Little Mario's Pizzeria (Life@KCC )

Open Now

Now Closed

今日放工，好肚餓就係附近搵野食見到有得食pizza,門口又幾企理，就走左入去食2人食，叫左個意粉加個pizza都好夠食😎份量剛剛好意想不到咁好味，地方細細質素都唔錯既😋下次都可以再食過👍

香港🇭🇰必食Pizza🍕？性價比高💯 Cocktails買一送一🍸#sdm葵芳 #sdm葵興 #sdm馬灣 #sdm觀塘 #sdm西餐 #sdmcafe 💎 Meat Lovers Pizza $108(M) $168(L) 必食💯💯（😋：8.8/10）我叫咗M size (9吋)👍🏻：果然冇嚟錯😍😍😍Pizza真係做得好出名💯一定要食pizza🍕佢個Pizza皮好好食！我覺得好食過其他出名嘅Pizza舖頭🫢佢個批係薄批，做得好脆身，令個批邊口感都好好，唔會唔食埋佢！🙈味道亦都好足夠🥳唔洗額外加任何調味料👎🏿：冇。不過12吋真係大好多🍕靚好多🤩下次會試吓🤭💎 松露卡邦尼意粉 $118可以一試✅（😋：6/10）👍🏻：一上枱聞到好香松露味，賣相都唔差，意粉都算creamy掛汁，本身以為好好食🍝不過可能我expectation 太高了🤣🙈👎🏿：食落冇松露味，意粉味道亦偏淡，唔太好食🤥💎 Bellini $88 (半價後$44)正正常常✅（😋：6.9/10）👍🏻：賣相幾靚🍹橙橙黃黃色嘅，高身杯，仲有塊橙裝飾一下🍊偏甜嘅cocktails 幾啱女仔飲❣️👎🏿：唔係好夠凍🤣💎 Margarita $

葵興工廠區中的pizza店，印象中長長嘅葵涌道就只有呢間餐廳，望入餐廳裡面嘅紅色梳化，所以特別起眼。餐廳裝修美國風格，服務員係英文人，好有禮貌，坐低即刻送上兩杯水俾我地，叫我地慢慢揀，甜品亦會問清楚係一齊上定後上，仲建議我哋頭盤試下印度咖哩角，食落真係幾唔錯。餐牌全中英對照好方便，環境幾舒服。見manu有齊我喜愛嘅蘑菇或黑松露，所以由我發版izza Set $118 (Lunch Set) Samosa 加哩角 x2 Magic Mushrooms 魔法蘑菇 9" 凍O茶Truffle Carbonara 松露卡邦尼意粉 $118Ice Mocha $42Tiramisu $20Pizza 有拉絲，批底夠脆，厚度感覺係厚皮&薄批嘅中間，幾好味。推介黑松露卡邦尼意粉，口感非常Creamy 而且濃郁菇味，意粉軟硬適中，感覺有啲似食緊鵝肝醬超正。Tiramisu 亦好正，咖啡同朱古力味都好重，不過略嫌甜咗少少。2人埋單$298, 平均每人$149，價錢都合理，有下次之選

呢間食Pizza 既西餐廳位於葵興KCC活既地舖，一出地鐵就到，十分方便就腳！店舖裝修好有心機同氣氛，透過門口的玻璃窗已經感受到！☺️🫶🏻Hawaiian pizza 🍕既然黎到pizza 店一定要試下呢度既意式pizza ，果然真系唔錯！我地兩個人食，所以只叫左M size 已經夠。Pizza 個餅底算薄，宜且好多足料，配合得唔錯👍🏻自家製雞翼🤭自家製醬汁，酸酸甜甜的好開胃，而且非常之入味，雞翼覺得好鬆軟，味道很不錯。三文魚凱撒沙律食完pizza 唔想咁肥膩，所以叫咗碟沙律🥗，三文魚份量很多，沙律菜也新鮮，值得一試！如果去開葵興，不妨一試呢間有氣氛的Pizza 店Little Mario's Pizzeria (活@KCC ) (葵涌)📍葵涌葵昌路72-76號活@KCC地下G02號舖

