享樂烘焙

Open Now

Now Closed

包點指數：❤️❤️❤️❤️❤️好開心今次終於買到享樂嘅新年禮盒啦🏮平時成日食佢其他包包 都已經覺得好好味 好中意🤩呢次呢3款嘅新年禮盒都無令我失望🎁-大甲芋泥麻糬酥💜係台灣最中意食嘅味道呀！真係好中意芋頭嘅甜味加埋麻糬嘅煙韌😻果然係皇牌產品😽今次食完又要等中秋先食到啦😈唔知到時我仲有機會買到呢😏-金莎麻糬酥❤️聽到麻糬二字已經好吸引🤩再加埋粒粒綠豆蛋黃蓉😳真係好又咸香又煙韌呀😍-黃金蛋黃酥🧡比起以上兩款酥餅 呢一款蛋黃酥老實講就無咁正嘅🤓但無可否認甜甜嘅幼滑烏豆沙包裹住咸咸嘅大粒蛋黃☺️確實唔錯又足料😆好食指數：❤️❤️❤️❤️❤️提提大家食前記得焗一焗佢🔥真係又更突顯酥餅嘅香！鬆！脆！❤️‍🔥

享樂烘焙💛賀年禮盒。很喜歡享樂的麵包，每次經過也會多買幾個放在冰箱。賀年禮盒也一樣出色啊。 .............................. ..............................(´▽｀)金沙麻糬酥 $158 (6個）*新品*酥皮內包裹着綠豆沙餡和咸蛋黃粒。這款很有驚喜，有不同層次的口感，不會太甜帶點微微鹹香。(´▽｀)黃金蛋黃酥 $138 (6個）酥皮內包着台灣烏豆沙，口感真的比紅豆更加幼滑啊，切開便看到中間是一個完整的蛋黃呢。(´▽｀)大甲芋泥麻糬酥 $138 (6個）紫色酥皮層次分明，喜歡台灣大甲芋泥餡料，麻糬非常軟糯，就算加熱之後也不會變硬呢，完全不影響拉絲效果。😌

出左名。佢啲嘢係好食但係態度差而且衛生好污糟 如圖 只係隨口一問行過嘅職員點收錢佢係勁快唔理你咁樣想走跟住我問多一次佢好快咁住咁講八達通現金佢啲麵包夾同埋麵包托盤係有汁而且係有麵包碎係明顯嗰隻當佢嘅職員去放新既托盤嘅時候完全冇留意到而且佢搬托盤嘅過程裏面係有少少打側放麵包嘅嗰一邊係有揩到佢嘅圍裙同埋制服我最後尾俾錢嘅時候有同收銀提過。個收銀態度正常囉你問呢兩個麵包係咪分開放兩個袋然後我離開舖頭我諗我喺出面等咗2分鐘佢都冇人掂任何野冇改變幫襯旺店冇問題好食黃店都應該支持但係如果服務係咁點解我要揀你？麵包我覺得幾好食㗎但係你唔係特別平你又冇服務旺店大把啦我做咩要揀你西客gi

一共買左7個麵包 😋😋😋哩次係我第2次係哩間鋪買 第一次買係元朗yoho入面 見幾多人買 又入去買黎試下 點知食完 感覺可再一試🙂🤤-朱古力牛角酥外皮好酥脆 朱古力唔算好甜 幾好 但略嫌牛油味未夠重 -黑糖麻薯麵包麵包送完 麻薯係黑糖味 黑糖味味道特出 唔錯-綠茶麻薯貝果 上次yoho貝果 感覺麵包質感好過哩間 哩間麵包質感咬落去硬身咗啲 邊位有d位置較乾但內餡料好足 茶味都有 如果茶味再重手d仲好🤤-鹽味可頌 見到人地食評話好味 我又試一試 因為如就咁睇個樣我又未必揀佢（太普通）但點知一試 我覺等仲好味過貝果🤭 個底脆脆地 中間又有好重牛油定奶油香味 麵包質地軟軟地 個底脆脆地 味道咸咸地 好味啊 -紫薯麻薯麵包麵包質感似黑糖麻薯包嘅質地 偏軟身 紫薯餡料好多 唔算好甜 麻薯軟糯 配搭幾好買完一次過食左5個 好飽 明太子包 芋蓉貝果現太飽食唔落住🥳🥳

我喺我辦公室對面就係呢一間烘焙店，成日都大排長龍，啲人車輪轉咁去買麵包，講真每次去買麵包其實都要洗一筆錢。原因係你唔會買一個，你會買好幾個，鹽可頌係必買幾個，因為屋企人鍾意食！但係其實佢好食係因為用日本麵粉，第二流量夠快，啲麵包好快好快就賣晒！不停製作咁就新鮮啦！而且佢嘅貝果包亦係推介之選！

