Lobby Cafe

Open Now

Now Closed

「Hair Corner」係香港其中一間歷史悠久的美髮造型集團，除了分店越開越多之外，亦有營運一些輕型Cafe，全部位於旗下髮型屋（位於商場內的分店）的附近店舖，務求將關連生意一網打盡及擴大營業額。今日就去了 apm 商場內的【Lobby Cafe】。舖位超細，但竟然都可以劃分一個細小的半封閉式廚房、及10多座位的室內用餐區。出乎意料地餐牌上的飲品有相當多款式，甚至有一些特色茶類飲品。小食選擇也有不少，但估計絕大部份都是製成後才送到Cafe，只在現場翻熱。如此細小的Cafe，還要只是附屬於髮型屋的Cafe，當然不會期望係精品咖啡。熱朱古力咖啡（$45）只是咖啡機沖泡的製成品，勝在賣相方面總算花了一點小心思。用一個小木盤作為陪襯，咖啡表面除了有一層朱古力粉及朱古力漿之外，亦人手拉花造了一個心形圖案 ⋯⋯ 將一杯普通的咖啡機沖調朱古力咖啡提升了一個層次。味道中規中矩，合格。用餐環境一般，雖然有點擠迫，但勉強也稱得上為舒適；可能光顧當日係星期六下午時段，人流並不太多，可以優哉游哉地坐了一個多小時，整體感覺相當不錯。

一朝早俾家姐召喚咗去lobby café因為apm有韓星李俊昊生日應援。我對韓星無興趣，但想見吓家姐所以都出咗去。Lobby café地方唔大，5張二人檯再加吧枱位4張櫈。限時入座90分鐘！唔知係本身café係咁貴定淨係今次生日應援嘅餐單咁貴…我order咗個餐百幾蚊，少野食到食完好似無食咁，得3隻蜜糖雞翼+pizza 2小件+1杯熱hazelnut latte! 真係好唔抵食!我諗都無乜機會翻兜再去食….

APM新開隱世的小店，鋪頭細細。啲野飲種類超多，選擇困難症者最好有定心理準備😂叫左杯星空薄荷檸檬梳打，薄荷味幾好，配合梳打，成件事幾清新。單骨雞翼熱辣辣，配沙律醬+泰式辣醬。同行友人點左芒果沙冰，佢話好足料，啖啖芒果咁😋。

在 APM 3樓一間小小咖啡店，很寧靜又舒服的特色的店鋪，點了一杯百香柚子乳酸特飲，味道清新，非常適合夏天飲用的；除了特色飲品，還有輕食午餐，味道也很好。特別一提小店店員服務很貼心

今日試飲flat white, 口感濃郁，口味比較fruity，可以encore, 環境坐得幾舒服，下次試埋其他咖啡，希望日後更早開門，可以試埋早餐同其他咖啡。 😁😁😁

前一排去apm畀我無意中發現到呢一間cafe,見店內環境很舒適，加上佢地有一張可望到店外嘅高身bar枱，本人很喜愛座bar枱的，所以就吸引了我進內幫襯，果然冇令我失望，除了環境舒適外，佢地店員冲嘅架啡亦很好飲呢，嘢食亦有驚喜，尤其佢地有一款牛角包咸牛肉炒蛋， 淨係睇個名都好特別喇 ，但食落亦十分yummy呢， 十分推介大家如果嚟到要試款嘢食， 如果大家需要搵一個地方好relax好hea地享受的話， 咁呢間店舖真係值得推介， 亦成為咗我現在成日光顧嘅一間小店

味道★★★★- ☕️出色，值得給予四顆星的評分。- 🌹玫瑰Latte 咖啡豐富的層次和加上花香令人印象深刻。環境★★★★★- 咖啡店的裝潢簡約舒適，靜謐適合長時間逗留。服務★★★★- 店員態度友善、詳細解答有關☕️的問題。CP值★★★★- 咖啡質量高，價格合理，性價比非常不錯。- 值得推薦，絕對值得再三回顧🤍✨