澳門仔火鍋串燒專門店 (Closed)

學完結他就入左黎食雞煲。吸引之處：1. 花膠雞煲有半隻雞成個黎煲。所以雞肉整得好潤滑。雞肉雖然睇落似原味雞，但味道帶鹹，雞肉本身落左既香料已經滲透曬入雞肉，所以味道好夠。2. 海鮮拼盤一黎，成個人精神曬。8鮮盤真係有好多唔同種類既新鮮海鮮。成個蟹都俾曬你。發現呢間餐廳都幾大方。3. 大大個帆立貝，口感超爽。浸到啱啱好熟，味道特別鮮甜。加左醬汁味道更加特出。4. 成隻大蝦。好新鮮。聖子都好爽口，冇沙。整得乾淨衛生。5. 雞煲湯底既味道加埋海鮮既甜。個火鍋真係超級好食。6. 原來仲可以任叫其他海鮮，例如廣島蠔。食埋豬頸肉，魚皮餃呢啲打邊爐必備既美食。成個火鍋就變得好完美。呢啲野食質數都高。無諗過餐廳既野全部都好新鮮，仲要係價錢唔貴。整體黎講，性價比超高！

貓貓今日食左個超抵食又好味既打邊爐。係油麻地一間好似普普通通既餐廳。但係野食可以好好味。貓貓order左個花膠雞煲。湯底可以飲的。雞煲湯好夠味。花膠整得湯底好滑。仲有啲螺肉係湯底。貓貓鍾意佢個雞肉，好滑而且雞肉有彈性。唔係普通cheap雞。雞肉保留住水份，好嫩好爽口。食完雞煲仲有厚切既安格斯牛肉食。厚切既安格斯牛肉，碌完特別有口感。重點係安格斯牛又夠新鮮，味道好甜。貓貓濕左個咀。係貓貓期待既海鮮呀。有大蝦，蟹，聖子，蚌類，仲有好多海鮮。睇到都濕曬個咀。海鮮每個都好新鮮，雖然貓貓自己調左醬料。但個海鮮真係新鮮到唔洗同醬料食。原汁原味真係好好味。貓貓食下食下發現食左好多肉，決定order菜食。金菇都好新鮮。響鈴又脆又香，呢間餐廳真係值得貓貓食多幾次。貓貓覺得超級值得。

我朋友約好等放工帶我去砵蘭街食火鍋我最醉心的@安格斯-特級安格斯手切肥牛升級配料128$一碟非常適合很好食多年無遇咁好吃對本人胃口的肥牛女朋友就最愛這個花膠雞煲火鍋她的牙不好我把全半隻雞我很肥但卻不油不膩死未？她結果吃了半隻雞一個C 餐包一凍盤全海鮮雲吞蚝⋯⋯這個是任用的急凍雪花牛肉片這278$ 兩小時任吃C 餐魚頭貝子煲的精華是花膠原汁原味呈現我加入大量莞茜成個味提升晒最後我們還童真到-取任用可口可樂一個巧克力蛋糕黑牛配安格斯牛一面吃東西，一直懷念以前是我們的生活食好西是我國第一享受甘心為吃而成精沒什麼不好嘛！食私是福氣

