異國情 (Closed)

眼見一面倒咁多『好』評 ，立刻相約 E 小姐週未去會一會佢。為了保證能獲得到最大『貼錢買難受』的滿足，事前做了許多情報搜集，希望一嚐 .......- 唔熱湯- 極薄刀功脆脆蒜蓉包- 一小塊鵝肝- 硬豬扒- 無問幾成熟牛排- 熱O水：想睇下點『比較穩陣』- 一副面容呆滯、發出"哦"一聲的侍應點知道原來執笠了，一切計劃成泡影！好對手當真難求，轉瞬即逝！

昨晚在銅鑼灣睇到呢間餐廳傳單,於是上來試試,一入0黎,得小貓三四隻,waiter都無個,無人帶位,無人理我地,後來先見到個男人(相信是老闆)叫隨便坐。個feel絕對無異國情,似茶餐廳多d!叫左2個"法式晚餐"有焗田螺,Garlic bread,西湯,主菜,紅酒/飲品,焗雪山我的主菜係北海道扇貝焗西冷牛扒,我fd叫左個牛扒每份晚餐標價原價$198,特價$88Garlic bread就ok, d湯就同水無分別,大家樂d羅宋湯比呢道更好跟住等左好耐 (~20 mins)先有主菜到,其間發現原來間餐廳樓面得一個人(那個相信是老闆的男人),佢又take order,又收錢,又傳菜,又沖埋0野飲,又聽電話,等落單都等好耐佢先0黎serve~~講翻主菜,簡直難食, d0野唔熱, d汁"希" 到似水,塊牛扒刀都切唔開,個扇貝就還ok啦......個焗田螺在三吹四請下先0黎飲品和焗雪山已經無心機等,即刻埋單走,原來仲要加一無乜點食過,仍然好肚餓,即刻去左義順食翻d正0野

同友人係銅鑼灣逛左大半日"搵食都食左成大半個鐘"間間都幾迫唯獨呢間.. 真係水靜蛾飛.. " 入去得三四台客"同其他層果D情況真係差天同地""心諗都係奶野多"叫左兩個SET DINNER~~ 我叫鴛鴦扒(牛,雞),講真.冇乜睇得上眼"FD就叫左西冷.../ 開頭有蒜蓉包,好脆..但唔熱..."仲有湯,羅宋同埋忌簾.. 我飲白湯.真係淡到同飲水冇分別"等左差不多兩個字先送主菜黎"可能冇乜佢"佢真係可以即整囉..所以幾新鮮..."FD話個西冷OK.. 我個扒就OK喇.. 件雞扒岩岩炸起..好脆不過真係幾細件D扒.. 我食完唔太飽..." 好彩唔多肚餓"否則想係呢到食飽真係要叫兩個"飲品試左個雪糕涼粉冰.. 呢個唔錯.. ",不過要加5蚊@@涷飲都要加2蚊...""講完野食就講下服務先..個WAITER好靜"送野黎冇講野,比完錢連一句多謝都唔講=.= 環境..真係唔太好.. 冇乜裝修可言..得四台到係靠窗.."真係唔太好.. "今次都係為左坐係到休息下同吹水.唔係真係唔會再黎埋單$124咁既價錢當係去CAFE喇..

