龍門冰室 (Closed)

放工去食個下午茶，想食正牌龍門冰室好耐啦～～～特登搭車去咗龍門居既龍門冰室食嘢！之前睇食評介紹，見到佢個西多士好吸引，金黃色厚厚的🤤佢仲有幾隻味揀，我揀咗呢款雪山西多士原來係加左煉奶咗解！多士入面搽咗花生醬，係多士個面搽勻牛油切開就食得啦！下午茶價錢黎講一啲都唔貴，仲食得有少少飽添

因為想去家x超市買野放工後8點幾去到屯門龍門居就搵間餐廳醫肚先咁就見到龍門冰室menu幾岩食就入去試試一入到去己有空位而佢本menu好厚 選擇又多基本上茶餐廳有嘅野佢全部都有另外一提係牆上幾多marvel掛畫Marvel粉絲表示大大加分咁我就叫左個炸雞脾芝士撈丁男朋友叫左個鐵板餐佢果個仲有個湯飲味道很濃 而且男朋友話好好飲至於鐵板夠熱 真係出晒煙仲香噴噴不過男朋友就冇加黑椒汁改試芝士汁 都意想不到嘅match我試左啖覺得好好食至於我嘅炸雞脾芝士撈丁不得不講個炸雞脾皮係超脆 平時唔食平嘅我都忍唔住食 大力推薦！至於芝士撈丁就正常水準最後食左$110左右屬於平靚正嘅晚餐！下次一定再光顧

龍門冰室係我早餐必選，因為款式多，味道好，近來推出咗玉子燒早餐，超級抵食，沙嗲牛肉惹味，配上出前一丁，麵質爽口軟硬適中，芝士呑拿魚玉子燒有拉芝爆餡效果，再配上即烘熱騰騰奶丈多，加上一杯凍檸茶，非常滿足的一餐👍🏻呢度除咗麻油味出前一丁，仲可以揀黑蒜油豬骨味出前一丁，囡囡叫咗百搭麵餐，炸菜肉絲俾得豪氣，鋪滿整個麵碗，餐肉厚切，我哋坐近水吧見到師傅冲茶，發現連好立克都用黑白奶冲，唔似一般茶餐廳用廉價淡奶，佢話呢度杯好立克特別好味，難怪阿囡唔肯去第二間食

一早已聽過此餐廳大名，最近19年7月頭，幫襯食晚餐，6個人叫了不同款飯餐，咖哩、焗飯、台式飯…結果全部中伏，豬排醃到冇味，咖哩冇味，只得係黃色，台式魯肉飯好咸。唔知係換咗廚師，否則之前既食評點來呢？！最差的是侍應服務差，態度愛理不理。我知道對茶餐廳侍應應該要冇乜要求，但都唔係差到唔想郁咁囉！如果要我下次幫襯的話，除非成個龍門居冇食肆啦！利申：我同呢間餐廳冇任何私人恩怨，只係反映事實。各位想慕名而來的食客，可能會失望而回。

The storefront looks simple but the staff is very warm and welcoming. As my friend and I live in Tuen Mun. The place is convenient.This is the soup with some vegetables, carrots and onions. The taste is good. Steak with some green beans and corn. The size is very big and enough for two people. Both of us feel very full.Cheese and tuna fish 玉子燒＆炸帶子～ very juicy with cheese.Honey chicken wings with tomatoFried potatoes, very mouth-watering👍🏻😋

每逢星期日都見到餐廳很多人排隊今早懶得煮 所以便到餐廳 叫了個常餐🍽沙嗲鮮牛肉湯意粉拼炒蛋白和奶醬多牛肉吃不出是鮮牛 沙嗲味道好 不過配意粉不太夾炒蛋白太油 難得多士可選奶醬/奶油/油占等多士亦烘得脆口

叫左個爽脆雪菜肉絲湯米配北海道3.6牛乳炒滑旦,聽個名好似幾有驚喜,就叫左黎試下。先試左個滑旦,仲以為北海道3.6牛乳有咩特別,可能會特別滑啦,點知D奶似係超市D10幾蚊貨仔,雪菜肉絲同湯米就不過不失啦,總之就比個名FAKE左。

食個雞翅炒公仔面 個面無味 啲雞翅難食到。。。我都未試過要寫食評 第一次 一個字永不幫親 真係估唔到差成咁都唔知自己食緊咩 本身好肚餓嘅 食咗少少都冇所謂口 杯凍檸茶算係好少少

今日去咗龍門居探朋友，被龍門冰室的是日快餐吸引了，於是和友人二話不說入去試下店員熱情的招呼我們，給了一個舒適的卡位我們，並介紹了是日快餐及推介了特餐，於，我點了心目中想試的D餐葱油豬扒田園菜飯，友人則點了台式特餐，包括有份小食台式腸加花枝丸，主食有秘製肉燥雞扒飯雖然已坐了八成客人，但上餐的速度也很快，和友人談笑一會我們的食物也上桌了賣相十分精美，估唔到菜飯的味道是如此美味，問問店員才知道是用自家醃製的雪菜即炒而成，豬扒煎得金黃有肉汁，才四十多完包一杯香滑奶茶實在物超所值友人的特餐我也嘗了一點，花枝丸炸得香口，台式腸是很惹味的，友人説肉燥配這個珍珠飯好送飯到令人停不了口雞扒也煎得香嫩無比，埋單竟一百有找，實在物超所值，絕對有下次

一直已來已經支持了這間餐記很多年,但係最近真係頂唔順,越做越差，唔知係咪師傳換左人既關係,食物質素水準完全唔店。明明只係好簡單既早餐常差,都可以搞成咁。叫左杯冰奶茶少甜少冰,上到黎D冰差唔多佔左5分1,都唔知有冇少到冰,然後奶茶味超淡,同水冇分別,都唔知係咪偷工減料,少少煉奶都要慳。之後到沙爹牛麵,沙爹中規中舉,但係D麵真係唔得,淋到一個點,好懷疑夠竟識唔識煮麵...然後D麵既份量起碼比平時一包公仔麵既四分1,係咪當我地傻?

