麥蛋糕

Open Now

Now Closed

耐唔耐想食下古祖味蛋糕。路過麥蛋糕，雖然非黃昏的特價時段，但都想黎同屋企人開心share.見佢少甜有小麥胚芽味就試吓，店員仲問我要切幾多件，可以切6件或8件。回家沖杯咖啡食件蛋糕就好滿足。蛋糕夠鬆軟，同埋真係少少甜，好適合老人家同怕肥人士食，面頭有些少小麥胚芽，其實就冇乜味嘅。但整體都好好食，食唔完，放雪櫃兩日後再食，質感都ok，係乾左少少啦，但我覺得可接受。凡買蛋糕都送一張$10coupon, 下次再買！

落雨天，巧遇特價麥蛋糕，有幾款都做特價，買咗一個古早原味😋古早原味蛋糕鬆軟，夠濕潤👍，淡淡的蛋味，甜咗少少，都ok 🈴 每款蛋糕特價都唔同價錢，古早原味原價$50，晚上特價$30

行過... 俾嗰陣濃濃嘅蛋糕香吸引住... 忍唔住入去買咗一盒!🤭🤭🤭蛋糕標榜無添加... 天然食材! 口味都唔少... 我揀咗流心芝士味 (一條$70/半條$38)... 唔算平... 比起原味古早味貴!流心芝士味有種咸香味... 食落軟綿綿... 口感都幾鬆軟... 幾好味㗎!😋😋😋

疫情冇得出街叫屋企人買個蛋糕返嚟佢經過呢間店舖，話低糖，買左半個試因為佢menu有得揀半個或者全個點知返到嚟包裝係咁嘅樣：屋企有小朋友真係完全唔敢比佢食🥲你話平時都唔緊要但依家疫情咁樣包裝比客人好無奈連上面蓋一蓋塊膜都冇或者入面加多個透明袋都好呀，好似麵包店裝麵包咁見到呢個包裝真係嚇死人屋企人喺旺角攞返嚟成個鐘，鋪曬塵點食呀！？如果真係冇包裝盒其實好心唔好provide半個選擇惡劣最後完全冇食掉左冇辦法比到食評咁嘅衛生真係唔知廚房衛生係點嘅樣

新年食得好多羅白糕、年糕，我哋經過旺角間麥蛋糕，聞到好香嘅蛋糕味，就忍唔住買番1盒. 店舖寫住喺台灣味道，我反而覺得喺似舊式蛋糕店嘅風味. 問過店員，1盒可以配2種味道，之前食過肉鬆蛋糕好食，見今日又有，就買番屋企再食. 另外又想試吓唔同口味，就買咗朱古力味. 📍肉鬆古早蛋糕 $80/2蛋糕表面同埋中間內層1層厚厚地、咸咸地嘅肉鬆，好味且唔膩，令人不斷想食. 蛋糕亦好有蛋香，質感鬆軟. 📍巧克力蛋糕 $60/2朱古力味道香濃但不甜，好易入口，中間同樣有層朱古力醬，增加層次，而且蛋糕同樣喺超鬆軟，適合飲杯茶，做早餐或者下午茶. 份量方面，客人可以叫半盒，但喺會貴少少. 我哋叫咗1盒2個人食咗2日下午茶都有少少淨.

呢幾日每日買兩隻味試日式芝士：🌟🌟🌟🌟🌟咬落去好濕潤，芝士味濃。流心芝士：🌟🌟🌟 🌟咸咸地幾特別。抺茶紅豆：🌟🌟🌟🌟抺茶味好濃，紅豆餡好甜超夾。黑糖：🌟🌟🌟普通嘅甜味蛋糕。朱古力：🌟🌟🌟雪芳蛋糕朱古力味。小麥胚芽：🌟🌟🌟冇咩小麥味，反而蛋香幾重。原味：🌟🌟質感比較軟嘅蛋糕。

旺角的小食店林立，係大街轉角位見到大大隻字寫住古早味蛋糕，即刻吞口水果然，女人對甜品係有第二個胃嘅。見到有好多款味道，當然要試一試原味，另外我鍾意食芝士，所以揀了一款流心芝士蛋糕。每款蛋糕都可以揀原個或者半個。而家做緊優惠，正價買原個蛋糕或兩件半個蛋糕，送一杯即磨咖啡或者$10優惠券可以下次使用。包裝穩陣，長途跋涉拎到返屋企，個蛋糕都冇散開原味好香，好軟熟，又唔會太甜或者太乾流心芝士味比原味更少一點甜，仲有芝士真係流心出嚟兩款都唔錯，下次試埋朱古力味先

一踏入鋪頭已經聞到好香既雞蛋糕味😍，仲見到大量口味都有供應。客人可以揀買半個定成個，好多人都係揀雙拼👍每樣半個，一次過試多啲味。抹茶紅豆蛋糕蛋糕超厚身！好puffy，㩒落去好Q彈😆相比下紅豆餡同蛋糕既比例相差得有啲多，唔太食到紅豆味。聞落去幾有抹茶味，但食落就似係有啲假既茶味🙈。朱古力蛋糕就咁聞已經聞到好香既朱古力味😍，中間有朱古力醬夾心，雖然比例唔多，但味道濃郁。無論係蛋糕定醬都好有朱古力味，而且咁太甜，推介！🌟

近期香港開左好多古早蛋糕店, 間間新鮮出爐嘅時候都有人龍, 今次經過終於忍唔住試下!買了最經典的原味蛋糕，新鮮出爐，店員細心地打開半邊紙盒，免得蒸氣整濕哂蛋糕。一邊拿回家，一邊聞到好香的蛋糕味！蛋糕非常鬆軟，入口好似食緊棉花一樣，但蛋香可以再加強，質地而言就非常唔錯，古早蛋糕都係要食個鬆軟口感，呢樣完全做到。買咗大盒$50，新開張關係得到$10優惠卷下次用。還有很多口味，下次可以試試！食唔哂可以放雪櫃，用微波爐叮20秒一樣鬆軟好食。

阿媽行街 聞到一陣陣蛋香味 被鋪頭吸引                          佢好耐冇食甜野就忍唔住買咗。                               據稱有好多款蛋糕，但可惜冇影到menu （但可以睇睇參考其他分店）                                                                                                                                                              分店地址                                                                                                                                                        我地特登焗翻黎食焗到個邊少少脆就最好味 一焗完就聞到濃濃蛋香食落去 個蛋糕唔係死甜  甜度適中如果用微波爐叮又有另一番風味比起