樂園魚蛋粉

Open Now

Now Closed

今次去咗一間粉麵店，$49就食到足料魚蛋牛筋河，仲可以加配大大份通菜，性價比超高！店員好熱心，唔怪得知有一班外賣客同旅客食👍🏻✨ 魚蛋牛筋河 $49魚蛋彈牙，大量牛筋炆得軟淋入味，膠質豐富到黏嘴唇，湯底清甜唔會過鹹，河粉吸湯能力一流 ✨ 通菜 +$12加$12就有成座小山咁高嘅通菜，菜葉嫩綠無渣，簡單配腐乳✨ 凍豆漿 $8冰涼解渴，完美配搭濃味嘅粉，$8蚊杯真係街坊價，出面至少賣$12 --- 總括嚟講▪️ 性價比好高，60蚊有找就食到豐富一餐 ▪️ 食材質素唔錯，魚蛋牛筋都係用心製作 ▪️上菜速度好快，5分鐘就有得食 ，另外辣椒油係自家製，嗜辣者必試 呢間絕對係打工仔恩物！下次要試埋佢哋嘅招牌豬手麵

今日去尖沙咀睇戲，睇戲前見時間仲早，所以諗往去食啲野，係戲院依頭咁岩有間粉麵舖就入左去分別叫左個招牌手打魚蛋面加紫菜，再加油菜，同埋梅菜扣肉飯先黎左招牌手打魚蛋面，就咁睇落個魚蛋幾鮮嫩，加埋紫菜搭配睇落幾豐富。紫菜食落都幾香脆，整體黎講，口味比較清新，好合我胃口，個油菜份量慷慨，而且好新鮮。之後黎梅菜扣肉飯，就外觀睇，肉塊肥瘦岩岩好，經過烹調色澤均勻，明顯落足功夫，梅菜均勻咁舖係肉既周圍，吸收左肉汁。口味上，啲肉係軟糯而唔膩，入口即化，梅菜鹹香岩岩好開胃，兩者搭配相得益彰，係一道下飯菜，可以食多幾碗飯。呢間舖頭位於尖沙咀鬧市，食物份量慷慨，而且手打魚蛋爽口彈牙，性價比非常高，十分推薦#樂園魚蛋粉

又喺尖沙咀放飯，想慳錢可又點？就係食粉麵。不過喺尖沙咀呢啲遊客區，想平又談可容易呢？有日同事話佢食過樂園都ok ，咁我又試下啦。$37一碗粉，話平唔平，話貴唔貴。不過驚喜位係，佢個魚蛋係四四方方潮州魚蛋呀！而家真係好少見，通常就算講明係潮州魚蛋，最後都係圓型嘅普通魚蛋。講返個粉，河粉量足，魚蛋魚片夠彈牙，不過有少少實，加左腩汁個粉都夠味，唔使落辣都夠味，不過啲湯略厭油左啲！服務方面，就唔好有要求，坐低即刻問你食乜，唔夠1分鐘，四個阿姐車輪咁行過黎問你食乜。而我見有個位痴住牆，諗住都無人坐到就放左少少嘢落去，我食到中間，有個阿姐叫我還返張櫈俾佢。但當時係有勁多位，到我走嘅時候嗰張櫈都無人坐過。其實如果多客要櫈，我無乜所謂，但，明明就有好多位，點解你要騷擾個客？

呢間做正宗潮州魚蛋粉麵係我尖沙咀既飯堂可以揀得高脂定低脂 平貴 豐儉由人最鍾意平平哋加碟菜 飽肚啲又健康啲（大家都知香港餐廳啲蔬菜幾矜貴）除左得有魚蛋粉、牛腩河呢啲野食，仲有梅菜扣肉飯、蟲草花雲吞鴨腿湯跟白飯等等照顧到唔同客人嘅需要，例如平時同我的大食另一半黎，佢就一定會叫飯啦😎呢到招牌係潮州手打魚蛋，第一次黎會建議試下呢個仲好食過我喺潮州買返嚟嘅白魚蛋又軟稔又彈牙！牛筋雲吞麵 $49湯底十分濃郁，好有牛骨既味道，但又唔會太過咸，無愈食愈口渴既感覺，呢個係鍾意佢嘅原因非常欣賞牛筋！好足料起碼有五六舊，好大舊！煮得夠淋夠爽口有嚼勁得黎唔會太靱或者太鞋口秘製牛腩飯 $54呢個一上枱比佢份量嚇親啲牛腩好大舊同埋好多😨食過咁多間牛腩飯 未試過一間嘅牛肉份量係咁多 佢嘅牛肉係好大嚿，冇乜肥膏 真正嘅啖啖肉 連lur返啲肥膏既時間都慳返雖然後尾發現原來係用咗好多白蘿蔔墊底🤣佢呢個價+比咁多肉而唔係勁多肥膏已經好有良心🫶🏽

