農場烤魚火鍋專門店

Open Now

Now Closed

今日同同事四人行經黃大仙做嘢， 辛苦一日，晚餐都想慰勞自己一下，同事見到有串燒放題就提議入嚟試下，店員帶入卡位就坐，感覺環境企理。睇咗下餐牌，發現原來這間放題有很多串燒任食。店內提供牛、豬、海鮮，多春魚、雞翼、蒜燒生蠔等等等⋯⋯多到數唔晒，店員服務態度好好，會細心介紹特色嘢俾我哋。串燒味道很好還有很多特色的味道提供選擇，海鮮方面亦有驚喜~食物又好食，另外仲有多款炸物，好食，款式又多，值得再去👍🏻👍🏻👍🏻

3日30號下午，作為一個優秀的義工開始左忙碌下午，潮人商會連同蔡子健議員辦事處響彩雲邨搞48圍盆菜宴，大約3點左右我地十幾位義工黎到彩雲邨藍球場，已經見到農場盆菜D工作人員響度佈置場地，佢地都好快手上好曬D爐，碗筷，汽水，生菜，5點開始陸陸續續好多公公婆婆到場，一陣間已經坐滿曬，蔡議員響開席前同D公公婆婆攪下氣氛，主角盆菜已經在爐上加熱，一打開陣陣香味撲面而來，大大盆好多餸，味道一流，唔洗25分鐘成個盆菜俾D公公婆婆消滅曬，佢地仲加飯撈汁食😍，見到佢地食得好開心，食完盆菜仲有每人一袋禮物，終於公公婆婆食完走曬我地成班義工先坐低開始食，全程農場盆菜D員工好幫手，D嘢又好食，問左佢地羅左資料，下次一定幫襯~

星期六，慈善機構一年一度慈善盆菜宴會喺鴨脷洲誠信廣場的空地擺下29圍的盆菜午宴~我們要12點左右開始食, 期間看著盆菜到會,服務人員很爽手， 對場地的整個set up, 由貨車把檯檯櫈櫈搬來. 再把是日的盆菜, 按預定時間運來. 一盆盆的大盆菜, 上面蓋了鍚紙. 檯,櫈 已預先鋪好檯布. 再把gas爐放上去, 之後再一次性餐具, 服務員亦醒目地給予大量筷子作為公筷 ~蒸餾水12支, 只兩三下手勢, 乾淨利落已經搞掂. 等, 是等盆菜端上來.今次第一次由農場盆菜包辦我們的大宴會.我們位於香港仔區, 要order黃大仙既盆菜, 證明其水準同經驗是非常之超卓. 說回盆菜，一貫的傳統盆菜, 不過已經升呢, 傳統的如碎元貝鋪面，炆大冬菇，炆腩仔肉, 大蝦, 切雞, 燒鴨, 豬皮, 魚蛋, 芋頭，蘿蔔....樣樣齊全. 盆菜汁, 因為有炆豬腩肉的原因吧, 有香濃既南乳味. 下面撈上來的蘿蔔，芋頭, 豬皮, 魚蛋等等, 被這個香濃的汁包圍著, 好入味, 並且充滿風味.感覺永遠吃不厭~

以往大時大節都會食盤菜，一家大小圍桌共食，共聚天倫。 時至今日，盤菜愈來愈普及，每近新年好多大型連鎖中菜餐廳都有供應，甚至快餐店亦會有盤菜嘅踪影。 但我就唔多啱嗰D新派盆菜口味，總要食返最愛嘅傳統味道，而呢度就係我嘅第一選擇。大盤係約12人份量，訂咗日子同時間去拎，就拎回家自己翻熱喇！返到屋企，放上爐上加熱一陣至微微出煙，再打開封住表面嘅錫紙，一陣陣熟悉嘅香味引得我口水流！食材依舊堆到成個山丘咁，比較貴嘅食材會鋪滿表面，有鮑魚、元貝、大蝦、蠔豉、冬菇、切雞、燒鴨、等等，下層就係豬腩肉、魚蛋、豬手、芋頭、豬皮、蘿白。通常我會由面層食起，一來係座山太高，二來係因為面層嘅食材唔會好吸味，煮太耐只會變老。雖然唔好睇，但建議大家一路食不妨用公筷摷亂下，當你食到下層嘅時候，你就會發現原來下層已經嘅食材已經吸曬所有食材嘅精華，豬腩肉、豬手、芋頭、蘿蔔等等平時呢D唔起眼嘅食材，會變身成為美味非常嘅極品！

