小魚兒 (富麗花園) (Closed)

今日去左將軍澳搵個FD , 搵到間食川味野..有烤魚, 雞煲, 最正係仲有串燒. 間餐廳都好大, 坐位寬敞坐得舒服食得開心. 完全唔會迫！  張menu 真係好多野食. 都唔知點揀, 野野都想試. 最後我地叫左個重慶雞煲,  再加左D 串燒.  1) 重慶雞煲  -  D 雞好JUICY, 我地唔太食得辣,落單時叫左少辣, 個辣度剛剛好, 仲幾惹味.  好食. 2) 燒烤部份 本身就只諗住好奇試下. 醬燒白鱔   - 好香脆,又多汁 . 燒茄子 - 呢個食親燒烤都一定要叫. 正常. 之後 再加D 湯食D菜就例行公事.   整體食物有水準. 環境舒適. 

今次朋友帶我食好嘢朋友一早就係社交平台訂枱經社交平台booking有優惠，抵食好多 重慶雞煲半隻$168雞煲選擇左多芫荽，好正醬汁好惹味，質感嫩滑不會鞋滑牛肉$83牛味濃郁，肉質嫩滑黑毛豬腩片$108分量十足，厚薄適中炸魚皮$38打邊爐必點菜式紅薯粉$28煙靭滑溜娃娃菜$38食咗咁多肉，點都要食返少少賽中和下餐廳除咗雞煲之外，仲有烤魚、酸菜魚、BBQ燒烤供客人選擇，菜單真係花多眼亂，值得推介。

小魚兒 (富麗花園) (將軍澳).都幫襯過幾次，尖沙咀同將軍澳都分別有食！將軍澳要食烤魚我都會介紹佢.先來客小吃，葱蒜爽魚皮唔辣惹味，夠凍所以彈牙爽口.主食叫老壇酸菜魚，今日無江團魚叫左凌波魚，同樣係魚油多，好滑.配料叫左索味嘅，牛肉叫左匙仁，呢個係牛嘅罕有部位，全隻牛只有3%!!另外再叫左土豆片，唐生菜，寬粉等常叫配料，寬粉有厚度有咬口，啱曬我地喜歡有咬口嘅野.呢到仲有串燒，炸物小食，雞煲，一大班朋友黎食都好多選擇.小魚兒 (富麗花園) (將軍澳)將軍澳毓雅里7號富麗花園地下3-5號舖樓

呢幾年興食烤魚，無理由唔試吓。呢間地方夠大，最重要係冷氣夠凍，因為無論烤魚定雞煲都預咗熱到出汗，大熱天時食辣野冇冷氣真係搞唔掂。係呢度食烤魚，可以先選魚款，再選烤魚口味，搭配非常之多。另外再有好多其他食物選擇。揀咗入門的海鱸魚配鮮九葉花椒BB豆花。成盤烤魚放到爐上面，配料擺放整齊，好吸引。鮮九葉花椒BB豆花揀小辣小麻已經好刺激，但唔食辣感覺又好似對唔住自己。海鱸魚肉細嫩，厚實，配料有雲耳豆腐等，全部都吸晒味。最後仲有大大條寬粉，煙煙韌韌。食完烤魚甜品食炸雙皮奶，同樣出色。外層香脆，中間牛奶軟滑，而且驚喜地加入紅豆。

家人好想食烤魚，我哋就到左於#小魚兒 開餐，餐廳出名食烤魚同麻辣香鍋。用QR code 落單，方便又快捷，自已點選美食跟酸辣度，我哋要左小麻、小辣的酸菜魚🐟。🐟老壇酸菜魚, 湯滾起就聞到香噴噴，有大量的酸菜在內，江團魚肉身厚實，很滑有魚味魚，湯飲落微辣帶酸的很開胃，配料豐富，有墊底的雲耳、青瓜🥒、芽菜、紫洋蔥🧅、豆腐同埋煙韌的寬粉。另外叫多碟小碗雲耳，食完滿口麻香，很美味😋。當然要飲支冰凍啤酒🍻，盡興一番☺️。於社交平台訂枱有更高折扣優惠，故下次一定要訂定枱至得。