今日放假諗住去想食地道野啦 之前都有聽聞尖咀仲有間食魚蛋 腩河 雲吞都平而有水準既店 去叫左碗魚蛋河 一句講哂 真香港人味道 37有碗有水準既粉同熱野（凍飲加4$）係正今既位有今既價已經吾話得，魚蛋魚片彈牙，粉吾淋一條條夾起，湯底鮮甜，雖然冇我係汕頭食個碗鮮（原諒我講廢話），但至少都吾係出邊洗腎水個種味精水，而且湯底都係店到仲有炸魚骨，雖然都係要搭位但冷氣都好夠，37$除去人工水電仲有熱野飲保到水準，真心講句，尖沙咀金馬倫下午茶之王非你地之一，下次再黎試其他

牛腩河、魚旦麵呢類地道美食，隔一排就會想食😌今日黎左樂園魚旦粉過一過口癮牛腩牛肚紫菜河粉麵店最好就係上餐速度快，落完單2分鐘就有得食😌牛腩肥瘦適中，入口唔會柴成日渣，但又唔係好多肥膏；牛肚係金錢肚，非常入味，口感爽口彈牙，河粉雪白爽滑，夾起唔會散，份量亦足夠，紫菜吸晒啲湯，好惹味。另外不得不讚辣椒油同埋紅醋，辣椒油昇華咗成個湯底，而紅醋係有種甜甜地既底味，唔會過酸，係我目前食咗咁多間河粉店最好食嘅一間。脆骨門鱔皮見到呢有呢款特別既魚皮又試食，比起一般魚皮加硬脆，即使浸咗湯都唔影響脆卜卜嘅口感。而齋食唔浸湯亦都好夠鹹香。凍檸茶再飲埋杯港式檸茶，酸酸甜甜，無得輸😌📍 樂園魚蛋粉 (尖沙咀)尖沙咀金馬倫道21號地下C號舖

就在尖沙咀！有樂園魚蛋粉，就在金馬倫道。下午時間去較好，因為有套餐附送飲品😎，可以吃得便宜又滿足欵。門面是橙白色容易看到，環境雖然不算很大，但坐得舒適涼快。這裡有多款港式粉麵，不同配搭也有多款選擇🙈。-熱奶茶 HKD$｜凍奶茶 HKD$4下午茶附熱飲，加凍飲也只是$4，中。這裡有多款港式飲品選擇，不用怕沒有喜歡的🤣。奶茶茶味甘香濃厚，質感順滑感覺奶味較重。個人較喜歡熱奶茶，因為味道較香😝。-樂園四寶丸 HKD$44這個是店家NO.1️⃣的美食，當然要試試看啦。裡有魚皮餃、魚蛋、墨魚丸及豬肉丸。魚皮餃煙韌的質感，肉質爽口鮮味，魚蛋、墨魚丸和豬肉丸的質感彈牙。湯底味道鮮味，裡面的粉吸入湯汁真香。-潮式牛三寶 HKD$56份量十足相吸引的組合，食物包括：牛腩、金錢肚及牛筋。牛腩肥瘦均勻肉質軟腍，金錢肚口感爽脆。牛筋是滑溜溜的質感，膠原滿滿的美食🤤。湯底味道香濃，加配店家自製的辣椒油更惹味。-

尖沙咀樂園魚蛋粉幾抵食魚蛋水餃面魚蛋口感彈牙👍水餃幾大隻入邊包住豬肉和蝦仁🍤皮薄餡多🤗清爽幼面☺️加辣椒油同紅醋口感大大提升小食限量炸門鱔魚皮😍鱔魚皮炸至金黃色😍口感非常香脆😬加$12有一碟油菜🤩新鮮菜心剛好熟透☺️可以點蠔油食😊凍檸茶酸酸甜甜清爽可口😊能夠緩解辣味和油膩感👍夏天飲好解渴😊

今晚想食清淡d, 所以收工同朋友去左TST到食粉麵。好近地鐵站 好方便👍🏻平日見到佢係各區都有分店今日第三次試餐牌上面有好多唔同選擇因為太多餸揀 唔知揀邊個最好我地叫左兩碗，上菜好快手，速食之選一碗招牌魚旦河一碗豬手面魚旦河份量不少，魚旦魚片各有3粒/片，魚旦爽口彈牙，魚片厚度適中，兩款食物都魚味十足💯豬手面汁令成碗香左好多！🤩仲飲品有加配價 抵玩另外想講鋪頭嘅秘制辣椒油好惹味，唔系得辣味，鐘意食辣嘅人可以一試。MENU可見都幾多款野食揀，未夠7點已經full house! 証明品質有保證

