樂園魚旦專家 (電氣道)

Open Now

Now Closed

平日呢間樂園都好多學生黎食，見今日下午茶時間唔係太多人見肚餓就去試下。入到入面都坐得幾舒服，而且環境都好乾淨，平日去呢啲麵館最怕就係啲環境污糟邋遢，但係呢間樂園真係好乾淨，坐得好舒服。叫咗一個牛雜幼麵同一杯熱咖啡。碗麵上到嚟，真係好大碗，而且勁足料。食落啲麵真係好彈㗎，而且個湯底真係好濃味。啲牛雜好入味，牛肚好爽口。有時食牛雜，都驚佢啲腸洗得唔乾淨，但係呢一間完全冇呢個問題。加埋呢個辣椒油，真係冇得輸。辣椒油好香，食得出佢真係好重辣椒。而且個辣椒油好香，加埋落啲麵一齊食，完全帶出咗成碗麵嘅香氣。最後，食晒所有面，但係真係好飽，碗麵真係好大。完全值呢一個價錢，又唔貴。推薦大家嚟食， CP值超高。下一次我一定會再返嚟食，要試埋其他嘢。

我係呢間「樂 園 魚 旦 專 家」，因為呢碗魚蛋粉，我會記住呢十分鐘。由而家開始，我同呢碗魚蛋粉就係十分鐘嘅朋友。呢個係事實，我改變唔到，因為己經過左去，但我一定會再返黎，咁真係幾好食呀麻，衰鬼。👇📌雙 拼 粉 麵 類 -  ▪ 金 牌 牛 三 寶 -▪ 招 牌 魚 蛋 -▫ 一定係必試牛三寶咖啦，清湯腩黎講，牛味夠濃香，肉質夠腍滑，仲帶少少肥肉，唔會太乾；牛肚紋理非常清晰，口感幾煙韌，厚度亦夠，唔錯；牛筋亦煮得岩岩好，幾腍滑；魚蛋好重角鮮味，質感屬於彈爽有咬口；麵底我揀左幼麵，麵質食落夠爽口，加底都係7蚊，整體幾抵食。▪ 金 牌 牛 三 寶 -▪ 頂 級 墨 丸 -▫ 我朋友都係揀左牛三寶，雙拼揀左墨丸，每粒入口都有好濃郁墨魚味，唔會一咬落就係粉果種，連埋湯底相當清甜；河粉亦夠滑身，吸收哂湯汁，每啖都非常軟滑，好易咬開，唔錯。

黎到北角，天色已晚，肚又餓，就快快脆脆係附近搵間餐廳醫下肚，眼見好耐無食過牛腩麵，於是就決定會一會而間「樂園魚旦專家」，睇下係唔係咁專先😝😝相比起其他麵鋪，而間店舖環境比較乾淨企理，座位好舒服；另外，餐牌食物選擇麵唔少，除左麵仲有飯，岩哂啲大食既人😂同友人一人叫左一碗麵1. 崩沙牛腩+墨魚丸粗麵 $48+$7係出面好少食到崩沙牛腩，黎到而度見到有，當然唔可以錯過啦🤤🤤果然，崩沙牛腩同普通牛腩唔同，上下都有恰到好處既脂肪包住，牛味十足，好淋，但又好爽脆，可以話係平價版既和牛都唔過份👍🏻👍🏻由於崩沙牛腩太好食，墨丸相對下就普通左啲，但都ok🙈2. 牛三寶+牛丸河粉 $48+$7 牛三寶有牛筋、牛腩同牛肚，另外再加雙拼牛丸，單睇份量已經好足料🤤🤤牛腩夠腍，牛肉味都十足；牛肚爽脆有質感；牛筋好大舊，又脆又軟身，三寶已無得輸😎😎另外，牛丸都好大粒，好有牛味，唔似有啲麵鋪啲牛丸…🤢湯底係牛肉湯底，好濃，每條麵都索哂啲湯汁，加埋餐廳自製既辣椒醬（好似可以買番屋企食），正👍🏻👍🏻另外，我好鐘意食蔥食芫荽，而度好好，任加唔嬲😝😝另外，我同友人分別叫左杯利賓納同埋檸樂，普普通通，茶餐廳水平～ 總結，價錢平