見到食評d人寫個花膠雞咁吸引今日就帶埋男人黎試下呢度係放題形式c餐貴b餐20蚊，多碟靚牛，咁就唔差在啦！平時2個人打邊爐，叫個靚d嘅湯底都要200幾蚊而家仲有配料任食，仲有個海鮮拼盤，仲有嘢飲任飲！抵返曬落完單，靚姐就放低2碟前菜木耳個汁係川式辣汁，我鍾意，不過好鞋口青瓜就爽脆好味嘩。。。花膠雞湯黎到啦賣相勁靚，靚姐話冇加味精，叫我哋記住飲完碗湯先打邊爐個湯好清甜！飲得出真係靚湯唔會好似其他餐廳，會飲到咸，口會渴連一向奄尖，唔係，係要求高嘅男人都話正我正式宣布，呢個花膠雞湯係我飲過幾間火鍋餐廳入面，最好飲！有好多舊花膠，補充骨膠原時間！飲足2碗我哋先開始打邊爐！八鮮拼盤，有8樣海鮮有乾冰係底，上枱時仙氣十足，呃like一流先淥海鮮，拎起個蟹蓋，估唔到隻蟹細細隻，d膏勁澎湃！即刻影一影！淥完變咗做邪惡之物😍d膏好甘香！海鮮入面最好食係隻蝦！勁大隻，肉質好爽口，新鮮！煮完海鮮，再飲湯，好鮮甜！筆下筆下，又比我筆到螺片？正！飲完湯，食完海鮮，已經半飽！開始打邊爐啦😂先淥呢碟安格斯牛色澤一般，油花唔係特別靚但估唔到好驚喜 ！！牛味濃，肉質嫩滑，好高質！之後再叫咗d蝦滑，雲吞，凍豆腐d配料係跟人

砵蘭街實在唔係一個好多出名食肆既地方，其中一間係長期好多人排隊既村爺爺，但今次唔係食佢，反而去左旁邊既一間火鍋店。7點半去到，人真係唔多，得一兩枱人，我地2個人可以霸張4人枱，好野✌🏻-肚餓仔既藍妹同男朋友決定叫最貴既plan C，想試下個安格斯牛肉得唔得🤔-個煲一上，好大呢，雞係完整一隻，花膠份量唔會好多，但都夠兩個人食（雖然最後係藍妹食哂🤣），裡面仲可以見到杞子同螺片。湯好清甜，男朋友係咁飲，之後全晚加湯都係加雞湯，唔係清湯呢👍🏻-八鮮盤上枱，我地急不及待放落鍋煮滾啊滾啊😍-等海鮮熟之際，我地先拎起隻雞黎食大大隻🐓，d雞油好香，雞肉超級嫩，拎住黎撕，雞油同肉汁成口都係，正-食完隻雞，d海鮮岩岩好食得😋睇圖見到八鮮盤好足料，最驚喜係佢竟然有蟹🦀，d蟹膏仲要唔少🤤如果唔係實膏就更正啦。所有海鮮都幾新鮮，比雞湯煮一煮，鮮味依然十足。成個盤最好食既係隻蝦🦐，大隻就唔洗講啦，佢肉質好彈牙，完全唔梅，蝦味好濃郁（唔鐘意食蝦既藍妹都忍唔住比個讚👍🏻）-豬頸肉、鵝腸、牛骨髓豬頸肉怪怪的，個質地同味道都唔似豬頸肉，唔知點形容😣鵝腸大條，男朋友encore左，佢覺得好食。牛骨髓味道濃，有少少筋。-蟹籽

• 一坐底，店員就拎左兩碟前菜黎，有雲耳同青瓜，味道有小小辣，酸酸微微好開胃！！！• 依個花膠螺雞煱，無味精，店員直情教滾起當湯飲，果然真係好鮮甜，味道濃郁，而且好足料，d花膠d螺肉三個人好夠分！！！• 登登登，海鮮拼盤，擺放精緻，還有乾冰形做出黎既煙霧效果！！！龍蝦鮑魚生蠔聖子皇貴妃蚌等等....d海鮮好新鮮，依點好重要，光是依個海鮮拼盤已值回票價！！！• 花膠螺肉份量十足！！！• 牛肉• 可無限追加既蝦都好新鮮不黏殼，鮮甜爽口彈牙！！！• 魚腩，魚頭！！！• 龍蝦跟蝦放落湯滾起令湯底更鮮甜！！！龍蝦肉質爽彈！！！• 依到連蠔同元貝都有，還是無限追加的！！！• 依到蟹柳係比成本貴d個隻客人，唔係比紅卜卜個蟹柳，貴d依隻外觀同食落真係好大分別，貴d依隻口感一絲絲更重蟹味！！！• 墨魚滑• 啤酒山！！任你飲睇你飲得幾多！！！韓國Hite 啤酒味道不錯，味偏重，濃厚醇香！！！