對上一次食烤魚已經係5年前，同班friend喺深圳食~ 我之前以為係得大陸先有得食水煮魚同酸菜魚，原來依家香港都有好多~今次專程入到將軍澳食🍴黃金特濃蒜香豆花海鱸魚 $308烤魚有4款唔同嘅魚類供選擇，口味都好多種，有辣有唔辣。今次試咗唔辣嘅特濃蒜，海鱸魚新鮮無腥味，冇乜骨啖啖肉，條魚好大條但略嫌肉質唔夠滑。湯底好多蒜頭同蒜蓉，充滿蒜香味。但係我自己覺得聞落好香，食落味道偏淡，似乎烤魚都係配返酸辣口味比較好食~本身有好多配菜，例如寬粉、青瓜片、滑豆腐、芽菜等等。所以配料方面我地只係加咗豆卜($33)同埋多一碟滑豆腐($33)，兩個人食已經超級飽~會揀豆卜因為覺得可以索曬啲汁好正！豆腐就因為我本身好鐘意食，淨係食原本嗰啲唔夠~我地仲叫咗燒菠蘿($48)做甜品！佢面頭都係搽咗焦糖，我以為係雪凍咗硬脆嘅，但食就發現已經溶得七七八八~最後兩個人食到超飽。果然烤魚都係要多幾個人share好啲！

小魚兒 (富麗花園) (將軍澳).▪️葱蒜爽魚皮▪️.魚皮超爽口，葱蒜再加少少辣椒🌶️好正嘅涼拌！.▪️老壇酸菜魚豆花寧波魚▪️.江團魚今日咁啱無就叫左貴少少，同樣係肉質比較肥美，魚油重！酸菜係要多少少時間先煲得出味，愈滾愈酸.▪️風琴豆腐·土豆片·唐生菜·寬粉▪️.風琴豆腐真係最索味嘅配料之一，土豆片又係滾到淋身就好食生菜同寬粉同呢個湯底好夾.📌 小魚兒 (富麗花園) (將軍澳)將軍澳毓雅里7號富麗花園地下3-5號舖樓.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

評價只能算是一般般。首先，我發現餐廳的環境有點吵雜，人聲嘈雜，讓人難以放鬆享受餐點。其次，餐點的品質也只是普普通通，沒有什麼特別的地方。蔬菜和肉類的選擇也不是很豐富，讓人感到有些失望。不過，我必須說明的是，打邊爐的價格相對便宜，所以如果您不在意環境與品質，只是想找個地方和朋友聚餐，是一個不錯的選擇。餐廳的服務也還算不錯，服務員會盡力滿足客人的需求。總括而言，普通的餐廳，沒有什麼特別之處，但價格相對便宜，環境和品質也還算可以，是一個不錯的聚餐選擇。

第一次試，見款式幾多就打算每樣都試一啲🐷叫咗條烤魚、肥牛，同一啲串燒串燒係幾唔錯👍🏻 尤其牛舌心🐂 夠厚度有咬口但師傅串串可能睇心情 第一串有4舊 但再叫第二串就得三舊😂 至於雞軟骨就不過不失 偏瘦偏骨感🐔到主角烤魚🐟 我哋叫咗酸菜嘅 老實講 有啲失望 小辣可以話一啲都唔辣 失去左微微出汗嘅痛快感😩至於條🐟嘅肉質 可能我哋叫咗最平嗰條魚嘅關係 肉質非常‘結實’ 實到好鞋口 而且食到後部分魚肉都係唔係幾入味😕 而另外加嘅肥牛 係成餐飯最失望嘅部分 理解$128唔會係啲咩靚肥牛 但都無諗過質素咁差😮‍💨 而且店外立住promotion 叫烤魚可以以一蚊叫肥牛 覺得可以一試就叫咗 點知問題嚟啦 到最後碟肥牛收咗原價$128 比完錢望返張單先至發現呢個問題 即時折返問店員 店員就話因為我哋無講話要呢個優惠 所以要俾原價😬 當下真係呆咗😧 未見過啲舖頭做優惠做成咁… 又要推優惠 又要客人自己出聲先可以享有😮‍💨

雞煲方面揀左吾辣一隻雞，一打開真係成煲都肉，好少係得骨，配菜方面就洋蔥同芫荽，真係要讚既，個汁好夠味雞都好入味，同埋都偏嫩😗除左雞煲當然都有加湯打邊爐啦，打邊爐方面就嗌左丸 肥牛 芋絲牛胸油等等既食物，而最特別既就係牛胸油，都幾爽口好重牛味😛

🐾小魚兒一直都好鍾意同朋友邊食烤魚邊傾偈的氛圍，驚喜地發現屋企附近開咗間新烤魚串燒專門店所以就好興奮咁約咗個朋友仔去試吓~餐廳環境寬敞，位置好坐，同朋友傾偈真係一流~ 侍應服務態度良好而且上菜很快，總體而言是非常好的用餐體驗✨海鱸魚 配鮮九葉花椒BB豆花湯底單係魚同湯底已經選擇繁多~ 海鱸魚肉質厚實嫩滑而且好大條，份量令人十分滿足九葉花椒BB豆花湯底可以選擇辣度，今次我就揀咗小辣~ 辣度適中，而且入口後有一陣麻香味令人回味✨土豆粉煙韌口感幾特別，吸左辣汁之後仲正✨滑牛肉厚切而且估唔到一碟都幾多，肉質香滑夠曬牛味，非常推薦✨娃娃菜新鮮爽脆，食到最後吸晒個湯汁雖然會好辣，但又會好想繼續食😂

