農場烤魚火鍋專門店

Open Now

Now Closed

昨晚同家人到黃大仙農場食飯，食物水準比想像中好，而且職員態度都好nice，環境企理，烤魚好味，另外串燒又有驚喜，薯條，炸洋蔥圈，燒粟米，樣樣我都中意食，用的配料跟我上年上去的成都近似，可能為適應港人所以麻味較淡，食左好幾次，我會介紹好多家人朋友食佢烤魚同雞煲👍👍👍

平時小去黃大仙食野，但我本身鍾意食烤魚，朋友話佢屋企個邊有間開左好耐嘅烤魚雞煲，咁就叫左多個朋友3個人訂埋位，訂左7點鍾我地3個6點45錫就到左，都幾爆場下等左成4個字先比到位我地，我一心諗住食烤魚，點知有驚喜，原來依間餐廳主打係有埋串燒任食，叫左個蕃茄烤魚，個湯幾濃魚都ok，但3個人好快就食曬條魚，我朋友就叫串燒食，串燒豬同牛都幾好食，又平一個人都係一百幾，十分平民嘅餐廳，下次一定再黎食串燒，佢依加重有個環球串燒係食海鮮，過幾日有屋企人生日， 一於叫埋屋企人嚟一齊食海鮮~

昨天去食過，同4個朋友一齊訂枱，朋友架車泊左係雙鳳街停車場，依間似家庭式營運，招呼尚算ok,我另外叫左份蔬菜$32足成斤重，老闆好好人1份菜可以比我揀2種蔬菜，叫左蜂蜜雪梨2渣，雞煲雞肉都好大舊！其實吾洗追加，串燒及炸物叫1份都好飽，會繼續支持！

Lee間餐廳唔算好大，但環境整潔乾淨，位置坐得舒服，好在行快幾步喳，坐底無耐已經爆場💣，仲不停聞到燒烤香味添！睇咗點餐紙，樣樣都好吸引好想試😍，我同友人一致選擇串燒+烤魚任食放題，一次滿足兩個願望💨💨。我怕辣所以友人遷就我點了蕃茄烤魚，魚肉質感很滑啖啖肉滲入湯汁更鮮味更醒胃而且配料又多！我個人總結，今次食物點了唔辣，下次可以試下點麻辣蕃茄或者酸辣，我相信會另有一番風味！同埋要再試下其他野食！不得不提侍應的工作態度，佢地笑容常掛臉😊，很多時都積極工作，仲主動服務我們，這樣的表現令到作為食客的我們食得很開心❤，一定俾個like👍佢地！

同兩個同事6點左右喺黃大仙做完嘢，就正當大家煩惱食咩之際，見到呢間串燒舖有香噴噴嘅味道攻出嚟💨💨，嘩！！！75分鐘串燒任食放題，💥激抵！唔理咁多，一於就佢喇。可能時間尚早，我哋見到份Menu ，串燒、炸物、小食品種超多，蒜燒生蠔好大隻、好肥美。值得一提係，有時係其他地方食雞肉串係好乾好，但呢度嘅串雞肉係 嫩滑同埋唔乾身，好香口，一食有驚喜！抵讚！👏🏻 最後大家都覺依餐好滿足，真係值得再嚟！💓

以往都是買別家的盆菜，試了幾年感覺冇驚喜，所以今年決定轉一轉，經朋友介紹,第一次食農場盤菜,果然無介紹錯~一打開，嘩!!! 賣相比我早幾年買的那個要漂亮很多，非常足料!!! 切雞非常嫩滑，還有超級大隻的泰國大蝦!!! 主角之一的鮑魚、元貝有十隻，炆得非常淋和入味，所以一分鐘便被搶光了!!! 豬腩肉份量也很多，而且肥瘦分明，又鬆軟又淋!!!我最喜歡的還是蘿蔔和魚蛋!!! 前者非常入味，後者彈牙可口!!! 各位長輩和賓客都大讚好食!!! 我亦認為這一家盆菜味道不會太濃，亦不油膩!!! 試了這一家比往年的好，反應也不錯，由打電話訂購,到取貨,最後食完,完全有讚無彈~相信下年會繼續幫襯~~~

