小泰豆泰式創意料理 (Closed)

今次已經係第二次幫襯，雖然地方唔大坐得比較逼，但味道ok，仲要係良心價希望下次仲keep到la~泰式鳳爪$40, 呢個堅辣，唔食得咁勁就真係要叫少辣蝦餅$44，正，夠哂彈牙蠔仔蛋$88，唔似出面果d咁多粉，堅食到係蛋唔係食粉，蠔仔比想像中大隻柚子沙律$68，芒果超甜(錯重點)串燒$63半打，呢個堅良心價，今時今日邊到揾$10@,企係度食都唔止la不過個沙爹醬好似轉咗，之前好似係有花生粒好味d最後芒果糯米飯食得太快冇影，係用黑白糯米整，黑糯米好好咬

去開深水埗行街行到攰攰地想搵間舒服嘅餐廳坐下叫咗個冬陰功湯同小食個冬陰功湯好味酸辣適中仲有兩隻海蝦😍😍食埋個泰式香茅雞扒真係夠飽了😋😋下次要試試佢既泰式車仔麵先得好多選擇👍

14:32喺網上外賣平台落order15:32送到食物去屋企俾聲稱既30分鐘多左一倍時間另外亦建議喺網上外賣平台個menu到加返菜既option想食下啲炒菜但冇得呢個option一打開個外賣發現冇俾餐具店員係咪發緊夢😴外賣竟然唔俾埋餐具🧐黃咖哩俾茶記既咖哩好起碼啲咖哩汁撈到飯 唔會太稀但好可惜雜菜咖哩裡面冇啦啦多左舊肉令唔食肉既我打左個凸🤢芒果糯米太甜食到啲芒果係浸左糖水有種好唔自然既甜椰漿都太甜

由於今日局長我放工之後要去進修 所以就係上堂地點附近搵下野食啦無意之中 見到有一間個名幾得意既泰國菜 叫做小泰豆咁就決定同埋同行既友人一齊去試下哩間小泰豆到底係咩料！今次局長我終於記得影低餐牌 （希望反光見唔到我個樣）種類都係大路泰國野啦 不過價錢非常親民 搞到局長我樣樣都想試下但係為左唔好成日眼闊肚窄 所以都係揀一個飯食就算啦經過一輪慎重思考之後 我決定左食青咖哩牛肉飯一上枱 真係非常之香噴噴呀 搞到局長我相都未記得影就試左一啖哩個青咖哩椰奶味 香料味同埋咖哩味balance的岩岩好 事關局長我雖然鐘意食泰國野但都頂唔順泰國本土既傳統泰菜果重「重口味」局長我係泰國食過好多間出哂名好食又排哂隊既泰國野 但始終覺得麻麻都係香港改良過 配合返我地香港人口味既泰國菜比較好食講返哩個青咖哩啦 佢有得揀雞豬牛 我就揀左牛 但哩個唔重要因為對識飲識食既人黎講 青咖哩既豆角同埋茄子先係主角而哩個青咖哩入面既兩樣野都好入味  豆角爽口 茄子又好腍配合埋牛肉既煙韌 口感非常豐富牛肉既煙韌程度亦都係岩岩好 大家都知牛肉好易老架嘛！ 哩個咖哩用黎送飯更加係一流搞到本身唔算好肚餓既我都清哂成個飯 連d汁都清埋

由於住附近，已經食過N次，每次水準都keep到，最鍾意食香茅豬扒或香茅雞翼清湯河粉！河粉好滑有米香！清湯底應該唔係味精水，食完不會口渴的！香茅雞翼或豬扒好惹味！街坊生意小店人情味濃厚，性價比超高的，值得推薦

又去左食泰國菜，平時我最鐘意食既海南雞飯，今次冇反而冇叫，食左個串燒飯，豬牛雞各一串，飯係普通白飯，三款肉燒得好香好腍，沙嗲醬調較得幾好味，花生粒碎在入面，真係好惹味。

經過間泰國菜鋪，本來都係想食海南雞飯，入到去突然又唔想次次海南雞，最後轉左串燒飯，豬牛雞各一串，三樣最好食係豬，仲有沙嗲醬調較得好好味，但食完其實唔飽，價錢都唔平，下次都係揀返海南雞飯。

最近忙到周身行唔開.. 唯有叫外賣啦.. 小泰豆都唔係第一次幫櫬, 一直覺得味道不錯而且經濟實惠 👍🏻今日叫左個海南雞飯同自選湯麵加餸 海南雞飯賣相唔錯, 雞肉嫩滑, 加埋有酸蘿蔔送下飯幾唔錯, 個汁辣辣地好開胃, 但大食之人未必夠飽! $49 + 涷飲$2正常價啦 ..而個自選湯麵係逐個餸計錢, 幾欣賞佢係分開湯另上, 香茅雞翼不過不失啦... 蘿蔔夠清甜, 用左蒜葱黎令個麵香口, 但個岀前一丁口感就似係普通公仔麵😥 整體都ok嘅 ~