第一次黎食，點左凌波魚，叫左個黃金蒜豆腐湯底，魚好滑😋👍🏻店內職員服務好好態度，問呢邊做緊啲咩優惠都好耐心解答。但店入面好似冇冷氣咁，一邊食一邊流汗💦如果咁熱，我未必會再黎食😅😅都食得幾唔舒服，希望可以改善。

呢到有烤魚, 雞煲食. 坐底后見到隔離枱個烤魚勁大條. 但我地得兩個人, 如果叫條烤魚食都飽曬,其他野試唔到. 所以最後叫左個重慶雞煲, 好惹味, D 雞好嫩一D都唔柴. 好好食.第一個讚. 呢到仲有燒烤真係估佢唔到, 咁就叫左四川麻辣燒生蠔 ( 個醬好配個蠔, 正) , 再黎個醬燒白鱔 ( 呢個真係全晚嘅高潮, 燒得剛剛好,好juicy 個醬味到剛剛好又食到鱔嘅鮮味. 一次一定ENCORE . 燒茄子, 燒羊肉, 燒雞翼 都好味. 小食: 冰火魷魚都好味, 個份量超多, 最後都食唔曬呢個. 佢地嘅特飲都好正, 叫左草莓乳酸爆珠梳打, 西柚乳酸爆珠梳打 都好解渴D爆珠都好好食. 今餐真心好好食..唯一係魷魚太大份食唔曬. 其他野一件不漏清曬. 一定會再黎試烤魚.溫馨提示：於社交平台訂枱有更高折扣優惠，訂枱抵食好多咖😃

🍴小魚兒 (將軍澳)📍將軍澳毓雅里7號富麗花園地下3-5號📌 其他分店：尖沙咀金馬倫道16號金馬大廈1樓.突然想食烤魚，將軍澳依家多咗食烤魚嘅餐廳，呢間口碑相對都唔錯，唔使搭車出去就食到(＾ω＾).🐟 黃金特濃蒜香豆花海鱸魚 $308烤魚有4款魚，口味選擇有辣有唔辣。今次試咗唔辣嘅特濃蒜香，海鱸魚新鮮無腥味，魚肉厚身嫰滑，冇乜骨啖啖肉。烤魚都幾大條，配菜仲有豆花、寬粉、青瓜片、雲耳同豆芽等，湯底好多蒜頭同蒜蓉，蒜香味濃。.🥢 寬粉 $36寬粉比常見嘅更加濶身同厚身，非常煙韌有咬口，吸收晒湯汁精華。.🦑 椒鹽魷魚鬚 $98魷魚鬚肉質軟彈，面層炸醬薄薄的，唔會炸得太乾，食落亦唔會有油膩感，配上椒鹽同炸蒜，香脆又香口。.🐮 燒潮汕牛肉餅 $23串燒/燒烤款式都幾多，燒牛肉餅肉質彈牙，好似牛丸嘅口感。串燒全部可以自選醬料，揀咗沙爹醬，濃郁惹味。.🍢 燒羊肉串 $13羊肉串肉質軟嫩，燒得微微焦脆，配孜然粉味道辛香，如果大串啲就更好喇(๑˃̵ᴗ˂̵) .總括而言：餐廳環境乾淨企理，座位闊落坐得幾舒服。除咗主打烤魚串燒之外，仲有雞煲、川菜、燒烤、小菜等等，選擇多質素亦唔錯，最正係近近地就食到(●'◡'●

哇哇哇一見到呢間小魚兒就一睇就知好好食尤其是啲烤魚色香味俱全簡直就係烤魚界嘅天花板仲要試埋雞煲隻雞簡直係滑唔會覺得諧仲有串燒選擇啲雞軟骨簡直係一流我就比較鍾意食燒生蠔有辣亦都有唔辣仲有個特色飲品非常之推薦和香檳葡萄乳酸包着梳打水準一流喎仲有好多選擇一次食唔晒一定要返嚟食多幾次好多朋友都問我呢間喺邊度非常之推介一定要嚟試吓好食到停唔到口下次一定約埋成班friend一齊過嚟食實在實在實在太多款式啦喎！