疫情逐漸消散,雖然大家都開始湧去堂食之際，但係我地一家3口決定繼續留家抗疫。細佬話佢返學附近有間好多人去食既快餐店，佢好想試下，咁就一於我出錢，佢出力啦。外表睇落簡簡單單，內裏又好乾淨好企理既感覺。餐牌睇落都好美式，見細佬想食又咁推薦，咁就陪佢試下啦！Hawaiian 夏威夷 $158個批好薄身，細佬話個餅係即叫即做，所以拎到返黎仲熱辣辣，食到新鮮麵包香味。脆炸辣雞柳（8件）$68辣雞柳唔算太辣，連我呢個唔太食得辣既人都接受到。keep到肉汁，炸得唔會太厚粉。肉丸(8粒）$78肉丸好有質感，一啖食唔晒，又彈牙，加埋d蕃茄醬更加開胃。呢間野加深左我對pizza 意粉既好感，寅係好好味。有機會會再試堂食，應該會更美味。最後當然要即刻傍水比個衰仔啦，多謝晒。

下午6點正值放工時間，葵興站天橋人潮熙來攘往絡繹不絕，我地卻逆流而上向活@KCC的方向行🚶🏻‍♀️🚶🏻‍♂️🚶🏻‍♀️🚶🏻‍♂️🚶🏻‍♀️究竟有咩動力，驅使我地行得咁辛苦？係Pizza🍕呀!今日食嘅係位於活@KCC地下嘅Little Mario's Pizzeria，餐廳大門面向葵涌通，要出一出商場再入返去。餐廳地方唔大，有紅土磚牆與柔和燈光，氣氛一流更一直播住聖誕歌曲，成間餐廳瀰漫住溫暖舒適嘅氣氛。🍫一坐低有啲口渴，叫杯朱古力飲先朱古力味十足，加上靚靚拉花誠意十足。首先有自家醬汁雞翼，醬汁果然自家制係未試過嘅味道。雞翼甜甜咸咸，味道唔會止停留係表皮，內裡肉質都食到醬汁。🍗然後Pepperoni Pizza🍕🍕香脆餅底加上🧀拉絲芝士最後食到無得輸嘅Pepperoni的咸香，口感豐富，從來都係我必食之選!最後🧀🧀🧀Macaroni(又係芝士!)，我地揀咗with ham。上枱時熱辣辣，芝士香氣迫人。用匙羹一𢳂厚厚嘅拉絲茅屋芝士足以將通粉完全覆蓋，芝士控必食!見到人地食tiramisu好吸引，可惜嘅係已經好飽，又錯失一次食甜品機會😭😭餐廳堂食人唔多，外賣就一個接一個。如果有時間可以同良朋知己嚟慢慢坐

KCC有好多吾同嘅餐廳，今日同朋友去試下地下果間Little Mario's薄餅專門店，2:30去到仲可以叫午餐。午餐有沙津/頭盤，主菜及飲品。主菜有pizza, pasta, fusion及burger。本來想食burger, 點知已賣晒了，所以揀左 pizza同埋fusion。前菜的 Caesar沙律菜夠爽脆，個汁酸酸地好開胃。頭盤的雜菜㗎喱角有兩件，新鮮熱辣，仲脆卜卜，好好味。主菜的T-Rex 食肉獸pizza好足料，真係啖啖肉，餅底焗得好香脆。印度㗎喱雞豆配印度烤餅，好夠辣，多豆又多汁，如果有白飯撈埋食更正，不過配烤餅都吾錯。飲品我們都叫了凍的Honey Lime 青檸蜜，少少酸但又吾會太甜,幾好。本來想加$30試埋個甜品Tiramisu, 點知又賣晒，下次要早啲嚟食先得。

上次食過呢間，覺得都幾好食，所以又約朋友食多次瑪格麗特蘑菇意大利風乾火腿 $108呢款Pizza嘅配料有Mozzarella芝士、4種蘑菇，同埋Prosciutto風乾火腿。餅身好薄好香脆，味道濃郁，而呢款風乾火腿好似比較濕潤，有啲特別忌廉雞肉闊條麵 $108呢碟好creamy，白汁好香濃，雞肉都幾大嚿好嫰滑，係填飽肚之選！炸薯條配松露醬 $58好耐冇食薯條啦，既然出嚟食，都係要放肆下嘅！幾鍾意呢款薯條，比較粗身，所以入口啖啖薯蓉。炸時連皮切，所以角位會見到啲皮印，喺視覺上都係一種風味！側邊有芝士粉或tabasco提供，想落幾多就落幾多！今日6點半就去到，因為時間比較早，所以未有人，有空間畀我欣賞呢到嘅裝修。其實環境好明亮好有外國feel！唔知點解，仲有啲聖誕嘅感覺

