鹵八鵝店 (Moved) New Location

差唔多每隔一陣就一定去買佢地嘅 "大掌翼" - 免斬! 不太咸又夠鹵水味仲好多肉. 用黎送一啲比較 powerful/heavy 嘅 Bordeux 實在一樂也! 唔飲酒可以配樽裝大可樂! Sunday 一大享受! ps. 記住攞卡片打電話訂定先, 可以用9秒9係門口停一停即攞!

是年書展收獲不多，心裏有點帳帳然。唯有之後吃一頓好的令自己開心下la...鹵水店來說這裏都算是名牌了，望見門口的人龍就知道。堂食反而就不用排隊....來個鵝肉、豬頭肉及豬脷三拼。點完後才忘記追加鵝肝，實在是太失敗了....鹵水做得頗入味，不太死鹹，帶微甜，用來撈飯吃，最佳享受；更出色的竟然是奉送的例湯，胡椒味足，豬肚無異味亦不韌，消暑去濕極品是也....配料反而覺得普通，鵝肉不算太軟熟，跟陳勤記還是有一點距離；豬頭肉及豬脷亦只是普通質素，豬脷的質地太韌，牙歯差一點也可能咬不到....下次來要一連大喝兩碗例湯，才過癮....

尋食回到春園街, 周圍都要排排隊, 一個人, 攝入去最方便, 省時.今次來到這馳名鹵水鵝店, 這裡只有潮州鹵味. 招牌是鹵水鵝, 當然鵝是不可缺少的其中一拼.雖然只有幾塊鹵水鵝 (拼了豬脷), 食得出佢個鹵水汁好正, 成碟飯, 味道完全來至撈上去的鹵水汁. 正因為有個汁, 平時未必食得晒一碟飯的我把把這碟東西照鏡.沒有要求叫鵝的什麼部位, 所以分給我的, 其實有點求其, 旱應指明要鵝片, 味道更佳. $29一碟飯, 經濟好食. 下次回家食飯要加料時, 一定回來買份鹵水鵝走.

阿爸買了1/4隻鵝，鵝腎，鵝掌同鵝翼...用兩個大盒盛著，盛惠$170。隻鵝好靚，不會太肥，滷得入味。d肉好嫩，又滑；肉質真係好正，好稔。1/4 隻都幾多；幾抵食。鵝腎份量都好多，應該係買咗兩隻。爽口，入味得黎又唔會過咸。鵝翼有肉，層皮煙韌。鵝掌入味，非常爽口。由於阿爸出手太闊綽，所以要食兩餐先食得晒。

路過被肥大o既鴨舌吸引, 開頭諗住外賣黎食, 但周街'損'鴨舌好似怪怪地, 佢門口只有外賣價錢牌, 於是索性堂食啦. 入到去睇個堂食價錢牌, 個阿姐係咁話li個堂食, 外賣睇出面, 我地問佢堂食鴨舌$40有幾多, 佢話唔知呀, 廿隻到卦, 黎到數左有23隻, 哈, 有大有細, 大果d真係好大, 好有口感, 比起阿鴻果d冇禁入味, 但li度平d, 阿鴻鴨舌起埋骨功夫錢; 跟住再加個鹵水鵝肉 $50, 比較肥但都幾好味, 另外見到隔離檯碟韮菜幾靚, 叫左一碟 $12, 不過有點老.我地冇再叫幾多野食, 只係當下午茶, 不過都成$102, 但d伙記真係寸咯, 多謝都冇句, 雖然外賣唔停手o即, 但我地咁樣幫襯都多過外賣錢卦, 個阿姐一路向後行踩到我, 唔好意思都冇講仲話:'哎呀!', 好似唔知踩到人咁. 真係....有個客人食飯見到我地碟鴨舌, 問阿姐咩黎, 個阿姐仲話要四十蚊o家喎, 什麼態度?!LI間野D冷氣+風扇好凍...

知道阿爸喜歡滷鵝放工時就去斬料加餸啦$65一個例牌鵝片($68/磅 獅頭鵝 不過好似都係鵝片安全d)份量唔多 但好大片的鵝片~唔夠入味 不過勝在好嫩滑! 唔韌 豆腐亦唔錯屋企人都話好味$65 貴左少少不過間唔中一次唔緊要啦(買個時見到個路人甲係度同收銀個女人搭訕個路人甲問佢有冇分店個女人都要諗跟住路人又話佢地d鵝比一般個d淺色 個女人又話唔知好似唔係做生意咁 -_-)

very good production and good variety - not expensive at all

潮色鹵鵝一向都是我的最愛,前陳子看報章報導過陳年鹵水汁會引致癌症。看!香港人是敢死的民族啊!今天依舊來了一批又一批的外賣敢死隊徘迴在鹵八鵝店的門口。從前在灣仔上班,午飯時段便來這兒吃飯,只因愛上他們的鵝肉嫩,愛上他們鹵得入味。今天晚上到灣仔的鹵八鵝店,在那兒堂食鵝肉鵝腸飯,鵝肉依舊入味,但肉卻是少了點。至於鵝腸,一向都是此店的熱賣貨。鵝腸依舊爽口,但鵝腸鹵得不太入味,肥膏己被全去清,真有點可惜。有些人愛吃有肥膏的鵝腸,也有些人愛吃無肥膏的鵝腸,無辦法了,這是順認潮流大勢所趨的做法。希望他們兼顧一下像我這樣愛吃有肥膏鵝腸的那群人吧!有肥膏真的香滑很多,亦希望他們注意一下他們的熱賣貨--鵝腸,吃過幾次也不太入味,另外,喜歡他們不吝嗇的送上幾塊鹵豆乾,滑之如,鹵了後仍保留那股豆味。

