澳門茶餐廳 (Closed)

香港的茶餐廳聞名四方，好多旅遊書介紹香港，都必定會推介「茶餐廳」。今次我同肥膏食的，是「澳門茶餐廳」，那麼，到底是澳門的茶餐廳好D？ 還是香港的好D呢？平日晚上十時多了，與肥膏看完電影後，走到這裡吃晚飯。「澳門茶餐廳」的外觀跟香港出晒名的「翠華」好似，都是光光鮮鮮的。餐廳的經理在門外非常熱情打招呼，好快地帶我們入內。餐廳內的燈光很亮，感覺算是頗整潔。店員都好高效率，動作都看似是訓練有素，親切又專業，值得一讚。落好order ，好快！先來的是飲品。凍檸水夠冰凍而且最重要的一點是夠甜。我對檸茶檸水的要求很低，只要夠甜就可以了。這家的凍檸水夠甜，合格。肥膏的凍好立克。招牌咖喱鮮雞飯 HKD 78.00我們要求了多飯，店員姐姐說OK，但來到時沒有多飯。店員姐姐亦有禮地回覆說已幫我們要求了，但廚房並沒有執行。值得一讚的是，店員會覆回食客。有些餐廳的店員，就算有無加到飯，都不會出聲。咖喱汁偏辣，帶有少少辛口，好味。鮮雞要說一說就是太”鞋“身，煮好久了吧？最好味是薯仔，吸收了咖喱汁的精華，好入味，而且好粉，入口就化。但是，薯仔不夠熱。我叫了一個焗飯，等了也不是很久就到了。芝士鴛鴦汁海鮮焗飯 HKD

有時喺銅鑼灣～夜晚想去茶記食個宵，又唔想每次都去翠華～有時會去旁邊嘅澳門茶餐廳呢個宵夜餐～都食過一段時間，42蚊～包叉燒通，豬仔包，忌廉炒蛋～嘢飲一杯價錢其實唔平～不過喺銅鑼灣中心地帶我都理解～係啲嘢愈做愈差，份量又愈嚟愈少。真係有選擇就唔會再去

$65 set dinner. 有一碗飯一杯野飲一個餸。比起其他好多茶餐廳，呢間就平啲啲竟然。XO醬西芹腰果炒牛肉腰果有豐富嘅蛋白質，做完占補充下啲蛋白質一流呀。啲西芹炒得好爽口一啲都唔林，又唔會太硬，又唔會有嗰啲青草味。而啲牛肉呢就炒到好入味啊因為有啲XO醬喺度，好多XO醬，所以搞到有少少鹹，不過都接受到嘅。下次做了占都可以再食過。

做完占，又到晚飯時間。我又去咗澳門茶餐廳食晚飯。今次呢就叫咗個椒鹽肉排，set dinner。嗰個椒鹽整得啱啱好，唔會整到好鹹，又唔會冇味道。而個肉排就唔會有好多肥肉，同埋唔會整到鞋霎霎，好嫰滑。

正在等待晚上的聚餐，在下午時份去了SOGO 百貨公司逛了一會後，去了附近的「澳門茶餐廳」食個Tea，順便可以坐下歇腳。餐廳有兩層，我走到上層二樓，餐廳多以卡位居多，地方都好寬敞。枱邊寫上澳門的街道，真是幾有趣。下午茶時份，當然點番個澳門的特色小食，它就是葡撻，價錢是九元一個，都不算便宜。正常size，送上枱時仍然熱辣辣，酥皮都幾酥香脆口，焗起都幾夠牛油香，可是不夠蛋香略淡，甜度算適中。 隨後又點多個下午茶餐A，是澳門豬扒豬仔包全餐(煙肉、煎蛋、薯條)$36，餐飲選擇了熱奶茶，先講下熱奶茶，茶味晤夠濃郁，未算滑口奶香，飲了兩啖已經放棄。豬仔包身用刀都好難切開，微脆帶點硬身，豬扒都算爽口有咬嚼感，碟旁的薯角已經腍又晤脆，煙肉又晤鹹香，最慘是隻煎蛋，完全是全熟又老，水準都真是幾差。環境是幾幽靜，又有電視播放新聞，幾舒適算幾好坐，但食物水準真是較差。

