Little Mermaid Bakery

Open Now

Now Closed

$10條, size就似一條熱狗腸咁, 貴就貴左d, 但係外脆內軟, 甜甜地, 好好味!p.s. 用city'super card有九五折嫁

店員一邊切麵包一邊談笑，氣氛輕鬆，但說「Just baked」無神無氣猶如見鬼。買了忌廉玫瑰和巧克力玫瑰($2＠)、炸芝士蛋糕($8)、炸紅豆冬甩($6)、丹麥芝士撻($12)、提子小紅莓麵包($24)和穀物麵包(忘記了名堂，總之賣廿八元)。忌廉玫瑰軟滑，比巧克力玫瑰淡而無味優勝，同是一口小吃。巧克力玫瑰要多加巧克力，造出真正的巧克力色，外形更吸引，味道更濃。炸芝士蛋糕是本日佳作，入口滑溜，甜而不膩，來日必定安歌。炸紅豆冬甩熱些會更好，甜甜紅豆蓉。丹麥芝士撻底層一抹藍莓醬消膩，芝士味濃。提子小紅莓麵包和穀物麵包也美味，提子包很多果乾，真材實料，甜甜的，好味得停不了口。可是買多兩個麵包要花數十元，分分鐘吃不飽，奢侈得很。

尋晚去搭船過海之前見肚餓，於是又黎左呢度買包包，今次買左一個又係寫住just baked既提子丹麥酥，諗住搭船o個陣食。其實我一向都唔係太鍾意食呢D酥類既包包，不過呢個我都覺得好好食呀～雖然個包包唔大個，但就有好多好多提子乾，而且仲有一D應該係蕃薯蓉既野做餡，散落o係個包包裡面，我個人覺得好特別，個酥都幾香，但又唔會太甜喎～其實之前試食過佢地D丹麥酥都已經覺得唔錯，今次一食就令我對呢D酥類包包改觀了！不過今次又係暖暖地開始放涼....可能佢地都已經baked左幾個字啦....

好耐冇去過o個度買包包喇，尋日因為等人去開飯覺肚餓所以去幫襯。本來想買士多啤梨酥，不過見佢D pizza新鮮出爐，所以結果我係買左：照燒雞肉意大利風pizza一個同炸紅豆冬甩一粒（我覺得用粒黎形容適合D）。照燒雞肉意大利風pizza果然係just baked，熱呼呼的，香味撲鼻～有好香既芝士味，但係又唔會太濃，正！雞肉亦幾滑，好好味！炸紅豆冬甩因為應該已經放左一段時間，所以已經凍晒，亦都淋晒....不過紅豆餡依然美味，如果D紅豆餡可以滑D，粒冬甩可以再大粒D同新鮮D就好了。

都有耐不耐買佢地既麵包食, 無可否認係唔錯既, 用料新鮮, 但係十蚊或以上一個, 要求當然要高些少.家人較喜歡甜薯包, 我就較欣賞無花果合桃包. 北海道包則略嫌奶味太多. 有次試過菠蘿包, 有一絲絲菠蘿果肉係包入邊, 唔係其他地方一般賣o個種, 幾得意.

一早就出左中環忙左成朝, 11點都未有野落個肚, 立即衝左去IFC Little Mermaid買麵包食. 見到佢地有三個酥, 黃莓酥, 士多啤梨酥同藍莓酥,頭兩個都係$13, 獨獨是藍莓酥係$14, 無端端貴$1, 一定有過人之處, 仲要寫住freshly baked, 就試一試佢!一咬落去, 心裡即刻有兩個感覺:1) 酥係凍o既? 又話freshly baked? 被騙! 2) 酥裡面黃色o既係忌廉芝士o既? 上次食黃莓酥係吉士黎嫁播! 唔通就係因為咁所以貴$1? 不過酸酸地又幾好味播!如果可以新鮮出爐熱辣辣o既話就會係笑面啦!

今次買左:蕃薯包: 買比老媽子食!呢度既蕃薯係一粒粒而唔係香滑蕃薯蓉,口感差d亦冇咁香甜,仲要$13一個! !媽咪話A1既好食好多!仲平d合桃包: 再次抵受唔住佢既誘惑,呢個值得比滿分!

I was just baked when i bought it.Still warm and very soft.The bread was delisious, it had a pics of baked cheese on the top, quite good but greasy ~Quite expensive that &9 for this bread.

味道同東京食到o既相似, 麵包好軟好輕身, 脆皮好香甜, 好味!

今日行過買左呢度既唯一至愛-合桃包! 依然咁外脆內軟,合桃粒不多不少岩岩好,真係正~ 不過$8 咁細個真係好好貴貪得意又買左兩個朱古力冬甩,之前食過一次都覺得幾好食,今次就似乎差左,朱古力唔係流出黎又甜左d,食完一粒(雖然好細粒)都覺得有d漏

唔記得正確名稱啦, 係一個圓扁包, $10一塊. 個包其實係brioche, 再加左d牛油同糖o係上面. 包係就係好香甜, 但係份量細左d, 食完好似食左陣風咁, 而且亦貴左d.

呢個果子方包係銅鑼灣Citysuper'獨有嫁! 每包size同佢地o既招牌北海道牛奶方包一樣(1/4裝),$16一包, 仲貴過牛奶方包呀!咁貴, 但係味道未見突出, 同A1o既什果方包差唔多, 不過軟身好多, 而且乾果粒多d. 我仲同家姐打趣, 話mermaid o係聖誕節時入多左乾果粒, 用唔晒, 所以諗盡辦法用晒佢(佢地仲有另一個細果子包)

昨日行經見倒之前cathie講過既christmas star,而家就叫star, 中文係希望之星...個名好老土...個食既冇牛油味,上面脆,下面軟,我覺得幾好食呀!另外cranberry scone食唔倒cranberry wo~不過個口感真係好正,脆脆的,不過$10少個唔抵~

萍果蛋糕$12 <--- 都幾好味,唔太甜, 食一個就好飽, 因為比較乾,食個陣要有水飲先得...

個包好大個，都只係＄２２，以哩間野黎講巳好平了～佢既三穀係黑同白芝麻同麥～佢既兩種芝麻超多，　真係好正同好香口感同a1 既麻薯好似，　鍾意食ａ１麻薯既人一定鍾意食哩個包～重有芝麻狂都一定鍾意ｇａ