Little Prince

Open Now

Now Closed

之前食好多次都係買外賣 今日難得唔洗等位於是就坐低食啦12點半坐底 即時就 order 野食 食物到左 即時就食 全程我地3個女仔都無乜點停哂手傾計用餐時間20分鐘左右 每當一個人食完 職員就九秒九埋黎收走個碟呢個係好正常既 當收到最後一隻碟既時候職員講左一句 " 繁忙時間幫幫忙丫" 我地 r 哂頭 !? 然後 我地就拿拿臨飲埋杯餐飲啦 (已經無傾計 淨係靜靜地專心飲野)職員又係我地身後向門口等位既人講 "你地叫住野食先啦 佢地走架啦"再然後 又專登行過黎我地身後講多一次 "繁忙時間幫幫忙丫唔該"我想講 我明白繁忙時間好多人等位 但其實我地上班族lunch 時間都好有限而且我覺得 30分鐘 用餐時間其實已經合理到不得了 大把人食得慢過我地點解要咁樣一催再催???! 如果你趕住返枱趕得咁緊要的話不如索性 lunch time 唔好比人堂食?? 又或者你貼張 memo 出黎講到明用餐時間20分鐘? 話哂都 5,6 十蚊一個餐 得半個鐘用餐時間 仲要不斷咁比人趕 而同場其他食肆 就算堂食位只有三四張枱個d 都不至於會咁樣趕客 真心感覺好差 呢間野 唔會再有下一次 

今日同同事出去食晏, 佢提議想食意粉, 問我食呢間好無, 咁都無乜所謂嘅, 咪試試囉!望下個餐牌, 價錢都算抵, 我本身唔太喜歡食茄汁, 所以要咗蜆肉意粉都等咗大約十分鐘, 上枱時經已聞到好香, 睇落份量好似好少, 但其實食落都夠飽!蜆肉份量好多, 有好重蒜香, 黑椒味亦濃, 呢個價錢食到咁有水準嘅意粉確係超值但就要留意返因為 lunch 時間人多, 位置比較緊張, 你食完意粉即使飲品未飲完, 店員都會叫你離座我同事一放低支义, 飲緊個檸茶, 佢就同我地講, 你地用完張柗未?有人等緊然後我旁邊兩人飲緊熱飲, 店員同佢地講, 你地都係呀!平時繁忙都會見餐廳想你盡快交柗, 但就未遇過要立刻, 所以大家自由決定啦!

自從公司搬左去kcc之後，成日lunch就周圍去試新嘢，因為呢到實在太多食肆，今日試呢間letteprince小店，我就試辣肉腸煙肉茄意粉，同事就試煙三文魚煙肉白汁意粉，意粉勁多料，意粉分量都幾多同好味，價錢都抵連杯咖啡☕️$48，加$5有蘑菇湯，果湯勁好飲，同埋果湯好快就買晒。呢間小店我諗我成日會來。。。。識食一定要加$5要湯，湯勁好香好creamy，佢一d都唔似係罐頭🥫湯。#letteprinces #叮叮噹食貨 #叮叮噹雲遊記

哩間餐廳其實都成個月之前食，但之前真係太嬲打唔落手🤬今時今日論最差嘅服務態度，佢地應該係全港第一😊個唔知老闆娘定收銀啊姐由落單開始態度已經好差，仲要嫌小編張$100殘殘地唔收🤯我地叫左3個味道很一般嘅意粉🙂〰️👉🏻雞肉菠菜忌廉汁意粉 $52 🐔👉🏻黑松露什菌忌廉汁意粉 $54 🍝👉🏻7月份限定-松葉蟹蓋意粉 $68 🦀👉🏻熱檸水(跟餐) 🍋意粉味道只係好茶餐廳少少同埋份量好多，但包你唔洗食都會飽，因為會食到成肚氣☺️小編同朋友食到一半已經俾人趕走左，真•趕客👏🏻