是日到就近的澳門茶餐廳嘆早餐，友人與我均點了相同早餐，早餐份量非常豐富有火腿鮑魚絲通粉，烘牛油方包煎火腿腸仔配熱啡。火腿鮑魚絲通粉份量多且通粉軟硬適中，烘牛油方包夠脆又不會過燶，煎火腿腸仔略嫌帶咸，熱咖啡啡味不夠香濃。

澳門茶餐廳既咖哩牛腩出名好食，今日同朋友去左銅鑼灣澳門茶餐廳order左招牌咖哩牛腩配豬仔包，待應將招牌咖哩牛腩放在檯上，我一看，竟然嚇一跳，75元一碗咖哩牛腩好得半碗，我問待應點解咁細碗，佢唔理我，問左三次佢話遲些加比返我，不過得左好耐先加返比我，滿心歡喜吃牛腩，點知牛腩太瘦又唔香唔好味，只得個辣味，真係好失望呀！68元3條燒沙甸魚，以為好好味啦，點知又貴又腥又唔好味！柑枯檸檬蜜唔知係咪得一片檬檸所以好甜呀！

成日都走嚟呢度下午茶今日食常餐，有叉燒通粉奶油豬仔包同炒蛋，跟熱檸檬茶五分鐘內全部野到齊叉燒通粉有五至六片不厚不薄叉燒少許蜜味，咬落有口感通粉湯好味，而通粉就普通最喜歡炒蛋緊緊熟好滑吾知是否落咗牛乳定溝粉奶油豬脆卜卜，包身暖暖的檸檬茶，茶通常無奶茶濃度咁濃但是實在太淡，無茶葉味呢度地方好大，樓上雅坐而我賴行通常坐樓下但是一個人坐張四人卡位下午三時後銅鑼灣區下午茶特別翠華同茶樓，或者其他又貴又迫人，等完位又要搭檯而且有好多茶餐選擇所以選擇在這裡嘆下午茶就最好

雜扒餐圖片錫紙包成隻焗薯，嚟到變炸薯條。啲汁鬼咁少，扒又唔得，紅豆冰一舊舊，向來唔浪費既我都頂唔順食唔晒；唔怪得黃金晚飯時間都咁多位啦！絕對唔會再去，極度唔掂！

難得美好的週末，卻因為我的失魂，今日一大早便要再回來銅鑼灣做抽血做檢查。幸好今次有記得禁食，不過抽了三枝血後，感覺走路有點飄。急着補充體力，在附近找到了澳門茶餐廳。這兒的早餐時間頗長，由7:00~12:00pm。早餐有11款，價錢由$32~$34不等。點了澳門豬扒豬仔包配炒蛋，豬仔包挺大件，切開一半也夠兩個人share。內餡很簡單，只夾了一塊薄切的豬扒和一些洋蔥粒，包的外皮帶點脆，但包身已經冷掉，口感很韌。炒蛋沒有炒至很乾身，表面仍保留了一點蛋汁，帶有一點蛋香，水準普普通通。另一個點了牛油厚多士、火腿、煎蛋配火腿仿鮑絲通粉，多士的確非常厚身，雖然表面有烘烤過的痕跡，但沒有硬脆的口感，只覺得軟軟的冷冷的。通粉的湯底沒有味道，仿鮑絲反而有類似罐頭鮑魚的味道和口感。餐廳下層部份位置有嚴重的冷氣機滴水問題，真心覺得店方應該示意客人不要入座該區域。食物水準只能說是普通，不過對此刻的我來說，吃什麼東西都已經不重要了。

