Luna Bar & Restaurant

Open Now

Now Closed

❀ Luna Bar & Restaurant #尖沙咀 ❀❗尖沙咀新開泰國餐廳 休閒坊仲有VIP房❗——————————————————喺尖沙咀繁華嘅街道中，望到其中一條巷仔有幾張休閒嘅枱凳，原來係開咗間新嘅正宗泰國餐廳🤩餐廳裝修融合東方與西方元素，以白色、綠色與柔和燈光交相輝映，感覺休閒舒適。餐廳特別在於設有多種娛樂設施，包括飛鏢機、卡拉OK等，除咗食泰國菜之外，還可盡情娛樂，多人的話還可以book VIP房，可以同一班朋友用餐及娛樂😆.✷𝑀𝑒𝓃𝓊✷☞ 泰式咖哩麵包軟殼蟹 $268 (3.9/5)超喜歡咖喱味道椰香濃郁，味道偏甜😋。軟殼蟹則以酥炸方式處理，外層酥脆而內裡鮮嫩🦀搭配上每日新鮮焗製嘅農夫包，點滿香甜咖喱非常吸引呢😆.☞ 泰式大蝦柚子沙律 $118 (3.9/5)有大量爽甜柚子，亦有唔少爽口大蝦，加上泰式辣汁，健康清新又開胃，係我最喜歡嘅泰式沙律款式😋.☞ 泰式生蝦六隻 $138 (4/5)生蝦用杯子裝住非常精緻🦐新鮮爽口，每杯入面都加埋泰式酸辣汁、辣椒及生蒜，經典美味。.☞ 三款泰式串燒 (牛、豬、雞) $108 (3.9/5)可以一次過試晒三款口味，每樣都有兩串😆烤得

🍢泰式串燒 $108有牛雞豬各2串，配上2個汁，其中之一係泰式沙嗲醬，味道甜甜帶有啲似魚餅既味🤣另一款係泰式酸汁，我同男朋友都偏向沙嗲醬👍🏻肉好腍，最好趁熱食，凍左就好硬，推薦牛肉，好香牛味🤩🥬泰式炒通菜 $88味道帶少少甜，份量好多👍🏻🍚泰式家鄉蝦醬炒飯 $98有肉鬆，臘腸同炒蛋同炒飯撈埋食，唔會過重蝦醬味，所以鹹度啱啱好，反而偏向甜味，老人家同細路都岩食🤩貌相有啲似糯米飯🤣🦀咖喱炒軟殼蟹 $268以呢個價錢嚟講份量大，好抵食😂建議3-4人share岩岩好🤣咖喱帶有椰汁味，亦有蛋花喺入面，個包浸滿滿嘅咖喱好食😋 軟殻蟹份量好多，單食脆卜卜，不便我偏向浸到好腍先食🤤☕️泰式咖啡 $48男朋友叫左少甜，但都有啲甜🙊🥛泰式椰汁冰 $48好濃椰汁味，但都係偏甜，建議少少甜🤣✨Luna bar係隱蔽巷仔入面，雖然係食泰國菜，但係感覺似多國x泰菜🙊餐廳環境似西餐，但有韓文歌聽🤣另外值得讚賞係店員既服務超級好，提示我地叫左咖喱軟殼蟹會跟包，怕我地食唔晒，我地估唔到每樣菜都好大份😂真係太飽😂佢地亦好熱心，見我哋有需要都主動幫手🥹btw推薦咖喱軟殼蟹🦀好適合家人/朋友黎開餐🤩

今日朋友大壽，約埋一齊去食泰國菜慶祝生日，係網上揀好餐廳，直奔目的地。餐廳地址在漆咸道南23~25號地鋪，但去先至知道原來門口不是在漆咸道南，而是在麼地道海景大廈，餐廳很大，佈置是園林風格，有大電視播著音樂節目，餐廳的座位設計很好，有梳化有大台，很有空間感，食物選擇很多，午餐有好幾個套餐。也可以在大餐牌選擇。我們兩個大胃王當然不甘於只選午餐套餐 ，又點了泰式海鮮炒粉絲，馬拉盞炒雜菜，泰式大蝦柚子沙律，泰式串燒，生日當然要豐富些，食物送到， 擺到一檯都係，每個菜都好好食，豬手燜得好林好入味，泰式海鮮炒粉絲有大蝦魷魚，配芹菜洋蔥香蔥，肥嘟嘟的芽菜，炒得很乾身香口，非常好味。炒雜菜里有很多種蔬菜，味道和諧。最喜歡是泰式大蝦柚子沙律，大大塊的柚子肉，加上很多大蝦，用檸檬汁香料辣椒相伴，越食越開胃。泰式串燒有雞肉牛肉豬肉各兩串，燒得香口外脆內嫩又多汁，點沙爹醬同檸檬汁，味道頂呱呱。食到肚滿腸肥之時，最後飲返杯有特別香味的檸檬茶，感覺幸福又滿足。😘😘

