彩龍皇宮大酒樓 (Closed)

公公婆婆就快翻翻鄉下一家大細連埋親戚去左呢間酒家食飯因為工作關係我要遲到半個鐘先到所有野都係屋企人首先發板我一坐底已經見到個燒鵝心諗咁知我心意？燒鵝凍左少少不過都可以入到口仲叫左個福建炒飯好一般...我地無叫魚 可能驚我到凍左唔好食有人幾位女士係食齋既酒來家亦都可以整到出黎 加分唯獨上菜速度有啲快比人感覺好似好快想收工咁個侍應比人話左兩句 即時黑面 經壓調左個醒目過黎招呼我地去到無咩客人 得一兩台大台係到食緊照計食飯時間應該會多啲人先岩。

本來同朋友去稻x打邊爐，發現原來八半後先任食，時間尚早咁唯有轉戰隔離嘅彩龍啦，平日日$138全包價無限時，假日都係加$10，價錢上真係好平，湯底，茶芥咩都包喎，仲要連加一都唔使，一試無妨吖。枱上用具都幾乾淨叫了鴛鴦湯底，是沙嗲併清湯，沒得自選。呢兩個湯底都ok嘅，不太濃味，亦沒有越打越鹹。任飲飲品有汽水，茶，同啤酒，而啤酒有三款，不少食客枱的啤酒罐堆得滿滿的，醉翁之意只在酒？哈哈。第一round食物，肥牛，餃子，粟米，蘿蔔等。菜，菇，蓮藕，豆腐，海蝦等，食物上得快，但以二人份量來說都幾多，免得浪費，慢慢點就好了。第一碟牛都ok嘅好肚餓，火速掉哂啲野落煲先。一口菜肉餃幾好味，細細隻一口一隻。雜菌有冬菇，雞脾菇，蠔菇。包心丸係芝士丸來的。第二碟牛就爆肥，白色多過紅色，不過百幾蚊位都不能要求太高了吧。$148全包總括黎講食物質素一般，火鍋料選擇不算多，勝在上菜快，但可能生意一般啦，伙計嚴重不足，沒人收碟加水的，不過連加一都唔使，就真係唔好期望有咩服務啦。無限時任飲任食，叫做同朋友吹下水嘆下冷氣都抵嘅，而且食到好飽呀。

又到婆婆大壽嘅時候一大栅人係婆婆屋企附近聚餐據聞呢間酒樓係新開，門面都好光猛，遠距離都望得見我哋擺咗兩圍，入咗貴賓區域😄佢哋啲set餐就好似平時去飲宴咁樣，不過當然就平好多啦　頭盤係乳豬海鮮燒味拼盤，最鍾意係佢哋啲海蜇，爽其他食物都可以接受，我最欣賞係海參冬菇生菜嗰碟嘅冬菇，又入味又蚊得淋仲有嗰個荷葉飯都值得推介不過老公對個炸子雞又微言，我就覺得只係咸咗小小啫，另外個壽桃，唔係間間酒樓嘅壽桃會有鹹蛋黃，呢間冇😅不過作為慶祝生日，佢嘅賣相係唔少得嘅🙂

紅磡分店地下嗰層做外賣。 問題嚟啦， 我俾18蚊買蒸包， 職員必定會用膠袋包3個雞包仔 俾我，等我次次食倒汗水蒸包。 啲職員成日遊說啲人加一蚊先至 有盒裝， 我懷疑嗰蚊啲職員落自 己袋，事關外賣部大大個牌寫明 大中小點價錢，就係冇寫明要求用盒裝要加一蚊，根本地下淨係做 外賣，乜外賣價唔一早計埋一蚊 盒錢，呢啲酒樓見唔少，批死佢 做唔起。

婆婆生日，選擇左去彩龍皇宮食晚飯，佢地長輩朝朝都有係度飲開茶，伙記侍應都熟哂，態度算好好，起碼個個都有笑容😊我地16個人，叫左一圍，再加多幾樣餸，不過佢地太肚餓喇，未影得切相已經開左餐第一味係乳豬，睇個賣相麻麻，燒得唔太平均，有啲位都幾濃下，不過味道還好。。。然後有半隻燒鴨，燒鴨就略嚴肥左啲，油左啲囉公公婆婆怕我地唔夠飽，叫多個海蝦伊麵，賣相好吸引嫁，不過呢，食落啲蝦就唔多新鮮，啲殻軟淋淋，叫做勉強過得去喇全場咁多野食，我唯一欣賞嘅係呢個羊肉當歸湯，有gas爐一齊上枱，keep住啲湯熱辣辣，味道似肉骨茶，羊肉夠淋全餐價錢幾多我就唔知喇，不過聽長輩口吻，佢地話勝在扺食，唔多人，坐耐啲都無問題囉~~

附近食開間酒樓因裝修先去依間, 之前個間就好唔得!!!! 見佢最近先開就試試~~山竹牛肉 - 普普通通, 牛肉味唔多, 仲有D好似梳打粉既味!燒賣-蝦都大隻, 但肥肉比較多!煎蘿蔔糕 - 係街食多數都係粉多過蘿蔔, 依間一樣! 咸水角 - 正正常常!叉燒包 - 比較細個, 倒汗水整濕左個包唔好睇又唔好食! 整體一般, 食物麻麻, 另外職員態度真係要改善 ,  話說送餐姐姐送煎蘿蔔糕來, 我太太問 一句: "有冇麻醬?"  佢竟然回一句: "要咩麻醬呀!蘿蔔糕係甜醬辣醬架啦!" 嘩! 亞姐 ... 好聲好氣問問有冇姐, 駛唔駛咁講野呀! 如果個個客你都咁態度老闆多得你唔小啦! 希望貴公司管理人員好好改善下!