小肥羊 (Closed)

26 Mar 8:30p.m.Piggy Couples食小肥羊(由Piggy Girl執筆)前言：相隔一年，我地再泥呢間小肥羊打邊爐，發覺已經變咗任食，而唔係逐碟計錢，感覺上好似抵啲。點選餐單&食物評價：火鍋湯底：清湯火鍋配料：肥牛、羊肉、羊排、雞肉、醉雞翼、豬紅、羊肉丸、芝心丸、墨魚滑、蝦滑、小唐菜……不能盡錄。所有都ok，只係覺得個醉雞翼怪怪的。另外，我地仲加咗：A級羊肉(每碟HKD22): 羊肉味比任食嗰隻重啲特級肥牛(每碟HKD22): 呢個麻麻飲品：任飲啤酒(每人HKD15)﹔可選擇汽水或酸梅湯環境質素：服務質素：賬單價錢：HKD462 (每人平均消費HKD231)細帳：人頭費：每人HKD158X2A級羊肉: HKD22 特級肥牛: HKD22任飲啤酒: 每人HKD15X2茶芥: 每人HKD5X2酸菜: HKD30加一服務輪候時間：0分鐘抵食指數：推介指數：整體評價：番兜機率：優惠：惠顧滿HKD200有HKD50 Coupon作下次使用。*所有評分以五為最高分

旺角小肥羊裝修以後，我還沒有機會來過。今天晚上，沒有飯局，就跟老總來看看新面貌的小肥羊會是怎樣。拿著票走到二樓，還未進去，已經覺得燈光很刺眼，當然那股揮之不去的邊爐味仍保存著。七時左右，沒幾個客人，不過再過多半小時，陸續有人入座，生意似乎都可以。甫坐低，還未開始看點菜紙，服務生便笑口迎迎的前來推銷會員卡。又話有折扣優惠，又有現金劵回贈，又即場送兩款火鍋配料，又話上市公司唔會呃我們的，云云。當然，我最後也是沒有申請。職業病又發作，座低後便四周圍望，特別留意它的火鍋爐，印上了小肥羊的Logo，感覺挺不錯的。劃了幾款火鍋配料，至於鍋底，本想要一人一鍋的，但原來這麼高檔的東西，只會在廳房才有供應的。既然係咁，就點回普通的鴛鴦鍋，即清湯和辣湯的。以前覺得這辣湯底是幾刺激的，不過今晚的好像又不太辣，鍋底是調整過來嗎?打頭陣的是和牛配和羊拼盤，兩款肉是捲起擺好，肥瘦有序，看似不錯的。急不及待的放進鍋內，牛肉不一會便可以食了，燙得太久韌了就不好吃。和牛，不很軟滑，絕對沒有入口溶化的感覺，牛味自然是欠奉；至於出名的羊肉呢，肉質可以，亦有點羊羶味，還算可以，卻未有驚喜。另再點一客羔羊肉，單睇色水，是明顯的

前提:冇咩好提，都係食下野姐，咁岩又有位！環境:裝修完企理左，不過竟就連樓梯口都擺埋台，洗唔洗咁誇呀！服務:十叫十一次都冇反應，小肥羊除左連內蒙古既羊咩帶左黎香港之外，連大陸既服務態度都帶埋黎！唔通真係要大大聲叫：「服務員！」先得？食物:亂咁出，貴野出少過我地點的，平野就 keep 住出。不過，Quality 都算係 keep 到。OK既！為一可取之處！總結:又貴又受氣！返啅開飯指數:

今天我們一行三人在這兒飲下午茶，價錢不算貴，但點心麻麻地蝦腸很冰凍，個碟暖都唔暖，叫阿姐拿去微波爐叮下，點知她話吃過不可以叮，咁都得？？真是很冰凍，一些暖意也沒有咸水角肥膩些少叉燒包很熱，好味道鮮蝦豆苗餃，味道ok燒賣，味道ok牛肉，無味覺得天寒地凍，點心最好是熱辣辣吃才好吃，冰凍的點心點會好吃，雖然不是貴，但都不是很平，這樣做生意點得呀？太多客唔憂無生意做？？

最近公司太忙，搞到自己冇時間寫食評，今日坐底寫返嗰日同老頂去小肥羊傾公事，老頂愛羊深切，我更就佢，去到個仕應話任食點底點底，我哋問仕應係咪"任食"同單叫個menu一樣，佢話有幾款好野"任食"係冇嘅，我哋又唔餓，最後放棄咗任食，揀咗個鴛鴦湯底、田園併盤、A級羔羊肉(最貴個隻)，共$279。個湯底比起以前差咗d，冇咁多料熬成，而田園併盤都幾新鮮。D羊就真係好正，冇得頂，薄薄地好有羊蘇味，傾了1小時，很滿足的離開。

.............................................................................今曰諗住同朋友去食打去問收幾點?一答完佢即刻收線想訂枱都唔俾時間我!叫人點去食啊................................................