呢間餐廳嘅泰式料理幾好食♡ 係一個值得同朋友一路enjoy嘢食一路傾下計嘅地方。佢位於K11隔離，環境算高貴整齊，服務唔錯，食物質素仲幾高添。上網一check，發現原來佢係最近開嘅新餐廳嚟，主廚仲要由泰國當地嘅五星級酒店擔任，唔怪之得味道咁正咁正宗！✎ 泰式生蝦材料有辣椒、蒜同埋苦瓜片，苦瓜同埋蒜都好新鮮爽口；苦瓜尤其清甜同埋質感厚實；生蝦清甜鮮味，撈埋偏辣嘅醬汁一齊食，既刺激又鮮甜。✎ 泰式串燒 分別有雞肉、牛肉、豬肉，各兩串。牛肉有咬口，唔會過煙靭，普遍軟嫩，肉味非常出；雞肉入面肉質紅嫩，唔乾；豬肉同樣嫩滑口感，充滿香烤味！另外有兩個醬料 甜甜地嘅沙嗲醬同埋開胃嘅酸辣醬，點黎食真係好好味´ε`✎ 泰式青咖哩牛肉配1客蒜蓉包 青咖喱質感濃稠，帶有濃濃椰奶香味。入面配料有牛肉、茄子、紅椒、四季豆；牛肉幼嫩，唔煙韌；茄子鮮甜多汁；紅椒同埋四季豆非常爽口。整體味道出色，撈飯一流！而蒜蓉包質素都唔錯，一邊塗滿蒜蓉，入口勁重蒜蓉味，亦烤到好脆口，另一邊就相對軟腍。✎ 泰式龍眼冰甘甜冰凍，龍眼肉新鮮～✎ 鮮菠蘿沙冰新鮮菠蘿味，微酸。

/一間餐廳滿足晒20個願望✨岩晒一大班人黎食野同玩🔆又有得玩飛鏢🎯又有得唱K, 成個場夠晒大，空間感十足🥰諗唔到去邊到玩不妨黎依到啦🥳.🐣泰式海南雞雞肉肥美兼滑嫩多汁💦配上泰式辣椒醬或者薑蓉，微辣🌶️嘅口感與雞肉嘅鮮嫩成正比🤩層次豐富而又非常平衡.🦐泰式海鮮炒粉絲新鮮爽口嘅大蝦🍤配上彈牙嘅粉絲🍜非常開胃。濃郁嘅海鮮風味，加上蛋🍳少量蔬菜和豆芽🥬形成一種絕妙嘅口感體驗🤗.🥬泰式炒什菜以多樣嘅蔬菜為基礎🥦🥬🥒🌽加入泰式香料🇹🇭和醬汁炒製，保持咗蔬菜嘅微脆口感，重點帶出清新爽口嘅感覺，亦適當地補充纖維。💯.🐷泰式元蹄這道泰式元蹄絕對係晚餐嘅重頭戲‼️每日朝早新鮮入貨，加上秘製醬汁，以足足4小時熬製而成😳豬肉嘅肉質鮮嫩無比入口即化🫢每一口都感受到油脂和肉香嘅美妙配搭🤤長時間嘅熬製令豬蹄非常入味，香氣和味道都非常濃郁，令人讚不絕口😈💯

今日同朋友去尖沙咀麼地道啱啱開嘅泰國菜館食飯，後來入到去先知道原來係請正宗泰國廚師。泰式大蝦柚子沙律。啲大蝦新鮮彈牙，配埋柚子果肉同埋泰式醬汁，酸酸甜甜，超開胃！生菜包 特色炸豬油粒👍🏻肉碎炒得好惹味，唔會太乾又唔會太濕。特別嘅地方係佢有一啲炸嘅豬油粒伴碟。所以你包起上嚟食，成個嘅感覺係又有口感同層次。而且唔係太辣！火箭魷魚 廚師講今日特別推介佢個味道好似出邊明爐烏頭，用咗青檸嘅湯底，有啲似少少冬陰功酸酸甜甜辣辣地 。下面仲有少少椰菜，椰菜吸晒啲味道非常鮮甜。 火箭魷魚仲要好大隻，呢個真係要趁熱食。因為下面佢有一個火爐，即刻食就唔會太老！泰式青咖喱咖喱湯汁濃郁香辣，大個咖喱偏甜少少同埋唔會太辣，加埋雞肉非常滑，同埋好多舊。 薄餅叫咖喱一定配薄餅，熱辣辣上唔會好油膩，加埋咖喱啱晒。 泰式大蝦炒金邊粉金邊粉唔會太林，而且好多配菜，食落去嘅味道酸酸甜甜。仲有好多隻大蝦，而且個份量係超級足夠，呢個價錢直頭抵食！呢間泰國菜館嘅菜式都幾多，最特色嘅地方呢一間餐廳可以包房裏面唱K同埋打牌。 見到佢出邊有一啲酒吧嘅飛鏢同埋遊戲。 幾適合約埋朋友一齊食吓嘢玩下，而且佢室內仲係唔吸煙，平時想去酒吧玩，但係

