Luna Bar & Restaurant

Open Now

Now Closed

尖東方向麼地道附近有間位置比較隱蔽嘅天地泰國餐廳同埋酒吧入到去覺得啲音樂好啱聽，仲有個大螢幕餐廳裝潢係新式嘅泰國酒吧感覺燈光、裝修、餐具等等氛圍到感覺好好仲會有啲植物點綴見到有outdoor位置，狗狗friendly仲有啲VIP房，但入面大唔大就唔清楚啦有得掟鏢🎯又有得飲酒🍸 見到冇特別嘅套餐咁我就分開散叫食物了泰式木瓜沙律鍾意呢度嘅青木瓜沙律青木瓜非常之新鮮唔會太辣，啱啱好，適合香港人嘅口味泰式串燒呢一款係豬牛羊各兩串份量都真係唔少啊泰式家鄉煎蠔仔蛋呢個反而喺香港比較少食估唔到泰式嘅家鄉係會煎蠔仔蛋㗎🤣蛋香比較濃 而且蠔嘅份量非常之多粒粒大大粒配搭佢嘅泰國味道特色辣椒醬，超正注意，呢個份量非常之大！最後我哋係食唔晒㗎🥹原個菠蘿海鮮炒飯完個菠蘿炒飯，菠蘿燒到好軟熟師傅工架十足，炒飯炒到粒粒分明配料好足料！提子、肉鬆、腰果等等飲品方最近因為戒飲咗酒，所以點咗泰式奶茶泰式奶茶喺水準以上下次一班人聚會，我覺得可以過嚟呢度食物幾好，真正relax，又坐得幾舒服

泰菜x酒吧！掟飛鏢歎海南雞+冬蔭功 去咗尖沙咀嘅 Luna Bar and Restaurant，呢度將泰國菜同酒吧fusion埋一齊，一邊係型格酒吧枱，另一邊有飛鏢機玩，啱晒想chill住食飯又唔悶嘅朋友！環境燈光偏暗，播住輕快音樂，氣氛輕鬆得嚟帶啲玩味，打卡或聚會都一流。 海南雞先嚟個驚喜！雞肉去骨切件，皮滑肉嫩，入口完全冇雪藏味，仲有淡淡香茅香滲入肉裡。薑蓉、辣醬調得正宗絕配。 冬蔭功湯夠辣夠香，湯底用蝦頭熬出鮮味，椰奶比例啱啱好，唔會太creamy搶咗香茅同檸檬葉嘅香氣。材料有齊大蝦、草菇、番茄，蝦肉爽彈，飲完個胃暖笠笠，辣度可以自選，貼心！ 泰式酸辣去骨雞腳*係必點小食！雞腳醃得入味，酸辣汁醒胃帶微甜，蒜香同青檸味突出，雞腳爽脆冇骨，食到「嗦嗦聲」，辣勁慢慢滲出，送酒一流。 菠蘿炒飯就稍為普通，飯粒炒得乾身，有齊蝦仁、肉鬆、腰果，但菠蘿甜味唔算突出，如果加多啲咖喱粉香氣會更惹味。 整體嚟講，Luna勝在環境夠特別，食物質素中上，尤其海南雞同冬蔭功湯值得encore！人均$300左右，夜晚仲有Cocktail menu。如果想搵間有得玩有得食、唔使轉場嘅餐廳，呢度絕對

