麻甩爐海鮮雞煲私房菜 (安樂樓 (Closed)

原本與朋友想叫痲辣雞煲，但朋友的細佬話想食藥膳雞，所以叫了海鮮套餐，店內哥哥仔好好人，另外炒了一大碗痳辣雞給我們，而藥膳雞也很入味，我們添加了三轉，雞肉很爽滑！首先，每人一隻凍蟹，好新鮮，其他海鮮如蝦也生猛，而牛肉也很香

大埔有間喺舊墟直街開咗一年嘅雞煲 放題店，之前一直都知道呢間係一間黃店 ，但去食嘅話真係第一次🥰起初我以為呢度嘅雞煲係麻辣，但食落發現，花椒、八角、薑、辣味集合埋一齊，香味為主，辣味為輔，就算我呢啲唔係好食得辣嘅人，都完全覺得好好食。餐廳炒雞嘅香味，坦白講，真係喺海寶花園 個位都完全聞到，非常出色。老闆特別推介佢哋嘅海鮮餐 ，原價雞煲再加$80 ，就可以有凍蟹、鮑魚、生蝦 等等海鮮食；呢個價錢我覺得係超值，所以我諗都冇諗就加咗。回想返起我以前喺旺角打邊爐食一隻鮑魚 ，特價上嚟都要$38，但呢度就統一加$80 ，有齊好多樣海鮮 ，而且海鮮係非常新鮮，仲記得隻蝦嚟到嘅時候，仲彈下彈下，煮過後然後食落去嘅時候嘅肉質係非常爽，性價比高，可以話係非常超值。餐廳老闆非常貼心，係我哋食凍蟹嘅時候，仲特別俾咗手套我哋；凍蟹嘅肉質一啲都唔梅，食落去嘅時候有浸好清新嘅味道。食嘅時候最好唔好連配料，因為海鮮就係想食呢一陣鮮味。我仲特登帶咗支紅酒過嚟🍷。朋友特別叫我影呢張相，因為蟹柳嘅長度，真係長得好誇張🥰順帶一提呢度嘅雞煲，除咗佢哋招牌「麻甩雞煲」外，其實仲可以有花膠 、蟲草花、藥膳等等唔同湯底揀，我聽人哋

前几天定位置过去，人也不是太多。食物都挺新鲜的。但是三个人吃了1000多，感觉还是有一点小贵，但服务非常的好，非常的热情。性价比不高。但甚在食物还蛮新鲜。味道也还过得去。

特登為咗佢開個acc寫食評我諗呢間係大埔最好味既雞煲我試咗$208任食個餐冇海鮮炸物新鮮即炸 炸蠔好味 我個人覺得雞煲可以花椒味重少少火鍋肥牛用美國牛 牛味重唔洗烚太熟食落去唔會有渣 呢個係驚喜黎

今日下午已經訂定座 今晚同男朋友食呢間味食過既雞煲店 7:00去到一枱都無 心諗「包場」🤪點知過多陣就好多人 原來係我地早😂一坐底 叫左個288既plan 因爲有海鮮😍 (海鮮不是任食）（牛不是任食)首先一人一隻凍蟹 幾鮮甜雞煲方面 佢有分麻辣雞煲或者藥膳雞煲 老細推薦我哋食藥膳雞煲 (不含味精）上菜會一part一part 咁上 我覺得咁樣幾好 唔會浪費咗煲湯底最原始嘅味道 我哋差唔多連煲湯都想飲晒 因為好好飲 好保 加上今晚天氣又有啲涼涼地 飲完好舒服 之後到食雞 啲雞好嫩 認真好食 之後到海鮮 海鮮今晚分別有 (鮑魚 花甲 帶子 龍躉片 粗大嘅蟹柳 仲識郁既蝦) 之後就開始自己畫紙叫野食 佢啲野食都好高質 例如章魚墨魚丸 真係有章魚係入面 香菇貢丸真係有好多香菇 啲貨色完全唔似出面任食果啲咁 之後就要講 出乎意料之外好食既！ 就係佢地既炸物😋 真係好正 ！真係好正 ！真係好正 ！真心既說話要講三次！好食到叫老細去開間炸物鋪🤣尤其是係個南瓜薯餅 從老細把口得知 佢啲炸物有限定 間唔時會轉下款 希望老世睇到我呢篇文會保留番南瓜薯餅🤩總結黎講 好高質 對得住個價錢 唔講咁多 去圖👇🏻👅