今日去尖沙咀經過見到間新嘅泰國菜餐廳, 環境好chill仲可以聽下歌唱下K就入左去試, 食物質素都幾高而且份量多, 會encore👍🏻Stir-fried Venus Clams with Thai Chili Paste海鮮點左辣椒膏炒花甲皇, 份量極多​! 花甲皇全部都大大隻, 用辣椒膏炒好入味又唔會太辣, 配料三色椒同洋蔥亦都岩岩好keep到爽脆口感, overall非常惹味必試🌟Pineapple Fried Rice with Seafood原個菠蘿海鮮炒飯都勁大個​~ 面頭首先鋪滿肉鬆同埋腰果, 中間炒飯都好有鑊氣唔會好油膩, 配料豐富有新鮮菠蘿, 大蝦, 鮮魷etc. 反而個人認為個精髓係加左提子乾, 所有野mix埋炒飯一齊食鹹鹹甜甜好開胃而且口感幾得意👍🏻Thai Hainanese Chicken另外點左半隻泰式海南雞, 應該2個人都夠食🤣雞肉幾嫩滑, 搭配自家製泰式醬料好有泰式風味, 另外仲有清爽嘅沙拉, 係一度幾fresh嘅菜色Pineapple Freeze飲品鮮菠蘿沙冰, 飲得出係用鮮菠蘿整唔會有陣假甜味, 沙冰打得好smooth, 完全係透心涼最岩熱天氣🌟

好耐冇食泰菜⋯⋯ 雖然最近唔飲得酒🍻，但我都特登揀咗間好有酒吧feel嘅泰菜餐廳食。💁🏼‍♂️·期間限定廚師推介：明爐青檸🍋‍🟩火箭魷魚🦑個feel有啲似明爐魚，都係攞個火熱住佢🔥。咁佢唔算好辣嘅（雖然店員哥哥提示我哋話係偏辣，因為廚師👨🏻‍🍳想跟返正宗泰國口味⋯）不過食得辣嘅我表示冇驚過😄！！我係覺得酸酸辣辣幾開胃，而魷魚夠大件，啱曬我呢啲大胃王食🤭，但又唔會食落覺得好韌同腥喎～～～ 相反，係有咬口得嚟，食落又好滑喎～·泰式大蝦🍤炒金邊粉做到合格嘅Pad Thai，炒得夠乾身、冇多餘油份，仲要金邊粉條條分明～ 跟住仲有至少兩隻「大蝦」，唔止「大」，仲要「鮮」，係幾好嘅～ 照舊甜甜酸酸，味道係唔錯嘅😌！！·串燒豬牛雞🔥🔥🐷🐮🐔三樣肉都叫晒，肉質同肉味都係有嘅～ 啲肉醃得好好，唔會太鹹太甜，加埋放落去炭燒，燒得啱啱好，唔會燒燶咗！🙊加埋兩款汁醬，第一款係傳統沙爹汁，第二款係西式肉串燒必備嘅青瓜🥒三色椒🫑粒甜白醋。用第二款汁嚟食泰菜串燒又幾特別，都ok夾喎～😂😂··我哋一齊飲埋兩杯沙冰就滿足曬喇～～～🥭🍍🧊🧊

