麻甩爐海鮮雞煲私房菜 (安樂樓 (Closed)

雞，炸物，打邊爐的肉都好好食，服務態度好好，有禮。性價比高，值得推介，會再去光顧,有得加雞勁正，打邊爐個湯底都好好味，價錢又唔貴，個炸榴連球必食👍🏻炸得超好食😋

好耐無食放題雞煲lu，因為覺得質素多數都麻麻，但係呢間朋友強烈推薦我所以就去試試距，去到鋪頭門面望落簡單，但係服務態度唔錯，食物選擇雖然無話五花八門，但係全部都幾中心水。雞煲🐔好惹味，而且任➕🐔，我叫左中啦辣，覺得辣味ok，而且上菜算快手！下個月再去！

今日試左 ！普通任食每位@268+10% ;如食海鮮每位另再加@80+10%。服務態度好！尤其某一位！最緊要係呢樣！值得一讚！食物都算新鮮，款式都算多；湯底濃郁，不用加調味都可以。（個人味覺都比較重）食法：先食雞煲，後再打邊爐。任食3小時，寫約45分鐘前截單。食物、汽水任食任飲；不計啤酒。環境：因為鋪頭比較細，所以人多只能夠坐長枱；卡位就有5張，不闊也不窄。要彈既係：汽水唔夠凍！啤酒無試唔知！總括黎講會再黎食過！

同一班好朋友約埋一齊黎食任食海鮮雞煲套餐招牌麻甩雞煲+混你個醬汁卜卜蜆鍋味道香濃惹味，雞肉肉質嫩滑，食完雞煲仲可以自選打邊爐湯底都值得一讚，蜆肉厚肉大隻又夠新鮮，好好味套餐有份炸物拼盤，呢個一般般就無乜特別驚喜，反而海鮮頭盤同拼盤都真係無得彈，頭盤可以揀凍蟹/翡翠螺，凍蟹味道鮮甜有羔，翡翠螺彈牙爽脆，兩樣都咁好味，海鮮拼盤真係勁新鮮，上枱時蝦同鮑魚都仲識郁，火鍋配菜選擇都唔少，任飲任食黎講性價比真係高👍🏻

同同事一齊收工食雞煲，諗起呢間未食過所以試下。有兩層，不過地方唔算大，我哋平日去，1930左右到，不過都好多人食緊。坐樓上，點咗餐，之後食咗3轉雞，味道係幾好，bb辣好好食。好多舖頭都係食得一轉無得加，今次加咗3次仲要好快就有，所以好正！之後轉打邊爐，叫卜卜蜆，量唔多不過都幾好食。然後知道舖頭有做個啤酒優惠，買一送五，醇滑嘉士伯然後大家變咗飲酒為主。最後坐到11點先走，好好無趕人走，d員工都後生仔幾nice。

真心想推介呢間任食良心店平日只需 $328 加1 食足3小時今次食呢個‘頂級牛板腱海鮮雞煲套餐’好奇問職員點解可以食咁耐，佢話唔想客人食得咁急🥹👉🏻係雪櫃的飲品全部都係任飲，啤酒除外1️⃣冷盤前菜凍蟹（1隻），冰火翡翠螺（1份）［2選1］凍蟹都係第一次食，大大隻，滿滿蟹肉，有蟹膏，如果怕腥，可以點醋2️⃣特色小食 -香脆炸物拼盤一份 ，包括炸雞翼，炸蝦，芝士年糕，章魚燒各1 以上都可以經QR code落單refill炸雞翼其實幾好食，不過梗係留肚食其他嘢😋先雞煲，後火鍋🍲3️⃣雞煲款式好多，有香辣的招牌麻甩雞煲，今次揀咗養生嘅藥膳花雕醉雞煲😚好足料，裏面有紅棗桂圓，先品嚐湯先，再慢慢食雞，醉雞好入味，食到酒的味道，雞大件，又嫩滑4️⃣湯底小食混你個醬卜卜蜆鍋大大隻蜆，帶泰式風味，有麻又有少少辣，唔食得辣嘅就唔好揀呢個啦！5️⃣😎🌟套餐包動L豪華時令海鮮拼盤 （每位有5款）有大蜆，蟶子，好生猛的大蝦，鮑魚，扇貝（大隻），鮑魚厚肉，大蝦郁到想走佬咁-頂級牛板腱 （掃QR code 無限添加）有牛板腱，黑豚肉片，羊肉片等-多款火鍋配料，炸物放題 有丸，各款菜，有我鍾意既皇帝菜榴槤波波一定係我會再叫的item -

我同朋友平日6點左右到餐廳，已經有幾枱客～ 到7點幾8點已經爆場！氣氛超好，超熱鬧！😍想黎食既朋友建議book定位，穩陣d☺️.頭盤有辣海螺同凍蟹～ 開一開胃😆 叫左花膠雞湯底，好足料👍🏻👍🏻 雞又夠滑，食完雞煲仲可以再揀個湯底～ .任食選擇多到不行！試左卜卜蜆，少少辣，但幾惹味，小食、肉類、丸類、海產類、蔬菜類都係任食，食材新鮮好重要！最尾仲有是日甜品，一人一條榴槤雪條🤤🤤.這家火鍋店絕對是我們的新愛，下次還會再來！😚

