Video
Telephone
26141913
66968072 (WhatsApp)
Payment Methods
Above information is for reference only. Please check details with the restaurant.
惹味椒鹽豬扒最近有個同事係咁推介喺公司行五分鐘路程嘅龍鳳餐廳，話個椒鹽豬扒飯好高質，今次終於跟左佢黎試。椒鹽豬扒飯$55終於明點解佢咁推介，啲豬扒好大塊同塊數多，上面舖滿紅椒炸蒜，賣相好得的確好令人垂涎三尺！食落豬扒幾乾身唔會油淋淋，呢點好加分！帶我黎嘅同事今次試新野，係芝士燴牛肉飯$56, 想重點講啲芝士汁真係有好多，芝士汁creamy得黎唔會太稀，撈晒成碗飯絕對夠呀，牛肉砌粒咬落腍身。數過有超過十舊，其實真係好抵食！平時lunch得果一個鐘黎呢間近近地食真係幾好嘅推介～攪到我食完都係咁推介另外嘅同事😂
continue reading
1. 避風塘銀芽豉油王炒麵份量好多~麵條炒到外表微脆而內部柔韌，同炒得乾爽乾爽、條條分明，不會糊成一團團或者炒到油淋淋, 夠晒鑊氣~配埋銀芽的爽脆~口感豐富~味道方面有濃郁的醬香同鹹香味~好惹味! 真係越黎越少茶餐廳煮避風塘銀芽豉油王炒麵!2. 椒鹽豬扒飯好多塊豬扒, 椒鹽豬扒通常經過醃製，然後裹上薄薄的麵粉或淀粉炸至金黃酥脆。外皮香脆，但保持著豬肉的嫩滑，口感十分豐富。椒鹽的調味恰到好處，一點點鹹香同微辣。搭配白米飯，食到停唔到口。3. 凍奶茶:奶茶香氣濃郁，口感滑順。而且好冰凍~清涼的口感。
continue reading
是日靚早去左荃灣有間工廈餐廳食，位置喺南豐紗廠就近，地下舖位，唔使搭lift搵黎搵去。環境大、乾淨，有時都幾多食客，有一定保證。揀左個靚早，包括有火腿通粉，炸雞扒，吉列魚柳，熱奶茶。廚房同待應好快手，唔使十分鐘就上齊野慢慢嘆🤪通粉係細粒通份，但勝在量多，自己慣左會落胡椒粉食。炸雞扒同吉列魚柳可見同樣份量大，雞扒面頭充滿油香肉質嫩！魚柳炸粉厚度合適，脆卜卜，魚肉滑得黎實鄭，唔會一咬就散晒，做到我中意嘅口感👌奶茶都係做到我中意嘅絲滑口感，茶底香濃，多奶好好飲！！
continue reading
食過一次，感覺好抵食，今次再來二訪 😆😆😆乾炒豬扒公仔麵 $54：豬扒都比得幾多下，肉既份量差點吃不完。醬汁多和麵條很夠彈性，炒得恰到好處。經典的港式麵食，很有風味。窩蛋免治牛肉飯 $51：這道免治牛肉飯搭配窩蛋仲要係流心個隻，一個字「正」可以混合埋飯同肉醬一起吃，味道好夾，飯餐有豐富的蛋白質食完好有滿足感。免治牛肉的口感嫩滑，配上飯食非常美味。呢個餐廳食物的選擇豐富，價格也相對合理。無論是喜愛肉類還是喜愛麵食的人，都能在這裡找到合適的選擇。
continue reading
荃灣南豐紗廠附近工廠區有一間有唔少好評嘅港式茶餐廳，價錢經濟實惠得來食物亦相當有質素，粥粉麵飯、大排檔小炒等等，即叫即炒相當有鑊氣😆😆豆腐火腩煲 $81外賣煲仔小菜真係第一次，份量相當充足👍🏻火腩肥瘦比例均勻，炆煮過後嘅燒腩仔皮都幾有咬口，豆腐先炸好再同火腩一齊炆煮，味道夠哂惹味，加兩個白飯已經夠做兩個人嘅晚餐😆下次要再嚟試吓今日一早沽清嘅柱侯蘿蔔牛腩煲🤭鹹魚雞粒炒飯 $51即叫即炒嘅炒飯相當有鑊氣，炒飯底夠乾身粒粒分明又唔會食到成口油，雞肉切成骰仔大細嘅粒狀，鹹魚天然嘅鹹香已經夠晒味，一個炒飯都夠兩位女士食🤭性價比極高👍🏻日式海鮮炒烏冬 $54圓形粗身嘅烏冬加入多款海鮮一齊快炒，連同芽菜韭黃等蔬菜一齊炒香，炒烏冬較為濕身，每次烏冬都嗦哂啲醬汁，如果加少少辣椒醬道天好味啦😋😋黑椒牛肉炒意粉 $54喜歡較為乾身嘅炒麵就可以揀呢款黑椒牛肉炒意粉，打開就已經聞到黑椒嘅香氣，牛肉片夠軟稔而月份量相當慷慨，炒意粉仲加咗洋蔥、韭黃同芽菜一齊炒，蔬菜天然嘅甜味，加上惹味黑椒，重點係食得出師傅嘅功架，鑊氣十足👍🏻
continue reading