旺角成日都係食個幾間餐廳，反而少食茶餐廳，始終有種賺遊客錢既感覺🤣本身想行去油麻地個度搵餐廳，但實在太熱見到呢間幾多選擇就入左去食🤣入到去冷氣好夠，坐又坐得舒服，有好多的士司機都係度嘆下午茶🤣❤️雞翼沙拉雞翼新鮮炸起，應該係生炸，勁juicy又唔會炸得過火😍😍雞肉亦十分嫩滑，好掂！沙拉就普通雜果沙拉，有蘋果青瓜個d勁fresh👀👀❤️乾炒排骨河新鮮熱辣炒起，勁有鑊氣！河粉炒得一條條分離唔會痴埋一齊！食落好香豉油味唔會太咸。排骨份量都多，骨肉分離，食落冇咩雪味，不錯！❤️咸檸7呢杯可以話係茶記必點，飲落咸咸地又有氣，好過癮！❤️凍檸樂又係茶記必點！檸檬俾得切多，正！但要快飲，可樂冇氣會好難飲呢度夜晚邊爐價錢都好抵食，搵日夜晚要黎試下！

呢排落雨天氣冇咁熱戚起條癮想打邊爐就揾左以前做part time 嘅同事一齊嚟食澳門仔聚下因為我地好早到 所以未係好滿座野食都有幾多選擇 我地揀左放題套餐C 包花膠雞煲、海鮮拼盤同安格斯牛先食木耳同青瓜醒下胃 花膠雞煲真係用料十足 用成隻雞去煲 有好多花膠、螺頭 仲有唔少藥材 唔怪得成煲湯咁濃郁 我哋每人起碼飲咗兩碗先開始打邊爐！海鮮拼盤有好多種海鮮 有蝦、帶子、花甲、蟹、蟶子等等 樣樣都好鮮甜 自己最鍾意就係佢個帶子 好爽口 滾完都冇縮水安格斯牛肉雪花均勻 滾兩滾就熟可以食得 一啲都唔韌 牛味重又多汁任食火鍋配料多不勝數 肉類特別推介黑豚豬肉 打邊爐食都一樣咁好味蟹子墨魚滑、蟹子蝦滑勁新鮮彈牙 一定唔可以錯過打邊爐又點少得蔬菜 蘿蔔真係越煲越甜 牛柏葉、魷魚、帆立貝、冰豆腐打邊爐都好正！大家都食到好飽又互相update近況 呢個花膠雞煲夜真係好滿足！

呢度嘅火鍋放題有3個價錢， 我揀左放題C，有八鮮盤（海鮮）同安格斯牛肉送入門口時我已經睇中佢嘅花膠雞煲女人要補下！！果然冇揀錯佢個雞煲沙係奶黃色的，有好多花膠係入面。一開始我地先飲左一碗湯，無味精的味道，好味！最正係隻雞，食到咁上下之後 侍應俾左對手套我撕雞，佢d肉一d都唔鞋，好滑，有d似係韓國食人參雞的口感，最後我地食晒半隻雞。Facebook打卡有乳鴿送小拌菜： 木耳幾爽幾好味，少少辣八鮮盤：我地係4人份， D帶子好大粒安格斯牛肉：牛味十足，嫩滑，好想再enchor呢度有另一個我好著迷嘅地方，就係廣島蠔任食好少好少火鍋放題做到！仲要隻隻都大大粒，唔會腥白色果邊係花枝片，值得一試！薄薄地，唔好滾太耐就會好爽滑的了呢間淨係個湯底已經令我食完想再約朋友來食啦！