放工後肚子有點餓，去了炮台山附近搵食。見到這間粉麵店，新簇的裝修，乾淨企理，而且食物也是香港製造，忍不住要進去試一試。餐牌食物款式選擇多，想飽肚的可點碟頭飯，而我就想吃粉麵，有選擇困難的我就選了這個雙併- 牛腩和墨魚丸，粉麵就選了河粉。餐廳侍應很有禮貌，幫我另找位置安放我的公事包，值得一讚。至於醬料，有辣油和醋，想吃辣或酸的可自行調味。等了一會侍應端來這款牛腩墨丸河。牛腩層次分明，入口鬆化，牛味甚濃，是上乘的貨色。墨丸也值得一讚，有濃郁的墨丸味，爽口彈牙，美味非常。河粉也很滑溜，即使在湯底浸了一會，也沒有變淋。配上腩汁湯底，簡直是絕配。最後是奶茶，道地的港式風味，甜度適中，也非常香滑。食飽後展開漫長的歸家之路。

今晚一個人食飯，諗住頹頹地同light d 食個粉麵，見呢間都幾企理，就隨意試試，發現都唔錯👍🏻.餐牌選擇都多.咖哩牛系列同呢個炸鱔皮都幾吸引，下次搵埋friend試下～.點了崩沙牛腩拼豬手河粉 $48+10貪心地一次試佢兩個皇牌～.第一次試崩沙腩，同一般牛腩絕對有分別。有一層軟膠質，據說是牛的橫膈膜，入口腍滑；筋膜同肉的比例剛剛好，肉質帶爽。.豬手色澤明亮，炆得好腍，夾起已經離骨，正常水準。（崩沙牛腩vs金牌豬手比較推介崩沙牛腩👍🏻.河粉亦夠爽滑，唔會太淋。.飲品點了蜂蜜柚子茶（熱）底有柚子碎，真材實料。.職員嘅制服都印有「持之以恆 香港製造」，希望佢地以呢個理念繼續用心經營💪🏻.

以為成日食魚蛋河，因為又平又飽肚。最近食得太多好野，覺得有必要去錫住個銀包，所以間唔時都係食返啲粉麵店。呢間係電氣道既樂園間舖都幾大，正常粉麵店既格局。午飯時間去都好多學生幫襯，多人係食物既保證呀~ 睇到餐牌，諗住叫崩砂牛腩，但個waiter話賣哂，勁sad... 呢款係招牌野食，而且都未到2點，竟然冇哂... 最後叫左個頂級墨丸加香滑牛筋河粉，另叫一杯熱菜蜜。雖然冇牛腩，但都好食既~ 頂級墨丸彈牙，好食。香滑牛筋清洗得好乾淨，冇毛，讚! 牛筋好夠膠質，食落好lim口，而且煮得好淋，好正~ 希望下次再黎有緣食到牛腩啦

天氣開始開始熱無咩胃口 ，諗住簡簡單單揾間粉麵店食個晚餐。🥣 經過炮台山電氣道見到哩間餐廳，價錢合理，環境闊落 ，裝修比一般粉麵店新淨時尚，便決定試下😌。週末五點幾餐廳唔太多人，但keep住好多人買外賣，咁受街坊歡迎又咁多分店，食物質素一定有返咁上下水準👍🏻。餐牌上有好多選擇，有招牌丸類粉麵、牛類粉麵、咖喱飯等，仲有幾款炸物小食，非常吸引😍。我地由於唔太肚餓，只是每人各自叫一碗粉麵。崩沙腩米粉好有驚喜，牛腩炆得好淋好入味。有時好怕啲牛腩肥淋淋搞到成個麵油矖，但哩個完全唔會🐮！米粉吸收曬啲牛腩汁，唔知唔覺就食曬成碗麵😆 話明魚蛋專家，梗係要試寸佢哋嘅魚蛋啦🐡。紫菜魚蛋米的魚蛋竟然係正宗潮州魚蛋😋！潮州魚蛋有別於一般魚蛋，是把未熟透的餅狀魚蛋逐粒分開，所以每粒都會起角同形狀不一。魚蛋魚片應該係同黑椒調過味，口感彈牙👌🏻，魚湯清甜無味精。整體體驗不錯，食物質素高，環境舒適，員工服務有禮，是簡單晚餐的一個好選擇。