我哋嗌咗個豬頸肉lunch set，生菜肉碎包，串燒拼盤，馬拉盞炒雜菜，同埋一杯龍眼冰同埋一杯椰子冰。 豬頸肉份量非常之多，配埋每日自家製嘅湯，同埋醬汁，個醬汁酸酸辣辣，點埋個豬頸肉，中和豬頸肉肉本身少少嘅肥膩感肉味濃香甜好食。串燒拼盤份量一啲都唔細，有雞肉牛肉同豬肉，每一串嘅肉都好大粒，真係啖啖肉，同埋佢個沙嗲醬都好香。 食咗咁多肉真係要叫返個菜，嗌咗個馬拉盞炒雜菜，唔太多油，好有鑊氣，一上枱馬拉盞嘅味道充滿我個鼻腔！啲菜都唔會炒到好老，好爽脆，好鮮。 仲有個生菜肉碎包，又係份量好多！啖啖肉！ 佢有少少辣，不過唔係超辣，可以飲返個凍飲解辣。 佢哋個龍眼冰話係每日自家製，係清甜，唔係死甜，好健康嘅感覺。

尖沙咀繁華街道當中，係麼地道小巷中藏有一間新開嘅泰式餐廳。餐廳門口有一庭韆鞦，另外室內仲用上大量綠色植物，令到用餐嘅人感覺都好舒適，有啲似去咗東南亞度假一樣。泰式咖哩麵包軟殼蟹食得泰國嘢，咖喱基本上係必點之一。新鮮焗製嘅麵包當中，盛載住顏色鮮艷嘅黃色咖喱，上面再放住香脆嘅軟殼蟹。軟殼蟹外脆內軟，沾一下充滿椰香嘅咖哩就啱哂。泰式海南雞鮮黃色又有光澤嘅海南雞，雞皮有薄薄嘅脂肪，雞肉雪白又軟腍。泰式大蝦柚子沙律新鮮嘅沙律菜上面放滿大量嘅柚子粒和大蝦，味道清新又有酸甜味。泰式炒通菜炒通菜最緊要有鑊氣，佢哋嘅通常夠軟身又唔會過老。

又到星期三食好西叉足電既日子，今日試左間泰式酒吧餐廳，尖沙咀不嬲都多泰國菜，之前都食過4至5間🤨依間Luna Bar Restaurant地方非常闊落，有「有蓋」既室外，室內枱與枱之間都大把空位，裝潢走悠閑優雅風🎋而且8點幾正常晚飯時間過左都仲有好多食客，後來睇番原來主廚係泰國五星級酒店餐廳做過，搞到我都有些少期待🤓Menu都有唔少選擇，今日就揀左4款菜式，份量超多，係接近食唔哂哈哈泰式青咖哩配蒜蓉包 $118🥘青咖哩濃郁醇厚，口感滑順，香料同椰奶既香甜剛剛好，蒜蓉包外酥內軟，搭配青咖哩汁一齊食真係好好味😋雞份量都多，兩個人食一定夠，而且仲有茄子點綴🍆腍腍地索哂汁。泰式大蝦炒金邊粉 $128金邊粉香氣撲鼻，質感Q彈，搭配辣辣地既泰式香料，旁邊仲有砂糖作攪拌，味道幾豐富🤪有辣有甜。蝦好大隻🦐肯定係鮮蝦，好彈牙好多汁，質感綿密，一人一隻唔洗爭哈哈。泰式串燒 $108牛肉、雞肉、豬肉串燒各兩串，色澤金黃，香氣撲鼻🤤最impressed係牛肉好嫩(好少見泰式串燒既牛係咁)，雞肉大份軟腍，豬肉外酥內嫩，烤得恰到好處。另外都有蘸泰式特製醬汁，味道幾獨特，酸酸辣辣👍🏻泰式炒通菜 $88通菜色澤翠綠🥬

放工約咗同事去尖沙咀食飯，佢鍾意食泰國野，我即刻上OpenRice揾咗間新開嘅泰菜「Luna Bar & Restaurant 」，餐廳有outdoor area，我地揀咗坐室內傾吓偈飲吓嘢🤗除咗Live Band，餐廳仲有VIP房可以唱k添👍🏻明爐青檸火箭魷魚侍應推介我地嗌呢個每日限定菜式，大大隻嘅新鮮魷魚以明爐原隻上，湯底係每日新鮮熬製，酸酸辣辣嘅椰汁湯底特別開胃，魷魚彈牙煙煙韌韌，鮮香酸辣，超讚👍🏻泰式串燒我地揀咗豬牛雞各兩串，豬肉肉質鬆軟，雞肉夠嫩滑，牛肉有咬口肉味濃郁，點上花生味香濃嘅沙嗲醬，簡直係最佳配搭😆泰式海鮮炒粉絲超大碟嘅海鮮炒粉絲，裏面加入鮮蝦、鮮魷、雞蛋、芽菜、西芹等嘅材料，蝦仁爽口鮮甜，魷魚一樣新鮮彈牙，粉絲Q彈口感豐富泰式炸蝦餅推介炸蝦餅👍🏻即叫即炸熱辣辣，外邊酥脆金黃，裏面嘅蝦膠彈牙鮮味，配上甜辣嘅泰式辣醬，令味道更加提升香芒沙冰泰式龍眼冰食泰國菜又點少得泰式飲品😋芒果沙冰細滑綿密，芒果味道香濃清甜，泰式龍眼冰係餐廳每日新鮮煲，加入大量龍眼肉自家製真材實料，夏天飲返杯解渴又清新📍Luna Bar & Restaurant (尖沙咀)尖沙咀漆咸道南23-25號