其實朱古力🍫、香蕉🍌、熱香餅🥞都係好食嘅嘢，好難整得唔好食🤣🤣朱古力醬分量完全充足！香蕉亦非常之咁新鮮！不過熱香餅口感唔太綿密，厚度又偏薄丁丁🤔，所以反而俾配角🍫🍌搶哂風頭！希望下次再嚟食會食到戀愛感覺嘅升級版朱古力香蕉熱香餅2.0啦💪🏿😎🔥分數（五星滿分）：⭐⭐⭐️

依間餐廳野食係正常的，侍應也不錯，但個老闆娘太寸了話說的拎左杯咖啡入去坐，我原本也不打算飲的，只是等緊餐時飲了一口解喝，佢就即係喝住不給飲。我不是無叫餐，個餐係跟埋野飲，我也只是等餐時喝了一口。之後到食飯時，我們也沒有飲自己的咖啡，但她全程監控著我們同西面，唯恐我地飲自己的飲品。我覺得很失望，我以後不會幫親KCC的店鋪了，KCC竟然會容許這等服務態度差劣的食店進駐，令我很是失望。

呢間意粉餐廳食物還算可以，但服務態度非常差。先講食物，意粉係即整，都有一定水準唔算係茶記level。飲品係港式飲品，但一律用即棄既外賣杯，唔係咁環保。跟住講下佢啲服務。午飯時間人多，明明有正常位但迫我坐主席位，呢個OK無問題既。但我同同事仲未食完老闆娘就好串咁開聲要我地走，第一次無理佢佢仲來趕第二次，說話仲非常難聽。想做多啲客生意可以理解，但身為一間餐廳連比客人食完個餐既容忍力都無，實在離譜，將會永久blacklist。如果大家唔介意食到一半比人趕，或者朋友食得快要比人趕走先，不妨試下呢間餐廳。

👬👭呢間餐廳都唔少人，所以一係要早到先唔使排。🕜試過12點半到已經長龍，買外賣都等左幾個字。廚房有少少慢啦，會冧檔咁既款。🔸最鍾意飲佢個蘑菇忌廉湯🍄，滿滿既蘑菇打碎，每一噡都係蘑菇蓉，絕對係鎮店之寶👍🏽。蕃茄肉丸意粉係幾正常既，蕃茄汁🍅夠味，唔可以話特別多料，但係絕對係符合價錢既。（只係個人有啲麻麻地撈左啲蘿蔔絲入去😂）加埋杯野飲係啱啱好夠飽既。🔸💰50蚊左右既一個餐算係咁。

人在葵興，如果心血來潮想吃意粉，基本上是不假思索，直接來到Little Prince 同區有不少餐廳都有供應意粉，單說公司樓下已有，不過這家感覺上比較專注吧 餐牌上大部分為常設口味，另設每月限定款式；儘管只是間中來訪，但已盡嚐固定款 先來茄味系列，意式肉丸茄汁意粉　$48意外地清新開胃，醬汁偏稀，酸中帶甜 肉丸偏細而緊實，類似宜家出品，勝在不肥膩又沒有雪藏味 相比之下，西班牙辣肉腸煙肉茄汁意粉　$48顯得豐富精彩多了，起碼多分鹹辣味 可惜當日失算，茄汁意粉已經頗酸，再點了碗紅湯，吃罷感覺似未落肚 兩款忌廉汁意粉當中，雞肉菠菜忌廉汁意粉　$52最得人心，首先是足料，雞肉肉件多 菠菜不帶青味韌筋，伴上奶潤而稠度適中的忌廉汁，特別易入口（雖說我本就不抗拒） 煙三文魚煙肉忌廉白汁意粉　$54非我所好，當日吃的那份醬汁過稀，連餐湯也比其濃郁 忌廉汁未能掛麵，味淡，就像牛奶湯一樣；煙三文魚碎上，味道亦淡，好在有煙肉搭救 壓軸是看似沒什麼大不了，但其實不容小覷的辣味意粉，至少我食時如是 由輕到重數起，香辣蒜片蜆肉意粉　$48蒜味明顯且濃，間中吃到蒜片還感受到一絲辣意

