M3 Italian (Closed)

今日去咗呢間喺大圍嘅M3 ITALIAN ❤️👏🏻整體來講，呢間餐廳環境裝修同埋服務質素都好滿意！而且呢間餐廳嘅氣氛好好，慶祝活動同埋拍拖都會係一個好適合嘅地方！一行到入去嘅時候就比而家嘅聖誕裝飾吸引住，真係好多唔同擺設嘅聖誕裝飾，入到去就已經有濃厚嘅氣氛！同朋友今次就叫咗一個炭燒美國肉眼扒，呢個肉眼扒真係好好味，首先牛肉做咗五成熟左右，所以以前可以食得到有少少粉紅色嘅牛肉，而且外皮煎得啱啱好！可以鎖住到牛肉嘅肉汁，所以食落去都非常Juice美味另外仲叫咗一份M3沙律！呢個沙律非常豐富，而且份量好多！仲有煙三文魚同埋火腿，好吸引嘅地方係除咗健康之餘依然非常美味！

今日同佢個朋友去咗沙田行街，行完街之後諗住食嘢，點知沙田真係太多人，而且都搵唔到有啲乜嘢好食，所以我哋就搭咗火車車去咗大圍食🤣🤣大圍而家好多餐廳都好出名，其中就係呢一間m3 Italian 👍🏻入到去嘅時候都真係估唔到喺大圍嘅餐廳裏面都可以搵到一間咁有氣氛咁有外國風情嘅西餐廳！而且食物質素都非常有保證😎叫咗一份黑松露野菌燴意大利飯配法國煎鵝肝🤤呢個鵝肝超級大件，而且仲要好厚身！對於鍾意食鵝肝嘅我來講真係覺得好吸引！而且仲要加埋我好鍾意食黑松露野菌意大利飯！呢個組合真係冇得輸！另外都有叫咗一個傳統西班牙燒乳豬，估唔到呢個乳豬幾特別，我自己都幾鍾意，外皮好脆！非常香口，而且入面都好香嘅乳豬味道，啲豬肉好林！入口嘅口感好好！

今日係我嘅好閨蜜生日，所以就喺OpenRice裏面揀咗一間幾有特色嘅餐廳帶佢去試吓！呢間餐廳喺大圍火車站附近，行幾分鐘就到，帶咗佢去到嘅時候佢都好開心！因為呢間餐廳嘅裝飾同埋環境氣氛都非常歡樂！所以喺度食嘢嘅話都真係好正！！❤️❤️黑松露野菌芝士薄餅 $148呢個黑松露野菌芝士pizza真係好好食，本身黑松露嘅味道已經好香，加埋好香濃嘅芝士味道！真係令到整個Pizza都好吸引，而且我好鍾意呢度Pizza嘅餅底，好薄又脆！一啲都唔會好Heavy！❤️卡邦尼意粉配日本溫泉蛋 $138至於呢個卡幫你意粉亦都好好食，好香嘅卡邦尼意粉汁，而且加埋呢個日本溫泉蛋真係冇得輸！❤️黑松露野菌燴意大利飯配法國煎鵝肝 $198真係超級大嚿嘅鵝肝！好好味，分開咗比幾個人一齊食都真係好滋味！而且重點嘅係呢個鵝肝油脂分泌好好，擺入口嘅時候好香濃嘅鵝肝味道湧晒出嚟！當然唔少得嘅就係呢個巴伐洛娃蛋白餅 $78❤️❤️我哋將呢個蛋白餅變咗做生日蛋糕同朋友慶祝！呢個蛋白餅！好特別嘅味道，我自己都係第一次食！好甜好香嘅蛋白餅❤️👍🏻

今日去咗大圍搵朋友！去到大圍梗係要同朋友食返餐好㗎啦，佢介紹咗一間大圍好出名嘅西餐廳比我去試吓，就係呢一間M3 Italian ❤️❤️就咁見到呢間餐廳嘅環境就已經覺得好正，未到聖誕節就已經滿滿嘅聖誕裝飾！真係好有氣氛！今次我叫咗一份傳統西班牙燒乳豬！呢個好特別，乳豬嘅外皮燒得啱啱好，非常香脆！而且重點嘅係呢個乳豬嘅肉都非常Juice多汁！個人來講好喜歡，而且重點嘅係好香濃嘅乳豬味道！食得好過癮！另外，食意大利餐廳就梗係唔少得要食薄餅啦，今次就叫咗一份帕爾瑪火腿芝士薄餅！呢度嘅火腿真係好出色，咬入去嘅時候油脂分泌好好，而且重點嘅係呢個薄餅真係好薄！仲要係好脆！真係好友傳統意大利Pizza嘅感覺！

黎左一間貴價既大家樂快餐店食野咁，叫左兩個set lunch , 個餐湯唔熱，微暖，沙津個汁太少，好似牛食乾草咁，pizza 嘗算不錯，牛扒真心同大家樂大快活差唔多但價錢要成$148 未計加一。餐廳店內環境好有氣氛，喜歡佢地掛上一些油畫，樓低都好高，坐位都舒服，雖然有少許迫。有部份服務員既態度好似未瞓醒咁，特別係所有既客人食緊野時，佢地將收集碗碟既車推黎推去，相信係方便佢地執拾枱面，但我見到架車好唔開胃真心唔會有下次

