倫哥尚品火鍋私房菜 (Closed)

一行十人同同事搞farewell,有同事以前食過倫哥，話性價比勁高，咁我地當然都要試試佢啦！👍有樣野好值得讚，就係倫哥冇限時既，比你食到食唔落為止，真係抵爆！一入到去即該去攞野飲先，幾個大雪櫃比你揀（但酒類要另外加錢），唔凍既就有啲類似菊花菜/酸梅湯既野（但我就冇試），仲有啲熱盤eg:木耳、拍青瓜比你任拎........好快就有湯呀，刺身拼盤，鮑魚冬菇到左，刺身好新鮮，三文魚極肥味，但可惜以上既都唔可以refill....食完前菜就雞煲到啦，雞煲可以自己揀辣度，但可惜同事們都唔太食到辣，唯有嗌微辣，冇辣不歡既我搞到食得唔太過癮！但講返味度，個雞煲係好味既，啲雞都唔會太鞋，唔錯唔錯.......食完雞煲就可以加湯打邊爐喇！隨邊爐跟埋海鮮拼盤一齊上，淨係睇賣相都留晒口水（但又係只有2/3款海鮮可refill)跟住都係丸呀，菜呀，餃呀,魚皮果啲邊爐料（任refill).............係正既！我地由6:30pm食到10:30冇停過嘴，飽到唔識郁咁滯，以咁既價錢又唔限時，絕對係大滿足既一餐！

前晚幾個同事約埋一齊試食倫哥私房菜，一邊食一邊傾，香港地已經好少呢d地方，好多都限時，好無癮，食得來傾唔到解，而且呢度食物種類多，一坐低就送上小食，跟住再來刺身拼盤，跟住就來雞煲，我哋都唔食得辣，先試小辣，好好味，之後大家都想挑戰中辣，再來一煲，果然辣d更好味，跟住送來冬菇鮑魚，炖湯，食曬雞煲，就同侍應講要轉海鮮火鍋，跟住佢就上咗海鮮，肥牛，雜丸，餃子同雲吞，仲有菜跟炸魚皮，不過我就無影到，總之食物都唔錯，仲有汽水任飲，盡情的傾解，唔使怕口喝，值得推介。

倫哥呢輪大展拳腳，周圍都係佢既分店，作為一個foodie，一次都未試過實在說不過去，所以今日就嚟試吓佢地既尖沙咀分店先。六點幾去到已經相當旺場，座無虛席，梗係啦，每位318既任食海鮮火鍋，有刺身併盤有鮑魚打完雞煲再換邊爐再有燕窩做甜品，仲要係無限時既添，咁荀，難怪七點前已經有朋友無訂位要下回請早，想食好西既朋友記得訂位啊。一坐底鬼咁肚餓，即刻喺飲品櫃隔離攞碟前菜食吓，前菜係涼伴麻辣四季豆，味道唔錯，麻同辣都恰到好處，唯獨係食開爽菜既我都略嫌爽咗啲，留番少少放落個雞煲度再爆一爆佢，四季豆即刻重拾二次生命，正到無朋友。兩分鐘後燉湯率先送上，夠哂火候，雞腳煲到好腍身，淨係用條脷都LUN得到啲骨啊。鮑你上位，個名改得咁靚既係蠔皇鮑魚炆冬菇，鮑魚個子不少，混和濃厚既蠔皇鮑汁，沒有不好吃的理由。刺身併盤，刺身併盤有牡丹蝦，三文魚，帆立貝，油甘魚同埋北寄貝，各款刺身都非常新鮮，尤其喜歡牡丹蝦大得離奇，廚師細心為鮮蝦挑腸令蝦肉份外爽口彈牙，三文魚既肥美，帆立貝既鮮甜到依家都沒齒難忘。阿嫲雞煲，一擺上枱個雞煲即刻香噴噴到隔離枱啱啱坐低嘅朋友都忍唔住眼望望，個雞煲確實係瘋狂咁香，老規矩冚埋個煲蓋等幾分鐘就

