澳門冰室

Open Now

Now Closed

lunch時間同女朋友上去,要等位....一上到去見到個黑口黑面老板娘,心知不妙(呢度o既老板娘出o左名態度奇差)。有諗過即刻走....不過最後都諗住俾多次機會佢。佢問我:幾多位? 我答:兩位佢問我:貴姓呀? 我答:姓X佢再問我:姓乜話? 我答多次:姓X佢話: X生呀(啞)!之後等到有位，個侍應舉高兩隻手指，叫等緊O既人入去，但一粒聲都冇出過。我記得好似到我地,又冇人跟佢入去，所以我地入o左去。個侍應帶我地坐低...但全程都係一粒聲都冇出過...我心諗: 呢個侍應好學唔學,學個老板娘?之後叫O野食，見到第二個侍應舉行過，舉手話寫o野。個侍應行過來，o羅住本簿同支筆，冇出聲，望住我，定o左兩秒。知佢ready，叫o野食。叫o左幾樣，佢冇出聲，係咁寫。寫完之後又望住我，好似唔係好耐煩咁。我心諗: 姐姐仔，妳寫完都可以講聲"得"、"好"，甚至係"哦"都好o丫。我鬼知妳得未咩....之我叫多幾樣,每次講完都睇住佢寫，見佢寫完就接住叫，廢事再俾佢"啤"....叫o既過程中佢當然都係一粒聲都冇出過啦!之後D O野食o黎o左。D O野食不過不失啦(見到個老板娘都冇胃口啦!!)食完之後走，去俾錢。見都

食左個咖哩豬扒飯...d咖哩汁味道ok但好多油...最慘係d飯係生骨...好硬...杯咖啡上面太多咖啡粉...同澳門茶餐廳差好遠...唔會再去....

4/30/200712:45PM唔係同事講, 都唔知佢同對面澳門茶餐廳係唔同既. 價錢又平d, 食物都唔同d~怪不得lunch12:30就要排長龍啦~同事M要特餐($28), 有豬仔包or 厚多士+ 炒蛋or 火腿, 配鮮茄牛腩粒通粉or 龍蝦湯通粉or豬扒貢丸米, etc……..豬仔包烘脆左好好味, 皮脆唔在講, 夾左d 炒得好死滑既蛋仲正! 佢d 蛋炒得有好多蛋汁, 又滑, 蛋味濃可媲美牛奶公司既炒蛋.!!豬扒貢丸米粉: 豬扒已剪開, 頗入味, 貢丸彈牙….同事m要通粉仲大碗, 食極都食唔完咁. 熱咖啡: 即磨的, 夠香, 值得一試.p.s. 同事E 話D 焗豬扒飯(餐$:36)好正, 炒飯底, 不過份量不多, 男生可能要食兩個~~

和男友行開呢頭，咁心思思黎食個茶餐。我地點了番茄湯牛腩通粉，咖哩牛腩通粉，厚多士炒蛋，豬仔包炒蛋，熱奶茶，熱咖啡。呢度的朱仔包，熱辣辣，香脆，真係好味。配軟滑的炒蛋，好美味，不用太多調味，就已經好好味。厚多士都很香軟香脆，幾好幾好。咖哩牛腩通粉，辣辣地，牛腩同牛根都炆得香軟，通粉亦夠彈牙。番茄湯牛腩通粉，番茄湯底夠濃香好味。估唔到呢度係用滴漏咖啡的，好香濃。呢度而家已經係無煙食肆，真係好，唔使再食二手煙!不過呢度唔係開助好耐，但係點解個店面好似好亂，有點不整潔的感覺呢!好似水吧的職員咁，切檸檬無戴手套，跟住有去羅冰，跟住仲收錢添!

無想過老尖以30蚊都可以食到一個咁好味,又豐富既lunch有牛腩通粉+涷檸茶+炒蛋配豬仔包,個豬仔包好鬆脆呀..so good!!!值得一試~

第一次食呢度既下午茶,又幾有特色喎!竟然有一款叫鮮油奶醬豬仔包,比一般鮮油多,奶醬厱好味好多!個豬仔包好好味,脆脆地,應該淨食唔加料都好食!再加上鮮油,同個包配搭得好好,反而我覺得奶醬可以減少或者唔要都得,因為佢地令到個包比較甜,有少少漏既感覺...不過整體上,都係唔錯而且美味既下午茶!

和男友行街，行到累，每到都咁多人等位食野，上到黎竟然唔駛等。我好喜歡呢度的番茄湯牛腩通粉，係我食咁多同類型的，最好味的。配朱仔包，火腿，朱仔包，好香脆，好好味。最美味的朱仔包。另外點了咖哩牛腩撈公仔麵，呢個就太辣，唔係咁好。呢間店有一個極大的缺點，就係無分非吸煙區，食一餐，分分鐘食十支八支二手煙!

下午的2：15，人頭湧湧的尖沙嘴，想找一間快靚正的醫肚之處……honey真是好介紹：）也許大家在星期六都會模糊了“午市”的概念，所以絲毫不覺得有下午茶時段的寬鬆，加上略有些煙霧繚繞，嗯，環境，就的確一般。不過一個完美的特餐就徹底把分數拉回來了：兩個A餐，計有鮮油豬仔包/厚多士+炒蛋（明知山有虎，偏向虎山行？）+龍蝦湯通粉/番茄牛腩湯通粉+紅豆冰/熱奶茶，27元，紅豆冰加6元。菜上得很快，全都是水準之作，豬仔包趁熱入口，脆脆的外皮即刻在嘴裏迸開，甘香綿軟的內層隨之纏上舌尖……通粉火候剛好，入味得來很彈牙，番茄湯底裏融著些牛腩碎，剛好填補在通粉的凹槽與內圈中……侍應們手腳麻利，態度和善，而且，最重要的是：話頭醒尾。我們才說了一個字，那位阿姐已經明白我們想調位。今時今日，要全天打起十二分精神做個令客人無怨言的侍應，難度真是不比其他任何行業來得低。雞蛋裏的骨頭：厚多士略焦，海鮮什菜湯通粉略淡，較大個的牛腩粒略“en”。