下午茶來這找個位置坐下好快叫個下午茶餐,食物亦超快上蕃茄牛腩通粉,湯底濃郁,通粉多幾好食,可惜牛腩卻很小西多吃起來有趙口,有濃濃的蛋香味,又鬆軟而且口感不油膩即磨咖啡,香味夠濃,不錯的這分店比較大,坐都好舒服,有楼上雅座潻畢竟都是醫肚,簡簡單單的香港食品, 都幾好食

在銅鑼灣做野下午茶走左泥澳門茶餐廳入去有待應叫我上樓上好大好寬敞全部都是卡位仼㨂一張坐下，叫左下午茶A餐好快到，個包脆口，豬扒都好鬆軟碎蛋薯蓉沙律表面層幾好食再食入少少到中間部分不過薯蓉個心好冰冷好像由冰箱取出不久底下兩片生菜仲係雪死咗的凍咖啡十分冰凍，仲有呢度冷氣要穿外套先好，外面天氣三十三度呢度我估得二十度，十分冰涼的下午茶係成個人都涼埋總結不過不失因為夠平同埋坐得好舒服坐咗一個小時埋單凍飲合共$36

9點幾走左入澳門茶餐廳，冇人理，自己搵位坐，叫左2個中式餐，沙薑雞同西蘭花炒鮮尤，問熱利賓納要唔要加錢，佢好肯定話唔駛，我叫左一杯，西蘭花鮮尤一般分量，但沙薑雞好明顯係唔夠雞，得啲骨，肉都冇，夾埋得4-5件，少得可憐，再配4-5個西蘭花，好明顯係唔夠雞搵西蘭花搭夠，$30都唔值到埋單個陣，明明係$66 x 2 = $132, 收銀找左錢俾我之後，我見唔岩數，即刻問番，個收銀問你係邊台呀，我話呢台囉，佢話唔記得啦，我話我食左咩咩咩，你收多我3蚊，佢話要啲時間搵番張單，我即刻話你岩岩先收左我錢，咁快唔記得，張單咪最高個張，根住佢就撈亂晒所有單，扮搵單，好，我等你，搵左一陣後佢話你睇下張單$135喎，我幾時有收多你錢，我話你地的餐係$66，我叫2杯熱飲，應該$132, 佢都唔多解釋，串串公話你自己睇單，我發現寫住熱飲+$3，我話你地明明話熱利賓納唔駛加錢架喎，個收銀就堅持話總之我冇收多你錢啦，我叫番個侍應出黎，佢先話佢唔知要加$3，但冇道歉！我老公食完去廁所，返出黎話想嘔，污穢到不得了，同埋廁所同煮野係隔離，完全零衛生呢間餐廳真係不知所謂，永遠都唔會再幫襯！

前排見呢度多人要等位, 所以都冇黎食一段日子. 近日經過見佢似乎靜左好多, 今日就返黎食下佢啦.午市餐牌都有唔少選擇, 我揀左個精選午餐 B : 紅酒汁鴨胸帶子焗飯, 飲凍檸茶可能因為係焗飯啦, 我等到同事唔多食完先有得食.小小的一兜飯, 鮮紅色的汁都算幾吸引, 面頭有少計燒焦, 真係有焗的食落口, 汁的味道比想像中淡, 鴨胸太韌, 帶子冇乜味, 不過都算多料, 飯亦夠熱, 只係成兜飯份量少左 d, 唔係好夠食咁囉.

午餐到澳門茶餐廳，食午市套餐。唔洗等,鋪面乾淨，但通往廁所通道及廁所就好污糟。芝士吉烈朱扒撈麵，朱扒好脆，新鮮炸起正，而芝士撈麵我唔太多鍾意，好濕。叉燒通粉唔錯，大碗，通粉唔林。套餐最抵係選拼脆朱仔包，比起多士抵食。多士得半塊，朱仔包有一個。