Video
8-min walk from Exit A, Wong Tai Sin MTR Station
continue reading
Telephone
23277838
Opening Hours
Today
06:30 - 22:00
Mon - Sun
06:30 - 22:00
Above information is for reference only. Please check details with the restaurant.
Recommended Dishes
見朋友在社交媒體網站上推介椰汁紅豆冰，咁啱我去嗰頭，就同朋友去吃晚餐～椰汁紅豆冰：最上面舖滿椰汁沙冰，齋吃沙冰，淡淡的椰子味可以當清涼的甜品吃，杯中間是濃郁的椰汁，最底係放滿大大粒紅豆，當攪拌混和一起吃，滿口是香濃的椰汁和紅豆，加上椰汁沙冰口感，極力推介這個誠意之作👍❤！叫飯麵或小菜，加$13就有椰汁紅豆冰~ 雪茶肉絲炆米炒得爽又唔油膩👍！以前一向少叫茶記嘅粉麵，因為多數炒得淋咗又油膩，但呢個我真心欣賞😍 若肚餓一點可以吃整碟！豆豉鯪魚油麥菜，朋友想吃就試下，雖然有點油，但炒得有鑊氣，也真的很不錯！🤝🏼店員招待也不錯！
continue reading
外賣自取，叫錯咖啡做齊啡，比疑似老闆娘既收銀即西口西面話「諗清楚要咩」，比完錢收銀再西聲西氣叫我「門口等」，未食先受飽氣，呢間店老字號唔憂做都唔使態度惡劣到咁😤😠😡🤬。 娘女女
continue reading
聯興茶餐廳 兒時一家大細幫襯的餐廳老豆 家姐 細路 連埋我 每日午餐晚餐時常食的飯堂大約30年前，小弟最刻骨銘心的事情！記得係一個中午堂食的時候，有一位食客帶住隻大狗光顧，兒時可能亂跑亂撞，不小心踩到狗尾！那隻狗就狠狠地咬落小弟的屁股身上！結果打針打到喊，比老豆罵到死死下入返正題，小弟搬離慈雲山已經廿幾年，偶然於黃大仙上班的時候，必定會光顧各老餐廳！聯興茶餐廳 必定是我首選頭10名之內的餐廳！印象中 聯興茶餐廳 所有出品都幾好味20多年後，再次幫襯，仍能維持水準小弟當晚叫左個晚餐1 黑椒茄子牛仔骨跟1碗飯 1碗湯 ！ 另加8蚊要多杯熱奶茶！等左大約25分鐘，趕時間的食客就未必接受到！在等侯這25分鐘期間，餐廳老闆娘仲係度，餐廳格局冇任何變化，依然是20多年前的佈局！除左對出休憩處外，附近好多野都改變哂，就連一條馬路之隔的餐廳也轉手了，我的出生地，文華髮型屋已經起左一座新樓...！時間真係過得好快先評論 黑椒茄子牛仔骨12舊 茄子 ， 8舊牛仔骨，洋蔥，黃椒，紅椒及蒜頭！ 就材料及味道而言，確實係唔錯！缺點就係 比較油， 同埋 茄子既size 舊舊都唔同款，三角形，正方形，長方形同梯形！是否聯興茶餐廳的特色？ 但咁樣搞法，細舊既茄子係好淋，但大舊既茄子仲有少少硬身再評論 飯 及 湯飯太小了，碗又細，裝滿成個盒！ 有飯香，但拎黎送小菜份量真係唔夠食！湯又係太小，碗又大！ 半碗湯，卻咁大個盒唔知餐廳出錯的玩野，但整體湯既味道都可以接受，唔係太多味精！ 若然飯碗同湯碗兩者掉轉便完美！最後 熱奶茶送得一包糖，落哂都係苦... 奶味欠奉，茶味太突出..總之唔浪費8蚊加飲品，去下面士多買烏龍茶比較好食完成餐，仲未飽...皆因飯真係太小，88蚊對我來說就太貴，不會再光顧晚市！ 但味道確實幾好味