倫哥尚品私房菜 呢個名成日喺朋友口中聽到 今日終於得閒可以去食一食佢 睇下究竟有咩咁正 要預先book咗位先有得食 因為實在太多人幫襯 價錢都係318／位 加一 任食火鍋嚟講算貴 一去到佢會有雞煲畀你 店員話係任食嘅 不過份量都幾大 食一鍋就夠 叫咗bb辣 香得黎唔太辣 唔食都得嘅都食到 而且雞肉都煮得好嫩滑入味 食緊嘅同時 佢就會奉上每人一盅嘅烏雞藥膳燉湯 個湯好清冇味精 而且唔油 入面真係有幾舊烏雞 感覺好補之後就有魚生刺身 有我最愛嘅三文魚同埋吞拿魚腩仲有帶子 呢幾樣都好新鮮鮮甜 無諗過火鍋都有魚生食 食完雞煲就會換個打邊爐湯底 可以食打邊爐啦 海鮮拼盤好多材料有蟹蟶子生蠔鮮蝦大蜆 有部分可以無限追加 隻生蠔好新鮮 而且煮內咗都唔會縮水 之後仲有牛頸脊 牛頸脊切得好薄 肥瘦適 中而且牛肉味好濃郁 正 值得推介嘅仲有墨魚滑 整得超彈牙 而且鮮味十足 墨魚味好滑 埋單都接近350蚊一位 價錢黎講算偏貴 但係食到咁多唔同種類嘅有質素食物 都算值得 唔怪得知咁多人推介

倫哥私房菜，可以話係雞煲同打邊爐界嘅皇者。價錢當然唔平，但用料上盛，一餐食足雞煲、刺身、鮑魚、海鮮邊爐、燕窩等等，最熱門最矜貴嘅食材都有。幾年前由觀塘店開始，同同事食完又再幫襯，再介紹朋友、同事、屋企人去食，不斷俾錢佢賺，不斷見證佢繼續開分店。第一次到訪尖沙咀店，一個普通嘅星期二晚上，照樣全店滿座，朋友更加係早左兩個星期預約。先上兩碟麻辣小菜，尤其中意雲耳，非常爽口彈牙，辣辣地好開胃。循例先黎嘅任食雞煲，揀左小辣。店員會教你點整，炒幾炒，焗幾焗就食得。食食下再加埋啲牛栢葉、豬皮、魷魚落去，非常惹味。雞煲可以任添，不過我地選擇左點蕃茄薯仔湯底，用黎打海鮮邊爐。等嘅時間先飲燉湯，仲送上一人一隻鮑魚。仲未食完啲熱食，再上左一大盤刺身，有三文魚、帶子、赤貝等等，仲唔少得新鮮牡丹蝦。終於到打個邊爐，先講湯底，略嫌清淡。或者係因為頭先食左好多好濃味嘅野，所以有咁嘅感覺。好彩食材勝新鮮，食物本身嘅原味已經非常鮮味。重點嘅牛頸脊同海鮮拼盤雖然無得任食，但本身已經大大盤，食到肚滿腸肥！牛頸脊味濃，而且比一般肥牛更有咬勁。海鮮拼盤有蝦、蟹、脆肉鯇、蟶子、沙白、蠔等等，非常豐富，樣樣鮮甜味美。雖然無樣樣食物

打邊撈最緊要喺乜？ 唔係個爐, 一定係CP值配料, 蒜, 蔥, 辣椒仔, 香菜(芫茜), 花生碎要晒我同女友需要嘅嘢涼菜, 豆豆, 木耳, 味道夠, 開胃, 食晒~ 刺身拼盤, 三文紋,北寄貝,鱆紅魚,  應有都有最重要係新鮮, 質素不錯, 特別是蝦, 很新鮮一開始就嚟埋兩隻大閘蟹, 非常開心開始擔食唔晒啲嘢  因為未嚟個煲都已經飽咗4分1  鮑魚冬菇, 不戲場, 真係食得幾爽蟲草花雞湯不花假, 足料, 堅燉雞煲超香  小辣剛好  食物實在太豐富  食埋相片好似更好說服力呢間餐廳真係用食物去轟炸我哋 食極都有  點叫的食物份量都好足仲有龍蝦仔加湯做火鍋將呢餐帶入另一個環節了龍蝦，蟶子，牛肉都好食最後所有食物烹煮出嚟嘅味道都走晒入呢個粥到飽到100% 都要食兩碗打邊爐最緊要咩？    CP(性價比)值 要高！一個價錢  食三十樣嘢   haha大滿足