佢d bagel 真係超好食呀！強烈推介，如果買返屋企食一定要蒸！係蒸！唔好用氣炸鍋微波爐！如果你蒸嘅話，就好似新鮮出爐咁！其實都有好多款唔同嘅味道不過我覺得最襟食就係芝士味！入邊有大量粒粒芝士！真係好正！其他茶味嘅麻薯都好好食😋

💛-🍵【特濃抹茶麻薯bagel】$20兩款茶bagel未食已經聞到好香茶味🤤食落茶味都好濃!!! 第一啖食比較甘 偏澀之後食到麻薯 個味balance番 冇咁苦成日覺得抹茶整包個味好難做到好出好濃但享樂呢個bagel真係做到特濃💚Bagel本體口感好煙韌 好有回彈！*我係放入雪櫃 拎出嚟焗熱食-🤎【焙茶奶酥bagel】$20焙茶味幾有驚喜！個人覺得焙茶比抹茶茶味更出✨真係好香！雖然冇麻薯 但唔會苦～但入面冇其他配料 相對其他 少少單調-🥯【手工芋泥bagel】$18芋泥好香好綿密 好足料✨-🫐【藍莓乳酪bagel】$18好多忌廉芝士&藍莓 都唔錯😋-✨推薦指數：8.5/10

其實我住得距離新蒲崗唔係好近，但係有時得閒有嘢做要出新蒲崗嘅時候就會超期待，因為有享樂烘焙好想買麵包！！！我一直以來成日都買黑眼豆豆，佢係朱古力麵包入邊包住朱古力醬，如果拎返屋企叮熱啲嚟食嘅話入邊會變咗流心，好好味！！但係我啲屋企人就唔係太鍾意，覺得佢偏甜。另外我又係超鍾意食明太子麻糬燒，入邊有煙韌嘅麻糬！今日難得搞搞新意思，想試吓另外一啲麵包~~今次買咗：(唔好意思我唔係好記得啲名)✨明太子米卷：好味！明太子醬好足！麵包入邊落咗米粉，所以好有米香。✨芝士條：好味！上面有少少沙律醬，所以成個麵包食落鹹鹹甜甜。享樂嘅麵包真係唔會令人失望，但對我來講價錢有少少貴XD 不過呢啲嘢一分錢一分貨啦！

每次行入享樂烘焙都係買佢既吐司或者司康，今次諗住試d新嘢，所以就求其揀左兩個望落普通d嘅麵包，方別喺黑白米卷同埋黑眼豆豆。價錢我已經忘記，不過都係比較平價既產品。我當下即刻喺店外食左個黑白米卷，原來個底有沾一層焦糖加灑咗d白芝麻，食落卜卜脆，又香芝麻味，細細個食完唔會太漏，面頭都有少少黑芝麻，我諗佢個名黑白米卷就係咁嚟。另外嘅黑眼豆豆係第二日翻熱先食既，係朱古力麵包包住d朱古力餡，個餡唔多，唔太甜，所以食落比較普通，下次未必再買。

今日係第二次買享樂嘅包 第一次都係人地介紹 當時試左牛角酥 一試難忘 咁啱今日經過再試佢好出名嘅bagel!買左芝士味同伯爵茶麻薯奶茶味❤️ 芝士味香；伯爵茶味濃 麻薯夠煙韌 好夾🙈

好搞笑，今年中秋訂咗佢嘅芫荽味月餅； 本身唔係特別鍾意食芫荽，但係純粹貪過癮；其實係幾好食嘅，因為我唔係好食到芫荽味，但係佢中間個麻薯好驚喜地好食成件事都幾正！ 整體來講佢哋嘅麻薯做得好出色，煙銀煙銀得來又有適當嘅甜味；個酥嘅層次都做得唔錯，口感好好。完全唔伏！大家有興趣貪過癮可以下年佢再出嘅話買來食～（不過個芋頭酥就有啲太貴同埋唔係咁值呢個價錢）*個皮咁黑係因為我唔小心焗耐咗（我係放咗喺冰箱儲存，唔係即刻拎就即刻食）

