Little Fresh Cafe & Bar

Open Now

Now Closed

夜晚放工想搵間西餐廳同朋友坐吓傾吓偈，於是就揀咗旺角區呢間餐廳。餐廳雖然細細間，但係感覺好舒服，店員態度都好好。我哋揀咗窗邊位，望出去一啲都唔焗促，唔似喺油尖旺鬧市區。餐廳有set Menu ，或者可以散叫都得，我地兩個人叫左兩個餐，然後加錢轉咗兩杯沙冰。由於驚太肥，所以嗌咗士多啤梨同埋迷迭香芒果菠蘿，諗住有啲生果可以中和下😂迷迭香芒果菠蘿個杯好得意，上台之後店員會幫你燒下條迷迭香，等個煙熏味更加出色。整體飲落去唔會俾個迷迭香掩蓋左芒果菠蘿味，而且都食到有果肉。今晚嘅餐湯係羅宋湯，個湯有幾種蔬菜，而且唔會太酸，幾開胃。個牛油蒜蓉包好出色，食到好香牛油味，作為前菜啱啱好。朋友叫咗個沙律，啲沙律菜都係新鮮嘅，個汁都係酸酸地。我哋嗌咗個火魔蜆，好似好吸引用嚟打卡一流。店員都會提醒大家可以拍片，個火都比想像中大😂 蜆大概有15隻左右，好香嘅蒜蓉同黑椒味，而且仲好細心咁會比多隻碗你裝食完既殻。個香煎盲鰽有配薯蓉，整體上份量一個人食啱啱好，個魚煎得好好，平時我唔夠膽食魚皮，但係佢好香脆哋唔覺意都食埋😂另外個忌廉汁蟹肉意大利飯，份量比想像中大，一個人應該食唔晒。個飯上碟嘅時候係粉紅色，好有少女心。個

呢間Cafe我平時成日都會去，但佢個入口係喺一條巷仔入面，所以會有啲難搵，佢個座位都唔算多，不過勝在可能因為係樓上嘅關係就冇咁多人去，所以我去過幾次都有位🤪間cafe嘅裝修到幾靚幾有feel，不過就比較適合兩三個朋友嘅聚會或者慶祝生日😊Today’s special✨蟹肉蟹籽忌廉燴意大利粉飯 $68成個意大利飯真係超級足料，出面嗰啲蟹肉意大利飯通常剩係得蟹柳加少少蟹肉，但呢個係真係淡淡都食到蟹肉，面頭又有好多蟹籽，而且佢個汁超級creamy好大忌廉味🤤啲意大利飯係粒粒分明好有咬口，完全係啱晒我🥺雖然佢個飯睇落唔係好大，但其實食落都幾飽，成個set仲包埋飲品同埋湯/沙律，所以其實真係好抵🤪✨香草忌廉汁海鮮燴意大利飯 $68呢個飯亦都係超級足料😍首先佢面頭已經有兩隻大蝦🍤同埋佢仲將章魚(應該係)打碎係個忌廉汁度，而且又係每一啖都食到🤤個汁亦都好creamy又超重牛油味，食落都覺得好邪惡😈不過真係好好味😍🫕芝士煙肉薯泥熱鍋$68一上到來已經聞到勁香，同埋仲係嗞嗞聲熱辣辣，成個薯泥勁香牛油味，整到好滑同埋裏面撈埋左洋蔥粒，令到個薯蓉口感更加豐富，面頭焗到脆脆地，再配埋芝士同煙肉，食落真係好邪惡

今日約咗朋友整指甲，整之前就喺附近食啲嘢先，朋友帶咗我嚟呢間餐廳，真係唔係朋友帶都唔係好識上嚟，佢喺佳寶對面一條巷入邊，一開始行到門口嘅時候仲以為係民居，原來上去喺餐廳嚟～-我哋叫咗個set lunch佢嘅餐湯係雜菜湯好足料好好飲尤其係配埋佢既蒜蓉包蒜蓉好濃👍🏻麵包夠脆！一啖包一啖湯正啊～～-紐西蘭SP肉眼扒配烤肉汁 $108意粉我哋叫咗五成熟嘅肉眼扒肉質好軟嫩肉味濃郁配烤肉汁提昇埋牛既鮮味意粉就咁食都好好食除咗好蒜香仲好Q彈😋-自家製牛肝菌汁燴意大利飯 $78牛肝菌汁好好食佢係每一粒飯都包裹住啲醬汁啲菇都好香不錯不錯😋-橙汁、檸檬茶