尖沙咀呢間餐廳嘅環境真係幾chill，有種悠閒優雅嘅感覺，啱晒同朋友放鬆下食飯。☺️我地點咗幾款泰國菜，第一款係香茅炸雞翼。上枱時熱辣辣，聞到陣陣香茅味，真係好香！雞翼炸得皮脆肉嫩，咬落去有啲微辣同香茅嘅清新味道，超級juicy，唔會太油膩。佢嘅調味做得啱啱好，香茅味突出但唔會搶咗雞肉嘅鮮味。🙈跟住試咗泰式豬頸肉，燒得外層微焦，帶點炭香，肉質軟腍又juicy，完全唔乾柴。佢用咗泰式醬汁醃過，食落有甜酸辣嘅層次感，夠晒滿足，份量都唔少。😁之後食咗泰式椒鹽鮮魷，鮮魷切得啱啱好大小，炸粉薄薄一層，咬落去爽脆彈牙，完全唔韌。椒鹽調味夠香辣，帶點蒜香同胡椒味，食到停唔到口。魷魚夠新鮮，無腥味。🥹最後試咗泰式青咖喱配蒜蓉包，呢個組合真係絕配！青咖喱濃郁順滑，椰奶味同辣椒香好和諧，辣度適中，唔會辣到咳。入面有雞肉同茄子，雞肉嫩滑，茄子吸晒咖喱汁，超入味。蒜蓉包烘得香脆，蒜香濃郁，軟硬適中，食落好有滿足感。😃

><係之前個friend提議嚟呢度飲酒先發現到有咁chill嘅地方 隔離幾枱都係外國人泰式燒雞(168/半隻)上枱時香氣撲鼻而來 果然需時製作肥美黃油雞已經有醃料調味 連內殼都均勻抹上 所以就咁食夠晒味泰式紅咖喱配蒜蓉包(118)其實青紅黃 邊種咖喱係辣d?!可以揀雞牛豬之外入面有茄子 車厘茄 菠蘿配料薄餅(38)本身咖喱配咗蒜蓉包 我哋嗌多個薄餅蘸汁浸滿汁之後塊薄餅仍然很酥脆泰式炒通菜(88)碟頭大份加入麵豉去炒 辣辣地幾惹味泰式椰汁冰(42)><><><><><><><><><><Luna Bar & Restaurant 尖沙咀麼地道41-43號地舖

話說我朋友知道我鍾意飲酒又鍾意食泰菜，所以話要帶我去尖沙咀一間餐廳食泰菜，依到裝飾好靚，又有房又有舞台仔可以有live show可以睇。今次2個人叫左3樣野食1. 泰式串燒（豬、牛、雞）： 呢款泰式串燒真係好鬼惹味！豬肉嫰滑，牛肉鮮嫩多汁唔韌，雞肉香而滑，而且夠晒大舊，食落真係好滿足！沙爹汁味道岩岩好，唔會話太多而搶左肉晒味2. 馬拉盞炒椰菜苗： 馬拉盞真係炒乜都咁正，椰菜蕃炒嘅時間岩岩好，唔會過淋，食到菜嘅爽口，而馬拉盞都冇過份搶走椰菜苗嘅味道3. 泰式豬手： 豬手係全隻，所以份量十足，豬皮煮到夠晒淋，食到豬皮嘅膠質，而且夠晒入味，好正，豬手肉一d都唔鞋夠，味道好好，唔駛額外再點汁，如果點埋佢本身d泰式醬汁又會係另一番風味整體黎講，餐廳食物質素高，份量又對得住個價錢，真係好滿足，而且氣氛都非常好，好岩三五知己黎飲酒食下野

位於尖沙咀「Luna Bar & Restaurant」由五星泰厨主理正宗泰菜餐廳，同時又是酒吧，座位設有室內外，環境非常Chill ，更設卡拉OK和飛鏢機讓，享受美食之餘，同時可以玩樂👍▪️泰式咖哩豬配蒜蓉包 $ 118Thai Curry Yellow Pork With Garlic Buns黃咖喱香辣味甜非常惹味，材料滿滿有爽口彈牙嘅豬肉、薯仔、洋蔥、青椒和紅椒，配上香脆的蒜蓉包，更加滋味，唔夠喉仲可以叫多個白飯撈汁，更加正▪️泰式海南雞（半隻 Half）$118▪️油飯 $28必食推介，超高質的海南雞，雞皮香脆，肉質細滑，而且夠入味，滿滿油香，沾上薑蓉和泰式香辣汁，超美味，當然梗係要配一碗雞油飯，飯粒完全吸收了香料和雞油的味道，兩者是最佳拍檔，缺一不可▪️馬拉盞炒椰菜苗 $ 118食泰菜最愛食馬拉盞炒椰菜苗，每次必食，椰菜苗炒得爽脆，馬拉盞香辣濃味，味道越食越想食▪️泰式龍眼冰超級清甜又濃郁嘅龍眼味道，非常有泰國傳統風味▪️泰式香芒沙冰即點即打既芒果沙冰，口感濃厚，芒果味香甜濃郁，完全好似食緊芒果一樣