每逢大時大節,叫盤菜都係唔錯嘅選擇。農場盆菜呢間盆菜好出名，N年前已經食過幾次了，咁耐無食過唔知味道係咪能夠保持水準呢? 拎個盆菜去煮10分鐘，然後先至拎出來放在電池爐上，滾起汁液由盆邊溢出，盆滿砵滿啦！掀起錫紙即時香氣四溢，材料豐富有大蝦、切雞、燒鴨、腩肉、魚蛋、冬菇、豆卜、芋頭、豬皮和白蘿蔔。大蝦好新鮮，係鮮甜爽口嘅，雞鴨都唔係鞋嘅，魚蛋都幾彈牙，芋頭夠棉，個人覺得腩肉、蘿白好入味,整體嚟講，價錢唔算貴，份量係夠12個人食嘅，味道就一如既往嘅好味，如果一班人屈係屋企唔想煮，想食吓其他嘢都不仿考慮一下~

同幾個朋友仔喺鑽石山行完街想搵間餐廳食總要任食真係難過登天上Openrice介紹呢間又有烤魚又有雞煲又有串燒總要有8折就走去試試間鋪係有啲難搵，要行少少路上山唔知點解門口仲要有兩個名差啲搵唔到😂入到去，我哋揀咗酸辣烤魚，同任食火鍋配料串燒小食果set 烤魚佢本身有燒過，好惹味串燒牛豬雞三款，個人覺得雞最好味值得一題，佢啲配菜都幾正，麻辣青瓜大推整體來講除咗個location有啲難搵，其他都唔錯 呢個價錢食到咁多選擇嘅嘢

我同男朋友都好鐘意食串燒，放假懶得煮飯仔，就走左去黃大仙食放題式串燒，每位$98 任食，老實講價錢真係超值、抵，估唔到一試有驚喜😜！！串燒選擇夠多 ，豬、牛、羊、雞、魚、蝦、瓜、菜…… 多款選擇，仲有小食，肉質還算新鮮，味道不錯💯，估唔到仲有驚喜之作，炸物味道佳，上檯熱騰騰，脆卜卜，好香口！真喺勁好食😋！仲有新鮮原隻生蠔及扇貝，鮮味十足，又肥美，食咗無肚痾，絕對係安心推介👍，服務態度不錯，坐後無耐，店員會詳細介紹，又熱情，值得再去！

香港地勝在平貴都有好嘢食 ，黃大仙更有不少臥虎藏龍的貼心餐廳💓，就好似呢間食肆咁。價錢而言，非常親民👏🏻，無限追加串燒同雞煲先至係$78/位💰。事前打電話去訂位☎，準時去到，店家真係留咗卡位，環境乾淨舒適企理。串燒🍢、炸物🍟🍗款式都幾多下，又有D特別款式，食材靚又新鮮，燒得剛好🔥，不會過乾，外脆而内裏仍然有汁。香氣四溢，口感亦有層次😋。值得一提是蒜蓉燒生蠔，香氣從遠處傳來，連蠔殼也燒得微焦，配上香蒜辣椒蔥粒，肥美新鮮中帶香辣，忍不住食咗幾轉🍻。雖然係港式串燒，不過燒得幾用心，食物好味！招呼週到💯，值得下次再幫襯🙋

早幾日放假喺屋企冇咩嘢攪，約幾個老友去飲下酒啤啤佢，老友介紹左佢屋企附近有間串燒鋪，有串燒又有啤酒飲，話D食物款式超多，75分鐘串燒無限追加，激抵食。夜晚10點幾過到去都有好多人，店內傳來陣陣串燒香味，聞到都想食了，等左一陣老細就好熱情出黎招呼我地，老細仲好好人響門口開多張枱俾我地4個人，成班食肉獸叫左雞串、牛串、羊串、豬串，連埋雞煲擺到張枱滿曬，D串燒燒得啱啱好，又唔會好燶，好香口，大家密密食，吹吹水，不知不覺就食左成枱嘢飲左十幾支大啤，夠哂皮，開心的一夜