跟兩位朋友訂了7:30打邊爐.因為訂了, 所以不用等. 但樓下卻濟滿了人.上到枱, 便立即落紙叫湯底, 湯底大約五分鐘便上, 但等呀等, 等呀等, 等了15分鐘, 仍然什麼餸都未有, 湯底已經滾到爛.叫了個哥哥仔幫我們催, 佢剩係識笑, 然後行去第二張枱, 再叫多次, 依然係笑, 都係無理過我哋, 連說話都無講過一句. 跟住無耐响廚房拿了一碟有3粒的雲吞給我們. 唔該晒囉! 又過15分鐘, 先再來炸魚皮, 仲一次過來三碟, 可是我們的主菜羊肉和牛肉, 過了30分鐘都未出現. 40分鐘的時候, 我的朋友發晒皮氣, 同佢講, 再過10分鐘都唔嚟, 可以count少一個人, 因為佢會走. 跟住第一碟的羊肉才出來. 而其餘的餸, 平均都要用上20 分鐘先會出來囉. 啲上菜的哥哥仔同姐姐仔, 個個都响度搵枱, 又慢慢行, 很多枱一同舉手叫人過來, 都可以完全無人應, 又無人收碟, 總之就一片混亂. 其實唔止我哋一枱啲嘢上得慢, 我哋發覺得多枱, 都係無肉的, 都唔知廚房發生咩事.啲嘢幾好食都係假, 浪費時間, 浪費青春. 以後都唔會再來.

啱啱裝修完.... 成間野靚左.......不過d顏色配搭怪怪地......午市$138任食..... $10茶.... 再加一......餐前涼伴小吃.... 夫妻肺片......同平時係川菜館見的紅噹噹夫妻肺片.... 有d唔同.....賣相好唔掂.... 但味道估唔到好香好麻辣......份量都算ok.... 無之前d人講得咁寒酸......食物大致和平時散叫的味道.... 差唔多.....但係羊肉就比深圳小肥羊.... 厚肉得多......深圳果d.... 真係薄到.... 連風到吹得起.......最有趣係佢放個煲係張桌布上...... 中間只係隔住張紙就打邊爐..... 呢餐真係食得耐.... 慢慢嘆埋報紙至埋單........

今次總於來到小肥羊食shabushabu,因有openrice coupon,都係$128一位,極度抵食.4個人坐住6人枱,位置大,坐落去都幾舒適,加個24吋電視仔,算係咁la可能閒日關係,呢個時段唔算好多人,吉位都唔少,可以靜靜地食.來得小肥羊,梗係要食羊,羊味唔算濃,食落都重味,最搞笑是,呢度全部無配料俾你點,換句話,即10即食,在沒有醬油的情況下,出奇地好食,認真厲害,其他的食品就同其他食店差不多,記住,小肥羊唔食羊=無食過

呢個負評係俾service0既尋日9:300係朗豪坊睇完生化危機之後一行七人去小肥羊諗住打邊爐, 攞左飛之後就企0係度等, 等左一陣有一班人攞飛, 等左15分鐘之後, 遲過我地黎0個班人竟然可以入座先, 咁我地覺得唔公平咪即刻問個知客, 點知個知客話"佢地8個人, 啱啱有張8人枱, 所以俾佢地入座先", 呢個咩道理黎架, 我地黎先竟然唔俾我地入先係因為我地係7個人唔坐得8人枱, 要等7人枱, 後來我地要等多10分鐘先有得入座, 其實所謂0既7人枱同8人枱係一樣size, 只不過係少1張椅, 其實0個班人攞飛0個時有問過係咪可以即刻入得, 個知客同佢地講前面仲有一張枱0既客等緊(即係我地), 所以我真係唔明點解係會俾佢地入先囉嘢食都係普普通通啦, 無乜特別好食, 無乜特別難食另外都發生左小插曲, 又係關於門口個知客0既, 我地到0個時, 已經有2個阿伯不停哦個知客話等左40分鐘都唔入得, 不停係到嘈, 又話佢地3個人, 俾張2人枱佢地3個人座都得, 個知客就同0個2個阿伯講2人枱真係好細佢地座唔落, 跟住個2個阿伯唔理, 一直0係度哦, 哦左一輪個知客頂唔順0個2個阿伯不停哦佢, 就同樓