Set Menu法式香煎盲鰽魚配檸檬香草汁 $218盲鰽魚真係令人驚喜！魚肉煎得恰到好處，外脆內嫩。伴隨住嘅檸檬香草汁，清新嘅酸味同香草嘅香氣，令啲魚肉更加突出，每一口都非常正。絕對係今晚餐桌上嘅亮點！蟹籽忌廉汁蟹肉燴意大利飯 $178第一啖，已經被啲香濃嘅蟹籽忌廉汁震撼到！濃郁嘅蟹味同滑順嘅忌廉汁非常夾。意大利飯香氣四溢，配以嫩滑嘅蟹肉，食落即係幸福嘅滋味。呢碟意大利飯實在係啱晒食蟹迷同埋愛好美食嘅人！

又一間值得留個正評嘅好餐廳! 食之前好驚訝咁多好評, 食之後一啲都唔覺得意外!逐一點評下啲食物~蒜蓉包好香脆鬆化，好似威化餅，如果struggle 叫沙律定湯，叫餐湯就好襯個包，變咗忌廉湯味包個湯香濃幼滑，有啲紅蘿蔔粒首選推介火魔蜆, 鍾意食海鮮/打卡嘅(正是本人XD) 一定要試! 蜆肉大大粒，唔係得個殼，最重要係有打卡效果！蜆如其名，火燒個下型到呢，即時變左高級五星餐廳嘅格局！唔錯唔錯蒜蓉味好重，又冇乜沙，仲比埋個兜仔同鉗方便夾+放殼杯嘢飲都好正🤩一來消暑，二嚟唔會太冰凍，似smoothie多過沙冰，又似甜品杯熱朱古力 放咗一陣，可能因為個cream凍，所以個面個層好快就變室溫，好處係即時可以入口，都幾香，唔會太甜飯好食過出面啲啲意大利飯，我覺得係above average 嘅薯蓉食到有少少薯塊，可以再壓碎啲。鴨髀鹹鹹地，最好就係襯返薯蓉同嘢飲，啲肉一扯就斷，好淋，未至於火腿乾咁乾，但又有啲似風乾肉片沙律🥗地點有啲難搵，要係條小巷轉入去，餐廳環境昏暗，望到藍天到入黑個感覺都幾正！好多時我都未必會encore，畢竟有好多餐廳想試，但呢間我會再同其他朋友來食！

今日又去咗恆威大廈尋寶，試咗呢間Little Fresh Café，上到見到裝修都幾靚，同埋空間都夠，唔會覺得逼狹。我哋就叫咗兩個午餐，跟餐先有一客沙律，好大碟呀！而沙律一啲都唔頹，上面除咗有好多蕃茄仔之外，仲有橄欖油、薄荷醬等等去調味，成個感覺好新鮮！另一個餐就跟咗個湯，今日係洋蔥湯，洋蔥煮得好香甜，而個湯底用咗唔少香草，甜甜酸酸咁，十分醒胃。而第一個主餐就係「紐西蘭PS肉眼扒配烤肉汁」（$108），套餐跟薯條，呢個薯條炸得好出色，十分香脆之餘，外皮係較為厚實果種，食落口感好好。肉眼扒叫咗5成熟，剛剛好，能夠保留肉汁，咬落亦好鮮嫩。而烤肉汁唔會太濃味，成個配搭好唔錯。另一個主餐係「Today’s Special」，今日係「俄羅斯忌廉牛肉飯」（$88），份量十分多，一定夠曬飽！而牛肉燉煮過，好軟稔，而忌廉汁好濃稠，但又唔會太濃味，撈埋飯嚟食就好適合。最後跟餐加咗一杯鮮奶咖啡（加$18），杯碟都係佢哋自家品牌，咖啡味道好濃郁，用嚟送餐，成個體驗就更加圓滿。另一杯就係送嘅可樂，食西餐配可樂永遠都係啱嘅選擇！香港真係有好多好好嘅樓上Café，大家都可以嚟試吓！

