樂滿門快餐廳

Open Now

Now Closed

是咁的，早排有假，見有時間，諗住行完少少嚟聯和墟食早餐，咁我求其入咗嚟呢間，嗌返最普通嘅沙嗲牛麵+腿旦啦，嚟到之後，第一時間食麵啦，點知一入口，啲麵好似浸咗唔知幾耐咁,淋到呢，牛肉味道又麻麻，大佬連呢啲咁基本嘢港都做到咁樣，唔惦喎

講真，要搵到啲真材實料既港式美食，唔一定要去啲高檔食肆。今次我試咗家餐廳，嗱，就係舊式茶餐廳feel啦，一入去已經聞到佢隻咸香薯條同香脆雞翼嘅味道，嗌餓呀！🍟🍗就嚟個茶餐，瞓底磚頭好厚道，一件件炸得金黃爆脆，一啖咬落去，薯條外脆內軟，雞翼肉質鮮嫩，同埋嗰個肉汁啊，真係滋味！三文治就嚟個囍臨門，厚切嘅餐肉加埋生菜蕃茄嘅鮮甜，嚟個「一軟一硬」，兜得咁剛好。再點咗份沙嗲牛肉麵，湯頭香濃得黎唔膩口，牛肉夠晒嫩滑，撈埋啲出前一丁，真係回味無窮。當然唔少得啲小時候記憶深刻嘅火腿奄列，煎蛋薄身得黎香口，夾埋蕃茄汁火腿絲，嘩，嗰個怪味由口入心，喺記憶深處一甩就翻出。最後，昔日味道嘅熱好立克，飲落暖笠笠，心情都隨住暖笠笠。係囉，有時幸福咁簡單，一餐平民化嘅茶餐，都可以食得咁開心。🥤😌🍞

🍴樂滿門快餐廳 @粉嶺🍴 今日做完野之後，有D肚餓，落左去粉嶺食個下午茶頂頂癮先。 ------------------------------成間鋪頭既裝修就係以前港式茶餐廳既感覺。好耐無食過，所以即刻叫左薯條+雞翼佢D粗薯條炸得好脆，而且隻雞翼仲熱到辣親我個咀HAHAHAHA。仲叫左個公司三文治過下癮（TOTAL 有4舊，有一舊已經食左係個肚度)，舊餐肉都大大舊，無偷工減料。😍😍一個茶餐 $3X 正常價錢，唔算平 不過不失啦

粉嶺好多食肆都冇開門1）冇原料供應2）休息3）只供外賣今日任性一下想搵堂食點知好多間都摸門釘咁就返嚟我嘅其中一間熱門之選紅湯 大路 夠熱朋友叫咗午餐枝竹火腩飯，知足*6，牛腩*5 ，牛根*2多汁牛腩淋，不算太入味，知足吸盡汁汁，男士絕對夠飽焗鮮茄雞扒飯，雞扒醃料不錯入味，焗到面頭微焦，中我口味，橙色汁水係小時候的味道⋯⋯三色豆係裝飾飯底有炒過，但係唔熱的兩個餐連凍飲都係$94真係好過自己煮當然唔可以成日出街食

Work from home 自然好小出街 為人為己星期六都要出下去 唯獨呢度要等位 就揀你啦朋友要：田園A呀姐要：早餐A茶走 夠茶味 夠奶 夠熱我本身易痾 所以都一如既往 好快就出番嚟餐飽叮過半溶牛油 奄列足料澎湃火腿 個味似紅湯 你見到有西芹 唔會濕 放心係兒時味道呀⋯⋯手切榨菜米粉到啦！唔會死咸，大細適中，微辣肉絲，正常米粉唔係新竹唔算好幼但係絕對好食過一般茶記嘅米粉Close up 田園牛扒到影個比例大家睇睇白菌奄列入面係凍嘅，白湯餡我就麻麻哋啦但絕對餡料澎湃足料冇得輸埋單唔駛一舊絕對會encore