Luna bar & restaurant價錢: $20一串/ $118/ $138/ $108/ $128好味程度: 3.7/5服務🍴: 3.3/5環境🗾: 3.7/5性價比🥢: 4.5/5!!回頭率😚: 3.7/5-尖沙咀真係太多野食。泰國菜除左soi29/asura，仲搵到呢間係小巷的泰國菜！見佢仲有私房，可以唱K👀有啲室外座位仲可以帶狗狗。泰國菜之餘仲有酒飲的！食物都幾大份，適合幾個人來share!-✅泰式串燒。正常的串燒，雞肉juicy啲，牛肉有啲柴，炭香味一般🤔沙嗲醬有花生粗粒，偏甜口味！-✅✅蝦膠炸皮蛋。個人好鍾意呢道菜🤩皮蛋係黃金皮蛋‼️個心可以溏心啲。蝦膠彈牙，薄薄一層，包住皮蛋大滿足🤪-✅泰式冬蔭功湯。記憶點無咩😶‍🌫️不過都多餸，有大大的蝦、大量菇、車厘茄，酸辣酸辣，味道正常。-✅✅青咖哩雞配蒜蓉包。鍾意呢個青咖哩🤭 入面好多菜！🍆、豆、粟米仔等等。有落椰奶，口感香滑d。雞用雞柳，唔鞋。味道微甜辣。蒜蓉包金黃色，有滿滿的牛油，夠脆🥳-✅泰式大蝦金邊粉。虎蝦有2隻，大的，唔中意佢包左粉炸，但咁做啲肉質係硬淨啲。中意個金邊粉夠酸‼️係我中意的味道。有小小茄汁+青檸咁，連花生

發現咗尖沙咀有間好正嘅泰菜餐廳+酒吧，有三部飛鏢玩，有唱K嘅stage，平時餐廳會擺嚟播住歌，仲有幾間大K房可以一幫朋友或者同事約埋一齊唱歌。食物方面，水準都好高，而且份量超大，嗌咗蠔仔煎蛋，虎蝦金邊粉同明爐烏頭。蠔超級新鮮，蠔味濃，size都唔細，蛋夠嫩滑﹐底仲有好多芽菜，點上泰式醬汁，好夾。虎蝦金邊粉炒得好香，配上花生碎，夠正宗，而且擺盤好靚，打卡-able! 明爐烏頭超級大條，好多肉，用咗各種泰式香料調味，唔會腥，有泰式爐烘住，上台夠晒熱辣辣。Overall餐廳食物質素高，環境幾靚同好chill，空間感足，啱晒同朋友聚會或者拍拖飲兩杯。

去咗尖沙咀一間酒吧餐廳食泰菜，估唔到質素都唔錯，酒吧餐廳入面有多種娛樂設施例如唱K、掟鏢等，亦設有室內外座位，休閒感十足！泰式生蝦賣相相當特別，生蝦非常大隻，蝦肉新鮮彈牙，每隻蝦都配上苦瓜、薄荷葉、蒜頭和辣椒，放置在兩種不同口味嘅泰式醬汁中，濃郁嘅泰式酸辣味在口中交織，瞬間將味蕾帶到泰國。泰式串燒雞肉、牛肉同豬肉燒得恰到好處，香氣四溢，泰式香料嘅味道滲透到每一串肉里面，越嚼越香，配搭兩款醬汁; 花生沙嗲醬和泰式酸辣汁，增添泰國風味。粉絲肉蟹煲肉蟹好大隻，蟹肉飽滿鮮甜，粉絲吸收咗蟹嘅鮮味同湯汁味道，又香又滑，非常好味，食落有驚喜。泰式鮮椰肉沙冰濃濃嘅椰香，冰涼清甜，口感絲滑，簡直是解膩神器。整體嚟講，味道正宗而且食材新鮮，令人品嚐到濃濃嘅泰國味！

