茶悅

Open Now

Now Closed

作為一間餐廳嚟講冇嘢係非常之失敗，即係作為一間餐廳唔係話俾你用微波爐食品，但講真微波爐食品你都可以整到咁難食，結果真係第一次見鹽酥雞第一嚿居然係咬落去出邊熱裏面係凍嘅仲要好彈牙好似乒乓波咁，個酸菜魚米線，唔知點樣煮到咁鬼難食，普通一碗米線都可以煮成咁，跟住個吉列豬扒，裏面有唔知點解有粉紅紅色嘅，但係出邊又硬到爆成嚿肉可以攞嚟擋子彈咁滯，沙律醬陳年老醬一食，就知道係過晒期年紀仲大過我阿婆仲要性價比係非常之低，如果特別鍾意食啲難食嘢嘅話可以試吓依一間

位於石蔭商場LG2樓層，掃枱面qrcode睇menu同落單，午餐都幾多款式揀。⭐香酥雞扒肉燥撈麵+熱百香果紅茶$59雞扒外層酥脆，有肉汁唔乾柴，應該係即炸，好入味肉燥有肥有瘦，份量夠撈曬所有麵，鹹香味濃郁，食完好飽肚不過得一條菜，同埋始終有油炸野，食到最後會有啲膩好在有杯百香果紅茶中和下，茶夠熱夠大杯，有百香果嘅酸甜同紅茶嘅茶香，啱曬冬天飲，我揀左正常糖，略微甜左啲（建議揀微糖）🕐落單之後等超過15分鐘，有幾位啱啱落單冇幾耐就上菜，所以如果趕時間就唔建議揀香酥雞扒另外就係呢度嘅侍應工作流程有啲混亂，入去嗰時空位多，我話自己一個人，佢叫隨便坐，等我坐左一段時間之後叫我轉圓枱，轉枱唔緊要，但話會改單最後都係冇改，導致另一位侍應送錯兩次野到隔離枱，而且轉枱之後先比杯水我💰埋單可以比現金、八達通、支付寶，收銀職員對單時好細心同有禮貌👍🏻。

香酥雞扒肉燥飯（$58）份糧超級無敵爆多，多到完全食吾哂，肉燥既量絕對夠你食哂所有飯，雞扒都係現炸，十分之酥脆同帶小小胡椒味，同台灣食既絕對一模一樣。珍珠奶茶（跟餐＋3蚊）芒果綠茶（跟餐＋3蚊）同出面飲既味差不多，但勝在夠抵，加幾蚊就有。

滷水雞翼肉燥飯 $52（外賣$1飯盒）- 打開外賣盒 得 「 兩 匙 羹 」肉燥，少之又少，好在本身加了一客細鹽酥雞及三隻滷水雞翼，但希望餐廳能保持外賣質量！ 量太少就不是肉燥飯， 叫滷水雞翼飯！除份量方面，味道方面其實不錯！但外賣朋友可留意番外賣盒收費方面： 飯盒$1，鹽酥雞細紙袋$1，膠袋$1， 即意味着每單1外賣都均需按不同大小飯盒/杯/紙袋/膠袋.. 逐件另徵收費用！如非必要，建議堂食.. 肉燥份量可能會正常一點！！

食過第一次係牛肉麵，咁第二次咪試吓蔥油拌麵，我本身好鍾意食麵食，咁但蔥油拌麵嘅份量實在太少，就算幾好食我都唔會俾5星，蔥油拌麵嘅味道係好嘅，但因為我外賣自取加$2，份量又少，珍珠奶茶加$5仲要係細杯，完全唔可以同出邊嘅大杯珍珠奶茶媲美。仲要加$5？你會唔會再離譜D？

幫襯過好多次，不過都係叫外賣。每次都好食，比較常叫香穌雞扒肉燥飯/米線，份量都多，外賣送到黎d雞扒仲好脆，而且加野飲都抵飲。有時野飲可能甜咗少少，叫微糖就還好。希望以後都保持呢個水準~