Luna Bar & Restaurant (5/5/2024）今日同朋友去尖沙咀行街睇戲，到食晚飯嘅時候，諗住搵附近餐廳有咩食，我朋友就突然諗起，佢話有朋友講個附近有間好食嘅泰國餐廳，而且間餐廳好寬敞令人坐得好舒服，仲有歌聽又有遊戲機俾你玩，咁就同朋友決定去食啦。這間餐廳叫Luna Bar & Restaurant，位於尖沙咀漆咸道南23-25號地舖，港鐵尖沙咀站P3出口，步行1分鐘就到啦，十分方便。這間餐廳係位於尖沙咀繁華街道，但發覺入到去走廊後間餐廳成為鬧市中的一片寧靜綠洲，因為餐廳以白色和綠色為主調，綠色植物環繞四周，有一個好靚嘅千秋，用嚟打卡一流，亦令到餐廳嘅環境好靚，另外一邊係做西式酒吧，歡迎客人食完嘢去飲返杯酒，仲提供咗飛鏢機一路食餐一路飲酒一路玩，裏面仲有K房，有埋卡拉OK可以一齊唱歌，真係可以同多啲朋友來聚會，開心玩足一晚。這間餐廳嘅食物餐牌都好多選擇，有沙律、小食、燒烤、泰式湯、咖喱、海鮮、肉類、粉麵飯類、菜類、飲品，真係唔知道這間餐廳有咁多款菜式，以為係普通泰式餐廳，尤其是有燒烤食，有燒烤串燒牛、豬、雞肉，仲有炭燒安格斯牛扒，同泰式香茅鹽燒鰂魚，睇落都好正好食，最

#fafafoodblog尖沙咀 #fafafoodblog泰國菜🍴泰式大蝦炒金邊粉128 蚊🦑大蝦真係好大隻充滿蝦膏 蝦肉夠彈牙 金邊粉配埋花生粒辣粉 再配埋炒蛋 味道好有層次感 好食 🍴馬拉盞炒通菜88 蚊🥬馬拉盞好夠咸香 辣椒一齊炒新鮮既通菜 好夠油香同惹味🍴菠蘿海鮮炒飯原個128 蚊🍍原個菠蘿 外表好靚 好多腰果 肉鬆 魷魚仔同蝦肉都好多 黃飯好香 配埋提子乾增加口感 飯香夠 正🍴泰式串燒 雞肉 豬肉 牛肉 108 蚊🐂🐥🐖串燒大大件 雞肉彈牙 豬肉夠煙un, 牛肉夠牛肉味 個沙嗲醬好香濃 花生味夠 食到甘上下配d生菜都ok#菠蘿炒飯 #馬拉盞 #泰國菜 #通菜 #串燒 #沙嗲 #大蝦 #金邊粉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#lunabar&restaurant尖沙咀漆咸道南23 至25 號地鋪~~~~~~~~~~~~

呢間泰國嘢真係要特登搵佢係條巷仔入面，好似隱藏路線咁！一入到去以為係西式bar，仲有位for live band裝修風格好chill，已經有人happy hour緊唔講都唔知係食泰國嘢✨泰式酸辣青芒鯽魚 $268呢個係原條炸咗嘅鯽魚師傅起咗肉之後再走油撈青芒沙律唔係到到有得食我同朋友都係第一次食魚炸得脆之餘但係魚肉夠滑青芒酸酸哋好夾炸魚而且份量超大！想試嘅朋友可以早一日打嚟訂定以免失望！！✨泰式椒鹽鮮魷$268港式椒鹽鮮魷就食得多泰式都係第一次食整法有啲似明爐燒魚不過係魷魚版想試都係最好提早一日訂定！✨泰式燒牛肉沙律$198牛肉燒得啱啱好，中間仲係粉紅色而且又係份量勁多，兩大塊牛✨泰式生蝦 $138/6蝦肉多大隻彈牙新鮮，味道就一如既往仲有搭埋苦瓜，我個人最鐘意呢個配搭！✨泰式炸蝦餅$108✨薄荷青檸梳打$48