百喜粥店

Open Now

Now Closed

心血來潮想吃個粥做早餐，今次見到delieveroo 係依間粥店仲有折，就叫左份蔥花蝦米腸同手打肉丸碎牛粥外賣。🍠蔥花蝦米腸粉 $23打開盒見到腸粉都滿滿蝦米🦐，蝦米偏細小卻充滿濃濃香味帶點脆口，雖然唔係條條腸粉都均勻分佈，但都幾香幾好味😋加埋甜鼓油仲帶出蝦米香個人覺得算係驚喜，都做得幾出色🍠手打肉丸粥加碎牛肉 $39粥底偏稀唔夠綿滑，但肉丸幾香幾有肉味，配上碎牛肉令粥底更香。百喜粥店📍沙田置富第一城G88-89號鋪

天氣凍梗係想食碗熱辣辣嘅野，噚日放假就去左百喜粥舖食碗粥，佢地有個粥餐$35,粥底唔錯夠绵，D肉碎亦入味，仲有鱿魚，料都好足;炸腸油炸鬼都夠脆，呢個價錢有D咁嘅質素，算係超值，環境又唔錯一

外賣艇仔粥走牛肉、走青、加皮蛋，以及叉燒腸粉。岀餐速度慢，等了差不多15分鐘。在臨離開店舖時向相對較年輕的女店員索取芝麻。怎料女店員黑臉，萬般不願地從抽屜拿出一小包芝麻。又不是要從她的工資扣錢，真的不明白為何她要對顧客黑臉。如果不想每次要幫顧客拿，就在近門口的櫃面放幾包，讓顧客按需要自取吧，又不是甚麼名貴的東西。當我看到那一小包芝麻的時候，簡直傻眼了，份量少得可憐，感覺浪費了那個小膠袋。不需要好多的豉油卻給了兩大包。艇仔粥走牛肉，卻加了豬肉😵 皮蛋質素低，蛋黃是黃綠色、硬身的，不是軟軟流心的，黑色部份是實色的，不是晶瑩通透的深啡黑色。皮蛋被切成小粒，由於又短又小，所以完全沒口感，連同粥裡的配料吃下去時，完全吃不到皮蛋味，吃了好像沒吃。一次性筷子也是低質的，爛的也給顧客。

附近有粥舖幾好，又冇連鎖店咁貴，入座後點了以下食物：1. 皮蛋瘦肉粥配豉油皇炒麵：瘦肉條量多，肉質滑嫩，皮蛋冇特別，炒麵亦夠熱夠香，加麻醬最正。2. 菜乾豬骨粥配炒米粉：第一次叫好好食，菜乾豬骨夾，啜豬骨雪雪聲，炒米粉通常唔落醬都好食。3. 炸兩：夠熱又夠脆，外軟內脆，繼續維持這個水平，比其他連鎖店還要好。服務態度親切有禮，主動埋黎落單，所以經常幫襯，就算單多都好少出現漏單，炸兩多數即叫即做，讚讚讚!!!

天氣突然轉冷，所以早上想食碗粥，我去左樓下百喜粥舖，佢地有個粥餐好抵食，艇仔粥配炒米粉先$33,粥夠熱，料夠多，米粉都好大碟，雖然得蘿蔔絲同雞蛋炒，但味道又唔錯，呢個價錢算抵食

聖誕超級凍，最岩食碗熱粥加炒麵炸兩就最good；入座後點了以下食物：1. 皮蛋瘦肉粥配炒麵：瘦肉條量多，廚師可以落重手咗，又唔「鞋」口，皮蛋冇特別，炒麵夠熱夠香，加麻醬好食。2. 荔灣艇仔粥配布拉腸粉：材料足，碎牛份量比其他粥店多，花生又好脆口好好食，齏腸粉夠熱夠軟熟。3. 炸兩：配餐係一份細唔夠食，要大先夠食，而且夠熱又夠脆，外軟內脆，好少粥店維持這個水平，好少情況會出事。服務態度親切有禮，所以經常幫襯，就算單多都好少出現漏單，炸兩多數即叫即做，讚讚讚!!!

天氣凍冰冰，朝早食碗熱粥加炒麵炸兩就最好不過；入座後點了以下食物：1. 皮蛋瘦肉粥配醬油炒麵：瘦肉條今次幼返，容易吞嚥及唔會「鞋」口，皮蛋冇特別，粥面有葱花，炒麵亦夠熱，唔油膩加麻醬好食。2. 魚片粥配炒米粉：魚片大塊不是碎，而且份量足有十塊左右，配薑絲食可辟味，炒米粉新鮮炒起夠熱。3. 炸兩：今次夠熱又夠脆，外軟內脆，好少粥店做到喱個水平。服務態度唔錯有禮，會經常幫襯，無論幾多單都好少出現漏單，粥底夠綿，炸兩更是即叫即做，讚讚讚!!!

