綠林甜品 (Closed)

晚飯後去鵝頸橋附近嘅12蚊店買嘢，之後沿路行去跑馬地方向，穿過等巴士嘅人潮見到呢間甜品店，門口張貼咗桃膠嘅宣傳，近排成為桃膠控嘅我，二話不說就行入去喇！坐低立即叫碗桃膠($45)，朋友就食杏仁豆腐花($29)， 不過落單後才發現原來佢有特價$15嘅糖水，朋友大呼好平，早知一人隊一碗，埋單都係三十蚊咋！Anyway, 等咗冇耐兩碗糖水就送到，杏仁豆腐花冇影相，朋友話味道OK；我碗桃膠味道唔太甜，啱我口味，可惜我較喜歡食到索索聲嘅雪耳，但呢度嘅好軟身，只能夠話OK。