尋晚同屋企係朗豪坊睇完戲，周圍行下睇下有咩好食。行到呢間其貌不揚既餐廳，見到佢有新推廣任食火鍋，就入左去有3款放題可以選擇我地係海鮮怪 當然要揀C餐自助調味區個煲未到可以食住開胃涼拌小食先好香濃既雞湯味呀～～～～～半隻雞加上滋陰花膠去煲，個湯底好濃奶白色～～未飲已經流哂口水店員都叫我地飲左頭啖湯先，然後慢慢再食火鍋，因為頭啖湯最濃 最原汁原味雞味重，花膠又軟又滑 好味！趁未落其他配料，落左龍蝦先等湯底更鮮甜，飲多兩啖海鮮拼盆賣相都幾豐富新鮮好肥美既貴妃蚌肉甜又彈牙肉質結實，蠔味重，好味脂肪均勻，牛味濃，輕輕一灼就食得，火鍋一流超開心，店員叫我地like and share 澳門仔火鍋串燒專門店，即送一隻乳鴿仲要新鮮炸起，香脆可口。真係有意外驚喜食埋呢杯雪糕真係完美細細杯岩岩好，仲有多款味道選擇！不過無我最中意既香芋味，但都好滿足了

同朋友行開旺角到油麻地，行吓行吓又到晚餐時間，朋友話食這間澳門仔火鍋，我就話好啊，黎試吓囉，睇價錢好平，$148已經任食火鍋放題，仲有花膠雞煲？入到去，好地道的火鍋館，店面大，坐得舒服，店員送上小食，醃青瓜同木耳，清爽開胃。放題分3款，按人頭計，睇餐牌一目了然，我地諗緊B定C好，C$278，有花膠雞煲同海鮮拼盤，仲有安格斯牛，加埋一，每人都係300，就食豪d,最貴那個啦調味料區，有7款，任君選擇，調味區旁有雪糕櫃，雀巢牌雪糕杯，好耐未食過招牌花膠雞煲，半隻雞，仲有好多湯料，店員強調靚湯原汁原味，冇味精，可以嘆碗湯先，嘩，我飲左兩大碗😂真係好正，奶白色的花膠湯，煲到夠火喉，花膠大大舊，絕不慳料，好濃，飲完個人好舒服👍安格斯牛都唔錯，肥瘦適中，肥花紋好靚，燙兩下熟左就食得，雖然未去到入口即融，但絕對唔差，到上海鮮拼盤啦，有8樣海鮮，所以叫8鮮盤，我最鐘意龍蝦，青口，生蠔都有，海鮮新鮮，唔錯另外仲有點菜紙，好多火鍋配料，肥牛，海蝦，咩都有，不過我主要食海鮮就夠，最後食埋個雪糕😂

又係火鍋店，又係小菜館！因為朋友有啲唔舒服嘅關係所以就唔打邊爐啦，來都改食小菜！估唔到都有驚喜，其實叫得自己做火鍋館真係唔期望佢哋嘅小菜會好味！所以我哋都叫啲大路嘅嘢食！招牌小炒王：叫得小炒王就係將廚房有嘅野炒埋一碟！不過又炒得幾好喎，配搭口感一流， 不過 略嫌細碟咗啲炒鵝腸：鵝腸雖然唔係新鮮( 宜家一般出街食嗰啲鵝腸都唔會係新鮮)，但係都有少少肥膏，令到更加香口！炒得夠晒火候仲有一疊超大碟薑蔥魚皮！爽，脆！