同個老死約左好耐終於約到😂，今次就試左佢推薦既呢間長期爆滿既倫哥私房菜到食雞煲打邊爐~前菜，四季豆同雲耳，用黎開下胃都唔錯既~充料靚湯，成個盅都裝滿雞腳同瘦肉，女士們要多飲養顏噢~原隻燉鮑魚，大大隻煮到好入味，比想像中好~各種刺身，估唔到主打爐食既地方都有呢啲高質新鮮既生冷野喎，個帶子勁鮮甜~惹味雞煲，呢到既雞煲上枱之後要自己定時炒下d雞先再食，店員有主動幫手，唔洗自己黎~蟹煲既邊爐料，超級豐富，大滿足~牛肉雖然無得encore, 但質素超好，份量都夠食~而海鮮自然係主打，雖然唔係每款海鮮都有得encore，但同樣重質不重量，最鐘意貝類~可惜當晚遲左黎，龍蝦煲sold out有緣再會~

今次嚟到倫哥尚品搵食！ 食過一次倫哥後～一講起火鍋就會想起它～見天氣變冷～立即捉男友一起去食！之前2次都是去佐敦店～今次去尖沙咀店～店內通路較窄～二人枱空間比較少刺身拼盤下單不久店員就捧來一盤刺身～有三文魚、帆立貝、北寄貝、牡丹蝦跟希靈魚～三文魚是厚切～雖然脂肪不多但夠肥美～牡丹蝦味道鮮甜～還帶一點點膏～驚喜帆立貝北寄貝也不錯～鮑你上位菜名有趣的鮑魚～雖然不算十分大隻，但是尚算厚肉已鮑汁蒸煮、彈牙而且味濃～以附送的菜式來說已經不錯！椰子燉雞湯據說燉湯每天不同，我們今天喝到的是椰子燉雞湯雖然面層佈滿雞油，但學下去還有淡淡的椰香如果可以少一點雞油就更完美了！大閘蟹整個秋天沒機會吃大閘蟹沒想到去打邊爐反而有機會吃到雖然蟹膏不算特別多特別香～但也非常驚喜可一嚐大閘蟹的風味！阿嫲雞煲起初好怕火鍋前先食雞煲會好快飽，最後發現個秘製香料好香好惹味，爆香雞肉後，肉味更濃郁，又唔係想像中咁肥膩，結果食開左個胃，停唔到口!工作人員仲好好服務，逐個步驟講解，控制火候時間岩岩好。環遊海鮮盤附送的海鮮拼盤，可以選龍蝦或蟹，火鍋當然選龍蝦啦，每樣食材都好新鮮、大大隻，除了脆肉鯇會多骨之外，其他都係啖啖肉。無與「倫

呢間野實在好出名，忍唔住黎試下。一直都以為佢只係打邊爐，因爲通常聽到d friend講係話佢D野好鮮，海鮮好靚。點知原來係食完雞煲再打邊爐。認真，食完雞煲個煲油到咁真係唔會想再淥海鮮。好彩店員一早講左，之後會換煲。咁我都食得安心D。個雞煲好香。D肉好嫩，無唔熟既。調味均勻分佈係每一舊肉到。洋葱係甜味洋葱，煮得好林，正！有個雞湯送，有少少覺得自己好似食緊全雞宴咁又雞湯又雞煲，好補食完雞上既係大閘蟹，真係估佢唔到。我平時好少食大閘蟹，雖然都覺得幾好食，但總有種多吃無益既感覺。今個冬天都係第一次食咋。正所謂，少食多滋味，咁佢都真係幾滋味既！睇下幾多蟹黃！呢到估佢唔到既係仲有刺身！雖然無得refill，但其實我都唔需要refill呢到完全係行一次過滿足你好多個願望既路線，岩哂我呢D對食成日3心2意既女仔呀！響鈴係打邊爐必備，但你問我我都仲係喜歡山根多少少。佢個響鈴似係自家製D friend, 粒粒都有D唔同size唔同shape。仲有好好味既魚皮！好岩我個熱氣朋友講真！呢個牛肉真係好好食！！！好借得佢用咁多冰震住！係個種入口好融化既感覺！油脂同肉既分佈無得頂呀！只係黎食牛我都覺得ok呀！千呼萬

