冧廚 (Closed)

屯門工廠區竟有韓燒自助，剛新開張，只$118(訂坐，7:30前埋單)要試下。裝修唔錯，有幾樣熱食，湯，泡菜等韓式食品，罐裝飲品任飲，仲有雪糕，雪糕糯米滋，蛋糕芝士餅等，烤肉質素以價錢計十分好，幾四正，厚切，唔會一味靠調味，味道唔錯好食，當然$118任食你唔可以同$288一碟既牛肋骨比較，擺放企理唔似戰場，總括係十分超值。老細(估計)態度又好看得出係用心經營，希望小店得到支持。唯一要改善係抽風，亦係為自己同員工健康著想。