週未嘅夜晚，行完葵芳新都會，如果唔想同人迫又鍾意食手拉Pizza嘅，行過少少落葵興搵到呢間係KCC地下既Pizza店🍕店鋪開揚幾舒適，全落地玻璃望住出面大馬路，座位闊落，又近葵興地鐵站幾方便。我哋主打點咗一個手拉M size pizza，又想食埋佢地啲小食， 甜品諗住要Tiramisu點知一早已經賣曬1️⃣ Chicken Wings (8 pcs)一份有8隻，自家制香草柚子口味雞翼，甜甜酸酸咁幾惹味😋2️⃣ Fries with Truffle Sauce 即炸香口粗薯條配香濃黑松露醬，岩哂吹水食3️⃣ Truffle Pizza (Medium Size)熱辣辣滿滿嘅火煎菜🌿+即拉充滿拉絲嘅芝士🧀+香菇+黑松露，簡簡單單又美味4️⃣ Lime Soda大大杯嘅冰凍青檸梳打, 無甜夠解渴👍🏻👍🏻兩個人食份量啱啱好，週末happy hour好滿足😋😋😋

收工同朋友經過，比大大個招牌吸引咗⬇️⬇️葵興最近多咗好多新餐廳見到呢到既PIZZA🍕好多款式, 即刻入去試吓先叫左夏威夷風情pizza！而且員工全部都係外籍人士好似去咗旅行咁呢Medium size, 芝士味香濃，Pizza餅底比較薄容易入口，脆卜卜👍🏼菠蘿同平時食唔同應該有浸過酒🍺🥃仲叫咗素菜咖喱角, 如果唔食得辣嘅朋友唔好叫啦因為入面餡料就比較辣🌶$58 有8 件，好抵食！另外亦叫咗自家製雞翼，醬汁少少酸都幾開胃👌推介黑松露意粉醬汁非常濃郁 好creamy 👏 意粉🍝好出色呀yummy ～～比起坊間濃郁非常多值得試吓員工都非常有善，好好禮貌😁飲品都非常多選擇好多款Cocktails!!🥃

係葵興工業區既Little Mario’s Pizzeria係好方便，一出地鐵站行5分鐘就到。係附近收工過黎食個晚餐，環境又舒適，係同朋友聚一聚既好地方。Menu都幾多野揀，有勁多款式嘅pizza，小食有蒜蓉包、咖喱角、芝士條同埋肉丸等等，煮食主要有意大利粉、闊條麵、芝士通粉等等。仲有印度傳統美食，好似烤餅、芝士咖喱、牛油雞。最黎仲有沙律菜同埋甜品，其實都好多嘢食。牛油烤餅$28新鮮焗起熱辣辣，就咁食都香牛油味，同埋唔會話好乾身，主要係配埋個牛油雞嚟食。辣牛油雞$158雖然係落牛油雞，但係都唔係好難，起晒啲雞肉出嚟都幾方便，配埋牛油烤餅好好食。夏威夷薄餅$98 + Parma Ham($20)9‘’既pizza兩個人食都啱啱好，有火腿、菠蘿、蒜蓉同埋莫扎里拉芝士，仲加配左巴馬火腿。🌈: Little Mario's Pizzeria (活@KCC ) (葵涌)📍:葵涌葵昌路72-76號活@KCC地下G02號舖

