萊思廊 (Closed)

以前我在炮台山上班，有一次無意中發現這間餐廳，到過幾次吃午餐，午餐食物質素ok，價錢亦很合理。有一次吃過他們的下午茶雞髀沙律餐，就上癮了。雞肶炸得外皮酥脆，肉嫩汁多，太好味了！吃上很多次了，質素很穩定，百吃不厭。至於港式奶茶方面，我和很多港人一樣，很喜歡喝港式奶茶，如果10分是满分，我會给這間餐廳8分。整體來說，這間餐廳的食物價錢合理、質素唔錯，性價比頗高。我雖然不再在這區上班，但很多次也專程去吃呢。今天坐地鐡時突然想起他们的雞髀下午茶餐，打電話去落單自取，他們服務很好，不介意送到去炮台山地鐵站闸口遞給我，節省了我出閘時間。很有心的一間餐廳。

首次在萊思廊享用早餐，不論門面以至內裡裝潢都比較陳舊。 相比附近茶記，萊思廊的早餐定價比較便宜，計及種種因素也十分合理。小編喜愛吃熱狗，難得早餐有熱狗吃也不妨試試！這隻熱狗即叫即製，送上時仍暖暖的，賣相帶點 homemade 的感覺。熱狗的芝麻包外層及熱辣香口的即煎腸仔是當中的增分點。 炒蛋多士的賣相一般，炒蛋出品不夠香滑。 熱奶茶的味道亦只屬中規中矩。 萊思廊附近有數間茶記，彼此人流差距大不無原因，值得參考同行改善質素！

很多小菜也好好味！水準穏定，例湯沒有味精，比屋企煲的更好味！老闆老實！幫襯了七、八年，越來越好味！不過裝修是比較簡單！炸雞🍗最出名, 全部新鮮製作,即叫即炸，不過需要等10分鐘左右！🤗

因為工作的關係來到炮台山, 開會前決定先吃個下午茶填飽肚子，走著走著來到了萊思廊。店內有四至五台食客, 而我觀察到幾乎每一台都會點佢地既炸雞睥。經過我既慫恿, 我同事都受唔住炸雞脾既誘惑, 唔減肥住, 食左先!至尊炸雞睥皇配薯仔沙律 $34肉眼睇到真係同手掌差唔多大隻, 好震撼。同事話雞脾好飽滿, 皮炸得夠脆, 內醃到剛好, 一定會再黎食。可惜我喉嚨痛尚未痊癒, 唯有叫另一個「皇」。司華力腸熱狗皇 $28其他餐茶廳用熱狗腸, 呢到就用上巨型司華力腸, 同雞睥王一樣, 視覺上相當震撼。麵包烘到熱辣辣, 亦夠鬆軟, 上面布滿芝麻。司華力腸切花後炸到熟, 食第一口時就被燙親口, 食時要小心。熱狗整體味道比較平淡, 有種腸仔同包同配菜同醬料都係分開既感覺。總結，覺得熱狗賣相不錯，但味道還需改進。但下次有機會再來，會一嘗雞脾皇。

滿心歡喜約左喺附近做嘢嘅朋友食飯, 點知空住個肚離開! 冇影到相因為我冇過嘢就走咗話說平時同朋友都係去附近嘅粥店食晏, 今日朋友提議去呢度食, 因為馳名炸雞比好正。好啦, 朋友放1PM, 我12:50PM已經到咗, 入去問企喺門口嗰位相信係老闆嘅黑衫男仕有冇兩位, 佢就指去餐廳較入位置叫我坐底。朋友未到, 望下個餐牌先, 有兩種SET LUNCH, 一個就係是日午餐有五款揀, 今日有豆腐火腩飯, 干炒牛河, 葡國雞 (另外兩款唔記得), 另一個就係雞扒/雞比....耕腸/蛋/火腿/煙肉可以揀黑椒汁/咖喱汁/洋蔥汁, 包嘢飲。朋友1PM嚟到就落單, 我地兩個都係要炸比拼太陽蛋飯, 我就黑椒汁, 朋友要咖喱汁, 嘢飲好快就已經送到嚟。朋友個飯1:10PM都到咗, 隻雞比望落去係好靚仔好有光澤, 似係即炸嘅, 太陽蛋都煎得好靚, 一D都唔燶, 蛋王水汪汪, 不過朋友話個汁咸咗少少。至於我...等到1:15PM 都未有得食, 問姐姐佢都係話幫我追下, 再等到1:20PM, 終於有得食喇, 點知...嚟錯咗咖喱汁, 叫佢換...搞到1:30PM我都未有得食! 其實換個汁好快者, 只係將隻雞比搬去

十月下旬•有雨本來想去吃早餐的地方今早沒開，離開之時忽爾下起雨來，求其找間餐廳坐坐為上算，來了這裡。人客還不少，地方企理也有電視看，選個對正電視的位置坐下，坐得妥當。多士是夾心多，烘得脆。勝在煉奶及花生醬都下得不多，不會膩。熱咖啡好淡，唔香，遠離水準。

Although there are not many reviews on this place, franktschan has been here twice so the food must be good.On one of his reviews, I was attracted by the curry sauce and on the other review the deep fried chicken leg looked good.Basically there are lots of options you can choose such as fish or chicken and then pair it with different sauces eg curry, onion gravy, black pepper gravy, sweetcorn sauce or soy sauce.★☆★☆★☆★☆★☆★☆★☆★☆★☆★☆★☆★Fried chicken leg, luncheon meat, curry sauce and rice:They ha