喺繁忙嘅生活中，偶爾需要刺激一下味蕾，而泰國菜無疑是最佳選擇之一，每當胃口唔好時，總能勾起食慾⋯今日嚟到位於尖沙咀嘅Luna Bar & Restaurant⋯泰式燒豬頸肉 肉質緊實而富有彈性，燒烤後嘅外皮呈現出誘人嘅焦香，而里面又可以保持住鮮嫩多汁⋯搭配上特製嘅泰式醬汁，微辣中帶住一絲甜味，讓人欲罷不能！泰式燒雞全翼 雞翼皮香肉嫩，色澤金黃誘人。輕輕一咬，外皮酥脆同內里多汁嘅肉質形成鮮明對比，真係滿滿嘅幸福感⋯粉絲肉蟹煲 無疑是成餐飯嘅重頭戲！打開煲蓋嘅一瞬間，濃濃嘅香氣撲鼻而來⋯肉蟹肉質鮮美無比，粉絲喺煲中充分吸收晒蟹肉嘅鮮味同精華，真係十分之好食！令人食慾大開，一啖一啖咁停唔到口⋯ 餐廳除咗提供泰式美食之外，仲提供咗多元化嘅娛樂選擇，包括掟飛鏢、唱K等等⋯啱晒成班朋友食飯、飲酒、唱K直落⋯

放工約左朋友食個飯chill下，嚟左呢間喺尖沙咀嘅bar restaurant! 個位置都有啲隱蔽，喺大街見到啲signage先知道點街入嚟坐得舒服，幾好vibe見到有啲包廂有得唱k, 都有得擲飛標每日去到8點前都有happy hour! 紅酒白酒sparkling買一送一！都好吸引以上係餐牌有咩選擇～由於第二日要返工，就唔飲酒啦，嗌左杯凍泰奶試一試呢個串燒拼盤有牛、雞、豬，啖啖肉幾好味！配上啲沙嗲汁好惹味叫左個辣椒膏炒花甲，個碟好fancy🤣花甲都幾新鮮，個汁都好啱攞嚟撈飯～呢個叫做醉貓炒河，我地揀左雞肉！雖然唔知點解佢叫醉貓，但個河粉都炒得幾入味，唔會太油，配上少少辣椒去吊味，好惹味-總結：一間幾隱蔽嘅bar restaurant, 感覺幾適合一班frd嚟聚餐～

同朋友行過尖沙咀見到巷內呢一間可以食泰菜嘅酒吧決定入去坐低場內有十幾人慶生又有外籍人士泰式大蝦炒金邊粉 份量足夠 兩隻蝦都好大隻而且同出面食嘅唔同有先炸過的另外必點泰式酸辣鳳爪 其實鳳爪但佢個汁真係一絕 好辣但真係好惹味 🤤嗜辣嘅一定要試！泰式燒茄子燒物最愛係茄子多汁又入味仲點左道魚鹽燒大烏頭呢個不得不讚，燒至係乾身 真火燒 外脆內軟 必食呀！播啲歌夠大聲又高質重點係佢地有唱K房！好驚喜以後想食泰菜飲酒唱K多左個好去處

地理位置方便，裝潢悠閒優雅，還有live band 及掟鏢和beer pong等飲酒遊戲，氣氛一流！更提供包房，價錢由人均300-500元起。特別適合同朋友一齊去放鬆下。Happy hour 時段是每天的三點至八點。有買一送一優惠哦！ 食物方面，份量也很大！性價比超高，會不定期更新菜單，是不是有新驚喜。食品推介泰式串燒：1 set 有隻豬牛羊三種口味，肉質嫩滑，醬料香辣過癮，串燒仲帶咗啲泰式香料，食落好有驚喜。泰式豬頸肉炒芥蘭：豬頸肉入味，炒得剛剛好，芥蘭保持住啲脆度，兩者結合食落好有層次感。泰式乾炒牛河：呢個係驚喜！牛肉炒得靚嫩，河粉吸滿香料味，雖然係乾炒，但一D唔會乾，也不會很油膩。泰式牛油果香芒沙律：好夏天！牛油果同芒果嘅鮮甜，配合泰式醬料，酸甜適中，仲有啲脆口嘅西芹同洋蔥，一個清新嘅選擇。