搭車經過見到幾次，呢間店就係商場地鋪好顯眼，今次見佢有埋halloween 裝飾，就順勢入去食個晚飯。店內唔算好大，7-8張四人檯，整pizza 位置係玻璃可以望到造餅情況。店員都係講英文，但講中文佢地又聽得明。因為食pizza 都比較容易滯，兩個人只係叫左三樣野，但份量好足，2個人食已經食到飽Cesar Salad with Bacon and Egg西餐要食菜唯有叫沙律，份量都幾足，菜又新鮮，個沙律醬唔會好膩，夠哂fresh忌廉雞肉闊條麵呢個好惹味，個忌廉汁夠濃，雞肉都唔鞋，每檯都有放樽芝士粉任加，好香Pepperoni Pizza即叫即整，叫左個Medium size 都已經夠哂飽，有四個拳頭咁大，鋪滿辣肉腸，芝士又落重料拉哂絲，滿足埋單先$345, 都幾抵食

兩個人諗唔到食咩就會想叫Pizza, 但唔想是但食所以就特登坐地鐵去葵興, 好近地鐵站啊點左個Romance 二人套餐 加左$20揀左Meat Lovers Pizza, 呢個真係我嘅all time favorite! 係蕃茄底之餘仲啖啖肉好開心個pizza底夠薄脆，焗嘅時間足夠同平均，而且回程坐車返去已經聞到陣陣炭香及麵粉香氣；拎到返屋企放入焗爐reheat 一陣都唔會乾哂。個邊邊都仲係好脆又煙靭。個餐再加左$10 揀左肉醬千層面~ 面頭鋪左層厚厚嘅芝士! 味道唔錯另外單點左一份雞翼$68, 佢用左d香草同青檸, 味道好清新! 

放工想搵間靜靜地嘅小店食晚飯，諗起搭車經過呢間舖頭，就不如試下佢。店員係講英文，態度十分友善，當晚店舖人流唔多，所以好好彩我哋安排咗坐梳化位🥳🥳店舖牆身用石磚裝修，仲有個窗仔可以睇到廚師入邊整pizza，好有外國氣息，適逢萬聖節，亦都有搞鬼嘅裝飾🤪🤪餐牌好多元化，有漢堡包，有小食，有沙律，主菜，適合想輕食既朋友。飲品都有酒類可以chill下，唔想有酒精類都可以選擇mocktail。食緊嘢嘅期間，都見到有客人買外賣，偷聽到有啲係開party🥳🥳放工冇乜胃口，所以都揀咗啲比較開胃嘅食物。我哋叫咗個蕃茄煙肉意大利麵，肉丸，同一個中size嘅夏威夷pizza😋意大利粉比較硬身，食落煙韌，煙肉同蕃茄醬都比較多，入口好開胃。肉丸，冇諗過呢個價錢竟然有八粒咁多，仲要每粒大大粒，係一個飽肚之選。最後夏威夷pizza，唔好諗住個樣平平無奇，佢麵包邊係好脆！同埋餡料入口好juicy.最後，仲有一樣好貼心嘅係，枱上面已經準備咗辣椒仔同芝士粉俾你隨時落🙌🏻🙌🏻。😜😜😜

最近免針紙咁岩到期，因為同企人都冇打算打針，所以暫時冇得堂食，要靠外賣。星期日咁岩係一家人聚餐既時間，好彩呀妹同佢男朋友有揸車，可以去D 遠D 既地方買外賣返屋企食。因為大家都好耐冇食過Pizza，所以揀左呢間以pizza 為主既餐廳，過下口癮。我地一共買左2塊pizza 同 2款小食,  pizza 方面有1個係夏威夷，而另1個係食肉獸，至於小食，就嗌左雞翼同辣肉醬意粉。食物到既時侯，打開個盒真係有D驚喜。因為份pizza 都幾大塊，比起平時連銷食果D ，足足大左我諗有30-40%。本身自己都幾中意食菠蘿同芝士，印以呢份夏威夷真係一次過滿足我3個願望（其中一個係滿足好耐冇食pizza 既願望）。至於食肉獸真係pizza 如其名，每一啖都係肉。對於中意食肉既朋友，一定唔可以錯過。小食方面，雞翼總共有8隻，香得黎又唔會乾，同埋生熟度岩岩好。（有時出去其他餐廳食到有D生既雞翼，真係會打左個突，然後果餐飯都會冇咩心情）至於辣肉醬意粉，聽個名以為會好辣，對於唔太食到辣既我黎講，本身都有D驚，但入口果陣發覺都接受到。加上佢配料都落左幾多菜，成件事balance 返晒。由於pizza 實在太大份，