都係阿蘇唔好！每次一介紹第二日好野一定賣清。絕對贊成阿蘇話這裡可以買到全港最好的鹵水鵝。貴就貴左一點，但味道一流。以前買過幾次鹵水鵝片及掌翼，本來昨晚想試試豬頭粽（以前在汕頭食過番尋味），可惜買不到。

阿爸買了三十幾蚊鴨舌來加"食送"，三十幾蚊都有成about 20 條，算幾多，所以都唔算好貴。鴨舌鹵得幾夠咸，有少少咸過頭，又爭少少鹵水味。不過好在無雪味，亦鹵得好淋。如果咸味減而滷水味濃d會更加好囉！

從來也懷疑，自己是被困進了女子軀殼內的堂堂男子漢。就連舌頭口味，也「麻甩」得很，最愛大杯酒、大塊肉。熱得不想正正經經的吃一餐，只想大口大口的呷罐冰凍啤酒。來此街坊鵝店，斬隻鹵水鵝頸頭來佐酒，最好不過！欣賞這店的鹵水，味濃而複雜得有層次，種種香料的辛香，充分的滲透入了那層彈力十足，卻沒多餘油脂的鵝皮內，嚼在口中，香而不鹹，口感一流！鵝頸肉嫩而油潤，肥瘦適中，散發鵝肉獨有的羶香，一張咀把頸那根骨頭吃得乾淨，也不願捨去。像是一位骨肉均稱，騷在骨子裡的性感尤物，叫一眾「麻甩」，也得降伏於她那風韻之下。一口也是鵝油、鵝羶、鹵水香，再來灌一大口的冰凍啤酒，大爽！「麻甩」萬歲！

好好吃強烈推介1.鵝-- 好香好肥美而且又唔鞋好正2.大腸-- 我吃過的最好吃大腸好粗大而且刮走入面的東西好乾淨最好吃3.麻辣三絲-- 好抵食十五蚊一份已好多但不是成有要買襯早

落雨天，更要食好Ｄ，一個喜歡吃鵝片一個喜歡吃鵝肝一個喜歡吃大翼一個喜歡吃鵝掌，突然一個跑來問：有沒有鵝舌？好似冇喎，用鴨舌代替得唔得。鴨舌其實不重滷水味，又夠肉地，不過有人覺得老天褖的好吃點。鵝片，何以會有網友認為鹹？鹹的是醬油吧，鵝片不知幾好味，至怕那些只吃到肥油的滷水鵝，滷水鵝不能過肥，否則肉質不好吃。又怕那些瘦瘦的滷水鵝，Ｄ肉「鞋恰恰」，呢到剛剛好，鵝片肝飯一盒才$32，抵食到爛！鵝掌不識欣賞，只知平常下午四後去一定賣光，只餘下鴨翼，這裡有個人每個星期都要外賣兩隻大翼回來，好在永遠分甘同味。其實好似還有豬肚個Ｄ賣，唔理佢，至緊要Ｄ鵝夠好味。

Monday 係default o左home dinner 嘅 一日. 今日媽媽busy, 無乜人得閒落廚, 各成員又唔想dine out, 我自動請纓做Dinner Manager, 除o左煮兩個simple dishes - 菜心炒菜心& 白灼蝦拼白灼蝦之外, 再買d 外賣就一餐喇. 早早放工後, 諗緊買乜外賣之際, 不經意經過呢間有一堆師奶圍住嘅 鹵水舖, 見咁多fans, 應該唔太差, 就try 一try 啦!鹵水旦($10/3隻) 好正啊! 鍾意食雞旦嘅我, 係其他地方買嘅 鹵水旦呢, 唔係太老, 就係太咸, 或者縮哂水, 實cake cake. 之但係, 呢度嘅 出品係我食過最正嘅. 恰到好處嘅 鹵水咸香, 加上沒有overcooked, texture 飽滿鬆軟, 最要緊係切開後個旦黃無黑邊嫁. 多可愛嘅 鹵水旦!!! 鹵水豆腐($10/3件)Okay 吖! 唔會實cake cake, 幾好噃.鹵水薰蹄($25/1隻)嘩! 新鮮, 爽口, 唔肥, 好正!!!屋企人俾我呢餐dinner 滿分, 咁我都俾鹵八滿分啦^u^

我最鍾意鹵水鵝, 咁好有間野打正旗號食鹵水鵝, 即刻去試下. 店舖不大, 座位有限, 但都幾整潔第一次去, 食鹵水鵝飯, 期望都幾高, 好可惜, 都幾失望, 第一, 鵝唔肥! 第二, 鹵水太咸! 鵝唔肥點會好食? 我自問口味都好重, 食得幾咸, 但我都覺佢咸....可想而知有幾咸....第二次去, 想比多次機會佢, 食鵝雜飯, 點知同上次水準都係一樣, 都係偏咸, 而且鵝雜完全唔熱, 係暖都唔暖, 好似食冷飯.....今餐\我覺得都係唔好食.......我不會再去了, 因為在灣仔要食鹵水鵝, 有其他更好選擇.