收工同friend聚一聚.去咗龍門冰室.唔知係咪晚飯時間今日人特別多.所以都等左半個鐘。見佢大排長龍諗住唔會伏.但係試過先知真係伏講下叫咗啲咩.我同朋友就點左兩個唔同嘅扒餐.諗住交換食.扒餐有送湯.叫咗羅宋湯.飲落冇咩材料唔入味好普通.啲菜冇味嘅食落去.浸到爛晒.好伏!!!小食嗰度，Order咗個青芥醬蜜糖雞翼，個雞翼皮一啲都唔趣，又甜又辣，食落好奇怪，啲雞肉又鞋又乾，都係好伏去到main causes . Order左個西冷，同個雜扒餐，睇落份量都好多，仲有配薯菜，啲薯條食落口林晒，一啲都唔脆，捭西冷扒好韌，又好薄，黑椒汁辣得滯，黑椒太大粒，明明咁多黑椒粒，但出奇地冇黑椒味，雖則佢份量多，但係性價比唔高，我thank order咗個滷水雞翼撈丁，啲雞翼都係鞋嘅，公仔麵底太過林，個滷水汁唔知點形容好，食落唔似滷水汁，一味得個甜字，係冇滷水味㗎正常茶餐廳煮公仔麵應該唔會好難食，但係呢度超出左我嘅預期之外，一款咁簡單嘅食物，我覺得我煮嘅公仔麵一定好食過呢一兜面，嘢食唔好食之餘，環境都唔算話太好，啲服務真係好香港式.兩個字，失望😞

今晚我同朋友為咗睇日出，走咗去蝴蝶灣睇，睇完日出要去搵嘢食，就沿着輕鐵路軌行，行到去龍門居，求其搵間嘢食，打算食個早餐就去返工俾我哋見到龍門居有間龍門冰室，見到入邊都幾多人，睇個款似係街坊生意，諗住平平哋，膽粗粗去試吓入到去我哋一人叫咗個常餐，佢寫住全日供應，我就例牌叫咗個沙嗲鮮牛肉湯麵，外加一個北海道牛乳炒蛋配厚多士，而我朋友叫咗個先茄濃湯通粉，配餐蛋，一杯凍檸茶，一杯凍朱小冰。啲嘢食嚟到嘅時候，發個唔夠我哋兩個人食，所以叫咗個小食，叫雞翼食，試吓新野，青芥醬蜜糖雞翼，兩個常餐正正常常食得落口，又唔稱得上叫好食，叫做有嘢落肚咁啦，杯嘢飲係我幾唔滿意嘅，叫杯凍朱小冰，好似變咗凍朱小朱咁，完全冇味。飲品都算啦，跟住試吓嗰個小食青芥醬蜜糖雞翼。點知中伏嘅唔止係嘢飲原來係一浪接一浪 因為果個雞翼芥末係原全無辣味 一味得個甜字 雞翼又唔係脆既 一咬落口 成口都係油 真心唔知煮個位師傅有無試下味先拎上枱比人食 好簡單一樣野 可以整到咁難食整體黎講 環境唔算太好 飲品又無味食物唔講得上好食既大前提之下要我再翻去幫襯 我諗唔會再有下次

呢間冰室初開業既時候佢既常餐係好出色既，好多人食，但近一年，食一次就差過一次，叫個沙嗲牛肉米+牛乳炒蛋+凍0茶個沙嗲牛米居然冇沙嗲味，牛肉唔似牛，得腐乳味同酸味個牛乳炒蛋都唔弱，以前既炒滑蛋，變到燶邊煎蛋咁，起初以為偶有失手，點知食多幾次都係咁，今日我有一刻衝動想問下炒果個知唔知咩叫炒蛋叫左杯凍0茶，係凍 0茶，但佢一上既時候已經走左冰唔凍唔熱唔知想點我真係唔知佢係轉左手定係唔想做，自己喺屋企煮個公仔面炒個蛋都仲好食過佢

難得男朋友今日提議去龍門居食野一心好期待可以食到美食話哂龍門居既食物都上過各大媒體圖中既係蕃茄湯底叉燒餐肉米粉唯一比較好味既係餐肉蕃茄湯底只係清湯加蕃茄蓉叉燒感覺無燒過....本身想食沙嗲牛肉無⋯⋯雪菜肉絲都無⋯⋯⋯我無言了。

我地2個人叫左幾樣野食,因價錢好平。個蜜糖雞翼好抵食,岩晒唔食SPICY FOOD既我。個西多士有創意,紅豆容同個多士好夾,個多士又擺得好靚,好整齊。個雜排餐滿足到我,一次可試幾樣野,有FRENCH FRIES,有腸,有3文魚,有牛排,有炸帶子,有雞排,又有西蘭花,食完咁多MEAT再食返D蕃茄BALANCE返。呢個餐真係一次過滿足晒我所有既願望呀!個咸檸7都幾正!好大夠咸檸。果度比較多人叫外賣,堂食唔洗點等!下午茶好抵食。個青口薯容都幾好味,冇諗過有咁多薯容,裡面有D煙肉.味道有層次。間餐廳都環境都唔錯,張TABLE夠大,唔會坐得唔舒服。侍應服務態度都唔錯。呢度好多唔同類型既飲品,叫左杯西洋菜蜜,好健康!