小白鷺餐廳 (Closed)

今晚我們去咗大埔小白鷺餐廳食晚飯！我們叫咗扒新西蘭鮮牛柳拼鮑魚配紅酒汁、希臘焗龍蝦扁意粉、意大利紅酒燴牛仔膝配闊麵、炭燒紐西蘭肉眼扒同炭燒美國極黑豚扒配香草薄荷汁！扒新西蘭鮮牛柳拼鮑魚配紅酒汁，牛扒嘅表面煎得好香脆，肉質嫩滑多汁！鮑魚都幾新鮮彈牙！希臘焗龍蝦扁意粉，龍蝦嘅肉質鮮味彈牙，但我覺得芝士太多，感覺有啲膩！意大利紅酒燴牛仔膝配闊麵，牛仔膝炆得好腍好入味，醬汁嘅味道恰到好處，闊麵亦相當煙韌彈牙！炭燒美國極黑豚扒配香草薄荷汁，黑豚扒好厚身，肉味好濃郁，無太多肥肉同筋！

小白鷺呢個名聽過好多次，今次係第一次黎。樹樹喺上水做完part time，去到大埔墟站轉的士去。的士$2x入到去，餐廳果然同其他食評嘅相一樣，不過就比我想像中舊。星期六二點半左右來到唔駛等位，黎食下午茶，但係要三點先叫得野食。意粉咬口不錯，但茄汁太甜有d怪，蝦size ok 但無咩特別，蒜蓉包好脆，沙津正常無特別。呢個比上面果個好味好多：雞翼個汁好好味，但係個皮有點太亁。薯角個醬好好味，同食M記嘅魚柳包醬同雞醬都相差好遠！沙津正常配芝麻醬。仲有燒蠔，好好味，汁好香蠔juicy。仲有prama hem 同哈蜜瓜！服務方面，呢度嘅職員就好似普通茶餐廳嘅感覺一樣😅，但茶餐廳可能仲專業，漏單，叫埋單又比錯枱⋯總括黎講山長水遠入黎食野，食物質素普普通通，加埋呢個價錢同呢度冇咩做真係未必有下次，有機會再一班人黎試燒野食。

依次係我第一次係Openrice 留言因為依間餐廳實在太值得"表掦",事情係咁.........星期一同女友特登諗住到小白鷺餐廳食lunch順便可以玩水上單車一去到見過lunch menu 出奇地貴, 閒閒地一個餐都接近$200正在儲錢結婚既我地當然唔想亂洗錢見仲有30mins就到下午茶, 唔緊要照等, 最緊要係慳...如是者30mins到下午茶時間, 滿懷期望走入餐廳而menu價錢都比之前合理, 約每位$100我地叫左牛肉粒炒麵和凱撒沙律配意粉等左一陣野食終於黎日本牛肉粒炒麵比預期水準為低好似平時食開的肉絲炒麵的麵底再加上幾塊牛肉所謂日本牛肉無味連麵都唔係炒得好食老實講仲衰過茶餐廳之於我個意粉都整得是但意粉求其淋汁就算沙律都麻麻正當我地"唉"緊依餐咁"好食"的餐果時無啦啦個Waiter走過黎埋單我心諗下午餐剛開始唔係咁快想收工下化!?之後叫餐飲又漏單正因為服務非常之"一流"令我地想快速離開依度之際聽到隔離台個男人都 X 哂鬼"盛讚"依度真係"好好食"""服務都一流"心諗咁似我想講的野而作為球迷的我思潮一動好似以前睇Michael Jordan打波咁 (記住唔係Michael Jack

是日同朋友約黎睇市集，順便係度食埋tea。市集就吾好提，本土設計始終....講返正題，本來想坐外面睇下風景，但職員話要收，睇返個時間都係四五點咋啵…甘入去入面都冇壞，因為入面有冷氣，出面好多人又熱，始終係假期，多親子遊，加上黎湊熱鬧既情侶，都幾逼。入面裝修如其他食評，幾靚，氣氛吾錯，餐牌睇落都ok。我地兩pair人各自叫左意粉同burger。因為我地只係食左自己order個個，所以就吾評論意粉。等菜時間尚可，buger既擺碟都ok,可惜…當我用刀切落去，想分黎食之際，一撥開個包面，一塊又乾又凍既漢堡扒出現左，即刻覺得好食都有限。再切落去，個包皮因為太乾，麵粉質素差既關係，散左成幾舊…所以我決定放低把刀，食齋先ｰ薯條。薯條好普通，接受到，不過凍哂諗哂，口感始終麻麻。終於要食舊包，份量係多，夠大，但太散緣故，要分開黎食。蕃茄同菜新鮮，咬落多汁爽脆，肉就算喇…酸瓜冇咩味…如果講境，夜晚黎都吾錯，但就冇咩好行。