聽人講左好耐話呢間雞煲抵食，尋晚終於去試，一行6人選左$288/位既雞煲海鮮餐，每人有1隻凍蟹、有海鮮拼盤(鮑魚、蟶子、蝦、蜆)好新鮮！仲有牛頸肉、長腳蟹棒+蠔，好掂！我地選左藥膳雞，淨係個湯底都可以飲幾碗，雞可任加、火鍋料任叫任食、炸物又任食，其中個炸榴蓮波波真係堅正，我地叫完再叫再叫。飲品汽水任飲，最後仲每位一個焦糖燉蛋甜品，真係超值到無朋友！其它地方好少有咁多野任飲任食既雞煲餐，最重要係夠新鮮，老板好nice。服務同食物質素都超讚！一定會再幫襯！

自己平時都比較鍾意食雞煲，亦都鍾意去唔同區試下，之前就食過來來、倫哥，今次聽聞大埔有間良心小店，仲要幾黃、又幾旺下，所以黎試一試。.All in all 簡評：1. 服務態度非常好，老闆親自招呼。2. 食物質素非常高，推介牛、海鮮。3. 地理位置方便，在大埔酒吧街。4. 性價比高，二百幾蚊食到三百幾蚊質素。—————————————————..大埔酒吧街一向都有唔少好食嘅地方，今日就同女朋友落嚟搵吓啲新嘢食。麻甩雞，一聽個名就覺得跳脫，佢又唔係麻辣，但就有種好香嘅味道，雞肉又好食😋我哋好快就食完第一轉，老闆即刻走來問我哋使唔使再加雞，真係一啲都唔孤寒，想食幾多就加幾多。老闆特別提醒我哋，**食得晒**嘅話，加幾多都唔係問題。.留意：呢度如果浪費嘅話，係會有小懲罰的.啲雞真係好彈口，好有肌肉，而且好滑，配合埋佢哋自家製嘅「麻甩」醬，真係同外面有少少唔同。..我哋食完雞之後，好快就進入打邊爐嘅階段，老闆特別送上呢一碟牛俾我哋食，佢仲話，佢哋呢度除咗海鮮、雞出名外，就係牛。事實上，當我地食完牛之後，就發現啲牛肉真係有牛味，食唔到雪藏味，而且幾嫩。佢哋有好多款配料揀，我就特別鍾意食呢款泰式丸，

今日中午喺大埔返工， 路過呢一邊， 見到呢間雞煲一直都有開咗喺度， 但未試過食。 原來佢連中午都有做， 價錢又幾合理， 50蚊左右一個餐， 於是就入去試下。小店卡位都坐得幾舒服， 如果夜晚一班人嚟打邊爐都幾開心㗎。今日我就試食咗呢個藥膳雞 湯烏冬， 單係睇個湯已經算唔錯， 藥材味唔係話非常之濃， 唔會話好有苦澀味， 從佢見到啲雞油浮喺面， 仲有湯底嘅顏色， 就知道係要係用心用時間去煲，先做得到。另外成碗麵仲有好多大大嚿嘅雞， 啲雞煮得好冧， 唔會話有雪味， 茶記嘅格局做到咁嘅 藥膳菜色，算係做得幾好。希望下次有機會嚟食打邊爐， 試埋佢哋啲雞煲， 一個簡單嘅午餐都做得咁好， 夜晚打邊爐嘅雞煲一定係高水準， 期待。

疫情好轉，附近幾間又食到壓，上OpenRice 見有新嘢就決定同朋友試一試新嘢。長話短說，入正題，廢話少講，真心話，無中伏，老闆強烈推薦凍蟹，一於試下咩料，一上枱大家都呆左，因巨型凍蟹真心巨型，味道方面都好夠味，淨係解決隻蟹都搞左好耐，食完蟹都有一半飽，成張枱好似戰場一樣，四圍都蟹殼，第二到未必有咁大隻蟹，其他海鮮都有料到，龍躉片到大塊，雞煲入味，老闆熱情有善幾吹得，會再幫襯，有圖有真相，大家自己睇

分別黎過食午市同晚市，晚市打邊爐大約300蚊左右。d嘢食幾新鮮，無漏單，非酒精嘢飲任飲，好主動黎收碟，價錢合理，仲會問下我地有咩可以改善，幾有誠意。午市好抵食，lunch套餐價錢由48到68都有，我食呢個牛肉飯48，牛肉好多而且個麻辣啱啱好，唔會太辣又會有好想ge麻。免加一包野飲同一碟生菜同一小碟青瓜，真係超值。另一個無圖ge係辣ge吉烈豬扒烏冬，烏冬係用貴嘢，但我覺得個豬扒麻麻地，唔夠鬆脆.overall幾好，會想再去。