今日去左炮台山，條街真係好多食肆，經過樂園魚蛋專家，見到價錢都幾親民，座位都算寬躺，我去嘅時間人唔算多，於是就入去試吓。個餐牌都好多選擇，對於有選擇困難症嘅我，最後我叫咗牛雜幼麵，$34，貪佢乜都有。碗牛雜麵都算大碗，牛雜大大塊，都好入味，其實而家$34可以俾到咁嘅質素，真係都叫做冇得頂。因為口痕，我仲叫咗個炸蝦餅，$32 有四件，點埋泰式雞汁真係好香口。其實睇完個餐牌我仲有幾樣野想食，不過一個人食唔到咁多，或者下次先再試。

夏天為大地帶來汗水，美食為大胃引來口水，游完海水身體虛脫加脫水，拿拿臨搭車出返城搵補給要補給就唔需要食好fancy嘅嘢，粉麵係可以短時間就提供到飽肚感嚟到呢間，本來想食招牌崩沙腩，點知賣晒，嗌牛三寶一樣啫牛腩同樣係肥瘦平均且入口即化牛筋就超綿，同埋入晒味，豬手亦煲得夠晒腍，𦧲骨絕無口軟當然佢地嘅豬肉丸都唔遜色，咬落彈牙有回力肉味油然而生，仲有啲噴汁，果然係香港製造邊食邊飲住最解渴嘅檸樂，咁樣一家好快飽肚值得一讚係凍飲嘅冰係碎上，唔使少冰都夠飲

香港勝在有魚蛋粉，相信唔少香港人都一定會食過，就連外國人都會專登嚟食一碗👍🏼今次試咗一碗崩沙腩配墨魚丸🍲啲牛腩真係好淋，而且份量都好充足😍加埋佢哋嘅腩汁真係不得了！而手打墨丸亦好彈牙，正！朋友點了一碗牛丸雲吞米線，牛丸大大粒，雲吞亦好鮮味，真係好出色呀👍🏼而且牛丸真係手打嘅，食得出的爽口！最鍾意就係餐廳掛住嘅「持之以恆」，一碗粉麵做得出色需要持之以恆嘅嘗試😎，香港都一樣需要大家嘅堅持先可以捱得過💪🏽

今夜突然心血來潮，好想食牛腩麵，便來<樂園魚旦專家>試下，詁吾到竟然有驚喜喎！！<牛腩牛丸雙拼 配撈幼麵 $34 /雙拼加$7/轉撈麵加$7>牛丸正常大少，是正宗本地鮮牛丸，入口充滿牛肉味，仲有少少肉丸汁，感覺好新鮮呵！五香牛腩有好多件，份量十足，屬半肥瘦牛腩，肉質有質感，又有厚度，而且夠腍身，不會覺得鞋口。由於轉了撈幼麵，幼麵份量極多，麵質彈牙，仲有少少配菜和撈麵的湯，實在不錯，值得推薦呀！真材實料的五香牛腩～大大碗牛腩撈麵！！<牛三寶 (牛肚/牛筋/牛腩) 墨魚丸 雙拼 配撈粗麵 $48 /雙拼加$7/轉撈麵加$7>牛三寶包括有牛肚、牛筋、牛腩，另外再加雙拼墨魚丸，單睇份量已經放滿成個碗。牛肚腍得來爽彈有質感，牛腩夠腍夠大件，牛筋炆得超軟身，而且全部都炆得非常入味。就連墨魚丸都相當彈牙，粗麵亦夠爽彈滑身，份量勁足，非常好食！！金錢肚好大塊㗎!另外要了凍奶茶，奶量較多，不過夠凍夠滑。餐廳都幾闊落，有卡位同4人枱，而且乾淨企理，坐得舒適。而且餐廳上菜快，亦不趕客，價格平之餘，食物質量都不錯，下次一定會再來呀!!

喺北角做完嘢已經好晏，係附近搵間餐廳醫肚，好耐冇食過牛腩粉，就決定喺呢間小店食lunch😋舖頭裝修有新派感覺，亦不失傳統粉面小店的特色，餐牌食物選擇多，而且比普通粉面檔多了飯類的選擇，見餐牌上面嘅崩沙牛腩係限量，就決定一試~崩沙牛腩+墨魚丸河粉~由於怕一個女仔食唔晒一大碗河粉，所以叫咗少河粉~份量對我來講啱啱好，因為牛腩的份量一點也不孤寒，每一塊都是厚切，鋪滿整碗河粉的面上😍崩沙牛腩果然同普通牛腩有所不同，肉質較為鮮嫩，而且連帶筋位較為爽脆，帶有少量油香有入口即溶的感覺，但價錢卻不貴，就像平價版的和牛一樣高質🥰湯底亦是驚喜之作，充滿濃濃的牛肉香味，牛肉精華溶於湯底之中，全被河粉滿滿吸收，令每一條河粉都帶有牛肉的油香和濃郁味道，而且河粉烚得通透，條條分明，食落亦有煙韌的感覺~墨魚丸亦夠爽口彈牙，咬開見到大大粒墨魚肉，十分足料，調味亦剛剛好，而且大大粒十分滿足🤤最後以一杯凍檸茶作結，酸酸甜甜的感覺十分開胃，亦為炎炎夏日帶來一點清新的感覺~