和老婆仔來到小白鷺餐廳是因為看到有湖畔市集的活動而其實這餐廳老婆仔一直想試了本來打算在這裡吃晚飯但湖畔市集的規模比想像中小很快便逛完了時間尚早我們便改為吃下午茶被安排坐餐廳內的位置若果能坐外面或許更有感覺不過今天天氣很熱坐室內也好我其實很肚餓點了個98元的意式火腿蜜瓜伴雞中翼而老婆仔說最近都沒有餓的感覺所以叫了個88元的自製香蕉蛋糕伴雪糕先來的竟是甜品或許製作起來比較簡單吧這個看起來份量好小不過味道不錯那個香蕉蛋糕味道很新鮮有豐富香蕉味旁邊又有新鮮的菠蘿老婆仔說不似是罐頭就算老婆仔有點飽也能吃得下雪糕的味道也很配合是一個不錯的甜品至於我的意式火腿蜜瓜伴雞中翼看起來非常豐富有很多新鮮的沙律菜那一串火腿蜜瓜也很夠味既鹹又有新鮮水果味又有熱辣辣的薯角再加上味道適中的雞翼實在是一個過於豐富的下午茶給予很肚餓的我就合適不過這裡空間感很大坐得很舒適再望望室外那個湖實在是很悠閒的下午茶

昨天打黎book位, 餐廳回覆不接受12:30pm後的booking. 我同老公及囝囝1:45pm先至去到 , 唔駛等位呢 ^^▼叫左個兒童餐比囝囝, 味道ok..不過炸物居多 >.< ($108)▼而我同老公就食紅酒汁牛扒 (食左1件先至記得影相) , 味道ok, 有牛味, 夠淋但咬口 ^^ ($178 + 1)不過老公就覺得收費同service不成正比. 收費都算"餐廳"並唔係"茶記"價. 但冇service可言. 張枱未清理叫人入座; 抺枱時抺埋老公隻手 -__-' 我地一家三口去坐四人枱, 食物永遠放喺吉位度; request 要 BB櫈, 又可以黑住面比你. 感覺仲衰過茶記. 一定冇下次呢...

預早打黎訂聖誕節座位，講明二人情侶，服務員完全冇通知有兒童活動，黎到變左幼兒園／小學聖誕聯歡會。在場有半數情侶，個個都唔係好開心，好失望。刺身 - 只有3款, 唔新鮮熟食 - 完全唔熱, 暖都講唔上蒸帶子 - 最好食, 不過極小, 成晚只攞到一隻鮑魚湯 - 每位都有一份, 但我地到差不多埋單先拎黎甜品 - 有 chocolate fountain, pudding, chocolate cake, 味道只屬於一般種類小之餘，味道唔好，重要收488一個人，拍拖黎就一定冇下次。如果一家人唔介意食物質素同價錢可以當去個小旅行。

同男朋友十個月 佢就好神秘咁唔話我知帶我去邊結果就帶左我黎e到食tea難怪會話我一定唔會失望hehe我地叫左兩個餐 埋單都只係二百幾 幾抵食呀 又有景睇 下面又有羊餵同玩水上活動<br style="line-height: 1.6;">$78 牛肉漢堡拼薯角個牛肉好大嚿 同男朋友食完一般都已經飽飽地個牛肉好多汁好正 juice到而且又煎得啱啱好 薯角都係炸得幾好唔會好硬好乾咁$108 小食拼盤三文治普普通通啦 沙津我本身唔多鍾意食 所以叫男朋友食 串燒幾正 唔記得係咪豬肉同雞肉黎 都幾好味 同埋d汁薯角同上面果個一樣 唔會好硬好乾炸春卷同個蟹肉好食春卷卜卜脆 個蟹肉就好大啖肉諗起又想食呀真係跟住果個唔知係咪魚餅定點 我同男朋友都覺得一般 好似有小小薑味咁環境幾好呀 地方都好大 同埋又夠高 果日去食又冇乜人 幾安靜 好舒服服務都好好 一見你冇水就會幫你加水如果有機會既話都會再黎

