澳葡牛奶餐室

Open Now

Now Closed

諗住隨便入一間食啲野，點知中哂伏！首先，落單個呀姐會要求你係位大叫到佢收銀位到，全場都聽到人叫，勁似街市咁。去食既記得練好中氣先好去。第二，叫都算，呀姐又要聽唔到聽唔哂，講左至少三次都聽漏單🙄 同佢講仲要扮聽唔到，黑你面，勁無禮貌！第三，叫乜無乜，仲問返你”點解會咁叫”，答返佢你餐牌咁寫，佢就會話”無貨返咪無，就係咁簡單”。佢既禮貌真係天下第一！第四，野食黎到係”嘭”一聲，大大力放上枱。份量仲要係勁細份，吉列魚柳係會連埋蛋殼痴住一齊上比你。魚柳係雪藏就一定架啦，但好勁雪藏味就真係搞唔掂🤮🤮完全食唔落。最後，又係個啲，唔收毫子但會找毫子比人既茶餐廳🙄🙄總結，你有心理準備去個無禮貌既街市食野先好去。仲有，佢連枱都唔會幫你抹下。如果有0粒星，一定係比0。

今日去深水埗買布，有小小肚餓行經呢間見到豬腳飯張相幾靚，🤔其實入去前都有定心理準備...😠點知係更離普！叫左豬腳併腩肉($58唔包野飲）豬腳塊皮同皮下脂肪好厚，😠腩肉嘅瘦肉瘦到咬唔入，😠成碟野得個咸字，D飯又散收收....😖好似俾人夾硬喺銀包搶左幾十蚊！😬為減成本你地已經買最下等嘅凍肉但連調味都費事？ 定你地係冇諗過有回頭客？

1. 隔離枱投訴食物入面有隻大曱，係大隻，嬲到佢地即走2. 食物質素麻麻，酸辣米線既米線硬，蕃茄米線湯底冇味，芽菜難食，蔥油豬扒雞翼硬3. 另一張枱話葡汁稀如水，飯亦有問題4. 假期peak hour，要烏冬冇烏冬，要意粉冇意粉5. 豈碼有兩枱個餐都爭緊d野6. 出餐有點慢，但現場未滿座

今日係第一次去深水埗食早餐，所以昨晚已諗定幾間，原來汝州街都有幾間茶餐廳，見呢間有位，就試呢間先……我叫左個B餐--煎豬扒轉通粉、多士配煎蛋飲好立克，我覺得個豬扒吾錯，都好腍，個早餐算吾錯呀，因為呢昌鋪叫"澳葡"，又有葡撻，所以叫左一個同拔兄SHARE，吾知係太早冇HEAT住，定隔夜，個葡撻吾係好熱...不過味道係OK，之後聽到吾知係咪個老闆娘回來話：冇開個爐嘅，吾怪之吾係好熱啦...呢度地方吾算大，長方型，全場一邊係長梳化，一邊係椅，方便客人人數多時，拍埋張枱，地方似係新，都算乾淨，服務係正常。

時間不足下，喺深水埗見到呢一間餐廳，第一次食我會選擇試吓佢個咖喱牛腩，出面寫咗午餐係送葡撻或者糖水，但係冇寫明凍熱飲使唔使加錢，入到去入面餐牌先寫熱飲加$6凍飲加$8。諗住都入咗嚟啦，所以照樣試吓佢嘅咖喱好唔好食，點知嚟到見到個汁係勁稀，牛腩只係一啲清湯腩放喺啲咖喱汁上面。負責落單嗰個短頭髮阿姐，對所有客都係勁唔耐煩嘅態度。到我已經食緊個餐，兼嚟咗杯嘢飲嘅時候，個阿姐又拎住一杯熱飲想拎俾我，原來又係未搞清楚杯嘢飲係邊一台。完全係不愉快嘅體驗，唔會再嚟。

