千歲擔擔麪

Open Now

Now Closed

今日好想食上海菜，醒起觀塘裕民坊3樓的平台，有間#千歲擔擔麵 ，一於搵埋同事收工一齊去開餐囉☺️。花雕醉雞，酒味清甜，雞皮香滑爽口，雞肉🍗是脾位故很嫩滑，夠清凉前菜首選。大家都喜歡食生煎包，因豬肉餡料鮮滑多汁，包底煎到好香脆，size啱晒一口一個☺️，點埋醋更好吃。紅油水餃🥟，比起紅油抄手，水餃的皮就厚身啲，咬落有煙韌感，紅油帶點辣又甜甜地。青菜煨麵，湯底是奶白色的，飲落鮮甜夠熱度，配料有青菜🥬、磨菇跟旬夠健康，麵條亦爽滑淋身。

今午約同三五知己，到官塘裕民坊YM2千歲擔擔麵聚聚和吹吓水。我揀了個4人套餐涼菜可4選2，我揀了鎮江肴肉和皮蛋伴豆腐。湯可2選1，我揀了酸辣湯。小炒可4選2，我揀了蔥爆牛肉和賽螃蟹。海鮮有松花桂魚。菜可2選1，我揀了濃湯金華火腿津白。點心有功夫小籠包。還有4碗招牌擔擔麵，可選辣和不辣，我揀了辣。鎮江肴肉這碟涼菜不錯，肴肉有少許鹹香味，再配搭有甜酸味的鎮江香醋醬料，入口即融，層次感十足。皮蛋伴豆腐豆腐口感非常之滑，連同糖心粒粒皮蛋一齊食，感覺非常之夾。酸辣湯湯裏混了豆腐絲、木耳絲、瘦肉絲、荀絲、冬菇絲、蛋花和蝦仁，材料都頗為豐富，但可惜這個湯不夠酸和辣，而且蝦仁不夠新鮮。蔥爆牛肉京蔥炒得夠軟身但咬落還脆口，感覺香甜，牛肉質感夠滑和腍，每一條京蔥和每一片牛肉都剛好粘上濃濃的醬汁，鑊氣十足，滿足了我的味蕾。賽螃蟹除了蛋白外，這道菜還加了少許蟹柳和搖柱，感覺不太單調，但可惜味道淡了些和有些油膩的感覺。松花桂魚這道菜顏色鮮艷，魚身切花切得非常仔細和美觀，咬落外脆內軟，甜酸甜酸的味道刺激了我的味蕾，令我垂涎三尺，胃口大開。濃湯金華火腿津白津白煮得非常之腍，完全吸收了濃湯和金華火腿的精華和香味，味覺

約咗朋友今日去觀塘食午餐， 原來觀塘有個裕民坊商場都幾新幾靚。 我哋揀咗呢間千歲擔擔麵， 佢就喺三樓平台，景觀幾開揚舒適， 可以望住一片綠油油嘅草地享用午餐。 改良擔擔麵改良版即係普通擔擔麵嘅基礎上， 加上炸醬。 個人覺得分別唔大。 酸辣炸醬麵小辣又幾開胃， 有酸辣擔擔麵嘅感覺🤣 一囗鍋貼細細粒一啖一口， 鍋貼皮如果可以煎香啲更好 紅燒獅子頭成個拳頭咁大嘅獅子頭， 夠曬飽足 蔥油餅滿滿嘅芝麻好香， 佈滿成個餅面👍 配合埋勁多蔥花， 香上加香😋千歲擔擔麵係一間貼地嘅上海菜館， 價格親民， 食物水準平均， 喺附近做嘢嘅朋友可以不防一試， 係一個午餐唔錯嘅選擇👍

很久很久以前是去鑽石山吃，味道真係無得頂。之後去黃埔吃，吃不出風味。今日再去YM2吃，只覺得擔擔麵仍OK，其他點心則麻麻。首先茶有普洱和香片揀，茶位$5@餐前小食係大豆芽菜，每碟$6。我覺得有D韌，所以食完有D渣。擔擔麵叫咗詠藜園果隻，不辣。湯底香濃，麵質5錯～酸辣抄手(6粒)，成碗湯浮著6粒抄手，真的傻眼了。。。碗酸辣湯又5似酸辣湯，只係酸+辣油，內里有d 炸菜蓉吧，我真係5識形容。抄手肉餡實實，5欣賞。。。。一口鍋貼(5隻)，係煎得香口，內有肉汁。可惜皮有點厚，搞到黏牙。。。