第一點： 座位安排我朋友一早book了6位，朋友他們先到女員工安排了同2位客人併桌（兩張枱完全拍埋一齊，隔板都無）， 當時我地以為可能係餐廳full booking.但一直到晚餐尾段時間餐廳都唔係滿座，而且有張6人桌只坐了2位，而那2位客人比我們6個入座時間遲一個小時。所以我認為員工在安排座位上處理不恰當。第二點： 食物上菜速度我地叫的食物每次上菜只會來一款（除是2款沙律外）而每款要食完10-20分鐘先再來一款。 我地6個人分食一碟。 可能餐廳覺得我地係一齊食，所以咁安排。 但最不滿係我地叫了6杯飲品，飲品係奶昔，朱古力，水果菜。 每杯飲品係開始食到尾（大約點完餐一小時後先上，而也不是全部一齊上，係每杯都隔5-10分鐘）第三點： 食物質素先講飲品50-60蚊左右一杯朱古力好難飲，水果茶普通，最正常係奶昔。野食除了意粉正常水平， 其他都唔得.最出名果個蜆 只係點火 有噱頭 但好乾,煮到老曬總括 性價比低

今天約了很久沒見的朋友在旺角食飯，在OpenRice尋找一些like數比較高，價錢合理的特色小店，發現這間餐廳，所以便早上致電book枱。我個人覺得呢間就小店地理位置不容易尋找，肯好有地圖，否則，我應該找不到它。和朋友在這間店裏吃及傾談了4小時，以星期一晚市全埸都坐滿的觀察，我暗暗慶幸自己一早book咗枱。食物質素也不錯，當中最驚喜的是它的拿破崙鮮海蝦燴意大利麵及迷矢香香菠蘿芒果冰沙。前者蕃茄醬非常新鮮及美味，而且海蝦亦爽口及新鮮，後者打破我一直以來對冰沙的印象，沒想過加上迷矢香可以如此美味。這兒是促膝談心及享受Me Time 的最佳地點，服務員的服務質素亦非常高。

洋蔥湯：這碗洋蔥湯的底部是濃郁的洋蔥味道，有很多洋蔥粒，真材實料。湯的質地也非常好，不會太稠也不會太稀，剛好適中。沙律：新鮮的蔬菜混合在一起，口感清爽，讓人垂涎欲滴。醬料的味道也非常好，既不會太酸也不會太甜，和蔬菜的味道非常搭配。如果你想吃一些健康的食物，這道沙律是一個不錯的選擇。巴拿馬火腿南瓜汁燴意大利飯：這道意大利飯非常好吃，特別是裡面的火腿和南瓜汁。火腿的鹹味和南瓜汁的甜味混合在一起，形成了一個美妙的味道。意大利飯的質地也非常好，軟硬適中，讓人吃起來感到非常舒服。我也喜歡這道菜的配色，金黃色的南瓜汁和白色的米飯形成了一個非常美麗的對比。如果你喜歡意大利飯，這道菜絕對值得一試。三文鱼扒配檸檬香草汁+意粉：這道菜真是一個完美的組合！三文鱼扒非常新鮮，口感也非常好。檸檬香草汁的味道也非常不錯，既不會太酸也不會太甜，和三文鱼非常搭配。意粉的質地也非常好，軟硬適中，而且竟然不是配白烚意粉，而是有用心烹調的意粉，令人眼前一亮。