昨日約了6點吃火鍋，都有DOWN coupons先。兩人任飲任食，有coupons后，每位任飲只需5D，save10D/位。環境都可，上菜速度開始時都好啦。只不過後來再加菜的時候，就等了好耐才得。幸好，我哋兩個都中意飲青啤，我們都是從青島過來香港的啦。兩人一共366HKD。總之，都還好，同內地小肥羊區別不大。

挺喜歡中式點心，所以久不久就會吃。行經旺角，走進了此店試試它的下午茶任食套餐，每位45元正，週一至五不收茶芥。拿著點心紙，任意地點，開心極了。蝦餃、菜苗餃、山竹牛肉球、鯪魚球、鳳爪、排骨、棉花雞、金錢肚、咖喱魷魚、咸水角、涼伴貢菜、杞子桂花榚、豬腳薑、杏仁茶、雪耳燉木瓜都吃過了。味道很好，值得推介。另外點了蘆薈汁，蘆薈肉豐富，味道剛好，感覺清新。希望有機會再吃呢！

深圳有兩位同事來香港開會, 晚上一行六人到旺角小肥羊打邊爐, 差不多半年無邦衬了, 一進門那陣濃郁的麻辣味直扑鼻來即時醒神. 小肥羊的sales很會sale任食餐, 其實并不化算, 碟碟細眉細眼, 自己單叫sales又來sale任飲, 都係搵笨.不過食物還算ok。我們點了2個羊, 极品羊還是羊腹肉其實吃下去并不太分得清有什麼分別, 沒什麼羊味, 賣相ok， 蟹子墨魚滑及黃帝菜深圳小肥羊沒有賣, 兩個深圳同事贊不絶口, 蟹子魚肉入口又軟又爽口, 皇帝菜吃完一盤再來一盤, 男同事就對脆魚腩情有獨鍾, 吃完一份再一份, 我就喜歡凍豆腐, 香港幾乎是這里獨有, 其他火锅店還吃不到, 有豆腐味之余又咬勁, 帶點麻辣絲絲嗆口零舍特別. 另一個心頭好是肥羊粉, 又滑又彈牙, 正!由晚上7點9吃到10點3, 6個人足足拆掉19大碟食, 飲咗8支啤酒1喳酸梅汁1喳盧檜汁, 有會員卡折後賣單$797大元, 比sales盛推薦設定的四人套餐原價$1380特價$798再加食還抵, 哈哈哈.

今年我生日, 家人同我去左小肥羊慶祝, 皆因我同佢地講大陸小肥羊實在太 “棒”, 係我每次到大陸必到既地方, 我地選擇左任飲任食plan, around $18x.00,,,,, 啤酒汽水任飲, 先來個鴛鴦湯底, 一飲之下, 已經唔係好對路, 好粉, 同大陸完全唔同, 似用粉開的 指定動作叫左肥牛, 肥羊, 再叫左d菜同其他野. 羊就一d羊味都冇, 牛就一般貨式, 只食到肥肉, 其他野都係碼碼地, 可能真係任食關係, 以致食物質素下降以後都係番大陸先食小肥羊, 係香港唔會再食

成日番大陸都係食小肥羊, d 質素都唔錯, 諗住香港就算唔係好好多都唔會差得過番大陸. 一入到去, 下面個reception 叫左我地上1樓.上到一樓根本就冇人理我地, 叫左我地出門口等..等等等. 都唔知等咩.:@ 終於坐底左, 叫左湯底, 唔知做咩個爐好似冇料到咁.等左好耐先開始滾. 個湯底全部都係粉, 一舊舊咁.:@ 不過個味都唔係好差既, 叫d 野食都好快就到既. 不過羊冇羊味, 牛冇牛味, d 菜 d 樣真係衰衰咁…唉. D 野食唔得都算喇..果到根本就嚴重唔夠人用…叫個人黎叫勁耐都冇…真係等到抆呀..其實佢都唔平丫, 我地平日去都咁多人, 點解唔請多幾個人呢….:@