綠林甜品 (Closed)

工作積勞，個人身體虛虛地，經過「綠林甜品」，食返碗糖水潤潤!推廣中的「紅棗圓肉蓮子雪耳燉桃膠暖吃暖笠笠，驅寒~糖水充滿圓肉同棗香，清甜~雪耳桃膠清爽，原來桃膠有清熱美顏功效， 唔知係唔係心理作用， 第二朝覺得皮膚真係靚咗男友叫左「 川貝無花果燉雪梨」，都係冬天 滋潤甜品 ，有獨特嘅無花果香， 加上清潤雪梨， 香甜味美! 「 綠林甜品」一向係我美食清單中的頭幾位， 尤其佢嘅傳統糖水一向做得出色， 真材實料 ，沒有死甜， 冬天更有限定栗子糊 ，下次一定試試佢!

二零一八十二月最後一天。今天晚上跟友人在西環晚飯後走到銅鑼灣購物，可能天氣冷，很想吃熱的甜品，在鵝頸橋附近找到這家小店。小店有人氣，沒有人排隊不過人流不斷，所以不太適合慢慢坐，二話不說就點了黑芝麻糊，有無糖選擇，芝麻糊濃稠度中規中矩，顏色也是不深不淺，不過夠熱，整體來說就是中中等等。友人點了芒果涼粉，試了一口，芒果味濃，說不出來有甚麼特別。看到小店主打傳統甜品，價錢在區內是合理的，希望小店能對中式甜品繼續堅持。

同朋友係時代食飽飯，覺得唔夠喉就去食個糖水先朋友帶路話鵝頸橋下有幾間，行過去個陣呢間糖水店派緊85折coupon，咁抵食就一於試下吧個芒果汁底就酸到飛起同杰身，芒果肉都係幾酸而涼粉係冇乜味，整體上只係食到一個字--酸😭布甸質感較實，入邊都有芒果肉，但食落都較酸椰汁底幾清甜，可以中和返芒果既酸味😋呢間店係咁推銷桃膠就一於試下先桃膠份量都幾多不過本身就冇乜味，係靠個椰汁底既味雪糕夠冰凍，唔會食到一半就溶哂😋雲尼拿味都幾香一上枱個杏仁味好香濃(但唔中意杏仁味既朋友會表示歧視😆)食落都幾香滑，仲加左幾粒湯丸👍係本人中意既芝麻味呀，但個湯丸皮較厚總括黎講: 甜品質素一般，但會有85折，性價比ok🍳🍴味道: 6/10👩👨服務: 6/10🏠💺環境: 6/10💰💸抵食: 6/10總消費: $143(4人)👇👇以下張單係未計折

路過灣仔街市，因為另一間甜品店太多人，試下這間。好有驚喜呀！店裏的海報寫著：堅持傳統味道。試下栗子露和涼粉。栗子露是季節限定的甜品，而且好少地方有得食，這間做得好食，我唔記得叫走甜，所以甜品盖過了栗子味。但吃到碗底還有一粒粒的栗子碎，咬下去是很香的。好多地方的涼粉己經沒有任何味道了，像黑色啫喱一樣。這裏還有那種小時候的味道。只可惜涼粉只能附加在其他甜品上，不能另叫。其實湯丸也很好食呀，據說餡是芝麻和豬油做的，所以特別香！

三個人在西營盤高街食完個晚餐後，就諗住去食銅鑼灣食個空氣感的pancake, 但又是好多人排隊……所以去揀食中式甜品……在鵝頸橋附近，近近地就搵左綠林甜品，食完可以快點回家。店內已經坐滿人，搵過第二間都唔啦，就係想嘗試新店MENU圖片都影得好靚，好想點0黎食 MENU 都好清晰，易明。川貝海底椰無花果燉雪梨$40 ：清潤止咳，食完好潤喉椰汁西米露$22：椰子汁又係好清潤，養生之選。烏豆桑寄茶＋蛋＋蓮子$37推介：女人的甜品，仲係補品，飲完食完暖笠笠。冬天進補，必食之選

喺附近同朋友食完晚飯，想繼續坐低吹水，於是去食甜品，平時食開前面嗰間，今晚見呢間新開，於是試下。2個人，叫左個紅豆豆腐布丁和楊枝甘露，豆腐布丁上枱先，賣相一般，但份量好足，食落去，紅豆無味，豆腐布丁就更加乜味都無，個布丁亦好實。伏伏地 。。諗住呢個唔吸引，食下個啦！誰不知，楊枝甘露個樣都算正常，但係個汁底就酸到飛起！啲芒果肉仲要粒粒都尤如檸檬甘酸 ？！生果係甜品嘅靈魂，質素好緊要呀！甘樣好影響招牌呀！真係唔會返轉頭第2次。

同朋友在銅鑼灣食完飯，朋友問我想食飯後甜品還是想飲杯咖啡？我揀甜品，於是她帶我行了兩個街口便到，原來綠林在銅鑼灣開咗分點。我一睇倒個餐牌，哇《桃膠》好正喎，就要呢個，如果在家中自己煲會好多功夫好多桃膠、還有紅棗、龍眼肉、雪耳同蓮子，蓮子鬆化，糖水不會太甜，好好味另一碗係桃膠蕃薯湯圓，湯圓係舖頭自己做，三料好滿足，糖水好夠羗味，同樣不會太甜。糖水舖逢星期一至四做指定某特價糖水每碗$15，可惜我去果日係星期五，唯有下次