朋友家住裕民坊，第一次去探望，地方好大，平台花園有特色。環境清幽，不似觀塘區。在朋友家閒談了三小時，大家有點餓，走去平台花園搵食，不想食太多，揀選了一間擔擔麵專門店，叫點小吃，又再暢談。小籠包一客有四隻，熱呼呼的，即叫即做，皮薄透出內裡嘅肉汁，果然爆汁，肉香滿溢。生煎飽底部煎得脆脆，好香芝麻味道。面層飽軟綿，餡料飽滿，非常有口感。酸辣湯呢個辣度恰到好處。越飲越開胃。以價錢來說，可唯親民，非常合理。

今日同朋友嚟咗呢間位於觀塘裕民坊嘅新商場入面嘅餐廳。餐廳平日晚市時段都幾多食客，但又唔會話好嘈吵。花雕醉雞 ($88)冰冰凍嘅醉雞帶來陣陣嘅酒香味。入口食落雞肉都係嫩滑實肉。詠藜園擔擔麵 ($43)就係為咗呢碗詠藜園擔擔麵而嚟嘅。有得揀辣或者唔辣。以前喺黃埔食過一直都念念不忘。呢碗擔擔麵湯底嘅花生同埋肉碎都多。湯汁味道濃郁，麵條軟硬度適中，好掛湯。楊家小籠包(四隻) $48皮薄唔易穿，入邊都有少許湯汁，如果餡嘅肉多啲會更飽滿。炸銀絲卷 ($36)可以點埋煉奶食。切開後見到黃色嘅銀絲，外層嘅脆同內層嘅脆有啲唔同。外面嘅脆係類似炸饅頭嘅外層，而裏面嘅炸銀絲就有啲似馬仔嘅口感。棗泥拉糕 ($48)口感幾得意，佢唔係平時喺酒樓食嘅紅棗糕嘅口感。呢一款比較實淨，但棗味好濃郁。原來仲有二人餐，都幾抵食。下次再嚟食。

大閘蟹季節，經過見到有蟹粉盛宴，著實吸引，便拉著友人一起進去吃吃看。芺蓉蟹斗 $62/隻賣相十分精緻，蟹蓋上鋪滿了食材，底下原來是炒蛋，搭配鋪在面上的蟹粉芡汁，濃郁的蟹味。每一口都帶來了蟹肉的鮮香和蛋的柔滑，一口咬下去，蟹粉的香味在口腔中綻放，令人陶醉。麻辣擔擔麵 $52湯底濃郁，富有花生麻醬的香味，配上彈牙的麵條，每一口都帶來了辣辣的刺激和濃郁的麻辣味，味蕾瞬間被點燃，流連忘返。清湯炸醬麵 $52炸醬味道像梅菜扣肉，搭配清淡的湯底混和一起，滋味鮮美，炸醬與麵條相輔相成。生煎包(3隻) $39外皮金黃酥脆，內裡滾燙的肉汁，肉餡鮮嫩多汁，每一口都散發出肉香和酥脆的口感，讓人回味無窮。

👨🏻‍🍳千歲擔擔麪 (觀塘)📍觀塘協和街33號裕民坊YM²3樓302A號舖 「平台花園中的平價親民上海菜🫶🏻」 Openrice搜尋搵到，系裕民坊商場入面🙈裕民坊有一花園平台，恬靜舒適，兩邊有餐廳。 茶茗只有普洱同香片選擇🙈 🍽️詠藜園擔擔麵 $43老闆好nice🤣我地問可吾可以小小小辣，佢話緊系得🤣🫶🏻湯底濃而不咸，底有好多蔥花肉碎，好香口🤤另有改良版，系麵面加肉碎。麵身幼細偏軟，但又不會散👍🏻 🍽️楊家小籠包 $48正常🤤👍🏻 🍽️一口鍋貼 $45真系一口！！好的骰😻 🍽️炸銀絲卷 $36正常🤤 餐廳寬敞，坐位舒服，食物都系熱上，正常發揮的京川滬菜，但系價錢竟然親民😳👍🏻 #千歲擔擔麪

自從裕民坊開左之後 只係曾經黎過一次 原來而家已經開左好多餐廳 今晚黎到3樓食上海野楊家小籠包（4隻） $48係正宗皮薄餡靚 一小口既小籠包入面有滿滿既湯汁 配埋薑醋汁一流一口鍋貼（5隻）🥟 $45鍋貼十分迷你 可以包到甘細粒 都好考功夫 但一小口剛剛好 皮唔會太厚 餡料都好足夠雞絲粉皮 $68粉皮比平時食到既大塊 但醬汁比較深色 偏向花生醬味 撈埋粉皮食好正 有d似加左大量花生醬既腸粉雲腿津白 $88用雲腿煮過既湯汁 好香濃 應該係煮過一段時間令到津白都好入味 詠藜園擔擔麵（小辣） $43份量都幾多 好夠花生味 係我鐘意食既擔擔麵 加埋少少辣 剛剛好 呢個價錢 性價比好高值得一提既餐前小食 酸辣豆芽 好開胃