每年過年都會選擇食盆菜，食左幾年都係農場盆菜呢間整得最好~十三人一致通過呢個盤菜非常好味,不會很鹹也不會很淡,味道合適,最重要:用料份量十足,好大堆頭,唔會碎濕濕,寒寒酸酸~蝦提供是泰國大蝦,肉質爽,不會綿綿爛爛，炆豬腩肉,是真正五花腩,肥瘦很均勻,也不會很肥膩,很入味,入口即化,好軟嫩,每件都有如手掌心般大,也很厚肉(不計算手指位).白蘿蔔,豬皮,枝竹,花菇,都很有份量,全部都大大件！不會碎濕濕~花菇厚身,大隻,又爽滑,枝竹條條都夠焾,沒有硬塊,這幾樣吸收晒腩肉汁,非常好味道,令人津津樂道.而當中最令大家驚喜除了豬腩肉,蘿蔔外,原來就是魚蛋,粒粒有如超大草菇一樣,非常爽口彈牙~~~以後食盆菜一定幫襯呢間~

過時過節，一家人一係喺屋企打邊爐，一係去酒樓食飯。今年就試下新款式，叫盤菜。問過幾個朋友，因為我想試下D正宗既，朋友就介紹左呢間農場盆菜之家既盤菜俾我。嘩個盆菜一拎上手就知勁 佢話6-8人食 我們覺得10個大人都夠 🤔返到屋企 煲返熱 就食得 好方便農場盆菜 盤面既腩肉肥瘦軟林啱啱好，燒鴨切雞都唔錯。鮑魚蠔豉食到lamlam脷。盤底D料仲正。豆卜，冬菇，豬皮同蘿蔔，芋頭 都好入味，係盤底吸晒D味超好食。最估唔到係魚蛋夠晒彈牙。朋友真係冇介紹錯，總括而言，值得再幫襯。

每年過年都會食好多盆菜，但食咁多間呢間整得最好。雞好滑😁，豬肉糸盆菜精華所再👍👍👍，又香又入味，好市同冬菇大大隻，羅白炆得夠淋夠入味，猪皮好爽。啲汁用黎撈飯，一個字-正。雖然盆嘅菜式唔多，但咁先係正宗，極力推介

黃大仙農場盤菜，外賣自取， 蘿蔔，豬皮，芋頭 蚊得入曬味。🐷手，腩肉，炆得有夠哂林，肥瘦剛剛好。 魚蛋出哂名，真係好彈牙，又大，呢個係細size盆菜。 蝦🦐又大隻新鮮 。蠔豉又大隻又甘香.白切雞🐔好滑又大件，價錢合理.介紹左俾我幾個老友訂，個個食完都話ok🍲

2月2號 我們一家提早團年-細佬訂了盆滿缽滿 準時送到!汁料分開!好窩心❤💓齊人開心團年!7点放汁加熱後開錫紙嘩!🤗🤗好靚呀!原來有21個餸! 樣樣都好好味😋 最出色🤗🤗系 沙爹魷魚 同農家走地雞超滑有雞味吾似冰鮮! 爸爸媽媽食最開心! 個人意見值得推介

烤魚套餐每位客人，系每位客人需$10醬油費,10%服務費，再加$20附加費如果你系星期五至日，公眾假期及前夕。上面收費寫系一張a5宣傳單底部，以相對唔明顯的方式展示，如果你見唔到，唔緊要，收費時，你就會知道噶啦。如果店家唔系有心，盡快換左張圖啦，附加費甘敏感的部分真系要交代清楚，真系無咩長遠好睇，生意唔易做，望好好改善。

1. Hidden in Wong Tai Sin, 農場烤魚火鍋專門店 offers a variety of great all-you-can-eat deal for you to enjoy their signature grilled fish in broth, chicken pot, as well as sides and skewers.2. We opted for sour & spicy soup base for our grilled fish. The grill fish is really good that we (a gang of three) topped up for 3 times, aka we ate 4 fish. The pickles and vegetables are awesome, however, they are not included in the refill list.3. The black truffle fries are great too, even though the black powde

今日路過見新開無耐未去試菜，霎眼間見好似好抵食咁，我就慢慢走進呢條伏の路。。 到底知唔知呢個咩區分？ 做街坊生意點解醬油要另計？ 點解FRI-SUN & 紅假又另計？仲要加埋一添！？ 成件事咪變晒囉~~ 一d都唔抵食店舖裡面環景，枱櫈密密麻麻， 好彩我地早黎，未至於有迫埋一堆既感覺。真係窄~窄~窄~好！主角出進場 烤魚(蕃茄湯底) 湯底三選一：蕃茄湯/酸菜湯/麻辣湯盤烤魚上枱時魚已炸起先放落湯內，所以等湯底再滾起，我地就開動起筷。魚肉尚算OK，無乜泥味。蕃茄湯就應該用上大量蕃茄膏，食落慢慢會有d口乾。p. s. 呢個餐仲無野飲跟，又要另計費大魚大肉餐是包括紅、綠二款點菜紙既食物。燒物(綠紙)﹕豬、牛、羊、雞 炸物(紅紙)﹕蒜香雞槌、黑松露薯條 及 三款薯餅燒物：雖即叫即燒，不過肉質麻麻，孜然粉蓋過晒肉味薯條：黑松露粉唔多(見圖) ，所以味道唔太出，但即炸夠熱都好好味。蒜香雞槌：應該係返炸，有d乾身，無乜肉汁紫薯餅：呢個OK既，都好有紫薯甜味。 仲有個任食雞煲(是濕雞煲) ，唔可以講唔好食，不過d雞件好鬼大舊，野味程度不足，唔會令人有所衝動去 refil 大魚大肉餐仲有個小型海鮮拼盤今