早前已在另一餐廳嚐過炸雞脾飯，正所謂食過番尋味，雖然是另一餐廳，也很想試試有沒有分別。今次這一間與之前的不同是它的醬汁並不是那麼特別，是普通的茶餐廳制洋蔥汁（是沒有洋蔥的那種），但它的雞脾就有所不同。吃得出是即炸的，外表超脆，很香口。而肉質又不會太乾，真不錯。

係天后呢到返工，好少行黎呢到食飯，今日難得行過黎，想搵D特別D既野試下。呢間餐廳真係幾好架，一個餐，包野飲，40蚊有找，又好味喎。我叫左西式扒餐，魚柳腸仔意份要黑椒汁。份量多，一個女仔最好叫少粉。黑椒汁味道夠重，魚柳炸得夠香夠火爐，D腸仔煎得夠靚，咁既價錢，真係超值。 

來到這間小舖，選了較經典的咖喱薯仔雞飯當中的薯仔最正，夠腍，又入味，咖喱又不會過辣。只是雞肉不算新鮮，但也算可接受吧。加上飯夠多，是午飯的好選擇。

上星期睇完AMXXX免費報紙的食評專欄，推界呢間餐廳仔的雞脾，比5粒星，撼贏我喜愛的紅磡時新？呢間無乜食評，今日即管去試試佢個雞脾。一入到去，與一般茶仔差唔多，格局當然贏時新，而又幾爆場，正如食評說，伙食話要等，好.......等啦！點左個雞脾紅豆冰Set，等足20分鐘，雞脾送上，隻比色水好理想，夠熱夠脆，咬落去塊皮脆到Short Short聲，咸味適中，肉夠入味，好滑唔講得，但係有肉汁流出，以同類雞脾來計，絕對好掂！結果，未食完要叫多隻，費時等咁耐！呢隻雞脾咁好味，無乜人推薦係時運未至，今日等我幫佢一把！

10月3日, 炮台山茶餐廳都食得七七八八, 今朝想搵間未食過嘅茶餐廳試一下早餐, 喺呢條街就搵到呢間, 人唔多, 坐咗一半, 有電視睇~::: 沙爹牛肉火腿麵 + 熱檸茶 ::: $23麵餐只有丁麵揀, 所以如果食麵就一定要加$1配丁麵~ 好彩佢丁麵會跟番包麻油味精, 唔會俾清湯~ 沙牛係一般嘅貨色, 不過牛肉應該擺咗好耐, 太淋又冇牛肉味… 火腿一塊好薄, 太少了… 好嘅係佢都跟咗條菜, 好似健康d咁.熱檸茶嘅檸檬都幾散, 唔新鮮, 自然檸味唔夠…::: 蛋牛治 + 茶走 ::: $20三文治塊麵包好明顯係隔夜貨, 又乾又硬… 塊蛋都係薄薄地, 仲要煎得頗乾. 最吊詭係d鹹牛肉, 唔知係佢個煎pan煎完d奇怪野無洗定係d鹹牛肉擺得太耐… 份量零碎之餘食落仲有陣臘味味! 好奇怪嘅蛋牛治… 而呢個怪當然係唔好食啦!試下佢杯茶走, 都算ok嘅… 起碼茶味奶味比例正常. 不過隻杯入面都見到有唔少洗唔乾淨嘅茶跡… 一路望住一路飲其實都幾嘔心…發覺廚房做野馬虎, 用料亦唔夠新鮮. 想食個普通茶記早餐都滿足唔到, 好難想像做午餐晚餐嗰d質素會如何…

今天中午來到北角區工作,工作完畢後已經下午三點,還未食晏的我,便打算在北角及炮台山附近找一間茶餐廳坐下來吃個下午茶.記得炮台山內的宏安道有幾間迷你茶餐廳,小食店或cafe,於是我步行到宏安道看看選擇那間cafe吧!在宏安道停下來,看到幾間cafe,看見人流量萊斯廊多一點,而且又有位,價錢也適中,於是便入來試試吧!起初我揀選了牛角包雞蛋煙肉,可惜沒有牛角包,職員問我轉多士好嗎? 沒有所謂啦!1) 煙肉雞蛋多士+凍檸茶多士脆脆加上牛油不錯,但在品嚐雞蛋煙肉時,發覺到,為何有一陣味那麼古怪,又似曾相識,但不是酸宿味,食物又不是生生的,是全熟,後來又吃多幾口,發覺這連味好像我的家的砧板.這一刻的我便想問問職員"請問上一次洗砧板是何時何日?"

這名字我認識五個年頭，由一間小餐廳經營至今，整條宏安道最好生意的食店---真的不簡單，環境有點怀舊但保持乾淨，食物有點傳統但保持水準，服務員態度認真，但都不及老闆娘誠意夠賣點，禮貌對客，誠意服務，熱情大方---真低讚！ 我每天都支持，唔飲過杯茶唔舒服。

滑蛋栗米汁 冷飯加菜汁尼食lunch叫左個 滑蛋栗米豬扒飯真係一道極為普通的飯滑蛋栗米汁用罐頭來整呢個唔係問題問題係佢溝希左...所以水汪汪的...豬扒薄如紙而且又鞋又韌唔得播~~~呢間野...非必要都唔好尼呀!!!