今時今日估唔到銅鑼灣重有D咁既質素既餐廳生存得到既?! 話說今晚我同女友諗唔到食乜, 於是去左金百利睇下, 佢就俾佢個傳單上面個所謂"Q版火焰雪山"甜品吸引左, 見佢個餐又唔係貴, 只係$88蚊就有湯, 田螺, 主菜加個甜品, 銅鑼灣區黎講都係平啦, 咁就上去試下啦. 一上到去已經唔對路, 門口無人不突止, 入到去又無人理, 我地見到有張四人枱咁咪坐埋去囉, 隔左好耐先至有個肥佬拎埋兩杯水同埋餐具及墊枱紙黎set 位, 連menu都無呀! 咁都算啦, 我地都係諗住照張傳單叫. 我就叫左個大蝦鵝肝牛柳, 我女友就叫左個帶子拼美國西冷. 我地問佢, 有無得要求幾多成熟架?! 佢就話, 無架, 廚房整出黎係咁就咁. 咁我地都算啦, 諗住牛柳差極都有限. 先黎兩個紅餐湯, 正如其它食家話齋, 唔熱架! 重要難飲到不得了. 個蒜蓉包脆過餅乾, 跟住到個主菜上場, 我第一次見識到乜野叫做鵝肝, 原來係同郵票差唔多大, 塊牛柳大約有0.7 - 0.8厘米厚左右, 唔怪之得唔需要理會幾多成熟啦, 配上一個酸酸地既怪汁, 我都唔知呢一碟野叫做乜. 我女朋友塊西冷亦都係完全熟晒, 但就厚過我既, 大約有1

見到傳單內容吸引,又未曾嘗到,姑且一試點了扒餐同海鮮飯各一可是, 豬扒咬下去是硬的,且有濃烈梳打粉味,應是下等雪藏貨...海鮮不太新鮮.....份量都可以但如果以合共$ 88x2+10% ,可以在其他餐廳食得更好!!!而且我看不到這cafe的unique selling point給予人一種'不值得'同'貼$買難受'的感覺所以,無下次!!!

得獎評語:1) 個名絕對係誤導...完全無葡國feel2) 裝潢好老土,好似工人大飯堂...開始擔心,食物的衛生3) 餐牌上菜名,名不符實...見到個餐上枱時,差d跌落櫈底4) 餐湯-->暖的& 好難飲, 蒜蓉包-->似餅乾5) 前菜-"芝士薯茸焗田螺", 明顯是翻叮的6) 主菜 - 鵝肝--> 賣相似俾人咬左啖, - 牛排--> 無問成熟,結果俾左全熟,切到手軟...~.~ 配個有點酸,又傑又唔熱gei汁...食到有d反胃...>.<" - 大蝦--> 好細隻都算啦,仲要又"老"又鞋...簡直慘不忍睹7) 甜品-火焰雪糕--> 差到唔想提啦,絕對是惡夢...可作Party Game 大懲罰的工具8) 餐飲- 熱奶茶...勁!! 無味的...咁都得...無幾多間餐廳有如此水準呢!9) 價錢:貼錢買難受($88+10% +心&胃&肚唔舒服)全店唯一推界:熱O水,應該會比較穩陣~~~~

尋日去完呢間爛鬼餐廳食dinner，食完一肚氣，諗住o黎呢度寫臭佢，警惕大家咪貼錢買難受，點知原來呢間o野本身已劣評如潮，唉，真失敗。尋晚同女朋友行銅鑼灣，本來諗住食吉列專門店，但由於太多人，唔想等位，所以決定去金百利睇o下有乜好食。o係樓下俾佢o的傳單吸引jor上去，about$60-90一個set，好似幾抵咁.......惡夢就由呢刻開始。搭lift gei時候，發現每層gei食肆都好多人等位，點知上到去，呢間o野冇人等位不特止，仲要勁多吉tables任你坐，裝修普通......心裡有o的不祥感，但既然上jor去，就試o下la。一坐低，有個肥佬waiter問我地要乜，態度尚可，我地要jor"大蝦拼免翁牛排"+"香煎銀鱈魚拼豬肉眼排"+兩隻"芝士焗蠔"，又問我地"牛排要幾成熟?"，我地就答"7成la"。餐湯本人覺得一般但未至於差，蒜蓉包脆但極薄，刀功可謂一流。前菜係"芝士薯茸焗田螺"，係用隻咖啡碟載住兩小隻冇殼田螺，下面有一小pat薯茸，成碟都凍gei，食落係酸gei，明顯係擺jor好耐，翻叮時間又不夠。主菜出場，大蝦拼免翁牛排，用隻長條型茶餐廳feel瓦碟載住，"大蝦"兩隻，大約有

我就覺得好好食,菜式比其他西餐廳有特色,最比到驚喜我既菜式係焗蠔,好正‧價錢方面又唔算好貴係西餐廳黎講‧落左order好快就黎到,員工又夠效率,專業。話佢唔好食既人就真係唔識食喇!!!