好久沒吃烤魚，今晚就一於去朋友曾經讚好過的農場烤魚火鍋來個重口味烤魚之夜！去到黃大仙飛鳳街就發現有一間主打烤魚既餐廳，重點係仲可打埋邊爐，一石二鳥實在太吸引！可能我地都比較早到達餐廳，所以唔洗等都已經有位，而且餐廳裡面卡座坐得非常舒服，同朋友一邊打邊爐一邊傾計就最合適不過啦。因為我朋友都唔太食得辣，所以我們點了一條番茄烤魚（見到隔離檯點了麻辣烤魚，賣相非常不錯，如果可以食辣的朋友絕對要試試。）唔使10分鐘，烤魚就黎啦！烤魚一上檯，估唔到咁大條！已經見到茄湯香濃而且有大片蕃茄，蕃茄的味道非常濃烈而且聞落好惹味，食落鮮甜醒胃,魚係煎過的，魚皮最正，脆口，魚肉好入味，魚肉也都嫩滑多肉、完全冇魚的腥味，鮮茄味浸入晒魚肉，所以食落味道好舒服，蕃茄味滲透整條烤魚，越食越停唔口！最後，一定要強烈推介這裡仲配有肥美嘅海鮮，廣島蠔、北海道帶子、扇貝、紐西蘭青口等等，好滿足！真係物超所值，大快朵頤啊！如果大家經開黃大仙，可以考慮嚐嚐這間餐廳的烤魚和打邊爐，既是聚腳地又可以品嚐好吃的烤魚。 整體來說，這家餐廳質素不錯，值得推薦給大家。

我同個F都係魚不歡，想喺黃大仙附近搵食，要找一間性價比高的餐廳實在不是易事，友人就為我介紹了這間位於飛鳳街嘅農場盤菜之家，點咗我哋大愛嘅A餐$58蕃茄烤魚，好快, 一個長方形的盤裝住一條成個盤咁長的魚上枱,魚面鋪滿了炒香了的蕃茄, 魚的四邊也放滿了洋蔥, 香芹, 大蔥等等的配料, 魚可長期保持熱度。而且聞到好香的蕃茄的味道, 非常吸引, 用爐火馨住個魚盤好快功夫己經開始番滾, 味道也越來越香濃！原來鯇魚都可以咁好食！！！另外，還可跟蕃茄一起吃以刺激一下口腔更為惹味。魚肉質很鮮嫩厚實，全冇泥腥！魚是鯇魚🐠🐠🐠, 雖然有骨, 但肉質好鮮嫩,魚骨都是大大條很容易取出, 所以食起上來都不是太複雜, 少少酸少少甜, 很是開胃, 除咗魚好食, 個盤裡面的配料香芹, 洋蔥及大蔥一樣都是咁好味, 全部煮到入晒味, 又索了魚的鮮香, 這些配料超好味! 好似將酸甜提升至另一個境界！ 最開心是加$28蚊仲可以多個雞煲🐔🐔，雞肉肉質滑嫩,吃起來相當的多汁又鮮甜。好著數超抵食！好滿足！！我哋飽到幾乎要扶墻走😘😘😘！下次我行開來黃大仙呢頭, 我都會再幫襯!

魚 不是人人都鍾意食，而我本身係個愛魚之人，任何魚我都來者不拒，妹妹前晚提議食烤魚，今晚就同屋企人去黃大仙試試烤魚，價錢由$58-$148不等，魚、辣度、麻度都可以按自己喜好自由選擇💓我們選定魚餐，先來前菜四小碟，到烤魚的部分，全條魚早已烤至全熟，上枱時再滾一會使其更入味，魚肉結實，肉質嫰滑鮮味，重點是沒有魚腥，連怕魚腥的妹妹都敢大吃🐟 雞鍋很有水準，跟出面雞煲專門店沒大分別，雞件嫰滑，湯底濃郁帶麻，加入配料一起滾，超！入！味！計番上黎價錢不貴，鍾意食魚既你不妨一試❤️🐟