第一次寫食評，因為佢，所以我開呢個Account，你話有幾差？28/10 號同老公去咗食生日飯，食咗$1600，點解揀佢？因為兩年前去過覺得唔錯，但係今次去同之前好大分別！！！！一入去話book咗枱，唔知點解侍應黑口黑面咁，咩事⋯⋯叫左兩款生蠔食，一款生蠔拼盤裏面嘅生蠔瘦完全冇味。另一款$10蠔唔新鮮仲要醒到痹嘅添。炸尤魚成舊都係粉，魷魚呢？魷魚呢？？又貴兼且又唔好食，侍應又黑面對眼生系頭殼頂上面永冇下次

我們兩人上星期一起約好去大圍食午餐，入門口是由一位沒有著侍應制服的中年招呼，看見他不知道是輸了錢或什麼的總是黑口黑面，心情也馬上給他弄得很不好。我們點了兩個午餐，一個美國肉眼牛扒，一個墨西哥肉醬寬條麵，我們頭盤各點一個沙律及南瓜湯。那塊牛扒有差不多三分一係肥膏及牛筋，牛扒比較韌而且冇乜味道，個寛條麵份量好細及還沒有煮熟，因為麵條十分堅硬及有些還黏在一起。這樣服務質素的午餐兩人要$300完全不值得！下次一定不會再去！

假日行過大圍，諗住去夏雪食午餐，可惜已經關門，不知是搬咗還是執笠。Anyway 見附近有M3，便入嚟醫肚。M3裝修很有特色，門口的大水晶燈很吸睛，加埋牆上掛畫，有型有格。午飯套餐選擇豐富，我們揀了一個意粉及一個漢堡包，套餐包餐湯或沙律，及一杯飲品。今日餐湯是南瓜湯，望落樣子ok，飲落雖然略為稀少少，但仍有很香的南瓜味。😋😋沙律菜亦新鮮，有不同種類的菜及水果，沙律醋亦加有少少芝蔴醬，新鮮好味。👍🏻👍🏻👍🏻我們其中一個主菜是烤頂級安格斯牛肉芝士漢堡配炸薯條（$108），上枱見其份量足，有圖為証。薯條熱辣辣香噴噴，好有薯味。而漢堡煎得啱啱好，牛肉嫩滑有汁，啖啖肉。👍🏻👍🏻👍🏻麵包外面少少脆，配合埋菠蘿及芝士，甜甜地的菠蘿加埋濃厚的牛肉味，正好中和了油膩感，Yummy Yummy。😋😋😋香煎三文魚柳配香草忌廉汁（$108），上枱已見其水準。三文魚的皮煎到卜卜脆，魚肉仍有嫩滑口感。魚肉新鮮，很香三文魚味。意粉做得出色，咬落彈牙，忌廉汁濃稠度啱啱好，條條麵都掛汁，很香奶油味， 十分之好味。😋😋😋餐飲叫了熱咖啡及凍檸茶，咖啡亦香濃，OK。整體而言，M3是午餐的好選擇。

住大圍朋友介紹，諗住落嚟試吓佢個lunch，入到去攞位個男人已經態度奇差，之後落單全程黑面。試咗朋友介紹個生蠔lunch，啲蠔又瘦又細隻，仲有一隻係臭嘅，大家可以唔使幫襯。

今日去咗大圍嘅呢間餐廳食嘢，叫咗好多嘢食非常豐富👍🏻👍🏻炭燒紐西蘭寶雲酥羊架呢個真係好少有嘅炭燒羊架，因為一般係出面都好少可以食到寶雲酥！所以一見到之後都忍唔住一定要叫咗黎試吓！呢個寶雲酥果然冇令我失望，好香嘅味，而且咬落去脆卜卜，配合埋羊架嘅Juice口感！已經係值回票價😋烤焗西班牙伊比利亞T骨豬扒$318至於呢個T骨豬扒亦都係大大塊，同埋呢個豬扒嘅肉都好甜好多汁！帕爾瑪火腿芝士薄餅$148另外仲叫咗呢個薄餅，呢個薄餅嘅餅底同出面嘅餅底好唔同，係好趣好薄嘅薄餅！再加上上面有火腿同埋芝士，成個味道好夾！法式生牛肉他他$148呢個生牛肉他他係朋友重點推介，有一種說不出的好食，唔係太識得形容佢嘅味道，淨係知道好香嘅牛肉味同埋好有特色！

