響茶 (文咸東街)

Open Now

Now Closed

今日食lunch路過上環文咸東街，見到一間名為「響茶」嘅台灣飲品店，門口排咗唔少人，又有好重新年氣氛，好奇心驅使下，決定一試。今次試咗佢哋嘅招牌飲品「黑糖瀑布珍珠鮮奶」1. 黑糖瀑布珍珠鮮奶「響茶」嘅黑糖瀑布珍珠鮮奶絕對係一款令人回味嘅飲品，尤其係黑糖同鮮奶嘅搭配，令人一試難忘。價錢：HKD 38, 以一杯台式飲品嚟講，價錢算係中上，但考慮到佢嘅份量同質素，我覺得係值得性價比很高，而質素對得住呢個價錢，值得推薦俾鍾意台式飲品嘅朋友。飲品整體味道非常出色，黑糖嘅香濃同鮮奶嘅滑順完美結合，珍珠Q彈有嚼勁，甜度適中，唔會過膩。唯一扣分嘅地方係冰量稍多，飲到最後味道會變得淡咗少少。卡路里約350 kcal, 對於追求健康飲食嘅人嚟講，呢杯飲品嘅卡路里偏高。如果你喺上環附近，不妨過嚟試吓，相信你都會愛上呢杯「黑糖瀑布珍珠鮮奶」！💪 價錢：HKD 38 ⚡️ 好味指數：🌕🌕🌕🌕🌘(4/5)🧀️ 約350kcal 卡路里/份📍 響茶 - 上環文咸東街32號地下A號舖

店名: 響茶地址: 上環文咸東街32號地下A號舖上環站A2出口，行1分鐘環境: 外賣價錢: 4/5味道: 5/5響茶係炮台山同柴灣都有分店，之前都有去過呢2間，同事亦都大力推介，今次經過上環分店就去試下😆係上環地鐵站一出就係，好方便😌見到紫薯芋泥呢啲咁邪惡嘅當然要試下😚紫薯芋泥鮮奶波波❤️❤️❤️❤️❤️$39呢個絕對係必試之選😙作為紫薯同芋泥嘅愛好者，將呢2樣加埋一齊無得輸😙紫薯同芋泥嘅口感十分綿密，滿滿嘅配料好正😆忍唔住一啖又一啖，香氣十足，加上有咬口嘅波波，口感十足又豐富，配上超醇滑鮮奶，就算叫無糖都好夠味，一定要試🤩

阿薩姆紅茶+仙草 都只係$20大大杯又抵飲！仙草佔咗一半四季春茶+寒天 茶底濃郁之餘 寒天有咬口特色飲品選擇多 配料仲有奶蓋可以加個人覺得 味道唔錯👍🏻而且性價比高 支持香港小店✌🏻

係上環食完個晚飯，加上行到個人又好熱，行過呢間就買杯飲品解下暑，叫咗杯香水檸檬綠茶多多，$35，甜度可以揀，有少糖，半糖，微糖，飲入口酸酸甜甜，幾解喝👍👍🤤🤤

去開中上環去買啲小食同飲品填下肚~係隔離買完雞蛋仔就去響茶買嘢飲.本身都好鍾意飲茶飲店叫左最普通嘅珍珠奶茶 揀左鐵觀音茶.因為飲唔到奶粉奶精 所以加$5轉左鮮奶.轉左就無得要溫.. 最多做到少冰50%其實係天氣凍凍地 想飲熱野 仲連走冰都無 唔明點解做唔到 怕蝕最多咪細杯少少比人.另一樣就係無得無糖😓 只做到微糖25%其實唔另外落糖有咩難度? .有一點好嘅係夜晚時間5分鐘就拎得 無咩人 都幾快下.總結嚟講想快快手飲下嘢又唔介意唔健康嘅可以飲下嘅

上環有好多間手搖飲品店，其實間間既飲品都大同小異，響茶係呢區係我去過既，員工最好最有禮貌既一間。起碼無落錯單、無黑面，所以就算我幾唔順路，我想飲手搖飲時，都會特登行過去幫襯。