要知道一間茶餐廳出品如何，我認為必定要試試它的沙嗲牛肉麵，這天我便來這間非常舊式茶餐廳吃早餐單看裝飾已感到它的年代感4款早餐統一價格$33，我選了B餐，沙嗲牛肉麵配火腿奄列及牛油餐包，喝熱好立克沙嗲牛肉麵一上檯，湯底顏色非常濃，牛肉也不少，拌勻後吃了一口麵條，麵底不是用福麵，應該是出前一丁，不會過淋且麵質仍有口感，軟硬適中，好吃；牛肉則不過不失，奄得夠淋身入味，整體我覺得不錯火腿奄列奄列有驚喜，蛋煎得香口薄身，裡面有大量火腿絲，重點是，火腿絲帶有羅宋湯味的蕃茄汁，這是小時候吃火腿奄列的味道，後來吃的火腿奄列通常只有火腿絲，沒有了惹味蕃茄汁，是兒時回憶，好開心牛油餐包餐包非常鬆軟，可惜不夠熱，牛油則是普通人造牛油，正常味道最後配上一杯熱好立克，尋回兒時味道的火腿奄列讓我一整天都很快樂

有時都會嚟樂滿門食晚餐，佢晚上的小菜套餐做得唔錯，今次就試下佢個午餐。今次叫了個西炒飯，大家都月山見到碟飯冇咩料，啲飯亦都唔多掂，只係價錢平平地，食飽個肚就可以。完

一早黎到粉嶺聯和墟，梗係要睇下有咩靚早餐食啦，呢頭吾係太熟，所以都冇咩心水，唯有周圍行下la. 黎到呢間樂滿門，普通茶餐廳裝修，見到入面都有吾少客，應該吾會差掛，於是就入去試下啦。菜單都係普通茶餐廳款式，不過驚喜既係有沙律，比較少早餐係配沙律，咁梗係試呢款再加雞扒等左一陣就有野食啦，沙律係雜果沙律，份量都吾少，塊雞扒幾大塊，而且係配牛油餐包，我比較鐘意餐包多過多士~，個奄列都吾錯，料多，蛋煎得剛好呢個價錢吾算太平，不過質素都吾錯，下次如果再經過都可以再食

今日見另一間無開到就走左黎呢間樂滿門食早餐一入去普通茶餐廳咁樣囉冇乜特別，之後我就叫左下面呢款沙爹牛肉火腿炒蛋通心粉老實講真心一般，個湯黑炆炆咁唔係幾開胃🤨另外唔係樂抵食咁囉因為佢無得配多士，感覺就真係唔係話好抵食囉！我覺得作為一間茶餐廳呢連最簡單嘅嘢食都做得唔好簡直係失敗中嘅失敗，不過可能佢啲炒粉麵飯煮得好食我唔知喇，未食過不過我覺得佢個早餐就真係唔係話太抵食同埋唔好食囉，都係果句啦如果有得揀去第二間食吧

以前聯和墟最好食既沙嗲牛肉麵係叮叮但依家佢已經唔好食了....下午茶我突然間又想食沙嗲牛肉麵搵左一陣....喺聯和墟行下行下搵到呢間...外面好懷舊...但門口望到佢入面鋪都坐左唔少人喺度於是我就行左入去真係一間好舊式茶餐廳...睇左餐牌...3餸麵加埋野飲先$32好抵叫左個沙嗲牛肉，腸仔，炒蛋 麵熱茶走😊沙嗲牛肉好濃 好入味😮👍🏻👍🏻👍🏻麵唔差, 好彩唔係用福字麵！😬😬讚👍🏻👍🏻聯和墟有間開左一段時間既冰室...用福字麵！難食到呢...👎🏻👎🏻所以呢間正！👍🏻但腸仔就差d la....太咸同燶左d...炒蛋正正常常👌🏻👌🏻茶走都幾好👍🏻👍🏻原來有時舊鋪係幾好食👍🏻👍🏻👍🏻可一可再👍🏻👍🏻👎🏻