我都唔明點解銅鑼灣會有d咁難食既鋪頭。貴又唔算太貴，因為係銅鑼灣，但如果唔好味而收呢個價錢我就覺得一d都唔值，仲想鬧有無攪錯。我同我男朋友一入到去無人招乎都算，自己搵位坐，但係坐係到差唔多十分鐘都人行過黎比menu我，有無攪錯呀?算...咁未問個waiter啦，個waiter係一個好無記性既人，果時已經唔多人，但係佢都可以唔記得呢樣唔記得果樣既!!睇完食咩就叫啦!!一個忌廉湯，一個羅宋湯。白湯"傑撻撻""一patpat"又唔熱。紅湯又酸又唔熱，難飲之作，未試過係街飲個湯可以咁難飲既!!之後，我男朋友個焗飯黎左，上面既"送"都ok，因為應該可能係現成買返黎之後就咁淋個汁上去，所以味道無咩，但係個飯就.......唉，米應該都幾靚，但係應該落多左d水，做焗飯之後又唔夠汁，難為我男朋友。差唔多就咁食白飯咁，好彩佢有炒底。我男朋友黎左個餐佢先同我講我個餐買曬，可唔可以早d呀?算算算，我再係menu到搵，但係我心已經好擔心d野難食，諗住搵d唔駛佢地點整既野就安全d啦!!最後叫了一個扒，豬扒+雞扒。豬扒好似一個木咁硬掘掘，雞扒只係唔係好滑(我心已經好開心啦!!)個汁就千祈唔好諗，唔知點解酸既，難食

見到傳單挺吸引,上去一試, 見個門面像$25一個碟頭飯的茶餐廳。我不是那些食野要情調第一的人,故暫不批評,食左先算。(因為茶餐廳雖服務差,但食物可以始終有價值)點了個法式套餐$88,恐怖實況如下:蒜蓉包: 爆薄! 0.5cm, 半手掌大, 很脆但十分鬆''pao'',不新鮮,應該用油番炸過羅宋湯:史上最難喝的,有色沒有味,死鹹,沒有料,金寶湯的1/10濃度牛扒:''可能''最好食,像牛肉多點,M記那種扒鵝肝:別以為高檔,連鵝肝醬都不如,付乳味,散開薯仔:未熟,冷,表面炸過10000次田螺:三小顆, 是叮的。碟用cheap cheap壽司店的小碟放著,terrible!!===到了這時,我們只希望快走,希望餐飲還可以===已經不敢點特飲,預左佢地冇能力整得正常, 要了個凍華田,有沙的,水味,大概只用了一兩匙分沖一大杯,喝了一啖收工,完全不飽,同行友人全覺得M記還好食! (這是我第一次在餐廳食覺得junkfood仲好味過正餐的經驗!)順帶一題,樓下朋友已談及服務態度, 十分差,這裡不再說總結,這餐廳連基本食物要求也嚴重不及格,遑論服務,情調了! 希望唔好有人掉錢進海!!!!!!

今天下午茶光顧這店舖，共有四檯客，竟有三檯人吸煙，唯獨我們沒有！這不是我們第一次到此店，每次都有客人吸煙！控煙辦，工作啦！P.S.紅豆冰是變壞的！

痴線，唔知咩餐廳仲可以生存?個waiter落完我地order，轉個頭又問…叫意粉比薯菜，叫佢換轉個頭已經無左回事…朋友的粟米湯淡而無味....仲要waiter無禮貌、食物無質素、環境唔係特別好如果唔係經過見無人…都唔會入去完全無原因可以令我再次惠顧Set dinner $88+1，完全唔抵再一次証明：多人未必好餐廳；小人多數係劣的餐廳