經理級員工Jo姐態度極差本人2021年9月29日去麵包店買麵包。時間為18:11買了2個牛角包，1件藍莓芝士蛋糕，4杯牛奶布甸。當時店內只有2名店員，1位只係識收錢，唔識包蛋糕，另一位經理級Jo姐就同人傾計唔包蛋糕。收錢的員工只識不斷收錢，我就在店內罰企了大約10分鐘，仍然沒有人為我包蛋糕，我請收銀員幫忙包給我，她只叫果位Jo姐，於是我要求退錢。經理級Jo姐就話可以退，我要求退牛奶布甸，我繼續要藍莓芝士蛋糕，Jo姐講唔可以，一退錢要退全部，我問佢點解呢？點解果位收銀員唔識包蛋糕比客人，她態度極差說因為大排長龍。我問佢咁洗唔洗我等到全間店無人先可以拎到件蛋糕？Jo姐態度極差，又無禮貌，又強詞奪理。我要求退4杯牛奶布甸，佢又先後兩次說退2杯，根本唔知有無心做？難道太多人排隊就只識不停收錢，但唔識包蛋糕比客人？其實如果員工想唔賣蛋糕可以講唔賣，唔係只識收錢，然後叫客人罰企，不斷收錢，收左十幾位之後既客人都唔包蛋糕比人，仲要態度極衰話一退要退全部，早知我就拎番2個麵包出嚟退埋佢，咁先係退全部。超差的服務態度

【#肥波麵包系列】🎈話說肥波真係好鍾意食麵包蛋糕同曲奇🍪自從買過一次享樂烘焙嘅product之後就成日掛住佢😂每次去到都見到有唔同嘅產品真係好興奮！大家見到享樂成日出現係我IG就知啦🍞🎈今次要介紹下「無牛油小蛋糕🍰」，一開始係比佢個名吸引左埋去。無牛油？無牛油會唔會唔香架？會唔會硬掘掘唔好食？答案係唔會，雖然係無牛油，但蛋糕食落口依然都係香噴噴，軟綿綿嘅同一般牛油蛋糕無分別，無牛油感覺好似仲健康啲，哈哈😆🎈原味牛角包🥐係肥成嘅，偷偷地食左幾啖，感覺同出面嘅牛角包好似唔一樣，無咁酥皮feel，口感會實在啲。💛中秋節快樂，祝大家人月兩團圓💛大家再忙都要陪下屋企人食飯呀！🏠📍享樂烘焙 @ly_bakery 📍新蒲崗大有街3號萬迪廣埸地下E舖

💛享樂烘焙·湯種紫菜香蒜肉鬆芝士貝果$20 l 擂沙芝麻小吐司$28我見好多人推介佢地既bagels話超級好食 所以就轉登去買 點知有D失望😭佢聞落係超香紫菜味既 但係食落唔算話好有口感 似乾身既麵包多D 而且佢中間既肉鬆好少 而且食落D肉鬆偏濕 加埋個口感一般🙊🙊反而佢個吐司我地幾中意 佢係超香芝麻味 而且個麵包本體好鬆軟 配埋中間既餡 唔係搽任何醬就咁焗熱已經超好食🤤🤤·📍新蒲崗大有街3號萬迪廣埸地下E舖📍九龍灣常悅道21號The Eastmark地下3號舖📍元朗元龍街9號形點I1樓1097號舖

💛享樂烘焙💛湯種手工芋泥貝果 $18⭐️⭐️享樂烘焙最出名嘅就係佢嘅bagel🥯好多人都話佢款式多又抵食，其實我都唔係第一次買佢嘅bagel，可惜兩次都有啲失望😥咬落唔係特別有口感，餡料都唔會令人有驚喜，感覺就好似摷緊一舊chewy小小，外皮少少脆口嘅包咁👉🏼👈🏼已經焗左先食，總括而言就係冇乜記憶感有啲煙韌嘅貝果，餡料份量適中，不過芋泥嘅味道唔會令你十分驚喜特濃抹茶焦糖三角 $18⭐️⭐️大大嚿，偏甜嘅抹茶麵包🍵🍞佢個外皮裹住一層厚嘅焦糖，如果室溫底下食，可能咬兩啖就覺得好漏，而且外皮偏乾，裏面嗰層就會鬆軟啲，不過太甜嘅關係，食完喉嚨好似有啲太甜嘅感覺🍬雖然佢指明係用咗《丸久小山園》嘅抹茶，食落雖然有濃嘅抹茶味，但係又唔會覺得佢好香，所以呢個都係一般般😅其實享樂烘焙喺網上都有大量好評💛，我亦係第三次購買，兩間分店都有買過，亦有試過其他味道嘅bagel，出名嘅冰心包亦試過，可惜食完都唔會太深刻，留低好大印象，我都好怕我呢啲Comment會hurt到享樂烘焙嘅fans😰😰我有諗過我只係唔好彩❤️‍🩹，揀到啲唔係最出色嘅麵包，但其實有冇朋友仔同我一樣有相同嘅意見🥺，或者你地有冇其他值得推介嘅麵包都可以