝士味亦再濃少少，都係正正常常啦。紫薯鮮奶紫薯味都算出，甜甜地、暖笠笠，啱晒入秋既時候飲。柚子美式咖啡第一次飲呢個配搭既咖啡，入口係好濃郁既柚子醋（？！你無睇錯係醋😂）既味，之後係咖啡既苦味，好特別。飲個陣記得要搞勻，因為個底有唔少柚子蜜沉咗落去。人均消費：$80推介指數（10分為滿分）：7分

以往周末不到下午也不出門，今天早在九點前在荔枝角附近辦妥了事。幸好，「早起的鳥兒有蟲吃」沒騙我。可以食到間唔錯嘅cafe!🥞Dutch baby pancake $88✨好味指數：🌕🌕🌕🌗🌑Pancake又柔軟而充足蛋香，配上maple syrup🍯和鹹香煙三文魚也蠻搭的，tangerine跟mint則起了清新嘅作用，好吃👍🏻👍🏻🥤Earl grey latte 跟餐+$12雖然有伯爵茶香，但蜜糖有點太多，過甜。

今日係荔枝角放完狗諗住買外賣回家食lunch, 途經d2附近見到餐廳貼住pet friendly! 咁就決左一試！ 入到去滿座，登記兩人一狗，職員表示要企係到排隊（不設拎票等叫號碼）！同埋，有狗狗要坐室外（得兩張室外檯）！眼見其中一張已經食晒野坐係到傾計，咁就等啦！ 企左10分鐘左右就有位啦，唔係大肚婆條腰骨唔洗要啦😭今日叫左大蝦千島醬牛油果薄餅同脆炸德國咸豬手！ 兩個lunch包飲品（juice 居然唔洗加錢，正）（凍飲加$6，不過唔係普通凍檸茶，都算抵）！！仲有加$20個黑松露醬炸薯條！ 薯條係粗薯仔條好味道，再加埋黑松露，頂瓜瓜！薄餅新鮮熱辣好味道，係牛油果略嫌佢未夠熟唔係咁好味！ 豬手新鮮熱辣好味仲有兩夠薯餅，正！ 終於明白點解間鋪咁滿座啦！ 整體食物質素好食！

呢間餐廳開係我屋企附近價錢屬於中上但係都吸引咗唔少人食物環境都係屬於好好👍已經回頭左好多次！！！.我哋今次係去食lunch Menu.🎈 澳洲西冷($168)沙律配左黑醋汁 非常之開胃🤤而牛扒汁亦有淡淡的黑松露香味牛扒有少少根 但亦都做到我嘅要求五成熟再加埋兩個薯餅已經係非常之飽推介指數🌟🌟🌟🌟.🎈加拿大豬扒($158)豬扒唔算太韌 第一啖都幾好食但食到後面就會覺得有少少dry不過味道唔錯 推介指數🌟🌟🌟.🎈總體而言呢度環境幾好 食物都幾高質我會話性價比係幾高嘅不過如果想來食嘅話就真係要早啲過嚟排隊啦

距离电影开场还有一个半小时，就在附近找地方吃早餐。原意是找一家环境比较舒服的餐厅可以坐一个小时左右，最后在荔枝角道找到 Little Break。由于天气闷热，又在马路边，就干脆坐在室内。早上没多少人，店内非常宁静。而且餐厅內环境尚算可以，服务员很有礼貌，硬件值得一赞。看过餐牌，他们的早餐不便宜，以荔枝角及周边区域来说，个人感觉是略贵。最后点了一份牛油果炒蛋多士，但份量有点小，性价比不高。如果肚子饿一点，肯定吃不饱。

杯Dirty嘅marbling真係好靚🤩圖二香煎鵝肝飯好正 外脆有油香 配野菌意大利飯👍🏼正冬陰公帶子蝴蝶粉辣辣地好開胃 帶子細粒但算多😋白酒牛油煮蜆就偏貴又細隻🙈不用試👎🏼

