馬記茶餐廳

Open Now

Now Closed

今日同媽咪試咗傳說中的馬記奶茶+豬排炒米粉，真系好好食！之前已經有不同的人極力推薦馬記奶茶，試完奶茶之後覺得奶和茶融為一體，味道一致，口感順滑，認真不錯！豬扒炒米粉很乾身很好吃，不會加入很多醬料影響整體感覺。

石梨區的地道茶餐廳 ，門口有咪錶停車場，方便開車過去的食客。早餐和午餐也是推介的好地方，因為地點比較隱蔽，所以大部分的食客都是經常光顧的熟客，地方狹窄，但伙記友善，好在上年曾經裝修過，抽風系統好咗，地方還可以。食物選擇多，價錢非常大眾化，好抵食，今次我是買外賣，已經預先打電話來order，都要等廿分鐘左右，因為現場人客滿座兼叫外賣的人客也有三/四個，可想而知這間茶餐廳非常受食客喜愛。必食推介~各式炒飯和炒米粉👍

位置都算很隱秘，要係街坊才識路🤭 自從寫字樓搬咗之後，都少咗過嚟食，今次專程返嚟回味一番😋工廠區附近，就以為星期日冇人幫襯？你就❌錯喇！ 既有人在外等外賣，室內亦爆滿。好似集體沖涼，（用浴簾間開食飯）🤣唔使奇怪點解餐牌全部寫炒米粉，因為炒米粉真係炒得好好食。我至愛，《巨型雜扒炒米粉》 餐牌有寫明夠兩個人食，（一個人真係要好大食先食得曬） 雙腸、煎雙蛋、火腿、餐肉加香口碎上豬扒（今次略嫌乾身咗啲，豬扒肉欠 juicy ）還有傳統半煎炸牛扒（正常嘢，有Feel) 仲有主角就係炒米粉，炒得非常香口，米粉不但沒有一舊舊， 既煙韌又有點爽口，夠熱即炒有鑊氣，豉油味香亦不會太鹹，分量仲唔少。👏🏼👏🏼👏🏼👏🏼👏🏼水準之作食物賣相＝(滿分20) 16食物味道＝(滿分20) 18服務質素＝(滿分20) 14裝修整潔＝(滿分20) 17（近年剛新裝過加啲分）性價比率＝(滿分10) 8回頭指數＝(滿分10) 8總評分（滿分100）81分

有一段時間冇補假啦，連續做咗幾個月，今日終於休息一下，留係屋企 hea 下。但晏係一定要食既，唔做嘢個肚都會餓架。唔好睇張相好似好普通，呢碟楊州炒飯超掂料多唔在講，夠鑊氣，飯粒乾身唔會油立立。加咗啲椰菜絲，可能就係因為咁，吸咗啲油，感覺冇咁油啦⋯⋯以前間唔時會黎呢到食晏，但最近真係好少黎，一來忙，二來原來係佢裝修，所以揸車經過，總係好似休息咁既，以為佢搵夠錢，唔憂做啫（之前黎親都聽到佢個廚，股神上身咁架）。原來係乾淨咗，個關二哥放正正對正個門口。其實茶餐廳黎講，呢間都幾好食，只不過呀姐姐呢，服務就要睇佢心情啦⋯⋯

響呢度post食評未試過寫第一輪，今次終於開齋。呢度一行幾檔朝早只得兩間開。是但行入一檔，叫例牌沙爹牛麵同茶走($18)。沙爹牛麵上時只得隻匙羹個碗度，以前就好興而家就好少有，小朋友會問點解無用，因為隻匙羹係比你飲湯用，食麵就用筷子喇。D湯真係幾濃不過D牛肉始終都係比梳打醃過，打折扣。杯茶就真係幾滑，響呢區黎講算好正。