今日去到小白鷺嘆下午茶，環境真心不錯！我們選擇坐室內位置，點了炒麵和熱狗！ 炒麵嚟到賣相還可以，味道就太咸，牛肉好似牛肉乾一樣。 熱狗個包同腸只係微暖，醬汁少得可憐，一試之下，非常難食的熱狗，真的！ 如果食物質素可以改善下，相信配合這個優雅環境就更加完美了……

價錢貴，食物一般，服務極差。價錢: 假日 lunch 平均$180, 不便宜吧。食物尚可， 不談。服務真的極差:1. 本來想坐出面，後因幾大風拉，怕老人家吹親，還未坐低，想轉入面，換來女 waiter 冷冷一句: 下次不要轉。2. 牛扒問幾成熟，我答6成。經理冷冷的答: 只有5成或7成。3. 嗌餐飲: 熱啡，熱鴦，凍鴦，換來像副經理一個反白眼。 要嗌杯凍茶多甜，小奶，走冰，恐怕走不出來了。4. 埋單，我用了3秒望一望張單，也換來副經理快快手把那單和信用卡搶回來。 接近酒店的價錢，茶餐廳也不如的服務，永不再去。花錢去受人氣, 錢白花了, 氣也受夠了.

友人換了新車，嚷著要我感受下。周圍玩完一輪，我地駛去小白鷺食午餐。跟羊仔合照完畢，去到餐廳，就算人頗多亦不覺擁擠。餐湯不俗。港式麵包籃，很可愛。各主菜份量十足，味道很好，配上寫意的用餐環境，是跟友人談天說地的好地方，只是價錢略貴。日式蒲燒鰻魚飯定食，份量和食物種類很多，鰻魚不會淋身。炭燒紐西蘭肉眼牛排，又是很大塊， 生熟程度好。蒜茸香草雞排配白飯，較為普通。

第一次用tablemap訂枱，發覺很方便易用，又可以儲分，值得再試。小弟駕車到此與老婆「把臂同遊」，我們很悠閒的到處參觀，這裡有水上單車玩可惜只限五、六及日，惟有下次再試。我們逛完一輪才進入餐廳，客人不多而我們很快已被安排坐下，餐廳環境不錯，挺適合情侶來用餐。整體食物味道不錯，款式也不少，服務尚可，駕車人士值得到此一試。

小白鷺位處個湖側邊，如果日頭黎坐係戶外應該幾寫意，不過夜晚黎都係坐室內。小白鷺場內係不少電影同電視劇取景既地方，都唔錯。晚餐都係叫左set dinner，叫左豬同牛。味道中規中距，不會over done ，牛扒配洋蔥圈，份量大約10-12安士。豬扒就配波蘿，豬扒就細牛小小，兩樣都係洋蔥汁。取價公道，係依到享受一下周圍環境都ok 既。

佛誕公衆假期又撞上我女友生日，佢話要對住湖景燒野食，聽過朋友介紹就book左小白鷺呢個天台BBQ，一齊對住個湖慶祝下啦～上到天台就有工作人員幫手開爐，都係Buffet任食，食物種類都算多，有成差不多三十款任吃，有牛扒、金沙骨、豬頸肉，漢堡扖、海鮮有蝦、多春魚、青口同魷魚，菜類有冬菇、翠肉瓜、南瓜、茄子、沙律都有！西冷牛扖實在勁大塊，可以切番細件D，食唔晒好浪費！一定要勁讚豬頸肉，醃得好入味又爽口，一D都唔肥膩啊！越吃越想吃～用錫紙包住甜蕃薯同玉米加牛油，罪惡得黎又真係好好味！呢度仲可以比客人自帶食物，我地就帶左BBQ指定搞作---燒棉花糖啦~呢個場有好大個帳篷，唔怕淋雨又唔怕太陽啊！涼涼地天氣最適合燒烤啦~個湖景真係好好view啊！地方好企理，食物干淨衛生，坐得舒服，唔似大尾篤個D燒烤場咁鬼迫咁多人，燒得一身大汗咁辛苦，一百幾十蚊任食仲有一罐飲品送，唔係最抵但算唔錯，原來天台呢個場可以容納三百人，下次叫埋公司同事一齊來包場！

第一次同老婆去個到，見個環境吾錯就入去試下個下午茶，叫左個墨西哥熱狗同小食拼盤~一個熱狗收成80蚊，心唸d野食應該吾差丫黎到個包又燶，條腸又（梅)，菜又係爛既味道更加吾洗講，宜家家私d 6蚊熱狗仲好食過佢！小食拼盤d野更加離鋪！薯條炸到又硬又乾，三文治得塊普通芝士仔係到，串燒就凍既~簡直不予置評!!第一次忍吾住係到打食評!!