假日得閒行遠少少去食下午茶發現呢個商場有間台灣餐廳疫情咁耐無去過台灣,有D掛住台灣美食仲要有臭臭鍋(去台灣必食之一)立刻叫個大腸鴨血臭臭鍋配百香果綠茶朋友食下午茶餐魯肉飯配蜂蜜紅茶 餐廳唔算多人，座位都坐得舒服 臭臭鍋既配料都幾多, 配白飯一碗仲可以加錢要其他配料,唔建議加配料加配料既價錢都頗貴, 轉烏冬要加$9 本身鍋內有粉絲、菜、金菇、丸、蜆等等味道都幾臭下，整體不過不失呢個價錢都算抵食 魯肉飯既肉燥都多，碗飯雖然望落較細但佢壓平左D飯，份量都夠女仔胃口 由於用餐期間有D不愉快事件店員態度令我唔想再去光顧

石蔭商場 茶悅 唔少人話好食就嚟試吓 竟然咁都遇到有 水煮魚米線 😂叫返碗嚟試吓先。去到八點多不多人，坐的位置不會迫不錯同幾乾淨，價錢合理，各叫一個飯麵加飲品配一個小食。米線口感幾好，辣度慢慢滲出來都幾辣，酸度覺多咗啲，魚普通，不過都幾大碗。蛋肉燥飯好食，肉燥唔太咸剛好，勁多肉燥又唔肥岩我。飲品仙草奶茶&胚芽珍珠奶茶都好飲，味道夠濃叫少甜岩岩好，仙草同珍珠份量不少，幾大杯。配咗個豆腐炸得香口，口感似冰豆腐煲幾好食，如有醬點仲好。

見石蔭商場新開左間台式餐廳，夜晚做緊台式一人鍋，咁啱而家冬天，一於同朋友一齊打邊爐！因為新裝修，入面環境都幾靚，幾有台式嘅感覺。朋友叫嘅牛肉鍋火鍋嚟到，待應幫我地點著個爐，有朋友見到待應夾舊火鍋燃料時，有層膠包住，朋友問層膠係咪要撕走，待應話唔洗，照放。無耐，我地聞到有浸好攻嘅味，然後我同另一位朋友隻眼攻到眼濕濕，初初已為係啲辣味，但係第二次加燃料時，再次好勁咁攻到，全程一路食一路漂眼水，好唔舒服。講返食物味道，我覺得大快活好過佢好多，湯底配料一般，豚肉正常，食完好似無食過咁，結果佢左搵其他小食填包肚。建議餐廳改用火鍋燃料，用返正常小蠟燭就好了。

上次係豉油街食左碗不得了既台灣牛肉麵搞到成日想再食咁岩經過呢個茶悅都有賣即刻叫外賣黎解解饞-麻辣牛肉麵配米線（$78）上面舖左一層厚厚既紅油一黎試下湯先個味都算濃郁但偏油膩左少少😮‍💨牛肉4塊 · 唔算厚切但食落軟腍而不失咬感米線屬於粗米線呢個有d小驚喜 個米線咬落有煙un 帶點q彈佢個米線比坊間既更出色-麻辣牛肉麵配寬麵（$78）寬麵唔洗加錢而寬面好有台灣既感覺面條帶煙un有咬感但覺得米線比寬面更適合配麻辣牛肉因為湯底本身偏油而寬面比較掛油🤭成件事即刻再油膩左-蜂蜜紅茶蜂蜜味幾重配紅茶幾順口-檸檬紅茶檸檬味幾出可以調和下今餐整體既油膩感

今晚同先生去屋企附近食平時幫襯過的黎間台灣嘢。哇！新餐單～台灣出名的臭臭鍋。先生就另外加個配料貢丸+$8，結果店員拿來了一粒貢丸🙄🙄🙄我O噻嘴😱😱😱不得不說食水好深。 BTW, 餐單上並沒有寫明幾粒，有種中伏的感覺。其實餐廳食物唔差，只不過我真的接受唔到$8一粒貢丸。