天氣漸涼，最適合打邊爐；最近經過麻甩爐看見$268 三小時任食任飲，仲要有兩個湯底，先食雞煲後火鍋，可以選擇花膠雞煲 ，然後再有另一個湯底打邊爐，十分抵食所以約定去食🥳🐥特濃花膠雞煲 （加$20）湯底夠濃，雞可以無限添加，花膠也有幾塊大大的，加上金華火腿淆湯底，味道更出，雞加花膠更滋補養顏🌶️混你個醬卜卜蜆鍋這個湯底醬汁很惹味，先炒香配料，芫荽洋蔥蔬菜及主角蜆，醬汁辣辣地，香味撲鼻很有風味✨然後掃QR code落單，有炸物 / 肉類/ 海鮮 / 丸類/ 餃類 / 菜類/麵類 / 飲品…🤩先來一轉炸物醫肚，有六款，最愛芝士年糕芝士濃多及熱辣辣，單骨雞翼也很入味❣️肉類的牛板腱薄切，肉質鮮嫩又不肥膩，而且可無限添加

小妹真係好耐好耐無食雞煲🐔喇。呢間見有3小時住飲任食，抵到不得了😽😋。Menu 見頂級牛板展海鮮雞煲套餐🐮🦐🐔都係$328, 又冷盤前菜，又特色小食，又雞煲，又打邊爐湯底。咁多嘢，都係$328，究竟係咩玩法🤪。凍蟹🦀前菜都要成隻凍蟹🦀上，真係唔講得笑。冰火翡翠螺🐚🐚雞煲🐔方面，當然係揀：招牌麻辣雞煲🌶️🌶️🐔雞件又係無限添加，少少地encore一次啦。動L豪華時令海鮮拼盤🦪🐚🦐見到呢個大大盤拼盤，有鮑魚、扇貝🦪、大蝦🦐、蟶子、蜆🐚。講真出面好多舖頭，就咁呢一盤起碼都4/5百蚊。任食價，仲有咁富貴新鮮嘅海鮮拼盤，真係街坊價先得👏👏。湯底方面，我揀咗：特色酸菜魚片鍋🐟好多火鍋配料、頂級牛板件🐮、炸物🍤都可以用QR code 落order。夠哂方便，又快捷。飲品方面唔可以話好多，基本可樂🥤、檸茶🧃、烏龍茶、罐裝+紙包都有。----------麻甩爐海鮮雞煲私房菜地址：大埔美新里1號安樂樓地舖

呢間雞煲海鮮餐廳每位$328就有齊任食雞煲、炸物同火鍋配料、凍蟹、海鮮拼盤、卜卜蜆鍋/酸菜魚等😋💪🏻 藥膳花雕醉雞煲藥膳醉雞煲平時都比較少食到，所以好特別🤩 湯底有好濃藥材味，亦睇得出有大量紅棗、杞子。所以啲雞都煮得好入味，好香花雕酒同藥材味😋雞肉都好嫩滑，啖啖肉！而且雞煲係可以任食，任加雞！另外，除咗藥膳醉雞，仲可以揀招牌麻辣雞煲、蟲草花雞煲同花膠雞煲。💪🏻 混你個醬卜卜蜆鍋混醬有好香蒜味同香辣味😋 而入邊嘅蜆都大大隻，好鮮甜！食完蜆之後就可以加湯打邊爐！除咗卜卜蜆，仲可以揀招牌魚片鍋、酸菜魚片鍋同鮮茄豬骨牛尾鍋。💪🏻 凍蟹、海鮮拼盤跟餐都會有凍蟹，花蟹都新鮮、蟹肉都多😝而個海鮮拼盤就包括有鮑魚、海蝦、蟶子、沙白、扇貝。所有海鮮都好新鮮😆 食落都好鮮甜！而且menu上仲有晒海鮮建議嘅烹調時間，唔會煮到過晒火🤣 所以煮得啱啱好，肉質唔會老柴！💪🏻 任食牛板腱、火鍋配料湯底都係用番混醬卜卜蜆鍋打邊爐，所以好有蒜香同辣味。牛板腱切得好薄身，肉質都淋同滑😋。火鍋配料都有好多選擇，基本嘅丸類、墨魚滑、蝦滑、蔬菜同響玲都有齊。墨魚滑食落都彈牙，有墨魚味！味道：8/10性價比：8/10 食住瘦指數