朝早想食個豐富嘅早餐之後先返再，於是就俾呢一間嘅牛牛logo吸引咗入去試。🦬店內環境乾淨，燈光鮮明🌞，食物款式多，送餐服務快，不錯的體驗👍🏼👍🏼雞扒公仔麵+煎雙蛋多士公仔麵略嫌無味，但軟硬適中，不會因為放太耐而變淋。雞扒稍為有煎過，但肉質略嫌偏乾，但味道還是不錯。多士牛油脆身，牛油適中，好食。雞粒雪菜肉絲米雪菜味道剛好，不會偏鹹，而且所用的雞粒也是自家製，不是罐頭開出來的，很少茶餐廳可以做到這一點！

奇怪的是這家餐廳有這麼多正面評價。 食物很一般。 他們花了一段時間才做出一份簡單的牛舌拉麵。 餐廳環境分散注意力。 他們正在大聲播放一些中文podcast，用普通話講述一個歷史故事。 幸運的是，最終有人把它關掉，改成粵語流行音樂。 當葡萄牙拉麵出來時，肉湯嘗起來就像稀釋的葡萄牙醬。 牛舌沒有切好。 我是在餐廳關門前去的，所以萄塔都賣完了。 我點了蒸牛奶布丁。 反而。 我對 openrice 的推薦感到相當失望

去鴨記買野，見下午茶時間尼間最多人就入去試試，首先環顧四周食客食緊乜嘢，見最多人食撈丁，其次就係朱扒包，就叫左個雞扒包配沙律同蔥油豬扒撈丁，店員服務真係好好，係香港真係買少見少，好老實，個撈丁真心麻麻但個雞扒包好有驚喜，大大件不在話下，沙律菜好新鮮，不過個包大到食得有點論論盡盡，見隔離枱叫左個金沙雞亦好似好好味，下次有機會試下，飲品就唔推介，杯咖啡飲得出係咖啡粉冲出嚟，檸檬茶就檸檬同茶味都好淡，普通普通，整體來講好好滿意👍🏻

諗唔到食咩求其搵一間坐低，七點幾一入去成場得一台已經心知不妙，但坐低咗就算繼續嗌餐一開餐牌見啲價錢都算偏貴，$60-70仲唔包嘢飲，兩個人叫咗一個蔥油雞扒撈丁，同一個鮮茄焗豬扒飯蔥油撈丁一上枱，蔥油得個油字唔香，啲麵淋到完全冇口感，妹都妹得斷，塊雞扒就OK正正常常嘅，唯一一樣可以入口嘅嘢鮮茄焗豬扒飯係炒底即焗嘅，觀感都可以，上枱個下熱辣辣，但係塊豬扒超勁鬆肉粉，質感同啲公仔麵唔差得幾多，又冇豬味，唔知食緊咩唔明點解咁多好評，又貴又難食，大家冇咩事真係唔好行入去

呢個下午嚟到澳葡牛奶冰室食下午茶我揀咗鸡扒捞丁。但係呢個捞汁真係太少啦，令到麵鮮少味道，好似無加汁咁，微微咸嘅味道都冇。至於啲雞扒，就普通中規中矩啦。但係餐廳內部環境幾唔錯，座位寬敞舒適，啲員工都好有禮貌，服務唔錯㗎

呢間野真係難食到我為佢寫低第一次嘅食評 今日同frd經過呢間野 見到唔係好多人就入咗去 諗住好多人叫豬扒包配薯條沙律同雙皮奶 小妹亦都照樣嗌左仲加左個店主推介嘅葡撻 點知係極度難食！首先個雙皮奶一D都唔滑 仲要超硬 之後個葡撻完全唔似葡撻 似嗰種擺咗三日嘅酥皮蛋撻 甜道係恰當嘅 但係如果唔講根本唔會知佢喺葡撻 腍啤啤咁 豬扒包我覺得已經係最唔伏 但係薯條真係有待提升 又乾又硬 服務態度亦都唔算好 叫野叫左好多次都冇人應 見到全部都喺度傾偈 完全冇理過D客 環境係幾好不過唔會有下次！唔明點解會有咁多人話好食