喺FB見到黃大仙農場串燒放題好多好評，睇到D食物圖片都流曬口水了😋。今晚終於有機會一齊嚟食，難得book到位，店舖及所有用具非常清潔及乾淨，雖然店舖唔算好大，但座位舒適，唔會覺得好擠迫。食物品種選擇非常豐富、繁多。即點即燒串燒的。食得串燒，就預左要等，畢竟慢功出細貨🔥。但出乎意料，串燒上檯都算快，並且非常新鮮熱辣辣。食得出食材新鮮，串燒燒得剛好。蒜蓉生蠔、青口、蒜蓉粉絲扇貝、一口和牛、一口豚肉、金菇肥牛卷、娃娃菜、雞肉棒等等都非常不錯！性價比超高。絕對會再去幫襯，值得推介！🎉👍記得一定要預先訂位。

同幾個同事咁啱去開黃大仙做嘢，6點左右夠收工，當然一齊食D好嘢慶祝下🎊，一諗就諗起FB多人推薦嘅串燒雞煲放題。人均100元左右，放題喔，仲想點！叫咗麻辣雞煲🍲，雞肉食落唔會鞋口，醬汁濃郁仲麻而香辣，十分惹味😋。辣椒、青椒、胡椒、洋蔥等，啲雞爆到好香口又入味，食到「雪雪」聲（因為辣）但又停唔到口。串燒款式好多🍡🍢，香味十足。基本上都是燒完即刻上枱，仲聽到滋滋的聲響就是賞心悅耳。👏🏻，總括嚟講食物味道不錯，款式多，價錢得宜，坐得舒服，三五知己間中來一聚十分合適👍🏻。

返工很疲累，放工當然想鬆一鬆，肚餓唔一定要食茶記嘅，串燒都係一個好選擇，今晚就約咗朋友前來黃大仙食串燒談天說地。Menu有多款串燒、烤魚、雞煲、海鮮、蔬菜、各式奇式，應有盡有、仲有我至愛嘅啤酒，很適合約朋友來吹水，慢慢傾 ，慢慢食！串燒店其中一個好處就係唔洗自己燒，唔洗整到自己一身燒烤味，都可享受美味的燒烤。值得一提，佢嘅原條茄子燒得好淋，輕輕一夾，已經可以整條拉起，吸收晒上層的蒜蓉，自行加入調味粉後變得非常火辣惹味，仲有燒韮菜，每條韮菜都夠水份，唔會燒到乾身，口感極爽口。朋友都話唔錯，有下次，值得推介！

餐廳自從今年一月收爐後，我不時經過都會入內詢問訂座，店員話因爲舖面裝修，暫停堂食，等左半年佢終於恢復堂食，無左羊腩煲，唯有試下雞煲。根據宣傳單張，每位$28任食60分鐘雞煲，訂枱後，店員突然反口話要$48位😡要4位以上才有每位$28的優惠😡我望晒成個post都冇呢個條款，理論一番後，店員又改口說可以享用優惠價，但沒有宣傳單張上的鮑魚，反正我之前試過果粒「疑似鮑魚」，細如茶匙，口感味道一般，有少少似麵粉，不吃也罷。入到餐廳，舖面裝修完全冇改動過，當晚十分冷清，客人唔多，只坐左約十個客。停業後食物品質大不如前，以前的賣點係雞煲上到枱先計時，依家入座已計時，等左10分鐘先有得食，頭一輪的數量比追加多少少，配料有蘿蔔、豆卜，我一家三口每人分到四件，每次加雞又要等10分鐘，有次仲漏單，勁多雞頸、雞腳、雞翼尖，有d更肥到食唔落🤢，每人每次只有兩件雞食得，仲要超咸，飲左兩罐汽水都仲好口渴🤢，離坐前15分鐘，在無通知的情況下已被last order，都唔知食左d咩，以後都唔會再幫襯😡我寧願比多少少去隔離區，已可以食到有質素的任飲任食放題。