本來一心想去澳門茶餐廳食家，林住一個人都會有位掛，不過因為係食飯時間連一個人都要等位，但係我又趕時間ＷＯ，見到對面有間澳門冰室應該差唔多家啦，而且又唔洗等位，就即管試下啦。三十幾蚊一個lunch，同澳門茶餐廳差唔多價錢仲多一個小食潻。叫左個焗豬扒飯，飲品要凍啡（例排家啦）。首先黎既係小食，係一舊中指咁大既炸魚，勁多炸粉，唔知ｄ魚肉去左邊，不過算數啦，個小食對我黎講都係bouns黎既姐，之後黎凍啡，味道ＯＫ，有利成似澳門茶餐廳既，收貨啦！最後既係焗豬扒飯，十分失望，份量又小，個盆勁淺，豬扒同樣係勁多炸粉，食左一半就冇食啦！！！下次點都唔會再黎食家啦！！

如果唔係朋友帶我黎,我真係唔知道呢度有間冰室,而且食物質素同環境仲係唔錯個隻喎!有一個27蚊午餐,又多野食又好味,係我既推介!先有一個包,可揀牛角包,特色厚多士,或者牛油豬仔包,我食過兩款,牛角包比較正,因為又熱又香又好味, 厚多士比較簡單,有半塊,但真係係厚果種…然後有炒蛋或煎蛋可選擇,我喜歡前者,因為真係做得好,唔同一般茶餐廳,反而同麥記早餐那隻一樣,係勁好味囉!仲有主食係粉或麵,有好多料可揀友最愛咖喱類,我唔食辣,要芝士腸同漿爆丸,好清,好味又有特色!最後又配埋飲品,真係食得過!不過記住早d黎,因為要排隊輪候呢!

前幾日我同ｄｆｄ　去尖咀睇戲，睇戲前想搵間餐廳醫肚，見到依間野個餐牌都ｏｋ　價錢尚可，未試下囉上到去我同個ｆｄ點左個５０蚊（加１）既餐，個餐係咁既包ａ）熱飲　ｂ）小菜／蟹柳　ｃ）主菜（可配飯／麵）我問佢加炒飯要唔要加錢，個阿叔待應語氣極唔好話「依度未寫左囉　你自己睇下」咁都算啦．．．之後小菜黎喇．．．咁照理佢寫到明每個餐都附送小菜　我同一個ｆｄ　每人叫一個咁常理係每人一碟小菜．．之後　有一碟黎左（隻碟係一隻手掌咁大　菜很少）　我個ｆｄ同我都以為為人一碟啦咁我繼續等　我ｆｄ就食先．．點知佢食完　菜都未黎我就問番果個阿叔待應，佢話「乜你唔知兩個人一碟咩　頭先未講左你知囉！」我同個ｆｄ聽完佢咁講　頓時有被騙既感覺．．其實間野ｄ野食　都ｏｋ既不過有ｄ咁既待應　「串串共」　會令我ｂｌａｃｋ　ｌｉｓｔ左依間野或者依件事只係偶然啦　但我唔ｒｅｃｏｍｍｅｎｄ大家去依間野（附圖：就係佢口中兩個人份量既小菜）

食過個午餐, 通粉要龍蝦湯底, 炒蛋配厚多士。龍蝦湯底十分杰, 且咸; 伴以幾隻仲有條腸的蝦仁, 真係要我揀都揀唔切。通粉係有坑的一種, 較大粒, 索埋杰杰的湯, 真係唔算好食。炒蛋就幾好味; 而多士一件, 少左D。加埋杯凍飲廿八蚊, 唔係貴; 但齋睇個expected value, 一丁點都唔值。

大年初一，同太座港九新界咁去拜年同派利是，真係仲勞碌過返工多多聲。下午四點鐘，來到尖沙咀，是日除了各式煎糕外，都無咩正宗食過野，搵處地方吃下午茶抖一抖就正好。不少餐廳都休市，行過這裡，見兩間以「澳門」為名的茶餐廳都照開，就上樓來了這一間，貪佢有卡位，又有LCD電視睇賀歲波。叫了個豬扒包下午茶餐及一杯Latte，豬扒包大大個，是烘得麵包皮香脆的，加埋油炸豬扒一塊，味道不錯，份量亦足。可惜用上了半鹹不甜的燒汁，如果配沙律醬就更對味。Latte大大杯，味道淡淡的，不過在放假時，也不要刺激腦部太多了。侍應很忙碌，招呼都算不過不失。餐廳是可以吸煙的，也有不少港澳同胞及附近工作的零售從業員在吸煙。埋單48蚊，不收加一，也沒有新春營業的附加費，都幾抵食。題外話：見港隊班廢友在大球場獻世，真係有辱國體！

同男朋友食lunch....唔想去澳門茶餐廳....又多人...好似要食得好趕咁我叫左個蒜汁T-骨扒...配薯菜...叫佢地去晒d薯條...就有好多西蘭花...好味...d size 唔太大...男朋友叫左焗豬扒飯.....細細碗....下次要再去先...不過呢度少choice過澳門茶餐廳...又好似平d啦

只係呢度飲過杯涷檸茶, 但係個入口超難搵, 上到去人都唔多隻, 地方又闊落, 不愧係超級蛇竇!!!