🔝高質量樓上西餐👨‍🍳再吃都係比5🌟我對他們的食物品質印象深刻。他們的菜單豐富多樣，他們的招牌特調非常獨特，每一道都充滿了風味和創意。每道菜都展現了令人驚艷的創意和味道。如果你正在尋找一個舒適、美味的用餐場所，我強烈推薦你去試試這家餐廳❗️🍟黑松露醬薯條10/10每一根薯條都炸得金黃酥脆，外層酥脆內裡卻保持著軟綿的口感。而且，這些薯條都帶著迷人的黑松露香氣，讓人垂涎欲滴。法式香煎紐西蘭🇳🇿草飼鹿架配烤肉汁🦌10/10紐西蘭草飼鹿架🦌煎到皮香脆，脆到火辣又窩心，咁樣食真係有口感。入口之後，啲肉質嫩滑，一啖咬落去就好多汁💦，真係令人愛不釋口。啲烤肉汁呢，係主角鹿架最完美嘅拍擋，味道濃郁。配菜的薯仔溶同菇都好入味😋🍚👨‍🍳自家製西班牙🇪🇸海鮮飯8/10飯粒粒分明，唔會太硬仲有啲彈牙感，好似啖緊小麥咁香脆。同埋，佢哋每粒飯都有啲汁汁都留低佐啲味道，真係好入味！然後啲大蝦好彈牙！簡直係海鮮飯嘅完美結合。鐵板朱古力布朗尼🔥配雲呢拿雪糕🧊7/10鐘意鐵板朱古力布朗尼嘅口感真係一流！佢外脆內軟，每一口都食得到濃郁嘅朱古力味道。呢個布朗尼，朱古力香氣十足，唔會過甜又唔會太膩。鐵板上既🔥布朗尼與雲呢拿雪糕🧊

平民樓上高質法國菜🇫🇷雖然係間樓上舖，比較難搵，但係菜式既顏值同味道都在線～迷迭香煙燻雞翼10/10工作人員會即燒🔥等佢煙燻😶‍🌫️後就食得😝呢份燻雞翼🐔嘅外觀好吸引人，啲皮啲肉都煙燻得啱啱好😶‍🌫️，而且啲皮好脆，啲肉嘅顏色啱啱好啦，係啱啱好嘅熟度。啲肉嘅質地好韌，但係唔會太硬，啲肉汁都好豐富，好滋味😋。啲香草同埋迷迭香嘅味道好濃，令人食咗之後都仲會有啲餘韻💯。令人食咗之後都會留下深刻嘅印象，所以絕對要試❗️藏紅花菌燴意大利粉8/10意大利粉🍝煮得剛剛好，彈牙又入味。每條粉都係鮮黃色，配上淡淡嘅藏紅花香氣，即刻就勾起我食慾。我仲要話返佢地嘅醬汁，真係太正！菌菇🍄豐富鮮香，煮出嚟嘅醬汁質地超細滑，又好香濃。每一口都係享受！紐西蘭天然放牧草飼PS肉眼扒9/10牛肉🐮質地勁細緻，肉質又鮮嫩，一切都冇膻味，真係可以感受到牛肉嘅鮮甜！其次，個扒煎得恰到好處。外面煎嘅時候，留意到喺表層形成咗一層金黃色嘅焦糖，內裡仍然係嫩嫩嘅粉紅色🥩，啖啖都係肉汁嘅滋味。呢份紐西蘭天然放牧草飼PS肉眼扒真係超級出色❗️

我親愛的老師(既學生們)終於考完試啦😻作為無限改卷既慰勞同放暑假既前奏，梗係要食餐好！！！！學校係餐廳附近，接咗佢收工行埋個街街過嚟食就啱啱好😚餐廳係大廈18樓，大廈入口雖然係巷到，但都好易搵餐廳格局似cafe，但都有唔少酒類可供選擇😻Set menu既主菜都有5款可以揀，選擇都唔少呀！當日special係油封鴨脾，不過我地都唔食鴨鵝類就冇揀到😛最後揀咗西班牙杜洛克豬肉眼扒配南瓜醬同埋芝士玫瑰汁海蝦risotto餐飲可以免費揀汽水，唔洗額外加錢，+$4既凍飲啤酒杯size😳好抵飲羅宋湯好好飲！好濃番茄酸香，麵包都好好食，搽咗牛油烘得好香脆，我地兩個麵包控第一時間食曬🥹🔥火魔蜆真係有火🔥燒個下都幾震撼，比我想像中大火🤣燒完第一時間聞到好香嘅牛油蒜味，而且隻隻蜆得好大粒，調味唔會過重仲食到蜆嘅鹹鮮味雖然我知道正宗嘅risotto係硬硬地，但我又真係唔鍾意食硬飯🫠真係第一次食到最對味既risotto質地，唔會煮到爛曬而又有米既質感，味道酸酸甜甜有啲似西炒飯😳嘴刁老師都話呢個飯好好食豬肉眼扒好厚身，店員話理想係8成熟，但如果我地覺得太生可以幫我地再加熱Ni～ce！我真係好怕食到好鞋既豬🫠果種纖

