澳門仔火鍋串燒專門店 (Closed)

貓貓今日食左個超抵食又好味既打邊爐。係油麻地一間好似普普通通既餐廳。但係野食可以好好味。貓貓order左個花膠雞煲。湯底可以飲的。雞煲湯好夠味。花膠整得湯底好滑。仲有啲螺肉係湯底。貓貓鍾意佢個雞肉，好滑而且雞肉有彈性。唔係普通cheap雞。雞肉保留住水份，好嫩好爽口。食完雞煲仲有厚切既安格斯牛肉食。厚切既安格斯牛肉，碌完特別有口感。重點係安格斯牛又夠新鮮，味道好甜。貓貓濕左個咀。係貓貓期待既海鮮呀。有大蝦，蟹，聖子，蚌類，仲有好多海鮮。睇到都濕曬個咀。海鮮每個都好新鮮，雖然貓貓自己調左醬料。但個海鮮真係新鮮到唔洗同醬料食。原汁原味真係好好味。貓貓食下食下發現食左好多肉，決定order菜食。金菇都好新鮮。響鈴又脆又香，呢間餐廳真係值得貓貓食多幾次。貓貓覺得超級值得。