咁耐無離開香港，突然好掛住台灣嘅味道✈️就去左依間位於石蔭商場入面一間裝修整潔嘅台灣小店餐廳叫左個香酥雞扒滷肉飯同黑糖珍珠鮮奶茶食物份量大😁 好抵食～而飲品亦唔會太甜🧋 珍珠口感唔錯！🥰整體CP值幾好👍🏻👍🏻  下次會再同朋友黎幫襯❤️❤️❤️❤️能夠一解台灣美食之癮 係香港發現到台灣味😁 係個唔錯嘅用餐經驗💪🏻 繼續努力😆😆😆😆😆

話說琴日去朋友屋企 係附近搵緊有咩食經過呢間台式店 見到招牌隻字好大好得意店舖仲要係我最中意既綠白色設計 深深比佢吸引左入去食坐低之後諗緊食咩時 見到隔離枱叫既野食好大份 咁我就驚食吾曬 諗住食麵可能會少啲於是就叫左碗雞翼牛肉米線🥩點知份量都係好多‼️牛肉米線湯底好香好濃😍牛肉好淋好好食蘿蔔雞翼都非常入味 仲配有酸菜😋😋另外當然吾少得飲我最愛既珍珠奶茶🧋跟餐加$5 就有一大杯 奶茶好香滑好重茶味 😋珍珠好煙un 好有咬口整體來講份量足又好食性價比超高👍🏻👍🏻👍🏻 雖然吾係住附近 但都絕對會再返黎幫襯下次會帶埋朋友一齊share食試多啲款式期待下一次

琴日突登山長水遠上石梨石蔭嘅工廈拎蛋糕，難得上到嚟就緊係睇吓附近有咩正嘢食～行吓行吓去到石蔭商場，剩係見到四周圍都係得啲勁常見嘅連鎖食肆。除咗啲連鎖嘢之外，我見到一間名為「茶悅」嘅台式小店。作為滷肉飯迷嘅我當然係要去試一試😎於是我就叫咗個滷肉飯。果然有驚喜，坊間嘅滷肉飯嘅肉同肥膏比例多數都一半半，唔好彩嘅話，肥膏仲多過肉🤷‍♂️🤷‍♂️但哩間嘅滷肉飯係我暫時食過咁多滷肉飯入面比例最完美嘅👏👏👏我諗個比例係8:2 (肉:肥膏)，而且滷肉非常入味。又健康又好吃，可惜我唔係住石梨石蔭🥲🥲如果唔係一定瘋狂落去食。最衰琴日堂食嗰陣因為肚餓嘅關係，冇為佢留下倩影😹所以我今日突登經外賣平台再叫多次佢個滷肉飯～順便影返張相畀大家睇🤣🤣因為我太喜歡滷肉嘅關係，所以嘗試喺remarks度落「多滷肉」，心入面諗：應該冇可能可以多滷肉😹話晒一分錢一分貨，但一試無妨🤣當我打開個盒嗰吓，wow啲滷肉多到完全覆蓋咗成個飯😱😱😱不得了。因此，當我想食滷肉飯嘅時候，「茶悅」已經成為咗我嘅首選！即使加多十幾蚊運費叫外賣我都覺得係值得🤣🤣🤣強烈建議各位街坊/去開石梨石蔭嘅朋友仔一定要去試吓～絕對唔會失望🤙🤙

話說之前成日都幫襯呢間茶悅，見佢野食吾錯，飲品又吾錯，好多都喺送既飲品，勁有誠意。但依家吾知做咩了，啲飲品勁難飲，我吾知喺啲飲品換左配方定喺水吧啲人吾同左既原因，搞到啲飲品大不如前，就好似最出名既珍珠奶茶依家變到冇茶味，就得奶味同甜味，簡單啲講句就好似飲緊一杯甜奶水一樣，啲珍珠又成餅野咁，都吾喺一粒粒分明，仲有勁冧，冇咬口，我勁懷疑喺冇睇時間咁煲，其他地方都飲吾到呢個質素，果然喺勁啊。仲有杯香芋先激氣，我都知喺加粉沖出黎，但起碼你都要幫我搞散啲粉先得咖，我一飲，點解有啲一粒粒既野，一睇先知喺香芋粉都冇搞得散，就已經沖出黎比我飲，我心諗，你以前都吾喺咁樣，點解依家會變到咁。以前我經過都會買杯飲品外賣拎走飲，但依家我吾會再幫襯了