【大埔•麻甩爐海鮮雞煲私房菜】@mll_private_kitchenππππππππππππππππππππππππππππππ豐富海鮮火鍋配搭整個套餐體驗由前菜嘅凍蟹同香辣翡翠螺 跟住係特色炸物拼盤 之後到醉雞煲 卜卜蜆煲同埋海鮮拼盤 食落都相當有層次 極之飽肚 後面仲可以任嗌肥牛、雞子、脆肉鯇等火鍋配料 仲可以任飲任食添🌻｜海鲜雞煲套餐｜HKD 328*2海鮮和雞煲是一個絕佳的搭配，能夠營造出豐富的味道。這種組合能夠結合海鮮的鮮甜和雞肉的濃香，帶來獨特的美味。除了營養價值外，海鮮和雞煲的搭配還能給我們帶來美味的口感和味道。雞肉的鮮嫩和海鮮的彈牙搭配在一起，形成一種獨特的口感。而海鮮的鮮味和雞肉的香氣相互融合，讓我能夠在一口菜品中品嚐到多種口感和風味。另外，海鮮和雞煲還可以搭配豐富多樣的配料，如新鮮蔬菜、蘑菇、豆腐等。這些配料能夠增添菜品的色彩和口感，讓整道菜更加豐富多樣。同時，這些配料還能提供更多的營養，增加菜品的營養價值。前菜有凍蟹 及 冰火翡翠螺凍花蟹是一道精致的前菜，將新鮮的花蟹肉與特製的凍汁混合在一起。它的口感柔軟爽滑，味道鮮美純正。通常會搭配一些生菜或鹽漬蔬菜一起食用，

原來大埔呢邊新開左間任食雞煲海鮮打邊爐😍😍今日有機會試過好正呀！好開心大埔多左個打邊爐落腳地！仲要性價比超高！價錢合理而且質素高。食物種類非常多樣性，估唔到連炸物都有，千祈唔好睇少呢間小店！食雞煲之餘，店主會送你冷盤前菜，可以㨂凍蟹或者冰火翡翠螺。我同朋友一日揀咗一樣。凍蟹肉質結實又鮮甜，翡翠螺酒味濃郁，味道非常好，翡翠螺本身亦好新鮮爽口👍🏻雞煲我哋揀咗招牌麻甩雞鍋，份量大到你唔信🤭味道非常之香濃，食唔停口！之後打邊爐嘅湯底選擇了混你個醬卜卜蜆鍋。呢個味好特別，有大量蒜蓉,洋蔥，芫茜，辣椒混蜆，色香味俱全！蜆肉大大隻又厚肉！

魚生頭盤好新鮮，仲有凍蟹啲肉一剝就出，又方便又好甜。雞煲我哋揀左一辣一唔辣，唔辣既揀左蟲草花雞湯煲，雞好多，仲可以加雞。食完雞煲再轉另一個湯底打邊爐食海鮮，成晚野食種類都好多，忙住試唔同款式。

今次帶屋企人嚟到呢一間CP值高嘅任飲任食嘅雞煲火鍋，真係大飽口福！店員好nice，同我哋介紹佢嘅特色招牌！首先會有4種雞煲款式提供選擇：招牌麻甩雞煲/藥膳花雕醉雞煲/養生蟲草花雞煲/特濃花膠雞煲；之後嘅火鍋湯底嘅小食可以選擇：招牌麻甩魚片鍋/特色酸菜魚片鍋/混你個醬卜卜蜆鍋/特濃鮮茄豬骨牛尾鍋。先食雞煲後食火鍋，而且雞煲嘅雞都係任點任食，非常正！餐廳有兩款雞煲任食套餐，一個係包含海鮮拼盤，而另一個就係普通套餐，兩者相差價錢不多，抵食又新鮮，下次再嚟嘅時候，一定會揀有海鮮嘅套餐！前菜係炸物小食，炸得非常香脆，仲有榴連炸彈！之後我哋揀咗養生蟲草花雞煲，同屋企人食緊係要一齊補補身。雞煲同蟲草份量十足，湯底香濃又美味，雞肉好嫩滑！而湯底小食就揀咗混你個醬卜卜蜆鍋，幾款醬料與卜卜蜆完美融合，香氣十足，食完之後就可以加湯打邊爐喇！火鍋配料方面，選擇種類多，包括菜類、肉類、丸類、餃類等及炸物任叫任食！牛肉都係任食，係必點！魚肉類新鮮，脆魚腩入口鮮甜多汁，口感爽脆，而且仲有白鱔任食！而蝦滑和墨魚滑自家製作真材實料，特別係蝦滑，有好多蝦肉係入面！大力推薦！

真係好耐冇食過雞煲，咁啱今日喺大埔做完嘢，見到呢間人氣雞煲店，就入去試吓😍我哋叫咗個藥膳花雕醉雞煲，酒味好重，雞食完可以加，會唔會太正🫣通常係出面吃雞煲轉邊爐，唔會幫你轉湯底但呢間嘅賣點就係直程成個湯底幫你轉埋比你打邊爐，我哋揀咗卜卜蜆鍋，真係超級推介🙌🏻🙌🏻🙌🏻🙌🏻啲蜆好新鮮，最重要嘅係佢嗰張混得非常之香口惹味，我相信我會因為呢個煲會再嚟encore打邊爐嘅材料最好味嘅係鯇魚腩，啲肉厚度你唔信，仲要可以無限添🥶