一直以來我都好鍾意食呢間魚蛋粉，最近出去食多次，又覺得好好食，好想推介下。因為而家香港真係好食嘅魚蛋粉真係越來越少啦，我叫咗一碗魚蛋粉，一碗牛腩河，在一人一杯嘢飲，一個飲豆漿，一個飲熱檸蜜。嘢飲就當然係正正常常啦，但係佢嘅魚蛋同佢嘅牛腩都係好正嘅，佢嘅魚蛋分左魚片同埋手打魚蛋，我本身都比較鍾意食白色嘅手打魚蛋因為覺得比較人手製造，再彈牙啲，而且魚片亦都係好香，佢嘅牛腩亦都係好好食嘅，佢會比一啲崩沙牛腩，一啲普通嘅牛腩嚟，崩沙牛腩呢就有少少肥，但係呢就好林嘅，普通嘅牛腩，就比較香牛肉味，但肉質就比較韌。以一碗30幾蚊嘅牛腩河魚蛋河來講，真係算幾好㗎啦，因為而家一般茶餐廳都成日買咗四十幾$50 ，太貴啦。

今日一家人去咗行寶馬山，本來打算行完山之後一齊去飲茶，點知小伙子話佢另有節目，那就只好分道揚鑣。老公提議先去附近逛逛，再搵個地方祭五臟廟。途經電氣道，見到有間魚蛋粉麵店，看了門外餐牌，價錢經濟實惠，啱曬我倆心水，一於不作他選。由於進店時已經過了午市繁忙時間，所以店內食客不多，可以隨意自選座位。先細心研究下餐牌，除咗各式粉麵外，餐廳還有飯類同小食等供應，另外亦有多款火鍋配料可供外賣。我哋點咗招牌魚蛋拼鳳城水餃粗麵 ($37) 同 崩沙牛腩河 ($48) 各一碗。招牌魚蛋拼鳳城水餃粗麵：魚蛋新鮮即製，粒粒外形大小相若，食落爽口彈牙，雪白得嚟又有魚味。麵條質素亦不俗，爽身帶韌性。鳳城水餃同樣有水準，不但外形飽滿，而且餃皮很爽滑，入面嘅餡料有蝦、筍和木耳絲等，用料絕不欺場。至於碗崩沙牛腩河亦令人吃得很滿意，牛腩燜得啱啱好，格肥格瘦，有幾件更是連著筋部的邊位，咬下去微微爽韌，蘸點桌上嘅辣醬吃，能提升肉香。河粉也很好吃，看起來呈半透明狀，幼身且薄，入口爽滑帶麵粉香。飲品點咗凍杏霜 (+$8) 同 凍檸 樂(+$11)，杏霜的味道頗濃，冰塊的分量剛剛好。

同朋友一齊港島一日遊，一齊遊叮叮河。叮到差不多北角附近大家都見有d餓。於是落叮叮打算醫佐個肚先。附近美食不多，又多連鎖餐廳。印象中有間唔錯既港式麵餐廳，於是搵到地址就去了！餐廳位置都方便，近地鐵站，幾分鐘步程。餐廳環境都好舒服，間隔寬鬆，又坐得舒服。安排好位置之後，因為餓既關係我地即刻叫野食！🤣🤣見到menu寫住香港工場製造，即刻加分！最後叫佐個common既兩餸麵，墨丸牛腩河加汁！牛腩炆得好淋，好入味！一碗簡單既河粉都可以煮得咁入味，抵讚！另外，墨丸都好有口感，好彈口。雖然今次無叫無叫魚蛋，但係原來係招牌菜，下次黎一定叫反黎試下！😋總結: 如果想食港式麵食，呢間係必試之選！下次再試佢其他分店👍🏻👍🏻