今日係我同男朋友嘅拍拖紀念日，所以我揀咗一間尖沙咀嘅泰式酒吧慶祝，呢度環境靚，氣氛非常好，啱啱好適合我哋慶祝呢個特別嘅日子。入到去之後，服務員態度好好，仲主動幫我介紹菜單。餐廳嘅選擇真係好多，我哋兩個人最後決定叫四款食物！我哋叫咗牛肉串燒、大蝦炒金邊粉、黃咖喱雞配蒜蓉包同埋泰式燒雞。首先上嚟嘅係牛肉串燒，牛肉串燒香氣四溢，肉質嫩滑，燒得啱啱好，外面有一層微微焦脆，裡面又多汁，食落去真係好滿足。配上少少酸辣醬，味道更加出色！接著就係大蝦炒金邊粉，呢道菜色澤金黃，蝦肉新鮮，炒得香味撲鼻。金邊粉滑順，搭配上蝦肉同埋蔬菜，味道都好均衡，食落去有種幸福感。然後就嚟到黃咖喱雞配蒜蓉包，呢個組合真係好特別！黃咖喱味道濃郁，雞肉煮得好入味，咖喱醬香濃，搭配上蒜蓉包，真係好好味！蒜蓉包外脆內軟，吸收咗咖喱醬，食落去又香又滑，實在太好味！最後上嚟嘅係泰式燒雞，呢道菜色香味俱全，雞肉燒得外脆內嫩，味道咸香，搭配上特製嘅醬汁，正！🤤🤤而且雞肉冇腥味，完全可以感受到新鮮嘅食材質素，真係好過癮！雖然我哋叫咗四款菜，但兩個人食唔晒，真係有啲可惜，不過每樣都好好味，值得我哋慢慢品嚐。飲品方面，我哋冇特別叫酒，但呢度都

係尖東有間位置有小小隱蔽，但環境好闊落有feel 既泰菜，同媽咪2個人食左 3樣野，好好味😋好滿足☺️💕🌟泰式生蝦 6隻 👍🏻👍🏻👍🏻👍🏻👍🏻👍🏻一上檯好精緻，好靚，打卡able☺️生蝦有苦瓜、辣椒、蒜頭做配菜，裝住生蝦嘅杯底下仲有分別青色同埋紅色嘅泰式醬料🤤🤤🤤識就有啲似係泰式辣醬咁嘅味道酸酸甜甜，綠色呢就有啲清新青青地有啲芥末嘅味道👍🏻好食🤤🌟芒果蟹肉炒飯 👍🏻👍🏻👍🏻👍🏻👍🏻👍🏻如圖所示，芒果大大塊份量都多芒果又甜又新鮮🤤🤤蟹肉份量都好多，配埋個炒飯好好食，大大份抵食👍🏻👍🏻💕💕☺️☺️🤤🤤🌟泰式炒通菜 👍🏻👍🏻👍🏻👍🏻👍🏻泰式炒通菜，同樣都係份量好多，泰式醬唔會話太鹹，但又好惹味，炒到通菜好入味，好好食，用嚟送個蟹肉炒飯，一流🤤🤤💕💕🌟青咖喱牛配蒜蓉飽👍🏻👍🏻👍🏻👍🏻👍🏻👍🏻咖喱有得揀青咖喱黃咖喱定係紅咖喱，我哋揀咗青咖喱，亦都有得揀牛雞豬，我哋就揀咗牛，配埋3塊大大塊，烘到好香口脆口既麵包🥖，麵係好好食🤤🤤💕青咖喱唔會話太辣，但又有龍龍嘅咖喱味，牛肉都好滑，都好足料👍🏻👍🏻下次如果想食泰菜又係尖東，一定會再嚟試吓佢其他菜式，性價比都好高，大推👍🏻👍🏻🤤💕