食店嘅裝潢已經可以顯示到有多久的歷史，佢由門口開始已經吸引到我！畢竟懷舊老店已經不多了吧!入到去，見到2邊都係卡位，中間就係長枱，牆身掛滿牌仔，菜式名稱及價錢寫得滿滿！炸魚柳田園早餐配熱檸水~已經好少可以喺早餐時段食到沙律喇~佢配上炸魚，就剛好中和油膩感(同埋罪惡感)，始終一早就食炸嘢，都會熱氣吧！沙律主要係薯仔、甘荀……等等都幾飽肚架！炸魚柳份量都唔細，而且都好香口脆身，佢會喺碟邊放上沙律醬，用幾多可以自己決定！火腿奄列呢個配角係我心目中嘅主角，睇到佢餡內有汁，除了火腿外還有甘荀嗎?同一般乾爭爭嘅奄列有大分別呀!

工作中早餐，今日又試未食過嘅餐廳，呢間門面同店內都係茶餐廳格局，唔使等位，桌椅比較迫同舊，餐牌都係大路茶餐廳港式早餐！店內差不多爆場，店員快手落單上菜！手切炸菜肉絲米粉（$31）榨菜比得好多，爽脆鹹香，米粉唔嚡，湯底撈咗榨菜肉絲嘅汁，鹹香好味！火腿奄列餐包：奄列外表較老，好在入面蛋緩仲幾滑，火腿鹹香正常！幾好熱檸茶：茶底夠熱唔澀，茶餐廳水準同事食：沙嗲牛肉麵（$31）火腿通粉（$31）熱奶茶：熱華田：凍檸茶：食物幾好，呢度人流好旺，啲人來來去去好繁忙，店員勤快爽手！手寫單據只出價錢銀碼！茶餐廳早餐

與友人到來吃早餐，餐廳裝潢溫馨，有卡座...最便宜和傳統的早餐也索價$31...我點了：炸菜肉絲米+太陽蛋、煙肉+餐包+熱鴛鴦友人點了：沙嗲牛肉米+火腿奄列+餐包+熱奶茶碗米的份量極大，友人的沙嗲米，顏色感覺更像黑椒，偏鹹，牛肉也不太好吃；炸菜肉絲米...個人欣賞炸菜爽口好吃，但米粉屬於易斷的...；太陽蛋、煙肉、奄列、餐包都屬正常一般水準；熱飲的杯似乎比一般的大，但我與友人一致認為飲品是比較失色...明明奶茶、咖啡是茶餐廳的一部分（個人更認為它是重點）...但鴛鴦偏酸、奶茶不好喝...總括而言，以這個價錢，有這麼豐富的早餐還是不錯，食的、喝的似乎都比其他的多，但對於女生來說，還是會選擇在聯和墟吃更高質素的茶餐廳早餐！

今天入去完坪輋壁畫村 及 三鄉亭睇芒草,因知道坪輋沒有太多食店,加上有點肚餓, 所以揸車出去聯和虛食午餐先!其實原本有考慮去食群記牛丸, 但又想飲杯野, 所以去了此茶餐廳!入去前都沒有想太多!叫了個焗豬排飯和焗吞那魚意粉! 上枱時熱熱的, 不會凍冰冰的，味道亦算好味, 算是中上之作!至於個火腿腸旦公仔麵連飲品只是32元, 品道亦唔錯!此小店可能是家庭式經營, 老闆娘的仔仔應該是中學生, 估不到佢仔仔服務態度十分好，抵讚! 眼見老闆娘都有班熟客, 同熟客亦有講有笑, 互相關心, 這是小店窩心的地方!

上星期六叫左個下午茶餐…五香肉丁炒公仔麵，當送上枱面時即食一啖發覺完全唔熱，根本就無炒過，好似撈俾你食咁，當時間舖頭就只有兩三枱客，都咁俾客食，但我見佢自己炒碟米粉自己食就出晒煙咁，你話我激氣嗎？我話過以後都唔會幫襯呢間咁樣對客人既食店