冧廚 (Closed)

話説自從漢陽苑收皮之後，想係屯門食韓燒真係好貴。星期日晚…決定試下依間!想話個地圖mark錯左位置…7:30pm 無book枱…兩個人…埋單$3xx即刻有位…間店不大…等店員開爐已經可以岀去拎野食…有熟食有甜品…肉類選擇不多但係都幾入味…我覺得辣魚柳好味!其他肉好似太大塊…再細塊少少可以食多幾樣…另外…店員態度好有禮貌…讚！總結抵食…！成件事係滿足既!!!!!佢比我地食到9.45pm左右…食左一個鐘都飽晒!!!

屯門工廠區竟有韓燒自助，剛新開張，只$118(訂坐，7:30前埋單)要試下。裝修唔錯，有幾樣熱食，湯，泡菜等韓式食品，罐裝飲品任飲，仲有雪糕，雪糕糯米滋，蛋糕芝士餅等，烤肉質素以價錢計十分好，幾四正，厚切，唔會一味靠調味，味道唔錯好食，當然$118任食你唔可以同$288一碟既牛肋骨比較，擺放企理唔似戰場，總括係十分超值。老細(估計)態度又好看得出係用心經營，希望小店得到支持。唯一要改善係抽風，亦係為自己同員工健康著想。