大約1年前，上環文咸東街開了一間台式飲品店 <響茶>！ 直飛至半年前，我才間中幫襯！價錢合理！外賣等約5分鐘不論男女店員我們都好有禮貌！值得一讚！綠茶多多 (少冰) $27凍飲好大杯！的確幾少冰，本身甜度是固定！益力多味道最霸道，輕輕滲出綠茶的茶味！熱仙草鐵觀音珍珠奶茶 (珍珠轉仙草) $22沒有要求少甜，入口真的幾甜！仙草好軟滑，滑不留口，整體質素跟 <貢茶> 差不多！熱鐵觀音珍珠奶茶 $22糖份慷慨，甜度總比預期甜， 珍珠入口煙韌，本身已有甜味！熱鐵觀音仙草奶茶 $22 (無糖)有見及此，下一次我落單時叫無糖，而且珍珠可轉為仙草，無糖的鐵觀音奶茶口味甘而順喉，甜度則來自軟滑的仙草，反而味道更令我接受！

上環呢條禧利街好多好嘢食，喺街頭文咸東街呢個位，原來新開左間響茶，今次係第二次幫襯，第一次飲響茶係朋友介紹嘅，喺北角分店試過，上次飲過芝士奶蓋芒芒，今次嚟到上環見到又忍唔住要encore。好鐘意芝士奶蓋面，做得夠哂綿滑，略嫌未夠芝士咸香味😝而家市場上好多芝士奶蓋廢水，不過做得出色嘅真係唔多，呢間算唔錯👍🏻另外，值得一提嘅係店員姐姐好有禮貌，笑容十足，句句有尾音，同佢落完單我真係會心微笑左😆😆

黑糖瀑布珍珠鮮奶（正常冰、正常糖）哇真心搞唔掂勁甜佢甜嘅程度係我攞咗返Office到咗一半奶，然之後再自己溝凍水落去都係搞唔掂，唔知點解可以咁甜呢間仲要好多人排隊

響茶喺公司附近開咗幾個月 大部分飲品淨係大概20蚊 所以同事間唔中都買黎飲 我今次終於都試試😗✨牛油果鮮奶波波💲 38牛油果多士成日食 牛油果飲品真係第一次飲！聽印尼同事講 原來印尼好興牛油果飲品 仲會加朱古力添👀 冰度&甜度固定 但係唔會太甜！🫶🏻 牛油果飲品意外地好飲 幾香滑 但係如果濃厚啲就好lu😗 芋圓粒粒好煙韌 但係個人覺得同牛油果唔太夾🤔 響茶好多飲品都係大概20蚊 呢杯38蚊 同埋細杯啲～

上環地鐵站附近前幾日開左呢間響茶 見日日Lunch都咁多人 梗係要湊下熱鬧 約埋同事一齊試下啦🤣等左成廿分鐘 終於試到上次賣曬嘅牛油果鮮奶波波💗.🐈.𝙎𝙪𝙢𝙢𝙖𝙧𝙮牛油果味好特別 意外地好飲 味道又唔會滯新店開張 人潮湧湧 Lunch買嘅話要預鬆啲時間.🐈.🌟牛油果鮮奶波波🥑 - $38𝘈𝘷𝘰𝘤𝘢𝘥𝘰 𝘓𝘢𝘵𝘵𝘦 𝘸𝘪𝘵𝘩 𝘛𝘢𝘳𝘰 𝘗𝘦𝘢𝘳𝘭超級好飲 雖然甜度冇得揀 但都唔會太甜杯嘢係冇珍珠的～不會太甜嘅麻糬波波提升了整體口感 令味道更加豐富飲完感覺非常清新健康🌿

見公司附近新開左一間茶舖，因為好鐘意飲珍奶，第一時間幫襯。20蚊杯珍珠奶茶，心諗咁平係唔係新張大特賣，見加5蚊可以轉鮮奶，就轉諗住健康d，但點知轉鮮奶就無得走冰，唔緊要啦，唔走咪少冰。拎上身成杯野凍到爆，飲落後，一啖就想丟左杯野，一無茶味二無奶味，飲緊花奶水咁，珍珠正常，有淡淡黑糖味，但落奶同茶都咁少，重要迫人要有冰，搞到杯野淡如水，我情願你起價，比返正常水準我。