結婚10周年，係屋企附近近近地搵間餐廳慶祝，經過街坊介紹，就試一試Little Break Coffee & Kittken。Manila Clams Pot-蜆肉非常大隻無沙，芝士汁香濃，配上蒜蓉包（可以配意粉或者粗薯條），不過食到尾會越食越鹹。Grilled Dutch Veal Chop-肉質非常淋，我揀咗5成熟，如果配煎薯仔代替薯餅會仲更加好，西蘭花上面啲黃色汁好好味。Kale & Parma Ham Mushroom Black Truffle Pizza-餅底係薄脆嗰一種，喜歡少醬料，配黑醋汁幾醒胃。French Fries-配松露沙律醬，略嫌松露味都唔夠，粗薯條可以配Clam pot芝士汁食。當日餐湯係栗子忌廉湯，有淡淡的栗子味，餐包食到有蕃茄乾，配牛油好好味。

今日難得早起，就決定出街食個all day breakfast。見呢間都幾多人推薦，離屋企都算近，就黎試下。黎之前以為係一般細cafe價位，點知唔係⋯set lunch 基本都係$160+ . order左一個all day breakfast 同 澳洲西冷牛扒。all day breakfast 個份量好細⋯味道亦好普通⋯ 西冷亦係如此。lunch用餐限時90分鐘，都幾多人黎食，如果太遲黎，都要排隊。總體黎講，性價比略低，應該不會再試

約咗朋友嚟晚飯，一坐低第一句通知我哋要90分鐘交枱， 有點愕然因為沒有提早告知， 仲諗住同朋友可以傾耐啲😐😐夜晚唔想大魚大肉，叫咗個冬陰功favor軟殼蟹漢堡包伴薯條， 薯條大大份食唔哂， 最好嘅就係有黑松露沙律醬， 要嚟配番薯條分外好食。冬陰功味漢堡包第一次是試，感覺清新，微辣， 軟殼蟹新鮮炸起，脆卜卜好味道 以女士嚟講呢個份量已經好足夠😚另外加錢叫咗芒果熱情果梳打， 跟set加29蚊其實有點貴， 不過同朋友聚會算了吧。晚餐選擇都算多，開頭以為係不同menu輪住做，但係原來同時有好多選擇。

餐廳位於D2 place 後方嘅地舖，行文青路線🥰餐廳設有室外位置，光線充足平日人流會少啲唔洗等位，喺下午茶時段仲會有tea set提供 🍅 香煎雞扒蕃茄湯長通粉 ($68)雞扒煎得香脆，但仍能保持肉汁蕃茄湯濃郁，絕對可以叫蕃茄醬配通粉真係好掛湯，啱哂熱愛蕃茄嘅我😍🥪 芝士和牛窩夫三文治 ($98)少見用窩夫黎做三文治，不過因為太足料太厚我地最後都係要折開黎食😝窩夫都幾香幾好食，和牛漢堡都好重肉味整體都好夾，窩夫鹹食又幾唔錯咼餐廳空間感十足，唔會感到壓迫/局促當感到疲累，感到心灰，喺度take a little break再重新上路，繼續堅持落去💪🏼💪🏼

荔枝角出名多性價比高既美味，今個weekend 就去試下呢間位於D2 place 附近既文青cafe😋😋因為早去 所以唔洗點等位，呢度既選擇唔算多，而且價錢略貴，不過食物都幾高質，同埋都幾足料👍🏽👍🏽大蝦牛油果薄餅（$168）薄pizza底做得唔錯，配料好豐滿，大蝦同牛油果好夾，感覺好清新好健康，大過醬汁略嫌太少，偏向清淡。軟殼蟹龍蝦汁意大利飯（$168）即炸原隻軟殼蟹炸得好香脆，隻蟹都算大隻同厚肉，risotto 略嫌太濕同太軟身，不過味道幾好，龍蝦汁幾香濃，好足料，有好多粒帶子，值得一試💞💞