小泰豆泰式創意料理 (Closed)

真係要試試，食物質素好，款式選擇多，服務態度一流，價錢合理，我最喜泰式海南雞飯，烤餅，串燒，好味的泰式菠蘿炒飯（甜中帶點微辣，野味到暈），仲有個炒菜，夠晒熱辣辣，好好味！食得出廚師的用心製作。約埋三五知己聚會的好選擇！

屋企有三個小朋友友!!同老公選擇留係屋企唔想同人迫, 所以去左買外賣算D雞勁滑勁好食！好多肉值回票價～

前幾次係門店食絕對好評，海南雞去骨飯少雞胸，炒金邊粉惹味！就係因為信任先叫外賣，但係！我勸大家千其千其唔好叫外賣，今次叫海南雞撈檬100%雞胸，檬粉太硬，濕炒河賣相不佳...我地食到一半先記得影相，老實講，老顧客了，做生意老實d，唔好因為唔係堂食就可以求求其其，外賣就一定無下次啦。

原本其實想食另一間店，可惜無位了，就試下這間。叫了招牌泰式無骨海南雞撈檬($42)，肉質只是不過不失，檬汁就調味不錯，但原來...還是有些骨的?和食開的無骨海南雞預期有差別至於檬粉都口感不錯，夠爽滑。加了半單串燒沙嗲，豬肉﹑牛肉﹑雞肉，各兩串。這半單串燒沙嗲挽回不少分數，肉質香滑惹味，味道不錯。尤其雞肉串燒最好味。

尋日行過深水埗，天口熱勁冇胃口，打算隨便搵間泰國野馬馬虎虎搞掂佢啦，於是揀左呢間😳間野既裝潢似茶餐廳，人多果時可能會少迫。不過我果日去就冇乜人。D侍應都勁有禮貌😳可能我太耐冇去過店員好有禮貌既餐廳，所以都有少少驚喜而開心😳我見到好多人都叫海南雞/豬手，於是我都跟機叫左豬手撈檬。冇諗到個豬手係勁淋勁入味加埋佢既撈檬汁（同平時果種重魚露味既唔同，呢個係酸甜加少少辣味），真係勁開胃勁大啖咁拔落口，D豬手仲熱熱地，果種感覺超正呢個42$蚊（晚餐）仲包一杯熱飲，加錢可以轉特色飲品，但果種滿足度真係超出呢個價值唔明點解呢間性價比咁高，仲有食物呢個質素竟然唔爆人，呢間一定會再食呀

深水埗廚神處處。想不到29元的下午茶餐，可以吃到香茅豬扒喇沙金邊粉。味道不錯，辣度適中，金邊粉靭度不錯，很大碗。吃前忘記影相，所以吃了一半才拍照，豬扒已被我吃掉了。

總喜歡找些小店去試，路過此店给那LoGo吸引了，這店主打泰式食品，招牌有海南雞飯、但我選了另一招牌無骨豬手飯，不到5分鐘已有得吃，賣相非常不俗，飯內有半隻鹵水蛋、蛋味極正，鹵汁夠入味，還有一些伴菜，伴菜有酸菜、青瓜，同樣開胃，真是炎炎夏日的良品，無骨豬手，亦出色，煙韌香口,飲品叫了凍咖啡，香濃極了