今日去開大埔，再次試下這間店，之前試過食晚市的任食火鍋已經覺得好好食，今日試下lunch,点了蒜蓉海蝦蒸荷葉飯，及招牌麻甩雞煲。荷葉飯的蝦十分鮮味弹口，個秘制豉油配搭一流，份量一D都不少。😋麻甩雞惹味可口。所有食品不加味精，食得健康，還有油葉一碟及餐茶送的。不得不讚的，炸流心榴槤波，喜歡食榴槤的朋友一定必食，好食到爆炸！！😋😋😋我們2個人都可以坐大卡位，環境舒適，店員好禮貌及健談。😉值得再次幫襯。

食過這一家店，特別喜歡這一家店的藥膳湯底，藥材味好濃，而且配搭雞肉，雞肉非常之嫩，而且滲透出濃濃的酒味，再加上大大碗的手打烏冬，可見老闆對成本毫不吝嗇，旨在讓客人得到稱心滿意的經驗。

見到大埔最近新開咗一間雞煲餐廳，所以就去試新嘢。佢只有一個套餐，但入面有得揀前菜同雞煲款式。前菜我哋揀咗凍蟹，但係當日唔夠凍蟹所以變左三份凍蟹三份避風塘炒軟殼蟹。雞鍋我哋揀咗藥膳花雕醉雞鍋。套餐包左一set海鮮，我哋再追加$48任食牛頸脊。雞鍋入面嘅雞可以任食，但係如果開始咗上餐牌上另一版嘅任食材料，雞肉就唔可以再加。雞鍋湯底好香，味道非常之濃，加咗藥材同紅棗令到湯底有一點帶甜，而且雞肉非常之滑同入味。就算要再添加湯，老闆都不吝嗇，唔似平時雞鍋淨係加水，而係加足料嘅湯，湯底咁就唔會變淡啦。海鮮每個種類都係每人一件，大致新鮮。長蟹棒正！牛頸脊每片切得薄身，肉質鮮嫩而且有牛味。雖然每碟份量唔算多，但係加咗錢任食，補落嘅速度亦都算快，所以食咗好多牛肉。另外，任食嘅食物當中亦都有炸物，其中炸流心榴連，係即叫即炸，榴槤味非常之香，配埋出面炸皮熱辣辣好好食。最後，包一個焦糖布甸。本來以為佢唔熱唔會好食，點知食落蛋味非常之濃，配埋表面嗰層焦糖，非常之好食，簡直係想再追加。整體來講，成個套餐非常之抵食，如果淨係食無限添加嘅雞肉同埋已經設定咗嘅海鮮，都已經非常飽。難得遇到一間非常高質嘅雞煲，唔知係唔係因

今日去咗大埔新開嘅餐廳，呢個位置之前都轉過好多手，自從蕃滿門之後就冇再去食過，點知今日試咗之後真係出乎意料地好味！呢個set total 288，有包左前菜、凍蟹或者避風塘軟殼蟹、海鮮拼盤、雞煲或者醉雞鍋，仲有甜品添！我別推介嘅就係依度嘅醉雞喎，我哋個個食到都話係全大埔最好味嘅醉雞喎！個鍋一嚟到，嗰個醉雞嘅味道就即刻飄入個鼻到～滾起左之後，立即試一匙羹湯試吓，嘩，嗰陣酒味濃郁到好似真係飲緊一支酒咁。之後急不及待再試埋雞，個雞好滑，仲超級入味添，食得出佢真係醃左好耐，而且係非常之咁好味呀！而且個雞仲可以無限添加添😍

見有新開張雞煲…好奇埋去睇下開頭覺得價錢比其他一般雞煲店略高…但原來係個set包左好多嘢食…仲有汽水任飲…老細仲話雞煲嘅雞係無限任追加…所以決定試下先黎個麻甩三劍俠做前菜…我個人最鍾意係個麻辣雪耳～其餘兩款就覺得淡口少少然後個雞煲中辣都唔算好辣…唔會俾辣汁遮左啲雞味…而且啲雞好鬼滑…老細拎黎個陣仲講多次…雞，係可以無限追加嘅除左雞煲…個餐仲有包埋海鮮拼盤，呢盤嘢都覺得開始回本…啲海鮮好新鮮…而且清洗得好乾淨…唔馬虎…之後就有碟牛…完全唔係平價牛…好鬼好食…但因為想點其他放題嘢食…所以無加錢做牛嘅無限追加！之後仲包埋碟軟殼蟹…呢個係無得頂…超好食……味道香口我地都點左個炸蠔…炸流心榴槤…又係任食…呢個就係平時出去食…3粒炸蠔都要$40蚊…呢度任食…味道係同出面個啲質素…真係回返哂本最後仲包埋個焦糖布甸……甜度剛剛好…唔會太甜…食完唔覺甜到漏…向來食甜品都唔會食哂成件甜品嘅我…今次都食哂…絕對有下次！！！