Little Mermaid Bakery

Open Now

Now Closed

本來諗住黎買佢個cranberry scones,不過見到有隻芝士條,係擺係三文治果個凍櫃度架,長方形咁,10蚊一條,都幾好食,我覺得好味過個cheese tart,唔算貴,唔知點解覺得食落似cheese cake~~

今日買左個chocolate cream cornet($8)做tea. 好好味呀! 佢有層朱古力封住左個cornet, 所以見唔到d餡. 本身以為裡面係普通custard, 點知原來係朱古力cream黎嫁...我覺得係$6一個chocolate donut o既餡黎添...呢個cornet賣$8, 我覺得幾抵呀!

食完個唔好味既pret a manger三文治,覺得好失望,tea time黎左買面包~~見到有新野出左喎~~係cheese tart,唔係just baked,不過都想試下,12蚊個,我覺得唔夠芝士味囉,個d cheese filling同個tart底差唔多厚,不過一陣就比人掃晒lu~~無再refill,又見到有好多chocolate sticky donut,不過無乜人買喎,又唔係just baked;另外又有一款咖啡蝴蝶酥,好似好好味咁,10蚊個,但係食完個cheese tart之後好飽,都係下次先試啦..

今日又嚟ifc，見到choco sticky donut，買咗個寫住just baked，但已經凍咁濟?!糯米糍面一般，但filling既melt choco幾好，但都係一粒就夠又買咗個話"just baked"既蘋果蛋糕($12)，但呢個仲"凍"，而個人覺得呢個"超難食"註今次畀分為choco donut而已

之前係呢度買面包都見到有呢款donut賣,不過見佢一粒仔要6蚊,而且自己對donut的興趣都不大,所以無食佢,之不過見到大家都好評呢粒donut,今日就特登去買黎食啦~~我去到既時候大約12:20,已經得番10粒到,我買左一粒donut同埋一個calzone with cheese & vegetables,早餐食左好少野,梗係要即刻食左佢啦~個donut真係一咬落去就有朱古力流出黎啊~~個皮又係幾sticky喎,煙un,~~好味啊,但係又未至於要買好多黎食,食咁多咪好漏?!?至於個calzone就ok la,唔夠熱啊,搞到個邊邊有d 硬,另外亦唔係好夠cheese,14蚊一個我覺得貴左d lor,仲有啊佢個芝士rasin sandwich都幾好食架~~

各位食家, chocolate donut同埋甜蕃薯包都重現啦!我今日lunch經過時都見到佢地just made!我黎手就買左個donut, 一啖, 兩啖, 攪掂左!yummy!

唔止呀...就連甜蕃薯包都暫停供應,話因為日本未有貨返...佢地連面包dough都由日本運過黎喎...

今日再次經過，都係無choco donut，問咗佢地，話暫停喎，好似話過多幾日至有

要試佢個chocolate donut真係要知佢幾點出爐...因為一出爐就好快俾人搶晒...點解?我上次目擊過一個男人一次買左around 20個donuts!!!!!!呢間面包舖有三次出爐時間, 10:00, 12:00同3:00. 當然唔係每款面包都同一個時間出爐啦!12:00出爐o個次係最齊o既!通常呢個donuts都係12:30左右會出爐, 1:00左右就會無晒嫁啦!

我都係一個麵包狂，反而蛋糕就不會太熱衷(soft果類例外)呢度都試過幾款，水準較高，但價錢亦略貴認啲果酥係好過A1集團(A1,Backenheim,Das Gute)少少，但價錢就相對貴本來想試試大家推介既咩$6個choco doughnut，但次次經過都唔見

我呢個面包測試專員又出動啦!今次o既目標就係蘋果批. 不過今次唔係"just baked", 凍左少少, 所以失色左少少...個餡較同class面包舖較甜,相信係因為佢地用日本蘋果, 而其他面包舖就用青蘋果做餡...酸o既fillings當然開胃, 不過呢間甜得黎都幾refresh, 唔會好似用紅蘋果咁得"死甜"...所以都好好食!係另一種感覺!如果係just baked o既時候, 我相信味道會更好!

我都食過佢黑莓酥，好正。仲有合桃包同多穀麥包亦同樣好食。

呢個黑莓酥聽説係little mermaid 個日本集團-- Anderson o係日本o既熱賣product. 所以我都試過o係佢"just baked"時買黎食. $12一個, 不過好細個. 個酥好脆, 係較其他面包舖出色, 亦都好食過文華出品! 不過我覺得A1 同埋Beckenheim 同類型產品質素唔係差佢好多, 但係就差唔多平一半!唔係好明點解而家日式面包舖做o既酥仲好味過一d酒店o既法式面包店..乜呢d酥唔係法國/西班牙野黎嫁咩?

乒乓波咁大個，要６蚊，出面鋪滿朱古力粉，糯米慈質地，一咬開，朱古力醬湧出，鍾意食朱古力實鍾意佢。但純以麵包論，個人喜愛beckenheim麻糬波波多些，比較煙韌，新鮮出爐更一流，重平d。<br /><br />呢到d麵包都幾貴，好似貴過great，不過IFC 二期真係起得好靚，唔知邊個建築師?

今日晏晝同老闆出街開會, 經過時發覺佢地個牛奶卷"just baked!".已經想試好耐, 所以就買左個啦. 呢個包要成$14個, 有一隻女性手掌攤開咁大, 好似個蝸牛殼咁, 裡面係無餡o既, 好似幾貴咁... 但係成日都見到d人一出爐就去搶, 有d人仲會一次買3,4個!所以成日都想趁佢"just baked!"時買個即刻食,睇下有咩咁巴閉!!食完之後就知啦...佢個面係脆o既, 但係中間就好軟熟, 裡面俾我o既感覺就好似浸過o係雞蛋牛奶漿之後先去焗, 好香甜...加上o岩o岩出爐, 我覺得$14都係值嫁!不過只限於"just baked" o既時候...如果攤凍左我就唔敢包啦!