Fusion意大利菜餐廳，有多款牛扒及海鮮菜式供應食物都是水準之作值得一試牛肉他他配法包,即開法國蠔,每人一碗忌廉南瓜湯,海鮮拼盤炸物呢度食物選擇多,問了店員推薦幾款試試先上每位一碗濃湯,飲口順滑,係南瓜湯,將瓜肉打蓉入口香甜今日返左貨係法國生蠔入口不獨有海水鮮味，更能嚐到甜味果仁味 質感肉嫩刺身級牛肉打成牛肉蓉配蔥醋香料等配料,食時當肉醬抹上法包一起吃口感綿嫩,肉味香濃,估唔到牛肉都有咁特色既食法海鮮拼盤,有燒有炸,燒龍蝦一隻,炸魷魚,炸魚柳,蝦卷炸物香口惹味,魚柳大件肉嫩皮脆龍蝦係新鮮既,肉質鮮甜非常味美 只有輕微調味,已經非常鮮味 肉厚啖啖鮮香地址: 大圍積富街33號積康樓地下E-G舖消費$400

尋日約咗一個好閨蜜去食飯！佢介紹咗呢一間喺大圍嘅餐廳！餐廳好靚，入面有好多唔同嘅佈置，而且仲有吧枱位置！對於鍾意打卡嘅人來講，一定好啱！而且餐廳位置亦都非常方便，喺大圍站一出左之後行幾分鐘就到！食意大利菜一定要食下呢度嘅薄餅啦！今次叫咗一個四色芝士薄餅，呢份薄餅係真係意大利薄餅嘅脆餅底！薄薄嘅餅底再加埋濃厚嘅芝士！對於芝士愛好者來講絕對係一個心水之選！而且呢個傳統做法香港已經好少見到，好鍾意食呢一種薄餅嘅餅底！唔會太Heavy，亦都唔會好飽，可以食到其他唔同嘅菜式！另外仲見到有一份T骨嘅豬扒，呢個T骨豬扒有兩件，同朋友share啱啱好！至於呢度嘅豬扒係厚賜嘅豬扒，非常豐富，食落去啖啖肉！而且呢個豬扒嘅香味好濃郁，再加上好多肉汁！食落去好過癮！而且價錢一啲都唔貴，兩個人食除翻都係二百零蚊一個人！二百幾蚊可以食到一個咁樣質素嘅餐廳絕對係抵食！

朋友約食生日飯，所以就諗住去一間靚啲同埋食物質素好啲嘅餐廳，慶祝吓！最後大家都同意左喺呢一間睇大圍嘅M3 Italian Book咗位！🤩😘叫咗好多嘢食，叫咗一份香辣蒜片大蝦意大利粉！呢個意大利粉好惹味，加咗蒜片嘅辣，而且非常香口！而且啲大蝦都好新鮮好彈牙！另外仲有叫咗一個帕爾瑪火腿芝士薄餅，呢個Pizza好薄！好正宗嘅意大利Pizza！而且上面嘅火腿亦都好好食！份量都好多，餐廳亦都非常大方！最後仲叫咗一份烤焗西班牙伊比利亞T骨豬扒！T骨嘅牛扒就食得多，豬扒都係第一次食！呢個豬扒好香，而且仲有兩大塊！望落去就知道好吸引，因為非常厚切！雖然好厚身，打一啲都唔會好硬！依然可以保持到好Juice嘅豬扒！呢個生日飯真係冇得輸！食物質素好，而且環境都好舒適！值得推介！

經驗非常差，食到一肚氣！剛剛開業時河畔分店同大圍分店都幫襯過，有現場演唱，氣氛好好，宜家完全兩個樣。侍應由confirm booking 嗰刻已經非常冷淡，去到就全餐廳上下全程黑面，期間不斷趕客走，已經叫曬前菜、主菜、酒同甜品唔係齋坐，訂座時亦只表明9點9要離座。最妙係去廁所期間，外面有疑似洗完阿嬸唔知有意定無意俾客聽，用粗口鬧D 客食飽唔走。星期五晚去食扒有酒飲西餐廳，坐2個鐘會有咁樣待遇。講番食物，同個價錢完全唔成正比，成4舊水塊扒但冇肉味兼煎過火，沙律舊雞又乾又柴，西班牙乳豬塊皮硬到完全冇鬆化感覺，其他普普通通。疫情過後依然咁嘅服務態度，唔想做不如執左佢啦！

今日閨蜜約食飯，好耐冇見啦，所以想搵一間好啲嘅餐廳食嘢！所以就嚟咗大圍食好西👏🏻👏🏻👏🏻龍蝦汁意大利飯配美國波士頓龍蝦尾💰238每次食意大利菜都一定會嗌意大利飯，因為同一般出面嘅飯好唔同意大利飯口感相對會晏少少，但係因為用咗龍蝦汁去煮，所以食落去好香濃嘅龍蝦汁味！絕對同一般嘅湯撈飯好唔同，呢個汁非常香濃！而且再加埋好爽口彈牙新鮮嘅龍蝦尾一齊食！真係好正！炭燒紐西蘭寶雲酥羊架💰298至於呢個羊架亦都處理得好好，上面加咗寶雲酥，亦都係喺出面比較少見嘅煮法，呢個寶雲酥好香口，再加埋羊架本身嘅味道！口感同埋味道嘅配合非常好！而且呢個樣肉質好好，仲係好多汁好Juice！