自從公司搬左去kcc之後，成日lunch就周圍去試新嘢，因為呢到實在太多食肆，今日試位於kcc&lift 地下呢間letteprince小店，我就試辣肉腸煙肉茄意粉，同事就試煙三文魚煙肉白汁意粉，意粉勁多料同果汁我好鐘意酸酸地好醒胃，意粉分量都幾多同好味，價錢都抵連杯咖啡☕️$48，加$5有蘑菇湯，識食一定要加個湯，果湯真勁好飲，同埋果湯好快就買晒。加$8可以latte 或mocha，同事話果mocha好飲，呢間小店我諗我成日會來食。

星期五同一位朋友約左黎食飯，朋友未到我先攞位，當時12:30，短髮侍應俾左個兩人位，10分鐘內催左我兩次，話唔嗌野食張枱就要俾人。我放低個袋去櫃位落單，佢唔客氣我都唔會同佢客氣，直接問長髮收銀有冇限食幾耐，估唔到佢真係答「盡快啦！」面色同語氣臭過洗腳水。但佢收銀又唔見得快啫。之後朋友來到已經即刻落單，都要等半個鐘先有野食。咁你廚房又唔見得快啫。食食下佢又趕隔離枱走，人地一食完就趕人走。由於朋大既野食1點先到，我地食完已1點半，外面人龍已減，佢即收枱但冇直接趕我地。我知你想做多幾枱客，但你廚房做得切咩？既然營業額一樣，點解唔可以對客好d？你對客好，可能佢地會合作，都想你做多單生意唔好執笠住。你咁寸嘴，食左都唔落格。其實life@kcc入面好多食肆都實行12:45前埋單8折，鼓勵客人早d還枱。你咁趕咪齋做外賣囉。公道講句野食係唔錯，性價比高，但就預左係咁俾人催俾人寸囉。

咁耐而黎,都未食過咁受氣既食店,一行4人,各有各位野食,我最快黎個食物,跟住到朋友B同C,D係最慢,我就快食完先到(我食野比較快10分鐘就完)。 其間,隔離台有位女士黎搵位先,去坐左大台,跟住有位先生單人入黎,個老闆娘已經好串咁講:「佢話有人WO!」個女士都出聲反駁:「我真係有人。」個老闆娘扮曬野講:「因為繁忙時間」扮曬好。跟住我就見到個老闆娘係咁係後面同個員工講佢,到佢朋友黎左,坐唔滿張台(其實係夾硬比佢地迫到一邊,2個男人肩搭肩),就又係到同個員工講:「都話GA LA!」一有單人想入黎就話:「叫佢坐呢張LO!」個張嘴臉真係好黑人憎!仲要果台人出黎買野食,佢都黑口黑面,其實人地都係幫襯你!跟住佢又開始燒黎我地到,先前講過我朋友最遲黎個餐,未食完好正常,佢開始係咁走黎收我地野,我杯飲料仲有一半都想收左我,個樣又係黑口黑面,又係到同員工講我地唔走,旦問題係我朋友都未食完,同係我食得快,點解要就你接多幾個客?唔通漏個朋友係到?到我飲完杯野,我朋友仲要飲完,佢直接叫我:「想問你地肯比番張台出黎未!」我真心O咀,佢竟然問得出!見我地女仔就蝦我地,有男人食得仲耐又唔見講!我直接講:「下,我朋友都

其實野食係幾好味，但服務態度真係好差午餐時段個個都等緊位，我地又食唔係食完唔肯走死霸住個位，但就係咁趕我地走有個朋友個口啲野都未𡁻完就比人趕走真心下次唔會再去服務態度方面真係十級負評

近幾個月kcc life開左唔少新餐廳，所以番工前就試下呢度既早餐。呢份西式早餐有蘑菇奄列，茄汁豆，沙律菜同埋迷你牛角包配熱咖啡。價錢親民$30有找，味道不過不失，叫做係kcc life 有多一個食早餐/午餐既選擇都唔錯既。