店名：小泰豆泰式創意料理 Little ThaiBean Cuisine地點：深水埗荔枝角道332號地下G/F, 332 Lai ChiKok Road, Sham Shui Po，電話: 27575728(1)    無骨豬手湯檬粉；(2) 豬手喇沙米線； 共二人享用本餐，合共約七十元。食物的色香味如何：全部食物不算油膩。豬手炆得軟滑，份量都不少，湯底很惹味。豬手喇沙米線有雞蛋和豆卜，十分正宗。此店除了以泰式食品外，還有馬來西亞式和越式，揉合東南亞美食於一家。環境：店舖地方淺窄。服 務：普通。衛生：可以 。抵食：價錢一般。

深水埗不嬲都臥虎藏龍，好多好野食又唔會貴，簡直係平民既食區，今次黎到呢間泰小店食午餐，都幾多街坊幫襯。門口已經有個泰像一睇就知泰國野，入面小店廿幾個位仔，牆上貼上左好多野食既相俾你做參考，店員同客傾下計好有街坊情。見到隔離食得好滋味，就叫左《泰式無骨豬手飯》($47)，豬手份量都唔少配上泰式辣汁，本身豬手已經好淋好入味，肉嫩皮滑配飯一流，仲有配菜同半隻滷蛋超飽。呢度有《黃咖喱雞扒飯》($51)，黃咖喱好大碗椰汁味好濃唔辣，撈飯真係可以食多幾碗，仲有入哂味又好淋既薯仔添。熱辣辣既夏天野飲緊係要叫番杯《龍眼冰》，冰冰涼涼好解渴，仲有勁多粒龍眼超甜超好食。店名：小泰豆泰式創意料理地址：深水埗荔枝角道332號地下餐牌:

將心比心，我去試新野時都會走去OPENRICE望望食評睇下人地點寫先判斷去唔去試好，所以我諗寫食評既原意都係為比下IDEA大家判斷值唔值得去試，係好係壞甚至冇咩特別其實都值得一寫，I THINK點解用個咁既開場白寫食評呢，係因為依間舖頭真係感覺參差頗大，真係食左10次都唔識評好定壞因為都食左好多次，初步都了解到佢間舖應該係兩夫婦開經營的，佢地兩個都非常多野講同幾NICE的，特別老闆娘真係好似社工咁，係熟客既話好快認到，之後會問候下仲有時會開解下D食客的(觀察過幾次都有)而食物方面都算平價系列，而我主要就食海南雞飯，佢地親民在做到以客為上，配菜白蘿蔔你鍾意食多D，佢會開口話你想食出聲比多少少你，重要平時食開海南雞飯都知個油飯幾矜貴架啦，想食多D都要加錢，或者好D都只係加舊白飯比你，不過依度係肯加油飯比你的，真係可以食到飽 (不過都真係食得哂先去要求加，唔係一來浪費、二來佢真係蝕做架喇)不過呢.........味道真係要睇運氣咁，一時好好食、好嫩滑，但一時可以超級咸、又鞋而有2次唔知係咪我加飯關係，總覺得老闆娘埋單時有點黑面咁所以總括而言我都唔知推唔推介好了

第一次食哩間野叫左半隻雞 一碟泰式通菜。碟雞有陣味 係天氣太熱擺得唔好果陣味 ！咁我就啦啦臨問女職員佢話佢D雞日日都係新鮮整！叫佢攞塊雞聞下 佢聞下話係雞味喔.仲要食埋落肚Tim.碟通菜落左好多生粉 .問果位女職員佢話泰式通菜係咁嘎！ 我真係食到一肚🔥！

本身想食對面的Vietnamese 餐廳，但見到條龍就閃了咁就簡左呢間呢間如果唔係門口有啲statue，會以為係普通茶餐廳朋友叫了馬來咖哩飯，呢款咖哩無椰汁味，味道偏向salty牛腩好淋，易入口送飯好好食黃咖哩就較重椰汁味，好香雞排竟然係有煎過的，因為一食就知唔係用水煮完放落咖哩中薯仔都好入味呢，難得叫兩碟飯係滿足不了我同朋友的，所以仲叫了冬蔭功平係有原因的，菇係鮮冬菇，無咩椰汁味，蝦都唔係新鮮但有好甜的蕃茄味，所以整體甜味較重，其次係辣，但又唔會話難食

晚餐$140 兩個人都幾抵食質數都幾好， 環境還可以，地方有小小唔方便，個老板好好人， 蝦餅同炒菜都好味，係個乾炒河暖暖地有小小唔夠熱，問過老板話係即炒，如果可以改善就好。

荔枝角道，沿途不乏食肆，這泰式餐廳款式繁多，不妨一試。眾多選擇之中，我挑選了「串燒三兄弟（豬牛雞）配飯」。飯量不多，剛剛好一碗白飯倒轉的放在碟子上。串燒可說是出色，肉味甘香。雞肉、豬肉同樣不乾不鞋，雞肉串燒儼然滑溜，還具肉汁。最後，串燒牛肉更為出色，濃烈牛香，感覺微羶，肥瘦有至。三串串燒，汁多流飯，香濃至極。沙嗲醬，花生成分不多，也不辛辣，尤像泰式咖哩或是喇沙的味道，伴飯或醮肉吃均匹配，味道不錯!看到餐廳內有咖啡機，據聞咖啡味道也不賴；但我的凍檸茶味道略淡，檸檬淡而無味。