久違了的火煱放題。放題的好處, 一個價錢便能捧腹而回。但又如何保持性價比之餘, 同時兼顧食物水準呢？個人推介, 食肆位於旺角區, 鄰近港鐵旺角站大約4分鐘步程。何謂值得推介？馬上為大家直擊一下。放題價錢以「時段」和「配送主菜」劃分。由$148至$268不等。免費餐單的配菜款式亦應有盡有。花膠雞煱 (凡惠顧任何火煱放題奉上) 足料雞件+花膠及多種配料炮製。湯底非常鮮甜, 雞味濃郁。單單湯底已喝了四大碗, 「伙記！麻煩加湯。」八仙盤 (惠顧放題B或C均奉上)底部設有乾冰, 視覺效果同時亦保持食材新鮮。讚！包括: 蝦滑、大蝦、鮑魚、生蠔、蟶子等......全由老闆每朝新鮮訂購, 以保持質素水準。特級安格斯牛肉 (凡惠顧放題C均奉上) 牛肉脂肪分佈平勻, 肉質鮮嫩。放湯一焯, 口感嫩滑且牛肉味濃。( 溫馨提示: 牛肉片會因久煮而破壞牛肉內的胺基酸, 影響質感。) 火煱放題, 汽水、雪榚任飲任食。配菜類: 蟹棒、午餐肉、龍蝦丸牛丸、鮮魷魚。雖然作為配菜, 鮮味程絕對不輸主菜！結論: 性價比高且高水準放題, 買少見少。精名消費者們當然不要誤信廣告, 親臨一試之下, 出符意料的水準！

今晚一行3人去食火鍋，朋友介紹澳門仔火鍋，話個火膠雞煲好正，於是就帶 阿媽黎試下。呢度是火鍋放題，好抵食，分ABC餐，唔同時段唔同收費，由A餐$148 加$60可享有花膠雞煲，B餐$258 有八鮮盤同花膠雞煲，C餐$278 八鮮盤同花膠雞煲和一碟安格斯牛肉。另外火鍋配料，任點任食，啤酒汽水，雪糕都有。我們揀了C餐，加埋一都係300左右，好抵食。成個鍋上菜，奶白色的花膠湯，店員服務態度好好，值得一讚，鍋蓋好大個架，湯滾左了又會主動打開鍋蓋提醒我們，湯冇味精，可先飲湯。阿媽飲左兩大豌囉，話好正，甘真係足料，大大舊花膠，好爽口，半隻雞剛剛熟，好嫩滑，湯真係精華啊。安格斯牛肉上台啦，即刻放落湯滾兩滾，唔使點醬汁都好正，有牛肉味，新鮮，冇雪藏味👍打邊爐必點八鮮盤真係大開眼戒，八樣海鮮，龍蝦，蚌，帶子，聖子，青口，生蠔等等，放在冰盤上，樣樣都好大隻，真係回本。一樣樣放入湯底煮，龍蝦肉爽口，鮮甜，帶子好鮮味，不用點醬汁都已經好正，海鮮原汁原味，聖子好爽甜，正啊😍配料叫了菜同鯇魚片，阿媽全程讚不絕口。最重要抵食又好食，見到隔離台食小菜都好吸引，下次再黎試下👍

今晚約左幾個朋友打邊爐Openrice搵到間幾抵食既澳門仔7點鐘入座 選左放題c $278 加一有海鮮 有牛 湯底可選花膠雞湯飲品雪糕任攞相比另外2個都幾抵食可以食兩個鐘 一坐低就有前菜兩個都酸得黎好好食好開胃火鍋料選擇都幾多但湯底我地當然要花膠雞鍋 夠滋補果然真材實料 隻雞夠哂份量 色澤又夠金黃花膠都好多 而且好滑好好食店員建議我地飲左湯先果然好鮮甜 每人足足飲左兩碗先停手店員之後加湯都係加雞湯架所以唔會越打越冇味八鮮盤海鮮夠哂多當中我最鐘意食蝦 夠哂大隻爽脆其他扇貝、蜆食落幾新鮮蟹都幾香 食左幾隻蟹腳安格斯牛 雪花分佈得極為平均食落牛味好重放落鍋裡燙一燙 掛起少少花膠雞湯味道夠哂香濃黑豚肉都幾嫩滑可以再encore!其他火鍋配料都應有盡有當中牛丸好彈牙 蝦滑都好香脆最後食埋雪糕好飽好滿足老闆話為左世界盃 仲專登加多左幾部電視啱哂各位同班朋友一邊打邊爐一邊睇波！