百喜食物品質、服務質素，比連鎖店還要好，價格對區內居民黎講是經濟，凡是有例外；點了以下食物：1. 皮蛋瘦肉粥配醬油炒麵：瘦肉今次比較厚，以致有點「鞋」口，皮蛋一般冇射別，炒麵唔夠熱，幸好有麻醬搭夠。2. 豬紅粥配炒米粉：豬紅份量足，配葱花幾香。炒米粉比炒麵和暖，但仍唔夠熱。3. 炸兩：唔夠熱又唔脆，自然就唔好食，感覺只係食到一舊粉。服務態度好，有禮貌，先會keep 住幫襯，但今次除左個粥夠熱之外，其他食品都唔夠熱影響食物質素，希望下次光顧以上問題會消失。

呢幾日係甘咳，所以朝早清清地食碗粥，我屋企附近有間百喜，所以就去幫襯下佢地最近出左個$33/元優惠套餐，一粥加一款油器或腸粉，我叫左碗艇仔粥加齋腸，艇仔料多，有豬皮，魷魚同肉碎，粥绵料香

百喜最近出左套餐，一個粥配搭炒麵/炒粉/腸粉或其他，價錢經濟，今次點了以下食物：1. 皮蛋瘦肉粥配醬油王炒麵：瘦肉唔「鞋」，而且份量唔小，粥底好食。炒麵夠熱再配麻醬一流。2. 魚片粥配炒米粉：有配薑絲，魚片份量多，食落有10幾塊。炒米粉配些小蘿蔔絲+銀芽，口感唔錯。3. 炸兩：必點!!! 套餐都可以配，不過係細碟，唔知細到幾多，於是食正價，好食之處係油炸鬼每次都Keep 到脆，可能即叫即製。長期做開嗰幾個都好好人，有禮貌，今次只係甩左份炸兩，只要問一聲，好快就補回，讚讚讚!!!

講食粥食銀芽炒米，未開百喜附近得間一粥麵, 但係好難食又貴，百喜位置方便，價錢中等，品質幾好，已經黎過好多次，好欣賞個粥底幾好食，今次點了以下食物：1. 皮蛋瘦肉粥：瘦肉唔「鞋」皮蛋唔會其他化學味，粥底都幾好食2. 皮蛋粥：如果可以落少少薑絲更好3. 銀芽炒米粉：夠熱幾好食，有時上枱已經凍左, 會影響口感4. 銀芽炒幼麵(忘記拍照)：沾麻醬係超好食5. 炸兩：必點!!! 好食之處係個油炸鬼每次都係脆，甚少食店keep 到喱個水準長期做開嗰幾個都好好人，有問必答夠禮貌，讚讚讚!!!

到店點餐艇仔粥 炸兩，女職員問：「你想…」想講與唔想講之間，之後見到餐牌有粥餐，我就問職員你啱啱幫我單點定粥餐？女職員話單點，我就同佢講我要餐得啦，女職員就話餐份量少啲，我話ok,你幫我落粥餐啦。之後佢就話已經出餐。咁我唯有照要個散叫。爭嗰幾蚊，令我覺得店舖好唔老實。食過幾次，一直都覺得偏難食，但係附近得佢一間粥店無計，今次個艇仔粥，粥底係綿滑嘅相反，啲料一陣怪味。炸兩層腸粉皮又鞋又厚，油炸鬼又淋又一陣油益味，再加上阿姐咁努力幫老細做多$9生意，獨市生意少我一個唔少啦，大家想中伏就去試下啦，我建搭兩個站去大圍食好食好多。

今日送完寶貝仔返學，就係第一城附近食碗粥，佢地D艇仔粥好足料，夠大碗，料新鮮，仲有我最鍾意食佢地D魷魚，夠爽口，豬皮都唔錯另外叫左碟布拉腸，爽滑，清清地都唔錯，可以一试

依家開咗咁耐，我都係第一次食。價錢坦白講又唔算特別平，不過難得沙田第一城有粥食，就幫襯吓。叫咗個仿鮑片加瘦肉生滾粥，再加左一個豉油王炒麵。先講個粥先，個粥都算幾好食，粥綿滑。個豉油王炒麵就正常表現。但價錢真係有啲貴，兩樣嘢加埋成50幾蚊，最重要嘅係個粥令人好快就肚餓。

恨左食炸兩同碎牛粥很久，住附近系無中式粥舖，每次都要特登返娘家舊式冬菇亭買來食，超不方便。聽朋友講第一城開左間不錯，今早起身即想起去買😎。這裡地方幾乾淨，多卡位，服務員都友善，見餐牌價💰0 k，即外賣了碎🐂粥，銀芽炒面，炸兩。👌🏻碎牛粥粥底適中，不會太杰太稀，D碎牛不覺勁用梳打粉製過，無乜味精👍🏻。👌🏻銀芽炒面5多油，乾身，但銀芽不多。👍🏻炸兩夠脆喎，加埋甜醬麻醬芝麻，好滿足😋😋。整體系一間0 K既中式粥店，我下次會再想試吓佢既蝦米腸、煎堆和牛脷酥這些中式小點，因現這類傳統中式粥店真的買少見少！