甫進餐廳已覺不妙，餐廳播的不是西洋歌，而是電台節目。貼在牆上的是茶餐廳式的手寫菜目。用來盛水的是茶餐廳常用的藍色膠杯。羅宋湯是紅色與菜混合在一起的水、法包是附近delifrance的貨色、印度薄餅中規中矩，但咖哩卻是冷的，且用料不夠豐富，只有一隻蠔、幾塊無魚味的魚、馬鈴薯和幾條蟹柳、傳說中的火焰雪糕只不過是燒焦了的雀巢三色雪糕、凍檸茶的感覺比茶餐廳還要差，味道偏甜、姍姍來遲的焗田螺。最糟糕的是那伙計不斷強調：「我都係做左幾日架咋！我未吃過架！我無資格食呢度ｄ野架！我乜都唔知架！」法式晚餐C $88 連加一=$97！何以金百利竟有如此低檔次的餐廳，且能屹立不倒，實是奇蹟！奉勸大家不要「貼錢買難受」，用昂貴的金錢令自己的味覺受罪！

估唔到今時今日仲有餐廳會咁差...唔明白點解佢仲可以o係銅記呢d旺地方屈到咁耐都唔死..豆腐潤咁細ge舖位...又冇乜人幫襯..個格局好唔得..如果唔係d fd已經坐低左o係入面我係絕對唔想入去試!首先佢裝潢hea到爆! 係爆呀!貼張百事poster出黎寫菜單...樣衰...同茶餐廳冇咩分別...真係唔應該o係金百利出現!招呼人ge得個老細同一個伙記, ok你舖頭細都唔駛少人到咁fa? 顧得收錢黎又顧唔到落單, 另一張枱又要埋單勒...坐低之後斟杯水黎都奇怪, 我地6個人, 佢係黎住一杯先, 之後再補上5杯..茶餐廳都pro過佢啦唔該..隻杯又..核突..杯水都唔知有冇事, 我完全唔敢飲...之後點餐, 餐牌係一張勁hea ge紙, 仲衰過街派ge傳單..=口= 呀伙記你同你老細一樣口齒勁唔清唔知你想講咩呀huh!!嗌左4個3號餐, 1個1號同2號, 佢夠擔死一黎個餐問: 邊個嗌左B餐...老細家下玩推理咩...唔好expect我會覺得2=B 呢d 蠢野..我係唔會要你呢個不明來歷ge「餐」好冇!?好啦有人黎覆單, 覆左兩次都係錯ge! 你贏!我叫左個帶子龍脷柳伴原隻焗薯,呢個餐據餐牌

本身諗住食樓上間THAI FOOD,點知等唔到位,咁算啦,去樓下間異國情囉事前未睇過呢間O既COMMENT,入左去食覺得食物O既質素同價錢唔成正比$7X-80一個飯餐唔太抵我叫左個忌廉湯+欺場的GARLIC BREAD+大蝦免翁牛肉配意粉+田螺+野飲首先,忌廉湯唔熱,小小暖,冇味,覺得係粟粉加水加粟米囉GARLIC BREAD,預先有1-2粒蒜蓉O係包上面......芝士焗田螺,有2粒田螺,賣相......唔係咁得,芝士,冇咩味,都算啦大蝦免翁牛肉配意粉,大蝦?!有普通SIZE蝦2隻,免翁牛肉,塊牛肉似乎係變質的酸,汁,冇味,意粉,應該係烚得太耐,腫脹......同WAITER講,但WAITER話係汁酸酸地,但問題係汁冇味,牛肉變酸......好采都肯換;所以換左牛肉,改雞排,新鮮煎起冇問題,不過冇汁,乾啃左雞排意粉=_="菠蘿冰,ORDER時講左少甜,但都係甜到好似飲糖加水咁=_="......質素參差,好MK最好就禁煙啦......