係銅鑼灣什麼食店都不便宜的地方，綠林相對是比較便宜的，還有不同的優惠吸引客人。服務員也很親切很好笑容。甜品店的甜品都比較傳統，有中式糖水，奶凍等。如果想一嘗以前還未有新派甜品的糖水，可以不仿考慮。

来了两次，服务员态度nice，比隔壁的松记甜品略赞，空调开的很冷。小姑娘普通话超标准啊，是不是大陆学生在打工，老板娘态度也很好，可以用支付宝呀…点的陈皮绿豆沙很赞。

我食嘅係雪糕椰汁紅豆小丸子，因為已經好夜，所以選擇咗外賣拎返屋企先食。雖然係外賣，但拎到返屋企一開，係有驚喜，兜嘢好足料，好多紅豆好多小丸子，雪糕又幫我分開裝。料又夠靚，紅豆大大粒，小丸子又有咬口，又唔會話太過甜。地方保持得都幾整潔，餐牌又乾淨，枱面又無黐笠笠，冷氣又夠，伙記態度又好。學生有折就好多地方都有，但長者同傷殘人士都有8折，喺香港嚟講就真係頗為少見，呢間嘢堅有良心。9點前外賣好似有85折。

晚飯後去鵝頸橋附近嘅12蚊店買嘢，之後沿路行去跑馬地方向，穿過等巴士嘅人潮見到呢間甜品店，門口張貼咗桃膠嘅宣傳，近排成為桃膠控嘅我，二話不說就行入去喇！坐低立即叫碗桃膠($45)，朋友就食杏仁豆腐花($29)， 不過落單後才發現原來佢有特價$15嘅糖水，朋友大呼好平，早知一人隊一碗，埋單都係三十蚊咋！Anyway, 等咗冇耐兩碗糖水就送到，杏仁豆腐花冇影相，朋友話味道OK；我碗桃膠味道唔太甜，啱我口味，可惜我較喜歡食到索索聲嘅雪耳，但呢度嘅好軟身，只能夠話OK。

眼見街邊越開越多韓式日式甜品店, 其實好多傳統中式糖水都好好味架, 喺鵝頸橋旁邊呢間綠林甜品正是其中之一白果腐竹糖水加蛋, 好多香港人既至愛, 有香濃奶味同埋蛋既香滑海帶綠豆沙, 綠豆同海帶份量都好多架, 不過就有d 偏甜呢個價錢冇得輸啦😂

綠林甜品的深水埗總店就經常光顧，但銅鑼灣的分店我都是第一次來，價錢當然比深水埗貴，始終是商業區嘛，最重要的是綠林甜品仍然真材實料，沒有為降低成本使用次等食材。綠林甜品的蛋白燉鮮奶加蓮子向來是我的最愛之一，它的蛋白燉鮮奶有著細滑綿密的口感，鮮奶與蛋白比例恰到好處，剛入口時淡淡的牛奶香，繼而濃郁的蛋滋味散發於口腔中。蓮子都密鋪在蛋白燉鮮奶表面，圓股股的蓮子暖烘烘，脆中帶甘。朋友則選便宜又豐盛的麥米花生粥，她說麥米花生粥吃起來挺像八寶粥，集多種穀物熬煮，口感豐富多變，又不甜膩，吃完蠻有飽足感的。

作為一個不折不扣既甜品控 食完晚飯一定要食埋甜品先覺得完滿 比起西式甜品 我比較鐘意食中式傳統糖水 今日又黎綠林甜品啦 之前食返深水埗店 第一次黎銅鑼灣店 橋底仲有人派85折coupon 記得攞左先去呀！芝麻糊 上次深水埗食左個凍既芝麻糊豆腐布甸 提左自己好多次芝麻糊唔可以凍食 上次凍既芝麻糊太稀又冇芝麻香 不過都係我錯 芝麻糊真係冇理由食凍 今次終於食碗熱既 真係名不虛傳喎！熱芝麻糊好香好濃好稠 好香芝麻味 真係好好食！一定會encore!!

今日先生的家姐及姐夫请我们来到铜鑼灣食飯，飯後我们经過绿林甜品店。見到招牌甜品又好似几吸引，於是决定在此間食甜品。先上枱的是杏仁燉奶，見到嫰嫩滑滑的，就忘記影相了，。杏仁燉奶都算滑，但食不到杏仁的香味，奶味也比較淡。姐夫每次食甜品必食粟子糊，今次也不例外，要了個粟子糊$35，但姐夫话此間粟子糊不够滑，及略嫌不够甜。燉奶加蓮子$34。燉奶够滑，但奶味較淡，蓮子够淋。都算ok。虽然甜品比預期遜色，但也無改我们今晚的快樂氣氛。十分多謝姐夫家姐。令我和丈夫過了一個愉快的晚上。