冬天梗係要食雞煲、打邊爐㗎啦今日去咗倫哥度，聽人講海鮮火鍋幾好食，又冇限時任食，＄278一位都算係合理價錢，咪試吓囉～至於食咩比朋友去話事，我就冇乜所謂一開始梗係叫個湯暖下胃先啦椰子花膠燉雞湯，話就話係燉但係啲雞都仲好林，好足料「鮑你上位」最主要係啲菇好食個鮑魚就不過不失啦甜蝦同帶子最好食我最期待嘅阿嫲雞煲終於到啦最特別之處就係有我最鍾意嘅水魷偏辣嘅⋯如果食得辣嘅朋友可以試吓呢兩隻蟹不得了啲膏多到超級美味由於雞煲已經算係重口味所以我哋揀咗個湯底係鮮茄薯仔湯清清地幾好環遊海鮮拼盤兩個人份量夠啦打邊爐點少得牛，原來呢個叫做無與倫比牛頸脊係咪望落都已經好想食呢響鈴、雲吞、水餃、菜、丸呢啲都係打邊爐唔少得嘅最後附上甜品，燕窩蛋白其實呢間打邊爐算係唔錯㗎啦又有得嘢飲任拎啲服務員嘅態度又好

朋友成日話倫哥雞煲加打邊爐扺食又好食，今日終於有機會食啦，四人相約去尖沙咀倫哥，貪佢夠就腳方便！一入門口已經被雞煲嘅香味吸引，食落夠香夠辣，雞肉夠嫩👍，唔夠仲可以無限添加！仲有一人一鮑魚，夠入味，又彈牙！仲有冬菇煮得夠淋，好味！一人一隻大閘蟹，期間限定架！多膏多黃，真係好好食😋!仼飲種類都好多，兩個雪櫃慢慢揀，汽水、蘆薈汁、芒果汁、檸檬茶、仲有五花茶夠清熱.....應有盡有。食完雞煲就轉蟹煲打邊爐，蕃茄薯仔湯底我至喜歡，個人覺得海鮮拼盤既蠔、刀貝同蝦都特別好食，賣相吸引。手切牛，牛味重，仲有林林種種火鍋食材，真係應有盡有😍，店員仲會逐樣介紹俾大家👍，服務態度好又有禮貌！最後上埋個甜品3.6牛乳，大滿足😋正如我朋友所講，抵食又好食👍! 溫馨提示，提提大家：記得訂位，因為都真係爆晒場。

食火鍋，搵倫哥！今日放工去咗尖沙咀搵倫哥食半自助火鍋私房菜！估唔到平日七點鐘到已經人山人海，激多人食，好不容易搵到位食。侍應首先幫我地整咗爐，話比我哋知怎樣歎🐔煲！係雞煲滾後，每2分鐘搞一搞，搞四次，真係幾細心，8分鐘後就可以食雞煲啦！食到一半，可以加埋啲牛柏葉，魷魚，豬皮一齊食，啲汁同啲配料簡直係perfect match! 倫哥十分細心！係人客等緊期間，竟然加左道雲耳＆原隻蠔皇扣鮑魚比人客食，好有驚喜，食到超飽，抱住個肚返屋企。