旺角一向都好多好野食，今次同朋友book左呢間樓上既西餐廳食晚飯,結果無令人失望！我地二個人，一人點左set menu,另外再加左佢出名既火魔蜆。每個套餐都跟一款餐湯或者沙律，同蒜蓉包。是日係蕃茄湯，非常濃郁香口。拿破崙鮮海蝦燴意大利麵：擺碟好靚，彩得出有細心舖排過。海蝦好新鮮又大隻，意粉掛汁，成個汁都好香同濃味，一啲都無over!試左today’s special, 係慢煮豬仔肉，煮到好淋身！而且非常入味！十分推介。另外，仲要讚吓佢伴碟嘅薯蓉，口感好滑、幼細，薯仔味好出！火魔蜆：一上台表演左場火焰蜆，好濃白酒香氣，蜆肉新鮮同大隻，份量都多。

紅酒牛肋肉燴長通粉 ＄78食落口就已經知唔一樣，嗰一個紅酒蕃茄醬完全係餐廳自己用心整。好濃郁，蕃茄香味，再加埋芝士。食落去仲檸檬zest，識落好好特別，之前完全冇食過咁樣嘅紅酒蕃茄醬。檸檬嘅清爽酸味一啖都好清新，同芝士嘅濃郁balance out 。牛肋肉炆得好琳，一咬落去就鬆化。拿破崙煙鴨胸燴意大利飯＄78呢一啲嘅蕃茄醬，又會唔一樣。佢嘅主調用咗混合香草。而其中羅勒嘅味最出。佢其中可以食到陣陣肉鮮味。意大利飯都整得好好，硬度適中，煮到濕糯。香草飯配上味道特出嘅鴨胸，好惹味。西班牙豬豚肉配秘製芥辣醬 ＄88本身西班牙豚肉已經有特別嘅肉鮮味，而且因為煮得7-8成熟，所以更加食到肉嘅鮮甜。原來豬煮到七至八成熟係可以鬆化同埋鮮甜。秘製芥辣醬又好好味，食落去完全冇辛辣嘅味道，但係又食到芥辣嘅香味。食得出個醬係餐廳自己煮。用心製作！

咁岩今日請左假 就同家人行下街食下飯😆發掘左油麻地一間用心經營既cafe 😋一入到餐廳 店員就很熱心咁招呼我地！我地被安排坐在窗口位置 所以把油麻地街景一覽無遺😛我地各叫左個set menu 裡面包左餐湯/沙律 🥗+main dish +飲品餐湯是洋蔥牛肉湯🧅幾清甜可口！蒜蓉包也很脆身而沙律作為前菜都幾大份👍😆加埋啲醋酸酸地幾開胃😛主菜方面 我地叫左today special - 鴨髀配薯菜😋聽餐廳店員講 個鴨髀準備左12個鐘 再煎香佢 可以把佢啲油迫哂出來😚的確食落口完全唔油 隻鴨髀仲要好厚肉👍依然軟嫩😋 然後薯菜係薯蓉+蘑菇 👍 2者一齊食 超好味😋另一個主菜則點了 芝士玫瑰汁海蝦燴意大利飯海蝦有3大隻 🦐且餐廳很好地剝左蝦殼 令我地都可以方便咁去食！意大利飯吸哂玫瑰汁既精華 🌹小小酸酸地咁樣 很特別 加埋啲芝士令味道更昇華😆除外 我地仲食左呢到特色小食- 火魔 蜆店員淋上火酒後 在我地面前燒🔥 啲蜆肉好新鮮 好juicy 😋 仲要份量都幾多飲品方面 家人叫左熱美式咖啡 ☕️ 而我則點了橙汁🍊呢到嘅店員很熱情 同時食物都用心制作 大力支持呀