以前已經食過黃埔既詠藜園，今天試下觀塘的🏅️lunch time 食左小籠包、擔擔麵、春卷和雞絲涼皮！埋單$216🥟 小籠包 🥟首先，楊家小籠包真是让人欲罷不能啊！皮薄馅嫩，一口咬下去就能感受到汁水四溢的滋味！必點🍜 擔擔麵 🍜接下来是擔擔麵！無論辣定唔辣，擔擔麵都係咁出色！這裏的擔擔麵辣而不燥，香而不腻！花生味濃郁🌯 春卷 🌯完全不推薦 沒特色 好一般🐔 雞絲涼皮 🐔雞絲涼皮简直是夏日必吃的清凉美食！麻辣口味的凉皮配上鸡丝和各种蔬菜，一口下去，凉爽清爽的感觉让你的整个夏天都变得舒畅起来！

鄰近港鐵裕民坊地點非常方便，今日同媽咪行下街食下上海菜店內環境大，有私人房，店員有活力。讚花雕醉雞-媽味至愛，雞件嫩滑，酒香滿滿，入晒味，正楊家小籠包-皮薄錎靚，熱辣辣食係最正的，湯汁鮮甜加點薑醋更美味一口鍋貼-細細粒，入面肉準豐富絕不馬虎詠藜園擔擔麵-辣濃底好香濃花生味加肉醉，擔擔麵爽口彈牙，辣味十足，媽味都讚好紅潘抄手-賣相不錯，帶有麻辣酸甜，抄手嫩滑美味，約加點蔥花芫荽更昇華。整體不錯，餐牌見有新出蟹粉系列及多款套餐，下次可選擇之選😍👍🏻千歲擔擔麵

去了朋友的新居坐坐，然後在附近吃個晚餐，也有不少選擇，朋友推介她的飯堂 千歲擔擔麵！7時多已差不多滿座。主打上海菜花雕醉雞 $88上檯時已傳來陣陣花雕酒香味除了酒香，雞肉也很嫩滑入味詠藜園擔擔麵(辣）$43上檯時也傳來陣陣香味，呷一口湯底香而不膩，感覺舒服，麵條軟硬適中，美味。楊家小籠包（4隻）$48皮薄但不易穿，餡料飽滿，又有湯汁，相當出色。炸春卷（3條）$38炸得金黃，脆卜卜，內有冬菇、木耳絲、紅蘿蔔絲等等，層次豐富。

迎月夜見店內有不少顧客，遂與家人即興「做節」。點了馳名的擔擔麵，還有砂窩雲吞雞和東坡肉。擔擔麵Keep 到水準，難怪每枱必點。砂窩雲吞雞味道正常，金華火腿鹹香十足，不過雲吞的餡料有點「與別不同」，並非人人接受得到，整體合格。唯東坡肉需等20分鐘，上桌只見約小朋友手掌般大小，而且肥肉下面的瘦肉十分「煙韌」，令人大失所望，而且索價近百元，伏味濃。埋單是顧客到收銀處付費，收銀男士可能見到客人不斷進來，阻礙收工，面色鐵青，當然也不會說多謝。

媽咪話好想食擔擔麵，於是喺OpenRice見到呢間位於觀塘嘅千歲擔擔面評價唔錯，於是就帶佢去食下。楊家小籠包：小籠包皮薄餡靚，湯汁鮮甜美味。改良擔擔面：擔擔面加入好多肉碎，令成碗麵嘅口感提升，而且麻味香濃豐富，相當美味。油豆腐粉絲雞：雞肉嫩滑，份量多，油豆腐和粉絲完全吸收湯汁，味道豐富，另外仲有香菇、筍等配料，令人胃口大增。炸銀絲卷：作為是日晚餐嘅甜點，熱騰騰上枱，外皮酥脆，重點係必須加煉奶，味道既香又甜。餐廳坐得舒服，而且服務周到，是一間值得一試的餐廳。

中午經過裕民坊取左月餅 上三樓吃這間上海菜館 環境清靜簡潔 在大玻璃窗內欣賞末夏入秋風景加埋有冷氣機下吃飯 爽👍😁茶葉只提供普洱或香片選擇 接著點了個回鍋肉中午客飯套餐 有飯有湯冷盤揀雞絲粉皮 很重麻醬味👍😋回鍋肉剛好薄肉豆乾配料十足 楊家小籠包上枱熱辣辣 小心皮太薄容易穿 汁液四濺 放入碗內吃較穩陣😂上海粗炒$88 一大碟足夠兩人吃 味道正合心意 服務員態度很好 慇勤有禮 👍👍下次會再來試其他菜式😛