continue reading
喺附近住咗十幾年到今晚先第一次幫襯佢，本來想食羊腩煲，但擔心中伏一瀨嘢就跌幾舊水都係試吓佢哋啲小菜先。兩大一細點咗三個小菜，麵醬雞煲，茄子斑腩，生炒骨，每款$68-70，跟白飯同中湯。（個湯係青紅蘿蔔煲豬骨，唔覺有味精味，掂，例湯嚟講已經係交足功課。）頭嗰兩樣餸都係中上水準，肯定肯定比果啲連鎖店例如道腥，綿仙好食，大加落大塊殼就更加唔使講。今晚亮點係碟生炒骨，大大碟成坐山咁高端上枱，大家自己睇相，大大舊而且係肉厚，咬落去軟熟有肉汁，而家坊間好多都係骨肉比例係3:1 而我呢碟係1:2。 粉薄而脆而又仲係黐住舊肉，有啲食肆做到成粒脹卜卜，層脆漿炸到有啲離肉我個人覺得有啲離題唔正宗。味道方面甜酸適中，個汁唔會太稠，菠蘿同三色椒又夠多。諗起有啲舖搞花神將啲生炒骨放落啲冰度，又話收你兩舊水……另外，呢間鋪啲招呼好親切，伙記同事頭婆又有禮貌，初頭行入去有啲麻甩嘅感覺，估佢唔到又幾斯文，問佢要三杯水仲問我要熱定暖添。短期內一定會再去，試佢嘅羊腩煲！I love 小店。
continue reading
是晚探險黎到從來未黎過嘅地區搵食，事前搵定幾間目標，兜左個圈之後最後黎到聯興，見到門口坐住2枱熟客食飯煲煙吹水，再加上望入去鋪頭亦有幾枱客，頓時信心大增，俾店員姐姐叫多兩叫就入左去。先睇當晚"特價晚餐"menu，同大部分茶記通常得5,6款選擇唔同，依度有成12款，真係叫我依D選擇困難症患者情何以堪，再望埋main menu，救命，人都癲，諗左10分鐘，肉食者如我喺"蒜蓉一字骨"同"大馬站煲"同"金銀蒜蒸斑片"三者之間徘徊，因為大馬站煲真係好耐冇食過，而且又好少地方有得食，所以真係tough call，最後都係揀左"蒜蓉一字骨"。而我依種麻煩食客連落大排檔食咸蛋蒸肉餅都要轉炒底嘅當然冇咁易收口，再問埋姐姐"特價晚餐"有冇得加錢轉炒底，佢同師傅商量一輪之後可以加10蚊轉炒底，正~!!! 識食一定係食炒底先黎例湯，無甚特別所以不多講一字骨比炒飯更早上枱，賣相不俗，熱辣辣，炸蒜唔係用現成炸好嘅蒜蓉而係即場走油炸起嘅，夠香夠濃。一字骨食落乾身，由於冇上粉炸所以唔會特別脆都合理，唔合理嘅地方係成碟一字骨可以做到肉質嫰滑，食起黎骨肉輕易分離，依家諗起都流口水。炒飯一上枱我就已經心諗，下，咁大碗嘅，大家睇下個比例，個炒飯底完全係大湯碗嘅size，仲要裝滿成大半碗，我諗換算為平時屋企食飯碗應該起碼有4碗，食咁多，我仲點減肥，減左十幾年都輕唔到......但個炒飯粒粒分明，新鮮滾熱辣，再撈埋個一字骨嘅炸蒜..........完喇，肥仔又一次推遲減肥計劃，食飽先有力減肥總結: 理智話俾我聽我唔應該再黎依間聯興食野，份量又大，又唔貴又好食，再加上依種老鋪嘅人情味，完全係我依種佬嘅最愛。但我食緊嘅時候已經諗第日黎附近一定要再黎食......唉，點減肥
continue reading