龍記飯店 (Moved) New Location

終於試過呢度的燒腩飯, 水準比燒肉飯好, 但我個人覺得唔算好突出, $50 似乎唔係好值......

琴日係我第一次幫襯, 一心係想食燒腩飯. 當我黎到的時候, 我望望掛嚮度的燒肉, 以我的標準來說, 水準似乎麻麻.因為太晚來到的關係, 燒腩飯已賣晒, 所以我退而求其次, 點了一個燒肉飯. 個人認為掛嚮度的燒肉唔靚, 但燒肉飯入面的燒肉就較好, 但亦唔算出色. 另外, 飯亦較"糊".希望下次可以試到燒腩飯......

可能真係希望越大,失望越大.....上星期lunch 專程搭的士去, 叫咗 碟燒腩飯. 2個呀姐問咗3次, 話'50蚊碟喎....'(燒肉飯廿零蚊碟), 我都答咗3次話係先有得食. 碟飯到咗, 燒腩係分開上, 份量都唔少. 可惜quality 只係一般....D皮唔係好脆, 雖然味道ok, 但巳大打折扣, 失望.....希望只係一時失手.....

闊別左香港十多日, 今日放工要食返d香港名物, 所以就黎斬料加. 我要左一條骨, 個斬燒肉o既人好好, o係新鮮燒好o既半邊豬度斬左條骨俾我(佢有d舊o既掛o係度未賣晒).返到屋企雖然已經凍左d, 但係皮依然脆, 爸爸媽媽都食得好開心. 幸福, 其實好簡單...

我爸爸鍾意食燒肉, 早兩個月, 多得gourmet kc介紹, o係度買過條燒腩骨俾我爸爸食. 我爸爸媽媽都話好好食呀! 之後, 我間唔中都會買返屋企. 不過就唔可以成日買, 因為我爸爸血壓高. >.<

而家燒味飯無論單併雙併都只係賣廿蚊，以龍記燒味的質數，中環區算係好抵！ <br>

廿零蚊雙拼飯價錢中等，燒臘的水準甚高，燒肉皮很脆，肉還是暖的，應是自己燒製而不是假手於人，另油雞及燒鴨亦美味。碟頭飯份量不少，女士們都是叫一碗好了。