來香港，不吃香港最有名的魚蛋粉不算來過香港喔！我每次有朋自遠方來，都會請她吃香港本地人氣王，樂園魚蛋粉！（因為我的朋友們，什麼山珍海味沒有吃過？！）一家開業將近60年的連鎖手打魚蛋，牛腩專門店！我們點了四寶丸（裡面有手打魚蛋、墨魚丸、豬肉丸、手工魚皮餃），食材新鮮，全部香港製造，沒有防腐劑，湯底口感濃郁，據說是用豬肉、豬骨、老雞，每天熬製4-6小時而成的！牛雜正宗地道，加上自家製辣椒醬，非常惹味，口感一流！😂PS：店員普通話說得挺好的！#乐园鱼蛋粉#尖沙嘴美食#牛腩面#清淡饮食

後生男店員 態度好差(可能係老細？)食完麵見仲有位 又無排隊 坐多左陣見佢係面前丟毛巾 串樣埋單勁大力關收銀機 趕客咁 無下次 即刻走價錢唔算特別貴 大碗足料不過食物味道扁鹹重味精 牛筋好硬 唔推薦

天氣熱就唔係好想食飯，就走去食碗河粉樂園都食開㗎喇，好穩陣，今日再去食今日就食碗墨丸牛筋河，加12蚊一個時菜， 再叫多一個炸魚皮好大碗，唔係夾兩下就冇曬嗰啲成碗粉睇到湯面都係冇乜油河粉爽滑，條條都係完整，唔係一夾起就散嗰啲一睇啲牛筋就知道夠淋墨丸有墨魚味，夠彈牙時菜有生菜，菜心，蘿蔔可以選擇我就要咗生菜 ，加12蚊都算大份最正係菜面都係冇乜油，同埋蠔油分開上魚皮用一個密實袋入住，覺得非常好唔使驚會淋，同一個人食又唔使怕太大份食唔曬，可以方便帶走， 不過食下食下都食得曬魚皮真係好脆又冇骨好好食唔知算唔算食得好多嘢，不過成餐都食得好滿足自家製辣椒油，夠辣夠香好好食食飯唔一定餐餐都要大魚大肉，簡簡單單食碗粉都覺得好開心

我一直都好鍾意食魚蛋粉，因為覺得超地道好好食，然後比我搵到尖沙咀竟然有一間非常好食，又有驚喜，性價比高的魚蛋粉，真係好豐富，又抵食又足料，所以我真係好推介呢一間魚蛋粉啊，佢哋呢間餐廳啲牛肉非常鮮嫩，超級入味，而且雲吞都有好新鮮嘅豬肉鮮味，非常可口，仲要呢度非常多選擇，我好推介佢哋嘅招牌魚蛋河粉加紫菜，真係又平又大大碗，而且非常多餸，啲魚皮同魚蛋都係好爽口彈牙，而且魚香味非常鮮，唔會好腥，而且呢度嘅凍檸茶都大大杯，好好飲㗎，而且清湯底仲可以加腩汁，所以真係好香味濃郁，仲有佢哋嘅位置非常方便，響金馬倫道，非常容易搵，而且四寶丸河，全部魚蛋都係手工製造，非常爽滑，而且魚片好彈牙爽口，四寶可，有魚蛋，魚片，魚皮餃，豬肉丸，真係一次過海食咁多，真係開心

今日好開心喺尖沙咀放工，有啲肚餓，所以上網搵嘢食，見到好多人推介呢一間魚蛋粉，估唔到咁受歡迎，我坐咗一陣，已經坐滿晒人，入到嚟舖頭裏面，有一陣陣嘅牛肉香味，好香嘅牛丸河粉味道，真係非常大贊，豎起個大拇指，試咗真係愛上了，所以一定推介給朋友，非常好食，而且價錢經濟實惠，喺尖沙咀區搵到一間又平又抵食嘅麵店，真係唔簡單，而且呢度好出名就係佢哋嘅牛腩河粉，真係非常好食，牛肉均勻，而且牛丸嘅湯底真係好濃郁嘅牛骨味，有咩啖湯成個人都暖晒，而且個賣相好吸引，尤其是個雲吞，賣相非常精緻，鄙薄餡靚，個鮮蝦非常之入味，好滿足，另外我見到其他人都叫了呢個炸魚皮，我深信一定好受歡迎啊，而且呢度仲可以加菜心食， 非常新鮮，真係值得推介

#樂園魚蛋粉this place is definity not aiming for service.the staff focusing on efficient. they dont speak extra wording except. order? speak!1sec. invoice on desk.and done.food there is keeping quality. i ordered food belly rice with seaweed soup just 54$. its a cheap price in tst tourist area. that why they keep focusing turn over rate to maximum their revenue instead of service. ppl only come back becos of food snd hunger. they know it very well and dont dare to provide any extra service.good job.