天寒地凍，食火鍋就最好，經朋友介紹，試下乜嘢叫做「私房菜火鍋」。依家嘅火鍋店大部份都係任食或者單點，而「倫哥」就提供半任食，即係某啲食材可以任食，某啲食材如果想再食就要再俾錢啦！$318+10% 有刺身，海鮮追加要＋錢，我就冇追加！先上雞煲，叫左超少辣，好好味，加埋牛柏葉同豬皮，超入味！唔夠可以免費再order！是日燉湯好重料，超甜，濃郁！剌身拼盤有帶子，三文魚，䲞魚，北寄貝同大蝦。樣樣都好新鮮，冇雪味，肥美，厚肉，冇得彈！鮑魚鮑魚算幾大隻，好入味，燘到好「淋」，大菇都一樣咁「淋」，最重要係個汁一啲都唔鹹，估唔到打邊爐都有鮑魚食！海鮮配料全部都好新鮮，隻蟹啖啖肉，算大隻。貝類冇沙，爽口，好滿足！手切牛肉非常得，肥瘦均勻，有口感，可惜追加要收錢。其他任食食材都好好食，推介炸魚皮，貢丸，韮菜餃，我食左兩轉。還有汽水任飲，咁嘅價錢，真係物有所值！

最近天寒地凍有咩好得過約齊朋友一齊打邊爐開心暢飲一晚，記得多年前已經試過倫哥火鍋，當時的印象已經非常好，事隔多年這間倫哥火鍋的分店也越開越多，今次我們就選了這間位置十分方便，在尖沙咀加拿分道 K11 斜對面的倫哥尚品火鍋私房菜，老實講我真的覺得很超值。一坐低食物就會源源不絕的送上，先來前菜之後上刺身，剌身質量絕對高👍🏻大大隻的牡丹蝦食落十分膠口，而且鮮味突出還有厚切的三文魚和鮮帶子粒，之後再來一個麻辣雞煲在這様凍的天氣食雞煲實在過癮，而且雞煲是在桌上即煮的，根據店員所講每2分鐘打開蓋一次把雞反過來之後把火調低一度，如此類推四次之後雞煲便可以食，這樣的做法雞件十分嫩滑雞肉不會因為煮完再煮而變得嚡熠熠，食到一半的時候再加入豬皮、魷魚和牛柏葉，把麻辣雞汁吸收這個豬皮、魷魚和牛柏葉實在冇得頂。這個時候店員又送上一盅燉湯，燉湯是猴頭菇紅棗燉雞湯，還有𧐢汁鮑魚炆冬菇，來到這裏終於到火鍋了，湯底我們選了水佬龍蝦鍋，這時食物也一一送上，首先這個海鮮盤實在嚇我一跳有龍蝦、象拔蚌仔、海蝦、脆肉鯇、龍躉件、沙井𧐢、刀貝和鑽石硯。龍蝦新鮮爽口彈牙在這些海鮮當中脆肉鯇和龍躉件是無限添食的，一大盤牛頸脊質量超高雪

說起吃火鍋時友人總時推介倫哥，久仰大名卻一直很難訂枱。得知天氣終於轉冷，便拿起決心早一個月訂枱，終於可以一睹廬山真面目。第一次來到，懵盛盛。店員帶位後見我坐下不知所措，便親切地著我可到外面選飲料。飲料以韓式汽水和啤酒為主，是一貫任食火鍋的選擇；另外還有自家煲的五花茶，欣賞它足料不過甜，下火一流。店員先給前菜，分別是麻辣雲耳和玉豆。雲耳有加了黑醋，酸酸辣辣的很開胃，又不會太油。玉豆雖然不吸味，但沒有醋的中和所以吃上去更辣，不過玉豆本身爽甜，倒也不錯的吃。接著來了每人一壺燉湯，是晚的燉湯是猴頭菇燉雞腳。雖然是雞湯，看上去卻沒有很油膩。燉湯質感清澈而味道濃郁，味道全來自材料，沒有味精，暖胃一流。除了燉湯外，竟然還有一人一隻原隻鮑魚和花菇，將中餐之最帶入雞煲裡。鮑魚也非罐頭貨色，是真的由乾鮑炆成，腍滑得來也有咬口。另外巨型花菇也一樣炆得軟腍，而且吸收了蠔油鮑汁的濃味，非常好吃。吃過中餐之最，日式的代表怎少得刺身拼盤。刺身選擇不多，但質素非常不錯。三文魚、希靈魚、北寄貝和帶子全部都是厚切，有口感之餘鮮甜味十足。還有大大隻牡丹蝦，鮮味更甚。而且蝦肉不霉口，蝦頭腦也沒有腥味，絕對是新鮮之貨。看這頭盤