早幾日先試呢間個咖哩牛坑腩飯先講個咖哩，普普通通，香料味不足，色同味都遍淡。牛腩切到好細粒，雖然唔係真坑腩，不過大部分都係半肥瘦同夠淋。雪腩亦處理走雪味，幾好👍🏻。但因為咖哩味不足所以亦突顯咗雪腩牛味唔夠嘅缺點。重點係價錢，你又唔係cwb或TST街鋪，只係响深水埗偏僻嘅道路。又唔係用料特別好或特別多，連凍飲$71蚊會唔會過分咗啲？唔係放兩條草加兩粒蕃茄就高級咗架喎😂講真，如果$51蚊會再食，$71蚊就唔值了。

雖則話去澳門好近，但都唔係吓吓有時間去，何況唔賭錢既我，去多兩次都有D悶.. 🤣好彩比我發現深水埗有間Co值高既餐室，主力食葡國菜，又有本地風味既野食，當然要試試，過吓心癮啦😎巨人豬扒包 $41真心我覺得好食過澳門🇲🇴除咗大大個之外，係勁多料好豐富，豬扒亦唔柴，必食 👍🏻蔥油金沙炸雞髀飯 $68聽都覺得邪惡，我仲要+$8整返兩隻流心煎雙蛋添，最緊要食得開心嘛，呢個上枱巳好濃郁鹹蛋黃香味，雞髀肉厚大大隻，停唔到口之選🤤咖喱牛坑腩飯 $65份量多，亦非常入味，唔錯👍🏻香炸韭菜餃 $38香口野唔會差啦 😎鿀汁撞奶 $28好得意，第一次食鿀汁撞奶會有薑蓉😆，增加口感及薑味💯華田鮮奶 及 紅豆冰都係正常水準🧊🧊🧊

早餐都未做好，點做中午晚餐呀？🫠🫠無心做不如唔好做啦🫠🫠一份蕃茄牛肉通心粉😑😑聽落都應該係正常野。點知係一舊橙汁色茄膏加牛肉加一碗唔滾既湯。一舊蕃茄碎都無。食到最後d茄膏都無溶到。。。常餐中包左份炒蛋。唔熱而且係口感係鞋身的🫠🫠🫠🫠好似隔左夜的感覺。！🤬星期日難得放假想食個靚早餐。呢間野真係極品中既極品。熱奶茶唔駛多講。係充滿茶浸左好耐既苦澀味。$38蚊一份早餐。其實可以整得好食d。做生意比d誠意啦因為食早餐所以無點特別影相。

今日去咗深水埗買game❤️‍🔥，順便食埋晚餐，見到澳葡餐室，裝修新淨企理，咁耐冇過澳門，一於試吓☺️💚咖喱牛坑腩飯 $65咖哩香氣濃郁，淨係聞到咖喱香味都刺激食慾😂辣度剛好，牛坑腩肉質軟嫩，肉汁飽滿，咖喱汁超濃郁拌飯一流🤗牛坑腩份量都好足夠💚巨人豬扒包 $41包如其名，真係好巨大，入面塊豬扒大大塊肉嫩多汁，配料有新鮮蕃茄同埋生菜，芝麻包面好香又鬆脆💚炸馬介休球 $38嚟到澳葡餐室，梗係要食最受歡迎嘅葡萄牙小食，口感質地外層酥脆，入面夾住魚肉、土豆，非常惹味🤩💚金沙雞翼 $38超邪惡金沙雞翼😆上枱，熱辣辣金沙鹹蛋黃雞翼，充滿鹹香味，炸到脆卜卜，完全無法抵擋，立即K.O.😝💚薑汁撞奶薑味突出，入口滑順可〇，辛辣香甜，食完成個人都溫暖晒😁