流口水重慶麵館 (萬年大廈)

Open Now

Now Closed

平時好少行呢到，有一次經過見到呢間餐廳未食過，今次就試下外賣自取，叫左一個番茄牛肉麵，去到餐廳攞外賣既時候，店面好多空位，外賣就咁擺哂係收銀個到冇人理，阿姐都唔會行出黎，我都心知不妙。返到去打開個外賣，麵餅又硬又乾，浸左係個湯到好耐先淋返，個湯偏油，有1/4個番茄，3小粒牛肉，配菜份量多，但唔飽肚。我係食牛肉麵唔係食配菜，咁既質素同份量，加埋外賣盒既錢，一共$60，非常嬲，完全唔知食左d咩，中環大把選擇，唔會再幫襯呢間。

又到咗叫外賣時間，咁啱想食辣野，於是就叫咗呢間流口水重慶麵館，個名聽到都令人覺得好辣流哂口水啊～✨自選小面叫咗兩款餸魚腐同埋金菇，金菇就正常發揮，魚腐好入味，可惜得兩舊，太少！麵底就叫咗小麵，小麵麵質偏淋，個人唔係好中意，下次都係簡返米線！湯底叫咗麻辣火鍋湯，真係好油，辣度正常～

剛剛去買外賣，等候的時候見到樓面那一個女性員工全菜準備/傳菜時，直接對着食物咳嗽/打乞嗤。其實作為飲食業的從業員，有病就不要上班，或者帶上一個口罩是否比較合適呢？ 看來今晚的外賣要浪費了，真的不敢吃。

行過中環實在太熱，求其搵間餐廳坐入去，點咗有手指公招牌菜，味道好重口味，好油，食完好頸渴，加咗杯豆漿，差唔多成$100 個午餐可以一試，但唔值得再試 （或者中環係呢啲價錢）

係中環lunch黎講真係好抵食，第一次黎幫襯 點了碗招牌金湯麵 。佢黎到時真係令我超震驚 。無諗過咁大碗又多餸！真係大過鬼隻手，份量十足！佢嘅金湯少少辣，湯味濃郁，麵條口感唔差 。佢嘅午餐肉仲要係心形😂 好頂癮，其他餸仲有豆卜、肉絲、白魚蛋、木耳、菇、芽菜，豬血，全部都好吸湯，份量多到好似食極都好似食唔完咁 。我自己一個梗係食唔哂，所以呢碗可以兩個女仔share一碗都得 。而呢個價錢係中環，呢個份量絕對超值！

之前喺K11已食過佢地嘅米線,最近發現竟然喺中環開左新分店,位置十分方便,以後黎中環做野又多一間餐廳選擇喇!今次就食左佢地嘅招牌米線,鍾意食辣嘅朋友真係唔好錯過呀☺️🌿流口水招牌小麵 招牌小麵一碗有齊十二款秘製配料包括豬頸 肉、雞肉、午餐肉、爽嫩鴨血、魚蛋、魚片、鵪鶉蛋等,非常豐富,湯底亦夠哂香辣惹味🌿酸辣木瓜金湯鮮牛肉小麵竟然用上木瓜做湯底,而且帶有酸辣風味,湯鮮味濃且營養豐富,配上雪花鮮牛肉,夠哂開胃

晚飯時間堂食一碗酸辣金湯牛肉麵湯底味道完全係化學的酸 ，跟相片中的酸辣及想像跟酸菜魚湯底完全扯不上關係牛肉用了大量的梳打粉醃過 無牛味加勁硬完全咬不開麵是軟身但又沒味 全碗麵 只吃了幾口菇浪費了$58 最後跟收銀員反映了 麵 、湯底及牛肉的硬度問題，她只強調牛肉是新鮮牛肉 🥲結論: 超級難食 😵‍💫餐牌中圖片跟所有食物的味道質素完全相反，希望餐廳改進。

流口水一如其名 我真係好鍾意食重慶小面終於喺香港可以食到啦！小麵份量好大對於胃口細嘅女仔真係有啲挑戰最愛毛肚 酸辣木瓜好特別 必試💓🔹毛肚麻辣火鍋小麵🔹 酸辣木瓜金湯鮮牛肉小麵🔹 流口水招牌小麵